Connect with us

Local

ඉන්ධන හිඟයක් ඇතිවීම වලක්වන්න බැරි වුණොත් මාධ්‍ය හමුවක් පවත්වලා රටට කියනවා… ගම්මන්පිල..

Published

on

විදේශ විනිමය නොමැති බැවින් තෙල් බෑමට පැමිණි නැවක් හරවා ගෙන ගිය බවට ඇතැම් වෙබ් අඩවි පළ කර ඇති පුවත් වල කිසිදු සත්‍ය තාවයක් නොමැති බව බලශක්ති අමාත්‍ය නීතිඥ උදය ගම්මන්පිල මහතා පවසයි. ඒ මහතා මේ බව සඳහන් කර සිටියේ බලශක්ති අමාත්‍යාංශයේ පැවැති මාධ්‍ය හමුවක් හා එක්වෙමිනි.

වාහන සඳහා භාවිතා කරන පෙට්‍රල් සහ ඩීසල් සඳහා විදේශීය සැපයුම්කරුවන්ට ගෙවීමට විදේශ විනිමය නොමැති බැවින් තෙල් බෑමට පැමිණි නැවක් හරවා ගෙන ගිය බවට අසත්‍ය පුවතක් පසුගිය දිනවල වෙබ් අඩවි වාර්තා කර තිබුණා. ඒ වගේම විපක්ෂයේ දේශපාලකයින් ද මාධ්‍ය හමු පවත්වමින් මේ බොරුව වපුරමින් සිටිනවා. එසේ නැවක් හරවා ගෙන ගියා නම් ඒ කුමන සමාගමක තෙල් රැගෙන පැමිණි නැවක් ද සහ ඒ නැවේ නම කුමක්ද යන කරුණු රටට හෙලි කරන මෙන් අපි බොරු වපුරන දේශපාලකයින්ගෙන් ඉල්ලා සිටිනවා. එසේ තෙල් බෑමට පැමිණි නැවක් හරවා ගෙන ගියා දැයි වරායෙන් විමසන ලෙස අපි මාධ්‍ය වලින් ඉල්ලා සිටිනවා.

මේ බොරුවේ දෙවන අදියර දැන් ක්‍රියාත්මකයි. ආණ්ඩුවට තෙල් මිල දී ගැනීමට මුදල් නොමැති නිසා නුදුරු දිනක තෙල් හිඟයක් ඇති විය හැකි බැවින් වගේම ආණ්ඩුව සලාක ක්‍රමයකට තෙල් ලබා දීමට සැලසුම් කරන බැවින් වහාම වාහන වලට තෙල් පුරවා ගන්නා ලෙසත් බැරල් සහ කෑන් භාවිතා කර හැකි පමණ තෙල් ගබඩා කර ගන්නා ලෙසත් වූ පණිවිඩ සමාජජාලා වලට එක් කරමින් තිබෙනවා.

ඛනිජතෙල් ගබඩා පර්යන්ත සමාගම, තෙල් සංස්ථාව සහ එල්අයිඕසී සමාගම යන ආයතන තුනම ගත්තාම දින 27 ට ප්‍රමාණවත් පෙට්‍රල් ද දින 24කට ප්‍රමාණවත් ඩීසල් ද අප සතුව තිබෙනවා. අද දිනයේ ගොඩ බාන නැවෙන් එකතු වන ඩීසල් මෙට්‍රික් ටොන් 35,000ක් ඊට අයත්.

රට සතුව ඇති තරමට තෙල් තිබිය දී මෙවැනි කටකතා පතුරන්නේ ජනතාවත් ආණ්ඩුවත් අපහසුතාවයට පත් කිරීමේ දුෂ්ට චේතනාවෙන්. අපි කවදාවත් ජනතාවට බොරුවක් කියලා නෑ. කෙතරම් තිත්ත වුණත් තිත්ත ඇත්ත ජනතාවට කියන්න අපි පැකිලුනේ නෑ. ඉතිහාසයේ ප්‍රථම වරට බලශක්ති ඇමතිවරයෙකු මාධ්‍ය ඉදිරියට පැමිණ තෙල් මිල ඉහල දමන බව ජූනි 11දා ප්‍රකාශ කලා. ජූනි 13දා ඉන්ධන මිල ඉහළ දැම්මේ රට විදේශ විනිමය අර්බූදයක සිර වී සිටින නිසා බව ප්‍රකාශ කලා. විදේශ විනිමය අර්බූදය මුලින්ම රටට කිව්වෙත් අපි.

අපේ වෑයම රටේ ඉන්ධන හිඟයක් ඇති වීම වැලැක්වීමයි. අපිට ඉන්ධන හිඟයක් ඇතිවීම මගහැරීමට බැරි වුණොත් කටකතාකාරයින්ට ප්‍රථම අපි මේ වගේ මාධ්‍ය හමුවක් පවත්වලා රටට කියනවා කියලා අපි ජනතාවට පොරොන්දු වෙනවා.

– media unit

Continue Reading
Click to comment

Leave a Reply

Your email address will not be published. Required fields are marked *

Local

පඩි ඉල්ලා විරෝධතා කල ගුරුවරුන් 42ක් පොලිස් අත්අඩංගුවට..

Published

on

By

ජනාධිපති ලේකම් කාර්යාලය ඉදිරියෙහි විරෝධතාවේ යෙදුණු පුද්ගලයන් 42ක් සහ වාහන 10ක් පොලිසිය විසින් අත්අඩංගුවට ගෙන තිබේ.

පොලිස් මාධ්‍ය ප්‍රකාශකවරයා සඳහන් කරන්නේය පිරිමි 26ක් සහ කාන්තාවන් 16ක් එසේ අත්අඩංගුවට ගත් බවයි.

නිරෝධායන රෙගුලාසි උල්ලංඝනය කිරීම යටතේ ඔවුන් අත්අඩංගුවට ගත් බවත් අත්අඩංගුවට ගත් පිරිස අධිකරණය හමුවට ඉදිරිපත් කිරීමට නියමිත බවත් ඔහු පැවසීය.

Continue Reading

Local

ගුරු පොකුර තංගල්ලෙන් පිපේ.. 37කට කොරෝනා..

Published

on

By

පසුගිය ජුලි 26 දින තංගල්ල නගරයේ පැවති ගුරු – විදුහල්පති උත්ඝෝශනයට සහාභාගි වු  ගුරුවරුන් තිදෙනෙකුට සහා විදුහල්පතිවරයෙකුට කොවිඩි ආසාධනය වි තිබේ.

තංගල්ල සෞඛ්‍ය වෛද්‍ය නිළධාරි කාර්යාලය විසින් කොවිඩි ආසාධිත සිවිදෙනා ගේ ආශ්‍රිතයින් 51 දෙනෙකු ගේ රැපිඩි ඇන්ටිජන් පරික්ශන ඊයේ(3) දින සිදු කර තිබෙන අතර ඉන් 33 දෙනෙකුට කොවිඩි ආසාධිත බව තහාවුරු ව් තිබේ.

මෙම කොවිඩි රෝගින් 37 දෙනා අම්බලන්තොට පිහිටි කෝවිඩි ප්‍රතිකාර මධ්‍යස්ථානය වෙත ගෙන ගොස් තිබෙන බව වාර්තා වෙයි.

– රුචිර ගාර්දියවසම්

Continue Reading

Local

ඇතැම් රසායනික පොහොර ගෙන්වන්න අවසර…

Published

on

By

රසායනික පොහොර වෙනුවට කාබනික පොහොර භාවිතයට රට යොමු වෙමින් තිබෙන බවත් කෙසේ වෙතත් කළමණාකරණ තීරණ ගන්නා පරිසරය විශ්ලේෂණය කිරීමට සිදු වන බවත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ගුණපාල රත්නසේකර මහතා පැවසීය.

ඒ අනුව ඇතැම් අංශ සදහා ක්ෂණිකව කාබනික පොහොර භාවිතයට යොමු විය නොහැකි බවත් ඒ අනුව එම අංශ සදහා රසායනික පොහොර ආනයනය කිරීමට යම්කිසි නිදහසක් ලබා දී තිබෙන බවත් පාර්ලිමේන්තුවේ පැවති සභාව කල් තැබීමේ විවාදයට එක්වෙමින් හෙතෙම සඳහන් කළේය.

නිසි ආර්ථිකයක් තුල ආණ්ඩුව ගනු ලබන තීරණ සරල රේඛාවක් ලෙස ක්‍රියාත්මක කිරීමට නොහැකි බවත් ඒ අනුව පාරසරික වෙනස්කම් වන විට ආණ්ඩුව ගනු ලැබූ ඇතැම් තීරණ වෙනස් කිරීමට සිදු වන බවත් සඳහන් කළ ගුණපාල රත්නසේකර මන්ත්‍රීවරයා,

“අපි ආණ්ඩුවක් ලෙස යහපත් චේතනාවෙන් සමස්ථ ජනතාව විනාශ වෙන්න යන එක බලාගෙන අපි රසායනික පොහොර ගෙන එන එක නවත්වලා කාබනික කෘෂිකර්මයට හැරෙමු කියන යෝජනාව ජනාධිපතිවරයා ගෙනත් හොදින් ක්‍රියාත්මක වෙමින් යනවා. ඒ අතර අපිට පේනවා යම් යම් අංශ තිබෙනවා ක්ෂණිකව අපිට කාබනික පැත්තට හැරෙන්න බැරිවෙයි. ඒ නිසා යම්කිසි අංශ වලට යම්කිසි නිදහසක් ලබා දීලා තිබෙනවා යම් ‌ෙපාහොර ප්‍රමාණයක් ආනයනය කිරීමේ හැකියාවක් තිබෙනවාද කියලා බලන්න. අද මේක විවේචනයට ලක්වෙනවා. මේක ජනාධිපතිවරයා කිසිසේත් මේක කරන්නේ නෑ කිව්වට මෙහෙම ඇතැම් අංශ වලට නිදහස් කරලා තිබෙනවා කියලා කියනවා. නිසි ආර්ථිකයක් තුල අපි ගත්ත තීරණ සරල රේඛාවක යන්න බෑ.

පරිසරය වෙනස් වෙනවා. ඔ්නෑම කළමණාකරණ තීරණයක් ගන්නා විට අපි මුහුණ දීලා තිබෙන පරිසරය විශ්ලේෂණය කරන්න වෙනවා. ඒ නිසා පාරසරික වෙනස්කම් වන විට අපි ගත් ඇතැම් තීරණ වෙනස් කරන්න වෙනවා. මේක කළමණාකරණයේ මූලික අංගයක්. ඒ නිසා රසායනික පොහොර ගේන්නේ නෑ. කාබනික පොහොර නිෂ්පාදන ක්‍රියාවලිය සාර්ථකව ක්‍රියාත්මක වෙනවා. මේ වන විට විශාල පිරිසක් ලියාපදිංචි වෙලා කාබනික කෘෂිකර්මය පැත්තට හැරෙමින් තිබෙනවා. නමුත් ගැටලු ප්‍රශ්න තියෙයි.” යනුවෙන්ද සදහන් කළේය.

– ada

Continue Reading

Trending

Copyright © 2021 pattare.lk