Connect with us

Covid-19

කොරෝනා අඩු කර මාසයෙන් රට යථා තත්වයට පත් කරන්න සූදානම්.. ආචාර්ය නන්ද ගුණවර්ධන..

Published

on

කොරෝනා මරණ සංඛ්‍යාව අඩු කර මාසයක් ඇතුළත රට යථා තත්වයට පත් කිරීමට ජනාධිපතිවරයාට සහාය ලබාදිය හැකි යැයි ශ‍්‍රී ලංකා තාක්ෂණ විශ්ව විද්‍යාලයේ පර්යේෂණ හා අන්තර්ජාතික අංශයන්හි අධ්‍යක්ෂ ආචාර්ය නන්ද ගුණවර්ධන සදහන් කළේය.

කොරෝනා මරණ සංඛ්‍යාව අඩු කරගැනීම සදහා තමන් ඇතුළු කණ්ඩායමක් විසින් නිපදවූ මේගා ප‍්‍රයිම් හෙවත් කරාපිටියේ කොරෝනා කරල භාවිතා කිරීම තුළින් මෙසේ මරණ සංඛ්‍යාව අඩු කිරීමට කටුයතු කළ හැකි යැයි ජනාධිපතිවරයාට සෘජුවම දැනුම් දෙන බවද ආචාර්ය නන්ද ගුණවර්ධන කීවේය.

යූ ටියුබ් නාලිකාවක් සමග සාකච්ඡුාවකට එක්වෙමින් අදහස් දැක්වූ ඔහු මෙසේද සදහන් කළේය.

මම ඇමරිකාවේ කීර්තිමත් විශ්ව විද්‍යාලයක් වන ටෙක්සාස් හි බේල විශ්ව විද්‍යාලයේ අවුරුදු පහමාරකින් ලබාගත යුතු ආචාර්ය උපාධිය වසර තුනහමාරකින් අවසන් කරලා තමයි ලංකාවට ආවේ. මේ වන විට ජාත්‍යන්තර ග‍්‍රාන්ට් හයක් තියෙනවා. එයින් පහක්ම අපි ලියලා අරගනිපු ඒවා. මම රසායන විද්‍යා අංශයෙන් තමයි ආචාර්ය උපාධිය ලබාගන්නේ.

මගේ මැදිහත්වීමෙන් තමයි කොරෝනා වෛරසය ව්‍යාප්තවීමත් සමග ශරීරයේ ප‍්‍රතිශක්තිය රදවාගැනීම සදහා වන කරල නිශ්පාදනය කළේ. වෛද්‍යවරු තමයි බෙහෙත් දෙන්නේ. බෙහෙත් හදන්නේ තවත් කට්ටියක්. බෙහෙත් හදන කණ්ඩායම්වල බොහෝ අවස්ථාවල නායකත්වය ලබාදෙන්නේ රසායන විද්‍යාඥයින්.

අපිට ප‍්‍රතිශක්තිය වර්ධනය කරන්න බැහැ. ප‍්‍රතිශක්තිය රදවාගැනීමට තමයි හැකියාව තිබෙන්නේ. අපි මේ කරල හදන්නේ ශරීරයේ ප‍්‍රතිශක්තිය රදවාගැනීමට උපකාර කිරීමටයි.

අපි මේකට ඉගුරු, සුදුළූණු, කොත්තමල්ලි භාවිතා කරලා තියෙනවා. සුදුළූණුවලින් නයිට‍්‍රික් ඔක්සයිඩ් වර්ධනය කරනවා. ඉගුරු – කොත්තමලිල් ප‍්‍රතිශක්තිය රදවාගන්න උදව් කරනවා. ඒ වගේම ආඩතෝඩ, වදකහ ඇතුළත් කරලා තියෙනවා.

මේ කරල ආහාරයක් විදියට තමයි අරගන්න තියෙන්නේ. මේ ආහාරයේ බැර ලෝහ නොමැති බව තහවුරු කරගෙන තියෙනවා. ඒ වගේම තත්ව පරීක්ෂණ සහතික අරගෙන තියෙනවා. ඒත් ලංකාවේ තියෙන ආහාරවලින් සියයට අනූපහකට තත්ව පරීක්ෂණ අනුමැතියක් නොමැති බව කියන්න ඔ්න.

ආහාරයක් විදියට මේ කරල ගත්තාට පස්සේ ජනතාවගෙන් ලැබෙන ප‍්‍රතිචාර තියෙනවා. විශ්ව විද්‍යාල ආචාර්ය මහාචාර්යවරු, විශේෂඥ වෛද්‍යවරු මේ ආහාරය අරගෙන හොද ප‍්‍රතිචාර තියෙනවා. අපිට තවම කිසිදු නරක ප‍්‍රතිචාරයක් ලැබුණේ නෑ.

අපේ අය කොරොනාවලට මර බයේ ඉන්නේ. ඒ වගේම තමයි කොරෝනා හැදුනට පස්සේ කළ යුතු දේ ගැන නිශ්චිත ක‍්‍රමවේදයක් නෑ. අපි මේ කරලෙන් කොරෝනා හැදිලා මැරෙන ප‍්‍රමාණය අඩු කරනවා.

මේ ආහාර අතිරේකයෙන් ලැබෙන රසායනික ප‍්‍රතිචාරයන් ගැන මම පොඩි අදහසක් දෙන්නම්. සුදු ළූණු වගේ දේවල්වලින් රුධිර කැටිගැසීම් අඩු කරනවා. ඒ වගේම තමයි නියුමෝනියාවටත් ප‍්‍රතිචාර දක්වනවා

මේ කරල නිසා කොරෝනා මරණ අඩු කරලා, රට යථා තත්වයට පත් කරන්න පුලුවන්. අපි මේක කියන්නේ ජනාධිපතිතුමාටයි.

මේ කරල වෙනත් අයට නිශ්පාදනය කරන්න දෙන්න බැහැ. එහෙම වුනොත් මේකේ ප‍්‍රමිතිය අඩු වෙනවා. අපි ප‍්‍රමිතියක් ඇතිව මේක නිෂ්පාදනය කරලා, ප‍්‍රමිතියකට අනුව තමයි ඇසුරුම් කර තිබෙන්නේ.

මේගා ප‍්‍රයිම් කරල අරගෙන ඔ්නම තැනකින් ප‍්‍රතිචාර අරගෙන බලන්න. මේ ගැන කාට හරි සායනික පරීක්ෂණයක් කරන්න ඔ්න නම් හරියට ඒ දේ කරන්න ඔ්න. සායනික පරික්ෂණයක් කරන්න ඒක ඩිසයින් කරන්න ඔ්න. ලංකාවේ ක්ලිනිකල් ට‍්‍රයල් ඩිසයින් කරන්න ආචාර්ය උපාධියක් තියෙන කවුරුවත් ලංකාවේ නෑ.

කාට හරි අපේ නිශ්පාදනය ගැන කියන්න ඔ්න නම් ඒවා පාවිච්චි කරලා බලන්න කියලා ආරාධනා කරනවා. මිනිස්සු දහ දාහක් විතර මේක අරගෙන ලැබෙන ප‍්‍රතිචාරය තමයි තියෙන හොදම සාක්ෂිය. ඒක තමයි අපිට ලැබෙන හෘදය සාක්ෂිය.

Covid-19

නැවතත් රට වසා දැමීමක්…?

Published

on

By

ඔමික්‍රොන් ප‍්‍රභේදය රටතුළ පැතිර යමින් තිබියදී ජනතාව එය පාලනය සඳහා සෞඛ්‍ය අංශ වෙත සහය ලබා නොදෙන්නේ නම් සමස්ත රටටම භයානක තත්ත්වයකට මුහුණ දීමට සිදුව නැති බව සෞඛ්‍ය අමාත්‍යාංශයේ මාධ්‍ය ප්‍රකාශක විශේෂඥ වෛද්‍ය හේමන්ත හේරත් මහතා පවසයි.

මෙම තත්ත්වය දිගටම පැවතියහොත් අවසානයේ දී රට නැවතත් වසා දැමීමට සිදුවනු ඇතැයිද කී ඔහු එහිදී ඇතිවන ආර්ථික පරිහානිය නිසා රට ගොඩ ගන්න බැරි තරමට නරක අතට යා හැකි බව ද පැවසීය.

එනිසා ජනතාව වගකීම් සහිතව කටයුතු කරන ලෙස ඉල්ලා සිටින බව පැවසූ ඔහු වගකීම් විරහිතව කටයුතු කිරීමෙන් රට තුළ නරක තත්ත්වය තව තවත් ඉහළ යනු ඇති බවද කියා සිටියේය.

ජනතාව තුන්වෙනි කොරෝනා එන්නත් මාත්‍රාව ලබා ගැනීමට මැළිකමක් දක්වන බවද පැවසූ ඔහු හැකි ඉක්මනින් එය ලබාගැනීම මෙම වෛරසයෙන් බේරීමට මේ මොහොතේ සුදුසුම ක්‍රමය යයිද සදහන් කලේය.

ඔහු මේ බව පැවසුවේ සෞඛ්‍ය අමාත්‍යංශයේදී පැවති මාධ්‍ය හමුවක් අමතමිනි.

Continue Reading

Covid-19

යලිත් ලොක්ඩවුන් හෝ දැඩි සංචරණ සීමා…

Published

on

By

කොරෝනා වෛරස් ව්‍යාප්තිය බරපතළ වීමක් සිදුවුවහොත් දෙසැම්බර් මස නැවතත් රට වසා දැමීමට හෝ සංචරණ සීමා පැනවීමට සිදුවූවොත් එය පුදුමයට කරුණක් නොවන බව නියෝජ්‍ය සෞඛ්‍ය සේවා අධ්‍යක්ෂ ජනරාල් වෛද්‍ය හේමන්ත හේරත් මහතා පවසයි.

දැනට ආසාදිතයන් දෛනිකව හත්සීය ඉක්මවා වාර්තා වීම බරපතළ තත්ත්වයක් ඇතැයි ද ඒ මහතා පෙන්වා දෙයි.

එනිසා පවතින තත්වය සලකා බලමින් උත්සව සමයේ දැඩි නීති පනවන්නේ රට වසා දමනවා ද යන්න පිළිබඳව ඉදිරියේදී රජය තීරණය කරනු ඇතැයිද ඔහු පැවසීය.

මීට පෙර ද උත්සව කාලයේ රට විවෘතව තැබීමෙන් කොරෝනා ව්‍යාප්තිය ඉහළ ගිය බවත් ඔහු සඳහන් කරයි.

මෙහිදී රට නො වසා තබා ගැනීමට ජනතාව වගකීමෙන් සෞඛ්‍ය මාර්ගඋපදේශ වලට අනුගතව කටයුතු කිරීම ඉතාම වැදගත් බවද ඔහු තවදුරටත් පැවසීය.

කොළඹදී මාධ්‍ය අමතමින් ඒ මහතා මෙම අදහස් පළ කළේය.

Continue Reading

Covid-19

දෙසැම්බරයේ නිසැකවම රට වසා දමයි..?

Published

on

By

ලොව පුරා මෙන්ම ශ්‍රී ලංකාව තුළ ද මේ වනවිට ශීඝ්‍රයෙන් පැතිර යමින් පවතින කොරෝනා වෛරසය මර්දනයට පෙර, ප්‍රථමයෙන්ම වෛරසය පාලනයට පියවර ගැනීමට සැවොම වගකීමෙන් යුතුව ක්‍රියා කළ යුතු බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහජන සෞඛ්‍ය පරීක්ෂකවරුන්ගේ සංගමයේ පවසනවා.

මේ මොහොත වන විට රට තුළ සංචරණ සීමා ලිහිල් කිරීම හේතුවෙන්, බොහෝ ජනතාව විසින් සෞඛ්‍ය මාර්ගෝපදේශ නොතකමින්, විනෝද චාරිකාවල පවා නිරත වීම දැකිය හැකි බවයි ඔහු වැඩිදුරටත් කියා සිටියේ.

කෙසේවෙතත් සති අන්තයේ එළැඹෙන දීර්ඝ නිවාඩු කාලය තුළ නිසි සෞඛ්‍ය ක්‍රමවේදයන් බැහැර කරමින්, මහජනතාව හැසිරෙන්නේ නම්, යළිත් රට සම්පූර්ණයෙන්ම අගුලු දැමීමට අවකාශය ලැබෙන බව ද හෙතෙම වැඩිදුරටත් සඳහන් කළා.

දිවයිනේ බොහෝ ප්‍රදේශවලින් දෛනිකව වාර්තා වන ආසාදිතයින් සංඛ්‍යාව වැඩිවෙමින් පවතින බැවින්, ඒකරාශී වී සාමුහික ක්‍රියාකාරකම් කිරීමේදී මෙන්ම, විශේෂයෙන්ම පූජනීය ස්ථාන, වැව්, අමුණු ආදී ස්නානය කරන ස්ථානවලදී පවා මැනවින් සෞඛ්‍ය උපදෙස් අනුගමනය කිරීමට වග බලා ගන්නා ලෙසටයි සභාපතිවරයා ජනතාවගෙන් ඉල්ලා සිටින්නේ.

තව ද, මහජනතාව සංචරණයට අවසර හිමි වූ සිය රට තුළ කෙතරම් වගකීම්සහගතව හැසිරෙන්නේ ද යන කාරණාව මත ඉදිරියේදී එළැඹෙන නත්තල් සමය සහ අලුත් අවුරුදු උදාව වෙනුවෙන් ද රට මේ අයුරින්ම විවෘත කිරීමට පවතින අවසරය ද තීන්දු වන බව ද හෙතෙම වැඩිදුරටත් කියා සිටියා.

අයහපත් මිනිස් හැසිරීම් මත සෞඛ්‍ය උපදෙස් කැඩෙන බව දිගින් දිගටම නිරීක්ෂණය වන්නේ නම්, දිගු කාලයක් පුරා වසා දමා තිබූ මෙරට පාසල් පද්ධතිය ද යළි වසා දැමීමට සිදු වන බවයි, මහජන සෞඛ්‍ය පරීක්ෂක සංගමයේ සභාපතිවරයා විසින් තරයේ අවධාරණය කරනු ලැබුවේ.

එමෙන්ම අද වන විට පී.සී.ආර් මෙන්ම රැපිඩ් ඇන්ටිජන් පරීක්ෂණ පළමු පෙළ ආශ්‍රිත සියල්ලටම සිදු නොකරන අතර, මෙරට බොහෝ ආයතනවල ද අහඹු පරීක්ෂණ සිදු නොකරන බවයි.

යළි එම පරීක්ෂණ ක්‍රියාවලිය ඇරඹුණහොත් අනිවාර්යයෙන්ම දෛනික ආසාදිත සංඛ්‍යාව 1000 ඉක්මවා යාම සිදු වන බව ද ඔහු ප්‍රකාශ කළා.

ආසාදිතයින් වැඩි වන්නේ ඇඳිරිනීතියෙන් පසුව සෞඛ්‍ය උපදෙස් රැකීම යන කාරණාව මත වන අතර, දෙසැම්බර් මැද වනවිට ආසාදිත සංඛ්‍යාව තවදුරටත් තීව්‍ර වන්නේ නම් නිසැකවම රට නැවතත් වසා දැමීමට සිදු වන බවයි මහජන සෞඛ්‍ය පරීක්ෂකවරයා වැඩිදුරටත් කියා සිටියේ.

– aruna

Continue Reading

Trending