Connect with us

Local

ආණ්ඩුවේ පිරිසක් විපක්‍ෂය සමග ආණ්ඩු විරෝධී කුමන්ත‍්‍රණයක..

Published

on

යුද්ධය අවසන් කළ මහින්ද, ගෝඨාභය සුසංයෝගය කිසිසේත් මෙරට ජාතික සම්පත් විකුණන්නේ නැති බවත් වරාය නැගෙනහිර ජැටිය විකිනීමට හෝ බදු දීමට මෙතෙක් කිසිදු තීරණයක් ගෙන නොමැති බවත් සංචාරක ඇමති ප්‍රසන්න රණතුංග මහතා අවධාරණය කරයි.

මහින්ද ගෝඨාභය සුසංයෝගය මෙරට ජනතා අපෙක්ෂාවන් බිද නොදමන බව සහතික යැයි අවධාරණය කරන ඇමතිවරයා විපක්ෂය මේ වන විට රට තුළ බොරු වපුරමින් ආණ්ඩු විරෝධී රැල්ලක් නිර්මාණය කර ගැනීමේ කුමන්ත්‍රණයක යෙදී සිටින බවත් 2015 දී මහින්ද රාජපක්ෂ ආණ්ඩුව බිද දැමීම සදහාද ක්‍රියාත්මක වූයේ මේ හා සමාන කුමන්ත්‍රණයක් බවත් පෙන්වා දෙයි.

මිනුවන්ගොඩ ගම්පහ විකල්ප මාර්ගයේ වසර 100 ක් පමණ පැරණි පාලම් ත්‍රිත්වය ඉදි කිරීමේ කටයුතු ආරම්භ කරමින් (30) පැවති උත්සවයකදි ඇමතිවරයා මේ බව සදහන් කලේය.

මිනුවන්ගොඩ සිට පන්සිල්ගොඩ හරහා ගම්පහ දක්වා දිවෙන මෙම විකල්ප මාර්ගයේ ප්‍රවේශ පාලම් තුන ඉදි කර තිබුනේ මීට වසර 100 පමණ පෙරයි. එම පාලම් තුනම අබලන් වී තිබූ අතර එහි කිසිදු ප්‍රතිසංස්කරණ කටයුත්තක්ද සිදු ව තිබුනේ නැත. මාර්ගය පටු වීම නිසා බස් රථ දාවනයද නතර වී තිබුනි ඇමති ප්‍රසන්න රණතුංග මහතාගේ ඉල්ලීමකට අනුව මෙම පාලම් තුන ඉදි කිරීම සදහා ග්‍රාමීය මාර්ගය හා අවශේෂ යටිතල පහසුකම් රාජ්‍ය ඇමති නිමල් ලාන්සා මහතා විසින් රුපියල් මිලියන 88 ක් (ලක්ෂ 880 යි) මුදලක් මේ සදහා වෙන් කර තිබුනි.  ඉදිකිරීම් මාස 6 කින් අවසන් කිරීමට නියමිතයි. පාලම් තුන වාහන දෙකක් මාර්ගයේ හැකි ලෙස පුලුල් කෙරේ ඉතා පටු මෙම මාර්ගයේ මුල් කොටස පුලුල් කිරීමටද මේ අනුව පියවර ගැනේ.

උත්සව සභාව අමතමින් වැඩි දුරටත් අදහස් දැක්වූ ඇමති ප්‍රසන්න රණතුංග මහතා මෙසේද කිවේය.

‘‘අද රට තුල ආණ්ඩුව විවේචනය කිරීමේ රැල්ලක් නිර්මාණය වෙමින් තිබෙනවා. විපක්ෂයට ඕනෑ මේක ආණ්ඩු විරෝධි රැල්ලක් කර ගන්න. අදාහනයද, භූමදානයද, දම්මික පැණිය, වරාය නැගෙනහිර ජැටිය සංචාරකයන් දිවයිනට ගෙන ඒම, පාසල් විවෘත කිරීම වගේ විවිධ විෂයන් සම්බන්ධයෙන් විපක්ෂය රට තුල බොරු වපුරනවා ඒකට අපේ අයත් අහු වෙනවා. මේවා ගැන ආණ්ඩුව තමන්ගේ ස්ථාවරය පැහැදිලි කලත් විපක්ෂය දිගටම බොරුව අරගෙන යනවා සමහර වෙලාවට ආණ්ඩුවේ ප්‍රකාශයට වඩා මිනිස්සු විශ්වාස කරන්නේ මේ විපකෂයේ බොරුව කනගාටුවට කරුන තමයි අපිට මේ ආණ්ඩුව ගන්න උදව් කරපු සමහර අයත් මේ බොරුව විශ්වාස කරන එක 2015 දී සිද්ද වුනෙත් මේකමයි. මහින්ද රාජපක්ෂ ආණ්ඩුව පෙරලන්න මේ විදිහටම බොරු මතවාද සමාජගත කළා අපේම සමහර අයත් මේ කුමන්ත්‍රණයට අහු වුනා ආණ්ඩුව අප්‍රසාදයට පත් කිරීමේ කුමන්ත්‍රණයක් මේ වන විට විපක්ෂය ආරම්භ කර තිබෙනවා ඊට බටහිර බලවේග වල සහයත් ලැබෙනවා 2015 මහින්ද රාජපක්ෂ ආණ්ඩුවට එරෙහිව තිබුණු කුමන්ත්‍රණයම තමයි අද මහින්ද ගෝඨාභය සුසංයෝගයෙන් සැදි මේ ආණ්ඩුවට එරෙහිව අළුත් වටයකින් ආරම්භ කරලා තියෙන්නේ.

වරාය නැගෙනහිර ජැටිය සම්බන්ධයෙන් රට තුල මතුව ඇති කථා බහා විරෝධයක් එවැන්නක් වරාය නැගෙනහිර ජැටිය බදු දෙන්න හෝ විකුණන් ආණ්ඩුව මෙතෙක් තීරණය කර නැහැ. අපි ජාතික සම්පත් රකින ආණ්ඩුවක් මිස විකුණන ආණ්ඩුවක් නෙවෙයි. මහින්ද ගෝඨාභය සුසංයෝගයෙන් තමයි මේ රට දශක තුනක යුද්ධයෙන් බේරාගත්තේ ඒ සුසංයෝගයම තමයි මේ රට නැවත ගොඩ නැගුවේ මහින්ද ගෝඨාභය සුසංයෝගය කවදාවත් මේ රටේ ජාතික සම්පත් විකුණන්නේ නැහැ. ඔවුන් එහෙම කළ අය නෙවෙයි. ඔවුන් කිසිදා තමන්ට ලැබුනු ජන වරම පාවා දෙන්නේ නැහැ ඒ නිසා වරාය නැගෙනහිර ජැටිය සම්බන්ධයෙන් වෘතීය සමති මහා සංඝරත්නය මතු කර ඇති අදහස් පිලිබදව රජය අවධානය යොමුව තිබෙනවා. විපක්ෂය හදන්නේ බොරදියේ මාලු බාන්න ඒකට අපි ඉඩ තියන්නේ නැහැ.

දැන් බලන්න කොවිඩ් එන්නත එජාපයයි සජබයයි ජවිපේයයි තුන්ගොල්ලොම රට තුල මහා ගෝෂාවක් නැගුවා කොවිඩ් එන්නත ගෙන්නේ නැහැ කියලා ඉන්දියාවෙන් ඒකට අපිට ලැබුනම දැන් කියනවා කොවිඩ් එන්නත ගබඩා කරන්න පහසුක්ම නැහැලු එන්නත ලබා දීමේ ක්‍රමවේදයක් නැහැලු මේවගේ විවිධ චෝදනා. විපක්ෂය කරන්නේ බොරු කියමින් ජනතාව රවටන එක. එක බොරුවක් සමාජ ගත කරලා ඒ බොරුව බොරුවක් විදිහට ඔප්පු වුනත් තවත් එය කියමින් යනවා. බොරු කියලා මේ ආණ්ඩුව වට්ටන්න බැහැ ජනාධිපතිතුමා පත්වෙලා වසරයි. ආණ්ඩුව පත්වෙලා මාස 05 යි මේක ජනතාවාදී ආණ්ඩුවක් මිසක් ජනතා විරෝධී ආණ්ඩුවක් නෙවෙයි. ඒ නිසා ජන මතයට පිටින් අපි කිසිදු තීන්දුවක් ගන්නේ නැහැ.

ග්‍රාමීය මාර්ග අවශේෂ යටිතල පහසුකම් සංවර්ධන රාජ්‍ය අමාත්‍ය නිමල් ලාන්සා මහතා,

අපේ ඉලක්කය තමයි වසරක් තුල ග්‍රාමීය මාර්ග කිලෝමීටර් 25000 ක් කාපට් කිරීම ජනාධිපතිතුමාගේ පොරෝන්දුව වුනේ මේ වසර 05 තුල ග්‍රාමීය මාර්ග කිලෝමීටර් ලක්ෂයක් සංවර්ධනය කිරීමයි අපි ඒ ඉලක්කය සපුරන්න සුදානම් මේ වසරේ ග්‍රාමීය පාලම් 1000 ක් ඉදි කරනවා වසර 05 තුල ග්‍රාමීය පාලම් 5000 ක් ඉදි කිරීම ආණ්ඩුවේ ඉලක්කයයි මේ වන විට ලංකාව පුරා ග්‍රාමීය මාර්ග කිලෝමිටර් 12,000 කට වැඩියෙන් අපි වැඩ ආරම්භ කර තියෙනවා. කොරෝනා නිසා අපි බලාපොරොත්තු වූ වේගයෙන් යන්න බැහැ නමුත් ආණ්ඩුවේ සංවර්ධනය නතර කරන්න කිසිදු බලවේගයකට ඉඩ තබන්නේ නැහැ. පේදුරු තුඩුවේ සිට දෙවුන්දර තුඩුව දක්වාත් කොළඹ සිට සංගමන්කණ්ද තුඩුව දක්වාත් අපි රජය සංවර්ධනය එක ලෙස ක්‍රියාත්මක කරනවා.

මිනුවන්ගොඩ ප්‍රාදේශීය සභාවේ සභාපති කුමාර අරංගල්ල, නගර සභාවේ සභාපති නීල් ජයසේකර යන මහත්වරුන්ද මෙහිදි කථා කලහ.

– ප්‍රදීප් අනුර කුමාර

Local

සංචරන මැද මන්ත‍්‍රී නිවසේ කසිප්පු පෙරයි..

Published

on

By

මාතර මාකාවිට ප්‍රදේශයේ තෙමහල් නිවසක් තුළ නීති විරෝධී ලෙස කසිප්පු පෙරමින් සිටි මාතර ප්‍රාදේශීය සභාවේ එක්සත් ජාතික පක්ෂයේ හිටපු මන්ත්‍රීවරයකු හා ඔහුගේ ගෝලයකු සැකපිට ප්‍රශ්න කිරීම සදහා අත් අඩංගුවට ගත් බව මාතර මූලස්ථාන පොලීසිය පවසයි.

සැකකාර මන්ත්‍රීවරයාගේ බිරිද සෞඛ්‍ය ක්ෂේත්‍රයේ රජයේ රැකියාවක් සිදු කරන බව ද ඇය සමගි බලවේගයෙන් ප්‍රාදේශීය සභාවට පත් කළ මන්ත්‍රීවරියක ලෙස කටයුතු කරන බවද කියති.

සම්පූර්ණයෙන් වැඩ නිම නොකල නිවසේ කාමරයක් තුළ ගෑස් ලිපක් යොදා කසිප්පු පෙරීම සිදු කර ඇති බව පොලීසිය කියයි.

සැකකාර හිටපු මන්ත්‍රීවරයා හා ඔහුගේ ගෝලයා සන්තකයේ තිබී ගෝඩා මිලි ලීටර් 20000 ක් ,කසිප්පු මිලි ලීටර් 4750ක් හා ඒවා පෙරීමට ගන්නා උපකරණපොලීසිය භාරයට ගෙන ඇත.

පොලීසිය වෙත ලැබුණු තොරතුරකටඅනුව මෙම වැටලීම සිදු කර තිබේ.

මාතර මාකාවිට පදිංචි 56 හැවිරිදි හිටපු ප්‍රාදේශීය සභා මන්ත්‍රී හා ගාල්ල තවලම පදිංචි 38 හැවිරිදි ඔහුගේ ගෝලයා මාතර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.

– lankadeepa

Continue Reading

Local

ප‍්‍රසන්නගේ ප‍්‍රකාශය බොරු කියමින් මහා මාර්ග අමාත්‍යංශ ලේකම්ගෙන් නිවේදනයක්…

Published

on

By

ගම්පහ දිස්ත‍්‍රික්කය තුල මධ්‍යම අධිවේගී මාර්ගය ඉදිකිරිම අත්හිටවූ බවට අමාත්‍ය ප‍්‍රසන්න රණතුංග මහතා විසින් සිදුකරන ලද ප‍්‍රකාශය මහාමාර්ග අමාත්‍යංශය විසින් ප‍්‍රතික්‍ෂෙප කරයි.

මේ බව සදහන් කරමින් එම අමාත්‍යංශ ලේකම් විසින් නිකුත් කරන ලද මාධ්‍ය නිවේදනය මෙහි දැක්වෙයි.

මාධ්‍ය නිවේදනය
මහාමාර්ග අමාත්‍යාංශය

‘ මධ්‍යම අධිවේගී මාර්ගයේ ගම්පහ කොටසේ වැඩ තාවකාලිකව නැවතෙයි ’ යන ශීර්ෂය යටතේ පල වී ඇති ප්‍රවෘත්ති වාර්ථාව පිලිබදව සත්‍ය තත්වය පැහැදිලි කිරීම සදහා මෙම මාධ්‍ය නිවේදනය නිකුත් කරනු ලැබේ.

මධ්‍යම අධිවේගී මාර්ගයේ කඩවත සිට මීරිගම දක්වා කොටසේ සංවර්ධන කටයුතු නිසා පසුගිය දා පැවති අධික වර්ෂාවෙන් ගම්පහ නගරය හා අවට ප්‍රදේශ ගං වතුරෙන් යට වූ බවට වාර්තා පලවිය . මේ සම්බන්ධව මහාමාර්ග අමාත්‍ය ගරු ජොන්ස්ටන් ප්‍රනාන්දු මැතිතුමන්ගේ ප්‍රධානත්වයෙන් හා ගම්පහ දිස්ත්‍රික්කයේ මැති ඇමතිතුමන්ලාගේ සහභාගිත්වයෙන්ද මාර්ග සංවර්ධන අධිකාරියේ , වාරිමාර්ග දෙපාර්තුමේන්තුවේ හා ශ්‍රී ලංකා ඉඩම් සංවර්ධන සංස්ථාවේ නිළධාරීන් සමග සාකච්ඡාවක් පවත් වන ලදි.

එහිදී ගම්පහ නගරයත් ඒ අවට ප්‍රදේශයන් ජලයෙන් යටවීම පිළිබදව දීර්ඝ ලෙස සාකච්ඡා කරන ලදී.එහිදී මතු වු කරුණු අනුව ඉතා කෙටි කාලයකදී මිලි.මී.300 කට අධික වර්ෂා පතනයක් පැවතීමත්, ප්‍රදේශයේ ජලය බැස යාම සදහා ඇති කාණු පද්ධති හා ඇල මාර්ග ප්‍රතිසංස්කරණය නොකිරීමත්,දුම්රිය මාර්ගයේ ජලය බැස යාමේ අවහිරතාත් ගං වතුර සදහා හේතු වු ප්‍රධාන කරුණු ලෙස හදුනා ගන්නා ලදී.

එසේ ම එහිදී අධිවේගී මාර්ගයේ තැනීම් කටයුතු කරගෙන යාම පිලිබදව එමගින් ගං වතුර ඇති වීමට යම් හැකියාවක් සිදුවූවා දැයි ද සාකච්ඡා කරන ලදී.ඒ අනුව අධිවේගී මාර්ගය තැනීමට ප්‍රථම සිදු කරන ලද සක්‍යතා අධ්‍යනයේ දී සිදු කල ජල කළමනාකරණය අධ්‍යනය (hydrology study) නැවත සමාලෝචනය කිරීමටත් ජලය බැසයන බෝක්කු හා පාලම් සංඛ්‍යාව හෝ ඒවායේ ප්‍රමාණ සංශෝදනය කිරීමට යෝජිත අධ්‍යනයේ දී නිර්දේශ කරන්නේ නම් ඒවා ක්‍රියාත්මක කිරීමටත් තීරණය කරන ලදී.

එසේ ම ප්‍රදේශයේ ජනතාවට අධිවේගී මාර්ගය තැනීමේ කටයුතු සිදු කිරීම නිසා යම් පීඩාකාරී තත්වයක් ඇතිවී ඇත්නම් හා ඉදිරියේ දී ඇතිවීමේ හැකියාවක් ඇතිනම් ඒවා මග හරවා ගැනීම සදහා අවශ්‍ය පියවර ගැනීමට තීරණය කරන ලදී.

ඒසේ නොමැතිව කිසිදු අවස්ථාවක මධ්‍යම අධිවේගී මාර්ගයේ වැඩකටයුතු නවතා දැමීමට තීරණය කර නොමැති අතර මධ්‍යම අධිවේගී මාර්ගයේ කඩවත සිට මීරිගම කොටසේ සංවර්ධන කටයුතු අඛණ්ඩව පවත්වාගෙන යනු ලබන බව ද දන්වා සිටිමි.

ලේකම්
මහාමාර්ග අමාත්‍යාංශය

Continue Reading

Local

අපේ රජයත් යහපාලන වගේම වෙලා.. ජනතාව කන්න නැතිව හැඬූ කදුලින්.. පොහොට්ටු මන්ත‍්‍රී ජගත් කුමාර

Published

on

By

69 ලක්‍ෂයක ජනවරමකින් බලයට පත් වර්තමාන තම රජයද පසුගිය යහපාලන රජය කළ කටයුතුම කරන බව පැහැදිලි බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජගත් කුමාර මහතා සඳහන් කරයි.

මෑතකදී ඉහළ දමන ලද තෙල් මිල තෙල් මිල හේතුවෙන් ඒ බව පැහැදිලි වන්නේ යයිද කොළඹදී පැවති මාධ්‍ය හමුවක් අමතමින් ඔහු පැවසීය.

යහපාලන රජය කළදේම වත්මන් රජය ද කරන්නේ නම් ජනතාවගේ බලවත් අප්‍රසාදය තම රජයට ද ලැබෙනු නොඅනුමාන බව ද ඒ මහතා කියා සිටියේය.

අද වන විට ජනතාව කොරෝනා ව්‍යවසනය හේතුවෙන් අන්ත අසරණ භාවයට පත්වී තුන්වේල තියා එක වේලක්වත් කෑමට නැති අසරණ මිනිස්සු රටේ සෑම ප්‍රදේශයකම හැඬූ කඳුළෙන් ජීවත්වෙන බවද ඔහු පෙන්වා දෙයි.

එවන් තත්ත්වයකදී රජයක් වශයෙන් පළමුව කළ යුතු වන්නේ යම්කිසි කර්මාන්තයකින් පාඩු වන්නේ නම් එය රටේ ජනතාවගේ හිසට පටවවන්නේ නැතිව ඔවුන් වසංගතයෙන් රැකගෙන කුසගින්න නිවා දැමීමට හැකි ක්‍රමවේදයක් සකස් සැකසීම බව ද ඔහු පැවසීය.

Continue Reading

Trending

Copyright © 2020 pattare.lk