Connect with us

Covid-19

කොවිඩ් රෝගියකු නිවසේදී රැක බලා ගන්නේ කොහොමද..

Published

on

සංචරණ සීමා පනවා සමහර ප්‍රදේශ හුදෙකලා කළද කොරෝනා වයිරසය සම්පූර්ණයෙන්ම පාහේ තවමත් පාලනය වී නොමැත.

එනිසා අපේ රටේ අද වෙද්දි කොරෝනා වයිරසය ආසාධිත පුද්ගලයන් සඳහා වෙන් කෙරුණු රෝහල්වල ධාරිතාවද ඉක්මවා රෝගීහු වාර්තා වෙති .

ඒ අතර ඇතැම් රෝගීන්හට රෝහලක් ලැබෙන තුරු නිවසේම රැඳී සිටීමට සිදුවේ. රෝහලකට ඇතුළු කරන තුරු කොරෝනා රෝගීන්ව නිවසේදී රැක බලා ගැනීමට අනවශ්‍ය බියක් ඇති කර ගත යුතු නැත. වඩා වැදගත් වන්නේ සෞඛ්‍ය මාර්ගෝපදේශවලට අනුකූලව කටයුතු තිරීමයි.

උණ, හෙම්බිරිස්සාව, බඩේ අමාරුව, උගුරේ අමාරුව, කැස්ස, සෙම්ප්‍රතිශ්‍යා තත්ත්වය දිනෙන් දින වැඩි නම් එය කොරෝනා රෝගයේ රතු එළියක් වීමට පුලුවන. ඒ අනුව ප්‍රථමයෙන්ම ඔබ පවුලේ සාමාජිකයන්ගේ ඇසුරින් ඈත්ව වෙනම කාමරයකට යා යුතුයි. රෝගියා රැඳවූ මේ කාමරයට හොඳින් වාතාශ්‍රය ලැබෙන තැනක් විය යුතුයි.

පවුලේ සාමාජිකයන් සියල්ලෝම කාමරයට යාමත්, කාමරයෙන් පිටතට නිතර දෙවේලේ රෝගියා පැමිණීමත් සිදු නොවිය යුතුයි. සාමාජිකයන් සමග නිරන්තර කතා බහ, වටපිටාවේ ඇවිදීම, නිවසේ බඩු බාහිරාදිය ස්පර්ශ කිරීම, තැන තැන කෙළ ගැසීම නොකළ යුතුයි.

කොරෝනා රෝගයේ ලක්ෂණ පිටතට පැමිණීමට දින දෙකකට පෙර සිට සහ රෝග ලක්ෂණ පහළවී දින දෙකක් ගත වීමෙන් පසුත් රෝගය අන් අයට සම්ප්‍රේශනය විය හැකියි. තමන්ගේ පළාතේ මහජන සෞඛ්‍ය පරීක්ෂක වෙත තොරතුරු දන්වා පී.සී.ආර්. පරීක්ෂණයක් හෝ රැපිඩ් ඇන්ටිජන් පරීක්ෂණයක් ඔබ සිදු කර ගත යුතුයි.

පී.සී.ආර්. පරීක්ෂණයේ ප්‍රතිඵල ලැබෙන තුරු ඔබ පොදු ප්‍රවාහනවල රාජකාරියට වාර්තා කිරීම, ප්‍රදේශයේ ඇවිදීම නොකළ යුතුයි. තම කාමරයේම රැඳී සිටිමින් ස්වයං නිරෝධායනයට යොමු විය යුතුයි.

පී.සී.ආර්. ප්‍රතිඵල පොසිටිව් නම්.

ඔබ පුද්ගලික රෝහලක් හරහා පී.සී.ආර්. පරීක්ෂාව සිදු කර ගත්තේ නම් ප්‍රදේශයේ මහජන සෞඛ්‍ය පරීක්ෂකට හෝ සෞඛ්‍ය වෛද්‍ය නිලදාරීවරයාට ඒ බව දැන්විය යුතුයි. එසේම රෝග ලක්ෂණ ඇති වීම කෙරෙහි ඔබේ නිරන්තර අවධානය යොමු කරමින් ඔවුන්ගේ උපදෙස් මත ඔබ නිරෝධායනය විය යුතුයි.

පවුලේ සාමාජිකයන් අතරත් ඔබ අවම වශයෙන් මීටරයක දුරක්වත් රැකිය යුතුයි. රෝගියාට ආවතේව කිරීම සඳහා නිවසේ සිටින නිදන්ගත ලෙඩ රෝග නැති, ගොඩක්ම මැදි වියෙත් නැති එක් පුද්ගලයකුට යොමු විය හැකිය. රෝගියා භාවිත කරන පිඟන්, කෝප්ප, ඇඳ ඇතිරිලි, තුවාය සෙසු අයගේ භාවිතයෙන් ඉවත් කර රෝගියාටම ඒවා වෙන් කර තබන්න. ආවතේව සපයන පුද්ගලයා රෝගියා හමුවට යාමේදී දෙදෙනාම මුඛ ආවරණ නිසි ලෙස පැළඳීම අත්‍යවශ්‍ය වේ. රෝගියාගේ කාමරය, නාන කාමරය, වැසිකිලිය වැනි තැන් ඔහු භාවිත කළාට පසු විසබීජ නාශක දියර යොදා හොඳින් පිරිසුදු කරන්න. රෝගියා මෙන්ම නිවසේ අනෙකුත් අයත් මුඛ ආවරණ නිවැරැදිව පැළැඳීමට අමතක නොකරන්න. මුඛ ආවරණ සේම රෝගියා ඉවතලන දෑ තැන තැන නොදමා ක්‍රමානුකූලව බැහැර කරන්න. ඒවගේම රෝගියා හා සම්බන්ධ වන පුද්ගලයා එම වැඩ කටයුතුවලින් අනතුරුව තමන්ගේ දෑත් සබන් ගා හොඳින් පිරිසුදු කර ගන්න. නිවසේ අන් වැඩවලට යොමු විය යුත්තේ තමන්ද මනාව පිරිසුදු වීමෙන් අනතුරුව බව මතක තබා ගන්න.

මේ කාලයේදී රෝගියාට පෝෂ්‍යදායී ආහාර,ජලය, නින්ද අත්‍යවශ්‍යයි.එය ඔවුන්ගේ ප්‍රතිශක්තීකරණ පද්ධතිය හොඳින් ක්‍රියා කිරීමට උදව් කිරීම හරහා රෝගයට එරෙහිව සටන් කිරීමට උදව් ලබා දේ.

රෝගියාට ආහාර ලබා දීමේදී හොඳින් රත් කොට ආහාර ලබා දිය යුතු වේ. දිනපතාම හුමාලය ඇල්ලීම, විජලනයට පත් නොවීමට දියර ජාති උණුසුම්ව පානය කළ යුතුයි. රෝගියාව රෝහලකට ඇතුළු කරන තෙක් ඔහුගේ රෝග ලක්ෂණ පිළිබඳ අවධානයෙන් සිටින්න. විශේෂයෙන් සැලකිලිමත් විය යුතු ලක්ෂණ අතර හුස්ම ගැනීමේ අපහසුතාව, ආයාසයෙන් හුස්ම ගැනීම, කලන්ත ගතිය, හිසේ කැරකිල්ල, පපුවේ වේදනාව, විජලන ලක්ෂණ ඇත්නම් සැලකිලිමත් වන්න. රෝගියා කුඩා දරුවකු නම් ආහාර ගැනීම දිගින් දිගටම ප්‍රතික්ෂේප කිරීම, වෙනදා දක්වන හැසිරීමට වඩා වෙනස් වීම, විජලන ලක්ෂණ ගැන උනන්දු වෙන්න. මෛ රෝග ලක්ෂණ ඇත්නම් වහාම ඔබේ සෞඛ්‍ය වෛද්‍ය නිලධාරී කාර්යාලයට හෝ වෛද්‍යවරයකුට දන්වා ඒ උපදෙස් මත කටයුතු කරන්න.

රෝගියාට ස්වසන අපහසුතාවක් ඇති බව දක්වන ප්‍රධාන ඉඟිය වන්නේ මුඛ ආවරණය බොහෝ වේලාවක් කිසි අපහසුවකින් තොරව පැළැඳ සිටීමට හැකි නම් ඔහුට උග්‍ර ස්වසන අපහසුතාවක් නොමැති බව අනුමානයයි. එහෙත් හතිය ඇති පුද්ගලයකු මුඛ ආවරණ දමාගෙන වැර වීරිය යොදමින් කතා කිරීමට උත්සාහ දරයි නම් ඔහුට ස්වසන අපහසුතාවක් ඇති බව නිගමනයයි. එවන් අවස්ථාවකදී ප්‍රදේශයේ මහජන සෞඛ්‍ය පරීක්ෂකට මේ බව දැන්වීමට නිවැසියන් කටයුතු කළ යුතුය.

අනෙකුත් වැදගත් කාරණය තමයි රෝගියා මොනයම් හෝ ලෙඩකට දීර්ඝ කාලීනව ප්‍රතිකාර ගන්නවා නම් ඒ බෙහෙත් නොකඩවාම ලබා ගත යුතුයි. ඒ අනුව දියවැඩියාව, අධිරුධිර පීඩනය සේම හෘදයාබාධ රෝගීන් වෙත්නම් මෙම කාලයේදී සායනවලින් හෝ වෛද්‍ය උපදෙස් මත තමාට ලබා දී ඇති බෙහෙත් නියමිත මාත්‍රාවෙන් ලබා ගැනීමට අමතක නොකරන්න.

රෝගියා නිවසේ සිටින කාලය ඇතුළත පිටස්තර පුද්ගලයන් නිවසට පොපැමිණිය යුතුය. නිවසේ සෙසු පුද්ගලයන්ද පළමු පෙළ ආශ්‍රිතයන් වන බැවින් ඔවුන්ද නිවස තුළම රැඳී සිටිමින් නිරෝධායනය විය යුතුයි.එවිම මෙම වසංගත තත්ත්වය තව දුරටත් සමාජයේ පැතිරීමට අවකාස නොලැබෙනු ඇත.

කොළඹ මහ නගර සභාවේ වසංගත රෝග වෛද්‍ය දිනුකා ගුරුගේ

-සටහන- මාධවී ධර්මරත්න

lankadeepa

Continue Reading
Click to comment

Leave a Reply

Your email address will not be published. Required fields are marked *

Covid-19

අද ඇස්ටසෙනික් එන්නත් ලබා දෙන ස්ථාන මෙන්න…

Published

on

By

අද දිනයේ බස්නාහිර පළාත තුළ ස්ථාන 20දී ඇස්ටසෙනිකා එන්නත් ලබාදීමට නියමිතව ඇත.

එම එන්නතේ පළමු මාත්‍රාව ලබා ගත් අය අදාල කාඩ්පත සහ ජාතික හැඳුනුම්පත ඒ සඳහා රැගෙන ආ යුතු බව සෞඛ්‍ය අමාත්‍යාංශයේ පවසයි.

අද දිනයේ එන්නත්කරණය සිදු කරන ස්ථාන මෙහි දැක්වෙයි.

කොළඹ දිස්ත්‍රික්කය එන්නත් ලබාදෙන ස්ථාන.

මොරටුව රෝහල
අතුරුගිරිය රෝහල
නවගමුව රෝහල
පිළියන්දල රෝහල
අවිස්සාවේල්ල රෝහල
හෝමාගම රෝහල
කොස්ගම (සාලාව) රෝහල
තලංගම රෝහල
පාදුක්ක රෝහල
අංගොඩ රෝහල
මුල්ලේරියාව රෝහල
කළුබෝවිල රෝහල

බත්තරමුල්ල සෞඛ්‍ය වෛද්‍ය නිලධාරී කාර්යාලය
බොරලැස්ගමුව සෞඛ්‍ය වෛද්‍ය නිලධාරී කාර්යාලය
දෙහිවල සෞඛ්‍ය වෛද්‍ය නිලධාරී කාර්යාලය
එගොඩඋයන සෞඛ්‍ය වෛද්‍ය නිලධාරී කාර්යාලය
ගොතටුව සෞඛ්‍ය වෛද්‍ය නිලධාරී කාර්යාලය
හංවැල්ල සෞඛ්‍ය වෛද්‍ය නිලධාරී කාර්යාලය
කඩුවෙල සෞඛ්‍ය වෛද්‍ය නිලධාරී කාර්යාලය
කහතුඩුව සෞඛ්‍ය වෛද්‍ය නිලධාරී කාර්යාලය
කැස්බෑව සෞඛ්‍ය වෛද්‍ය නිලධාරී කාර්යාලය
කොලොන්නාව සෞඛ්‍ය වෛද්‍ය නිලධාරී කාර්යාලය
මහරගම සෞඛ්‍ය වෛද්‍ය නිලධාරී කාර්යාලය
මොරටුව සෞඛ්‍ය වෛද්‍ය නිලධාරී කාර්යාලය
නුගේගොඩ සෞඛ්‍ය වෛද්‍ය නිලධාරී කාර්යාලය
පාදුක්ක සෞඛ්‍ය වෛද්‍ය නිලධාරී කාර්යාලය
පිළියන්දල සෞඛ්‍ය වෛද්‍ය නිලධාරී කාර්යාලය
පිටකෝට්ටේ සෞඛ්‍ය වෛද්‍ය නිලධාරී කාර්යාලය
රත්මලාන සෞඛ්‍ය වෛද්‍ය නිලධාරී කාර්යාලය

විහාරමහාදේවී උද්‍යානය
දියත උයන
යුද හමුදා රෝහල නාරාහේන්පිට
වේරහැර හමුදා කඳවුර
පනාගොඩ බෝධිරාජාරාමය

කොළඹ මහනගර සභා සීමාව

බණ්ඩාරනායක සම්මන්ත්‍රණ ශාලාව
පී.ඩී. සිරිසේන ක්‍රීඩාංගණය
සුගතදාස ක්‍රීඩාංගණය

ගම්පහ දිස්ත්‍රික්කයේ එන්නත් ලබාදෙන ස්ථාන…

වතුපිටිවල රෝහල
බියගම රෝහල
දිවුලපිටිය රෝහල
දොම්පේ රෝහල සහ රදාවාන රෝහල
ගම්පහ රෝහල
ජාඇළ රෝහල
මීගමුව රෝහල
කිරිබත්ගොඩ රෝහල
උඩුපිල රෝහල සහ මල්වතුහිරිපිටිය රෝහල
මිනුවන්ගොඩ රෝහල
මීරිගම රෝහල
රාගම රෝහල
විජය කුමාරතුංග රෝහල
පමුණුගම රෝහල

අත්තනගල්ල සෞඛ්‍ය වෛද්‍ය නිලධාරී කාර්යාලය
බියගම සෞඛ්‍ය වෛද්‍ය නිලධාරී කාර්යාලය
දිවුලපිටිය සෞඛ්‍ය වෛද්‍ය නිලධාරී කාර්යාලය
දොම්පේ සෞඛ්‍ය වෛද්‍ය නිලධාරී කාර්යාලය
ගම්පහ සෞඛ්‍ය වෛද්‍ය නිලධාරී කාර්යාලය
ජාඇළ සෞඛ්‍ය වෛද්‍ය නිලධාරී කාර්යාලය
ගම්පහ සෞඛ්‍ය වෛද්‍ය නිලධාරී කාර්යාලය
කටාන සෞඛ්‍ය වෛද්‍ය නිලධාරී කාර්යාලය
කැලණිය සෞඛ්‍ය වෛද්‍ය නිලධාරී කාර්යාලය
මහර සෞඛ්‍ය වෛද්‍ය නිලධාරී කාර්යාලය
මිනුවන්ගොඩ සෞඛ්‍ය වෛද්‍ය නිලධාරී කාර්යාලය
මීරිගම සෞඛ්‍ය වෛද්‍ය නිලධාරී කාර්යාලය
මීගමුව සෞඛ්‍ය වෛද්‍ය නිලධාරී කාර්යාලය

මාරිස්ටලා විදුහල මීගමුව
කිරිල්ලවල මහා විද්‍යාලය (කඩවත)
ධර්මාලෝක විද්‍යාලය (කැලණිය)

කළුතර දිස්ත්‍රික්කයේ එන්නත් ලබාදෙන ස්ථාන…

අගලවත්ත සෞඛ්‍ය වෛද්‍ය නිලධාරී කාර්යාලය
බණ්ඩාරගම සෞඛ්‍ය වෛද්‍ය නිලධාරී කාර්යාලය
හොරණ සෞඛ්‍ය වෛද්‍ය නිලධාරී කාර්යාලය
පානදුර සෞඛ්‍ය වෛද්‍ය නිලධාරී කාර්යාලය
මතුගම සෞඛ්‍ය වෛද්‍ය නිලධාරී කාර්යාලය

පිඹුර ප්‍රාථමික පාසල
තලගල මංගලාරම විහාරස්ථානය
මහාමායා විද්‍යාලය
සණස කාර්යාලය බෝපිටිය

Continue Reading

Covid-19

සෑම දිස්ත්‍රික්කයකම ඩෙල්ටා ආසාදිතයින්.. සෞඛ්‍ය ලොක්කෙකුගෙන් හෙළිදරව්වක්..

Published

on

By

මෙරට සෑම දිස්ත්‍රික්කයකම ඩෙල්ටා කොවිඩ් ප්‍රභේදයේ ආසාදිතයින් සාමාන්‍ය ප්‍රතිශතයක් සිටිය හැකි බව නියෝජ්‍ය සෞඛ්‍ය සේවා අධ්‍යක්ෂ ජනරාල්, විශේෂඥ වෛද්‍ය හේමන්ත හේරත් මහතා පවසනවා.

අද (26) පෙරවරුවේ කොළඹ පැවති මාධ්‍ය හමුවකට එක්වෙමින් නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා මේ බව සඳහන් කළා.

මේ අතර ඊයේ දිනයේ වාර්තා වූ දෛනික කොවිඩ් ආසාදිතයින්ගෙන් යම් ප්‍රතිශතයක් ඩෙල්ටා ආසාදිතයින් විය හැකි බවද නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පැවසුවා.

එහිදී ඒ මහතා..

“මේ වනවිට අඩු වැඩි ඇතිව ලංකාවේ සෑම දිස්ත්‍රික්කයකම මේ ඩෙල්ටා ප්‍රභේදය ආසාදනය වු රෝගීන් ඉන්න පුළුවන් කියන නිගමනයට අපි ඇවිත් තියෙනවා. මේ ප්‍රභේදය ඇති රෝගීන් ඉන්න ප්‍රදේශයක මේ රෝගය බෝ වෙන්න අපි ඉඩ තිබ්බොත් වේගයෙන් මේක පැතිරෙන්න පුළුවන්. ඒ නිසා මේ ආසාදිතයින් අවම කරගැනීමට අවශ්‍යයි. මේ ඩෙල්ටා ආසාදිතයින් 68 සාම්පල් ගණනාවකින් ආපු එකක්. නමුත් ඇත්ත වශයෙන්ම මේ 68ට වඩා විශාල සංඛ්‍යාවක් පරිසරයේ ඉන්නවා කියන එක තමයි ඒකෙන් කියන්නේ. ඊයේ 1,666ක් රෝගීන් වාර්තා වෙනකොට ඒකෙනුත් යම් ප්‍රතිශතයක් මේ ඩෙල්ටා රෝගීන් විය හැකියි. නමුත් ඒ සෑම කෙනෙක්ම ඩෙල්ටා ප්‍රභේදය සඳහා වෙන වෙනම පරීක්ෂා කිරීම කාර්යක්ෂම ක්‍රමවේදයක් නොවන නිසා අපි ඒක කරන්නේ නෑ. ඩෙල්ටා පොකුරු බිහිවෙන්න ඉඩ දෙන්න එපා.”

Continue Reading

Covid-19

මාසයක් ඇතුලට රට පුරාම ඩෙල්ටා.. මෙරට 50%කට ආසදනය වනු ඇතැයි දන්වයි..

Published

on

By

කොරෝනා වෛරසයේ ඩෙල්ටා ප්‍රභේදය රට තුළ සීඝ්‍රයෙන් පැතිරෙමින් ඇතැයි ශ්‍රී ලංකා වෛද්‍ය සංගමය අනතුරු අඟවයි.

එම ප්‍රභේදය සුමානයක් වූ මාසයක් වැනි කාලයක් ඇතුළත රට පුරාම පැතිරිය හැකි යැයි සංගමයේ සභාපතිනි විශේෂඥ වෛද්‍ය පද්මා ගුණරත්න මහත්මිය සඳහන් කරයි.

කොළඹ පැවති මාධ්‍ය හමුවකදී ඇය මෙම අදහස් පල කලාය.

අද වනවිට කොළඹ නගර සභාව තුළ සියයට 30 ක් පමණ ඉන්නේ ඩෙල්ටා ප්‍රභේදය කියන එක තමයි අපට හිතාගන්න පුළුවන් වෙන්නේ දැනට තියන දත්තවලින්. ඒ ගොල්ලන්ගේ කෙලවල තියන වෛරස් ප්‍රමාණය ඉතාමත්ම වැඩියි, ඒ වගේම ඩෙල්ටා ප්‍රභේදය බෝවෙන ප්‍රවණතාවය ඉතාමත්ම වැඩියි අනිත් ඒවට වඩා, ඒ නිසා ඩෙල්ටා ප්‍රභේදය වැඩිකල් නොගොස් අපේ රටේ සියයට 50 කට වඩා ජනතාවකගේ වෛරස්වලට හේතු කාරණා වෙලා, ඒක තමයි මූලිකම රෝගය බවට පත්වෙන්නේ කියන එක අපට සැකයකින් තොරයි. රට ඇරලා සාමාන්‍ය විදිහට හැසිරෙනවා නම් එහෙම, මේ ඩෙල්ටා ප්‍රභේදය ඉතාමත්ම වේගයෙන් මාසයක් ඇතුළදී හරි සුමාන දෙකක් ඇතුළතදී හරි අපේ රටපුරාම මේක පැතිරෙන්න පුළුවන් කියන එක අපි අනිවාර්යෙන්ම දන්නවා.

අපේ රටේ වැඩිහිටියන්ම ඉන්නවා සියයට 15 ක් විතර, මේ වෙද්දි සම්පුර්ණ එන්නත්කරණය වෙලා තියෙන්නේ සියයට 08ක් වගේ. ඉතිං ඒකෙන් කියවෙනවා අපේ රටේ බොහෝ අය තවම එන්නත ලබාගෙන නෑ කියන එක. ඒ නිසා එක හේතුවක් එන්නතින් අපට තියන ආරක්ෂාව ගැන සෑහීමකට පත්විය නොහැකියි. සෑම දිනකම රෝගින් 40ක් 50 ක් ප්‍රමාණයක් රටේ ජීවිත්ෂයට පත්වෙනවා. අපි 50 ක් කියන උපකල්පනයකින් ගාණ හැදුවොත් අපි දන්නවා ඒකෙන් කිය වෙනවා සියයට 2 ක් ජීවිතක්ෂයට පත්වෙනවා කිව්වොත් අපේ රටේ දැන් මේ වෙනකොට දහදාහක් රෝගින් ඉන්නවා.

අපේ රෝගීන් ඉතාමත් වැඩි සංඛ්‍යාවක් තියෙද්දීත් අපි සමහර දේවල් ආරම්භ කිරීමට ඉඩදීලා තියනවා ජීවනෝපාය කියන එකේ වැදගත්කම ගැන කල්පනා කරලා ඉතිං මේ දෙක තුළනය කිරීමේදී රෝගීන් වැඩිවීම අනිවාර්යයි ඒක සිද්ධ වෙනවාමයි දැනටත් ඒක අපි දකිනවා.

Continue Reading

Trending

Copyright © 2021 pattare.lk