Connect with us

Local

චීනය මහජන බැංකු තහනමෙන් සියළු බැංකුවලට ජාත්‍යන්තර බාධා.. අත්‍යවශ්‍ය දෑ ආනයනය අවහිර වේ…

Published

on

චීනය විසින් මහජන බැංකුව අසාදු ලේඛනගත කිරීම නිසා අත්‍යවශ්‍ය ආහාර ද්‍රව්‍ය ආනයනයේදී ජාත්‍යන්තර වශයෙන් යම් බලපෑමක් එල්ල වී ඇතැයි අතවශ්‍ය ආහාර ද්‍රව්‍ය ආනයනකරුවන්ගේ සංගමය පවසයි.

එම සංගමයේ මාධ්‍ය ප්‍රකාශක නිහාල් සෙනවිරත්න පෙන්වා දෙන්නේ මෙම අසාදු ලේඛනගත කිරීම චීනය තුළ පමණක් සිදු වුවත් අතවශ්‍ය භාණ්ඩ මිලදී ගැනීම සඳහා ණයවර ලිපි නිකුත් කිරීමේදී ශ්‍රී ලංකාවේ සමස්ත බැංකු පද්ධතිය කෙරෙහිම එම සමාගම් අවධානය යොමු කරන බවයි.

මේ නිසා ඩී.ඒ.ක්‍රමය හෙවත් පසු ගෙවීමේ ක්‍රමය යටතේ ආහාර ද්‍රව්‍ය ආනයනයේදී අදාළ සමාගම් විසින් භාණ්ඩ ලබා දීමේදී සීමා පනවා තිබේ.

මෙම තත්ත්වය මත ආසියානු කලාපයේ රටවල්හි භාණ්ඩ අපනයන සමාගම් ශ්‍රී ලංකාව සමග ගනුදෙනු කිරීමට පවා බිය පළ කරන බැවින් එම අසාදු ලේඛනගත කිරීම ඉවත් කිරීමට රජය කටයුතු කරන්නේ නම් භාණ්ඩ ආනයනය බාධාවකින් තොරව සිදු කිරීමේ හැකියාවක් පවතින බව ඔහු පෙන්වා දෙයි.

දැනට සුදුලූනු පමණක් චීනයෙන් ආනයනය කරනු ලබන බවත් අදාළ මිලදී ගැනීම් සියල්ලම පෞද්ගලික බැංකු හරහා සිදු කිරීම නිසා එම අසාදු ලේඛනගත කිරීම බාධාවක් නොවන බවත් නිහාල් සෙනවිරත්න පවසයි.

චීනයෙන් ගෙන් වූ කාබනික පොහොර තොගයක් ප්‍රතික්ෂේප කිරීම නිසා ශ්‍රී ලංකාවේ චීන තානාපති කාර්යාලයේ ආර්ථික හා වාණිජ කාර්යාලය විසින් මහජන බැංකුව පසුගිය 27 වැනි දින අසාදු ලේඛනගත කිරීම නිසා මෙම තත්ත්වය උද්ගත වී තිබුණි.

මෙහිදී චීන ආර්ථික හා වාණිජ කාර්යාලය වැඩිදුරටත් දැනුම් දී ඇත්තේ ජාත්‍යන්තර වෙළෙඳාමේ දී චීන සමාගම්වලට විශාල පාඩුවක් සිදුව ඇති බැවින් ශ්‍රී ලංකාව සමග වෙළෙඳාමේ දී මහජන බැංකුව විසින් නිකුත් කරන ණයවර ලිපි භාර ගැනීමෙන් වළකින ලෙසයි.

– Aruna

Click to comment

Leave a Reply

Your email address will not be published.

Local

ගෝඨා ගෝ ගමට තැපෑලෙන් ලියුම් එයි…

Published

on

By

කොළඹ ජනාධිපති මන්දිරයේ ඉදිරියේ ගාලු මුවදොර පිටිය පිහිටුවා ඇති විරෝධතා භූමියට ශ්‍රී ලංකා තැපැල් දෙපාර්තමේන්තුව මගින් ලිපි ලැබී තිබේ.

විශේෂත්වය වන්නේ එහි ‘ගෝඨා ගෝ ගම’ ලෙස ලිපිනයේ සඳහන් කිරීමයි.

Continue Reading

Local

අන්තරේට කදුළු ගෑස් හා ජලප‍්‍රහාර ගසා පන්නයි…

Published

on

By

අන්තර් විශ්ව විද්‍යාල ශිෂ්‍ය බල මණ්ඩලය විසින් පවත්වන ලද විරෝධතා පාගමනට පොලිසිය විසින් කඳුළු ගෑස් සහ අධිපීඩන ජල ප්‍රහාරයක් එල්ල කර තිබේ.

කොටුව ජනාධිපති මන්දිරය දෙසට ගමන් කරමින් තිබූ මෙම පා ගමනට ලෝක වෙළඳ මධ්‍යස්ථානය අසළ දී මෙම ප්‍රහාරය එල්ල කර ඇත.

විධායක ජනාධිපති ධුරය අහෝසි කිරීම ඇතුළු ඉල්ලීම් කිහිපයක් මුල් කර ගනිමින් මෙම විරෝධතාවය පවත්වන ලදී.

Continue Reading

Local

රජයේ සේවකයන් හෙට වැඩට එන්න එපා.. එන සතියේ කන්නවත් සල්ලි නෑ.. අගමැති..

Published

on

By

නව කැබිනට් මණ්ඩලයේ අමාත්‍යවරුන් ගේ සියලු වැටුප් ගෙවීම අත්හිටුවන බව අග්‍රාමාත්‍ය රනිල් වික්‍රමසිංහ මහතා සඳහන් කරයි.

මන්ත්‍රීවරුන්ගේ ද ඇතැම් වරප්‍රසාද කපා හරින බවද හෙතෙම පැවසීය.

අග්‍රාමාත්‍යවරයා මේ බව කියා සිටියේ අද පාර්ලිමේන්තුව අමතමිනි.

දැනටමත් අග්‍රාමාත්‍ය කාර්යාලයේ වියදම සියයට 50 ක් දක්වා අඩු කිරීමට කටයුතු කර තිබේ.

දෛනික අත්‍යවශ්‍ය ආහාර සඳහා ද මුදල් මේ වන විට භාණ්ඩාගාරය සතුව නැතැයි ද පැවසූ අගමැතිවරයා ඒ අනුව ඒ සඳහා අවශ්‍ය මුදල් වහා සොයා ගත යුතු බවද සඳහන් කළේය.

පවතින අර්බුදය ශ්‍රී ලංකාවට පමණක් බලපාන ගැටලුවක් නොවන බවද මෙය ලෝක ආහාර අර්බුදයක් බවට පත්වන ලකුණු පෙනෙමින් ඇතැයි හෙතෙම පැවැසීය.

හෙට දිනයේ රාජ්‍ය සේවයේ අත්‍යවශ්‍ය නොවන සේවකයන් සේවයට වාර්තා කිරීම අවශ්‍ය නොවන බවද පැවසූ ඔහු ඉන්ධන හිඟය සහ ප්‍රවාහන අපහසුතා සැලකිල්ලට ගනිමින් මෙම තීරණය ගත් බවද කියා සිටියේය.

Continue Reading

Trending