Connect with us

Local

ඉල්ලා අස්වූ විශේෂඥ වෛද්‍යවරයාට ආණ්ඩුවෙන් පිළිතුරු..

Published

on

කොවිඩ්-19 රෝග පාලනය කිරීම සඳහා රජය ගන්නා වූ ක්‍රියාමාර්ග සාධනීය නැති බවත්, අනාගතයේ දී සිදුවන ව්‍යසනකාරී තත්ත්වයට තමාට වගකීමට නොහැකි බව සඳහන් කරමින් ඊයේ (06) දිනයේ දී ජාතික බෝවන රෝග විද්‍යායතනයේ කායික රෝග විශේෂඥ වෛද්‍ය ආනන්ද විජේවික්‍රම මහතා විසින් කොවිඩ්-19 රෝග මර්දන තාක්ෂණික කමිටුවෙන් ඉල්ලා අස්වුණා.

මෙම ඉල්ලා අස්වීමත් සමඟ සමාජය තුළ දැඩි කතාබහක් ද නිර්මාණය වී තිබුණු අතර රජය විසින් ගෙන යන ලබන කොරෝනා රෝග මර්දන වැඩසටහන ගැන ජනතාව අතර මතවාදාත්මක කතාබහක් ද ඇතිව තිබුණා.

වෛද්‍යවරයාගේ ඉල්ලා අස්වීම පිළිබඳව අද (07) දිනයේ දී පැවැති කැබිනට් මාධ්‍ය හමුවේදී මාධ්‍යවේදීන් විසින් විමසීමක් කර සිටියා.

එහිදී මාධ්‍යවේදිනිය විමසා සිටියේ “වාර්තා වුණා ඇමතිතුමා කොවිඩ්-19 රෝග මර්දනයට රජය ගන්න ක්‍රියාමාර්ග  සාධනීය නැහැයි කියන කාරණය පදනම් කරගෙන වෛද්‍ය ආනන්ද විජේවික්‍රම මහතා කමිටුවෙන් ඉවත් වෙලා තියෙනවා. මෙතනදී ඇමතිතුමා මේ කමිටුවේ ගැටලුවක් ඇතිවෙලා තියෙනවද? නැත්නම් යුද හමුදාව මැදිහත් වීමේ මොකක් හරි අර්බුදයක් ඇතිවෙලා තියෙනවද ? ඇයි මේ විදිහට ප්‍රවීණයෝ කමිටුවෙන් ඉවත් වෙන්නේ?…” ලෙසිනි.

එයට පිළිතුරු ලබාදෙමින් කැබිනට් සම ප්‍රකාශක රාජ්‍ය අමාත්‍ය වෛද්‍ය රමේෂ් පතිරණ මහතා පවසා සිටියේ තමන් දැනුවත්ව කමිටුව තුළ කිසිදු අර්බුදයක් ඇතිව නොමැති බවයි. ඒ සම්බන්ධ වෛද්‍ය ආනන්ද විජේවික්‍රම මහතාගෙන් විමසන ලෙස අමාත්‍යවරයා පවසා සිටියා.

ඔහු වැඩිදුරටත් පවසා සිටියේ “අපි අගේ කරනවා එතුමා ඇතුළු සමස්ත වෛද්‍ය ක්ෂේත්‍රයේ සෑම කෙනෙකුම විශාල දායකත්වයක් මේ වෙනුවෙන් දක්වලා තියෙනවා. යුද හමුදාව හැටියට දක්වපු දායකත්වයත් අපි සෑම විටම අගය කරනවා. එමෙන්ම ඔබ දන්නා පරිදි මෙම සෞඛ්‍ය අංශවල උපදෙස් පරිදි තමයි මේ වතාවෙත් රට අකර්මණය කිරීමටකට එහෙම නැත්නම් ලොක්ඩවුන් කිරීමටකට අපි අනුගත වුණේ සෞඛ්‍ය අංශවල නිර්දේශ සහ ඒ අයගේ උපදෙස් සහතිව” ලෙසයි.

රජය හැටියට ඉදිරියටත් කටයුතු කරන්නේ අදාළ සෞඛ්‍ය වෛද්‍ය අංශවල උපදෙස් සමඟ ඉතාම පැහැදිළිව පැවසිය යුතු බවද අමාත්‍ය රමේෂ් පතිරණ මහතා පවසා සිටියා.

-am.lk-

Click to comment

Leave a Reply

Your email address will not be published.

Local

ගෝඨා ගෝ ගමට තැපෑලෙන් ලියුම් එයි…

Published

on

By

කොළඹ ජනාධිපති මන්දිරයේ ඉදිරියේ ගාලු මුවදොර පිටිය පිහිටුවා ඇති විරෝධතා භූමියට ශ්‍රී ලංකා තැපැල් දෙපාර්තමේන්තුව මගින් ලිපි ලැබී තිබේ.

විශේෂත්වය වන්නේ එහි ‘ගෝඨා ගෝ ගම’ ලෙස ලිපිනයේ සඳහන් කිරීමයි.

Continue Reading

Local

අන්තරේට කදුළු ගෑස් හා ජලප‍්‍රහාර ගසා පන්නයි…

Published

on

By

අන්තර් විශ්ව විද්‍යාල ශිෂ්‍ය බල මණ්ඩලය විසින් පවත්වන ලද විරෝධතා පාගමනට පොලිසිය විසින් කඳුළු ගෑස් සහ අධිපීඩන ජල ප්‍රහාරයක් එල්ල කර තිබේ.

කොටුව ජනාධිපති මන්දිරය දෙසට ගමන් කරමින් තිබූ මෙම පා ගමනට ලෝක වෙළඳ මධ්‍යස්ථානය අසළ දී මෙම ප්‍රහාරය එල්ල කර ඇත.

විධායක ජනාධිපති ධුරය අහෝසි කිරීම ඇතුළු ඉල්ලීම් කිහිපයක් මුල් කර ගනිමින් මෙම විරෝධතාවය පවත්වන ලදී.

Continue Reading

Local

රජයේ සේවකයන් හෙට වැඩට එන්න එපා.. එන සතියේ කන්නවත් සල්ලි නෑ.. අගමැති..

Published

on

By

නව කැබිනට් මණ්ඩලයේ අමාත්‍යවරුන් ගේ සියලු වැටුප් ගෙවීම අත්හිටුවන බව අග්‍රාමාත්‍ය රනිල් වික්‍රමසිංහ මහතා සඳහන් කරයි.

මන්ත්‍රීවරුන්ගේ ද ඇතැම් වරප්‍රසාද කපා හරින බවද හෙතෙම පැවසීය.

අග්‍රාමාත්‍යවරයා මේ බව කියා සිටියේ අද පාර්ලිමේන්තුව අමතමිනි.

දැනටමත් අග්‍රාමාත්‍ය කාර්යාලයේ වියදම සියයට 50 ක් දක්වා අඩු කිරීමට කටයුතු කර තිබේ.

දෛනික අත්‍යවශ්‍ය ආහාර සඳහා ද මුදල් මේ වන විට භාණ්ඩාගාරය සතුව නැතැයි ද පැවසූ අගමැතිවරයා ඒ අනුව ඒ සඳහා අවශ්‍ය මුදල් වහා සොයා ගත යුතු බවද සඳහන් කළේය.

පවතින අර්බුදය ශ්‍රී ලංකාවට පමණක් බලපාන ගැටලුවක් නොවන බවද මෙය ලෝක ආහාර අර්බුදයක් බවට පත්වන ලකුණු පෙනෙමින් ඇතැයි හෙතෙම පැවැසීය.

හෙට දිනයේ රාජ්‍ය සේවයේ අත්‍යවශ්‍ය නොවන සේවකයන් සේවයට වාර්තා කිරීම අවශ්‍ය නොවන බවද පැවසූ ඔහු ඉන්ධන හිඟය සහ ප්‍රවාහන අපහසුතා සැලකිල්ලට ගනිමින් මෙම තීරණය ගත් බවද කියා සිටියේය.

Continue Reading

Trending