Connect with us

Local

ජනපති ගෝඨාභය කුණාටු මැද.. ඔහුට පක්‍ෂයේ ඉහල තනතුරක් දිය යුතුයි..

Published

on

1980/82 වකවානුවේ පෞද්ගලීකරණය කරන ලද බලවේග පේෂකර්ම ආයතනවල සේවය කරන ලද වසර දහයකට වඩා අඩු සේවා කාලයක් සහිත සේවකයන් 3332කට මාසික දීමනාවක් ලබා දීමට හැකි වීම මහා පින්කමක් බවත් එවැන්නක් ගෝඨාභය රාජපක්ෂ මැතිතුමන්ගේ සහ මහින්ද රාජපක්ෂ මැතිතුමන්ගේ නායකත්වය සහිත ජනතාවගේ වේදනාව හඳුනන ආණ්ඩුවක් නොතිබුණානම් ඉටු කර දීමට නොහැකි වනු ඇති බවත් කර්මාන්ත අමාත්‍ය විමල් වීරවංශ මහතා පවසයි.

කුරුණෑගල වයඹ පළාත් සභා ශ්‍රවණාගාරයේදී පැවති ඉහත පිරිසට ප්‍රතිලාභ ලබාදීමේ සමාරම්භක උත්සවයට එක්වෙමින් ඒ මහතා මෙසේ පැවසීය.

එහිදී වැඩිදුරටත් අදහස් දැක්වූ වීරවංශ අමාත්‍යවරයා මෙසේ ද සඳහන් කළේය.

” ගෝඨාභය රාජපක්ෂ මැතිතුමන් ජනාධිපති ධුරයට පත්වීමෙන් අනතුරුව මා කර්මාන්ත හා කළමනාකරණ සේවා අමාත්‍ය ධූරය දරන අවධියේ දී මා සොයාගෙන එම අමාත්‍යාංශයට බදාදා මහජන දිනයේ දී පැමිණි බොහෝ වියපත් අම්මලා තමන්ට සිදු වූ මේ අසාධාරණය ගැන කීවා. ඇතැම් අම්මලා මේ අසාධාරණය ගැන කීවේ ඇස් වල කඳුළු පුරවාගෙන. මේ විදිහට බදාදා දින කිහිපයක් ගත වෙද්දී මම අප අමාත්‍යාංශය යටතේ පැවති පේෂකර්ම දෙපාර්තමේන්තුවේ අධ්‍යක්ෂතුමියගෙන් මෙය ගැන විමසා කරුණු දැනගත්තා. එතුමියත් පිළිගත්තා මේ පිරිසට අසාධාරණයක් සිදුව ඇති බව.

‘ අමාත්‍ය මණ්ඩල පත්‍රිකාවක්!’

ඒ අනුව තමයි අපි මීට අවුරුදු 40කට පෙර, පැවති එක්සත් ජාතික පක්ෂ ආණ්ඩුව විසින් පෞද්ගලිකකරණය කරන ලද බලවේග පේෂකර්ම ආයතනවල සේවය කරන ලද සේවා කාලය වසර 10කට වඩා අඩු සේවකයන් සඳහා විශ්‍රාම වැටුපක් ලබාදීම වෙනුවෙන් අමාත්‍ය මණ්ඩල පත්‍රිකාවක් ඉදිරිපත් කරනු ලැබුවේ. ‘

ගියොත් කොළයක් – ආවොත් අලියෙක්’ කියලා තමයි මෙම අමාත්‍ය මණ්ඩල පත්‍රිකාව ඉදිරිපත් කළේ. නමුත් 2020 ජූලි 15 වැනිදා තමුන්නාන්සේලාට ලැබුණේ ‘අලියෙක්’ එදින එම කැබිනට් පත්‍රිකාවට අනුමැතිය ලැබිලා තමුන්නාන්සේලාට ලැබුණු සහනය ‘අලියෙක්’ ලෙසයි මා හඳුන්වන්නේ.

‘ මහා පිංකමක්!’

මෙම කැබිනට් පත්‍රිකාවෙන් සහන ලැබුණු වැඩිම පිරිසක් සිටින්නේ කුරුණෑගල දිස්ත්‍රික්කයේයි. පේෂකර්ම, දේශීය රෙදිපිළි ක්ෂේත්‍රය භාරව සිටින රාජ්‍ය අමාත්‍යතුමන් ද කුරුණෑගලින් බිහිව තිබීම දෛවෝපගත සිදුවීමක්. දයාසිරි ජයසේකර මැතිතුමන් හා මම ද ඉමහත් සතුටට පත්වෙනවා, මෙම මහා පිංකමට දායක වීමට ලැබීම ගැන. මා මෙය සලකන්නේ පිංකමක් ලෙසයි. පින්කම් කියන ඒවායේ ප්‍රතිඵල මේ ආත්මභවයට පමණක් නොවේයි මතු ආත්මභවයන්ටත් බලපානවා.

ගෝඨාභය රාජපක්ෂ මැතිතුමන් සහ මහින්ද රාජපක්ෂ මැතිතුමන් වැනි තමුන්නාන්සේලාගේ වේදනාව හඳුනාගන්න පුළුවන් නායකත්වයක් නොතිබුණානම් අපට මේ දෙය කරන්න ඉඩ ලැබෙන්නේ නැහැ. දයාසිරි ජයසේකර අමාත්‍යතුමා මට පවසා තිබුණා පැවැති ආණ්ඩුව සමයේ තමුන්නාන්සේලාට සාධාරණය ඉටුකරදීමට ගත් වෙහෙස ගැන. නමුත් එවැනි පාලනයක් මගින් අපට සහනයක් ලබාගැනීමට බැහැ. අද මුළු ලෝකය පුරාම කොවිඩ් වසංගතය හේතුවෙන් වික්ෂිප්තභාවයක් ඇති වෙලා තිබෙනවා. අද සාමාන්‍ය ජන ජීවිතය පවත්වාගෙන යන්න වෙලා තියෙන්නේ ව්‍යතිරේකයන් ඇතුළේ. ඒකට කියනවා, ‘නව සාමාන්‍ය තත්ත්වය’ කියලා. නව සාමාන්‍ය තත්ත්වය යටතේ අපට මේ ශාලාව පිරී ඉතිරී යන ආකාරයට මේ උත්සවය පවත්වන්න බැහැ. පරතරයක් සහිතව අසුන් ගන්න වෙලා තිබෙනවා.

‘ ගෝඨාභය රාජපක්ෂයන් කුණාටු මැදින්…’

ගෝඨාභය රාජපක්ෂ මැතිතුමන් බලයට ආවේ ‘සහරාන්ලාගේ කුණාටුව’ ඇති වුණාට පස්සේ. එතුමා බලයට ආවට පස්සේ ‘කොවිඩ් 19 කුණාටුවත්’ හැමුවා. මේ කුණාටු දෙකෙන්ම ඇතිවුණු සෘණාත්මක බලපෑම මැද්දේ තමයි ගෝඨාභය රාජපක්ෂ මැතිතුමාට මේ රටේ පාලන සුක්කානම හසුරුවන්න සිදුව ඇත්තේ. ඒක අභියෝගයක්. ඒ අභියෝගය හරියට ජයගැනීමට නම් ගෝඨාභය රාජපක්ෂ මැතිතුමන් සෑම අතින්ම ශක්තිමත් කරන්න ඕනේ. හැම අතින්ම ශක්තිමත් කිරීම කිව්වට දේශපාලන වශයෙනුත් ශක්තිමත් කිරීම වැදගත්.

‘ ප්‍රධාන දේශපාලන ප්‍රවාහයක – ප්‍රධාන භූමිකාවක්’

දේශපාලන වශයෙන් ශක්තිමත් කිරීම කියන්නේ කුමක්ද? ගෝඨාභය රාජපක්ෂ මැතිතුමන් තමයි කිසිම දේශපාලන පක්ෂයක සාමාජිකයකු නොවන රාජ්‍ය නායකයා. එතුමා කිසිදු දේශපාලන පක්ෂයක ඉහළ තනතුරක් දරන්නේ නැහැ. මේ රටේ රාජ්‍ය නායකත්වයට පත්වූ හැම අයකුම මේ රටේ ප්‍රධාන දේශපාලන ප්‍රවාහයක ප්‍රධාන භූමිකාවක් රඟ දක්වපු අය. ගෝඨාභය රාජපක්ෂ මැතිතුමන් ඒ දේශපාලන භූමිකාව, ප්‍රධාන දේශපාලන ප්‍රවාහයක ප්‍රධාන භූමිකාවක් නොදරන කෙනෙක්. එතුමා වඩා ශක්තිමත් වන්නේ, එතුමාගේ සේවය මේ රටට වැඩියෙන් ලබා ගැනීමට හැකි වන්නේඒ අඩුපාඩුවත් සම්පූර්ණ වුවහොත්. එතුමා අංග සම්පූර්ණ රාජ්‍ය නායකයෙකු වන්නේ ඉහත අඩුපාඩුවත් සම්පූර්ණ කර ගතහොත් තමයි. ඒක අපි එතුමාට තිබෙන ලැදියාවට කියන දෙයක් මිසක් වෙනත් අරමුණකින් කියන දෙයක් නොවෙයි.

අපි විශ්වාස කරනවා ‘එතුමා ඉතාම දුෂ්කර තත්ත්වයක් මැද මේ රට නිවැරදිව පාලනය කරනවා’ කියලා. අපේ රටේ ණය බර ඉතිහාසය තුළ ඉහළම අගයක තිබෙන්නේ. රුපියල අවප්‍රමාණය වීම දරුණු ලෙස සිදුවෙද්දී පිටරටින් ගෙන එන දේවල් පාලනයකට නතුව තිබෙද්දී දේශීය කර්මාන්තවලට, ව්‍යාපාරවලට නැගී සිටීමට ඉඩකඩ සැලසා දෙමින් මේ හැම දෙයක්ම කරන්නේ එතුමා දේශීයත්වයට නැඹුරුවූ ප්‍රතිපත්තිමය පදනමක් තුළ මේ රට පාලනය කරන නිසයි.

‘ දේශපාලන කුණාටුවලට අපි බය නැහැ’

තමුන්නාන්සේලා දන්නවා අපි දේශපාලනයේ දී බොහෝ කුණාටුවලට මුහුණ දුන්නු අය. මම ජනතා විමුක්ති පෙරමුණේ සිටියදී ඉන් එළියට බහින්න සිදුවීම තමයි මුහුණ දුන් ලොකුම කුණාටුව. ඒ කුණාටුවටත් අපි මුහුණ දුන්නා. 2015 ජනවාරි 08 වැනිදායින් පසුව ආපු දේශපාලන කුණාටුවටත් අපි මුහුණ දුන්නා. කුණාටු කියන ඒවා අපිට දේශපාලන ජීවිතේ අලුත් අත්දැකීම් නොවෙයි. සමහර කුණාටු නාවොත් අලුත් ගොඩබිම් සොයා ගන්නවත් ලැබෙන්නේ නැහැ. සමහරවිට වස්කෝ ද ගාමාට අලුත් ගොඩබිම් හමුවෙන්න ඇත්තේත් කුණාටුවලට අහුවෙලයි. ජූලි වර්ජනය එක්තරා ආකාරයක කුණාටුවක්. ඉන් රස්සාව අහිමි වෙලා දිවි නසාගත් අයත් සිටියා. ඒ වගේම ව්‍යාපාර කරලා බොහොම ඉදිරියට ආපු අයත් හිටියා. ඒ නිසා මතක තබාගන්න ‘කුණාටු කියන්නේ සැමවිටම සෘණාත්මක ප්‍රතිඵල ලබා දෙන ඒවා නොවෙයි’ කියලා. ඒවායේ ධනාත්මක ප්‍රතිඵල ගැනීමේ විභවයක් තිබෙනවා. අපි ඕනෑම කුණාටුවක් දෙස බලන්නේ ධනාත්මක ඇහෙන්. ඒ නිසා අපි කුණාටුවලට බයත් නැහැ. කුණාටුවලට අපිව බය කරන්නත් බැහැ.

අපේ කැබිනට් අමාත්‍යාංශයට අයත් රාජ්‍ය අමාත්‍යවරුන් තිදෙනා අද තම රාජ්‍ය අමාත්‍යංශ නිවැරදිව මෙහෙයවනවා. විශේෂයෙන් දයාසිරි ජයසේකර මැතිතුමා මේ රටේ නිමි ඇඳුම් කර්මාන්තය, දේශීය රෙදිපිළි කර්මාන්තය නගා සිටුවීමට පුරෝගාමී වැඩ කොටසක් ඉටු කරනවා. අපි තමුන්ට ලැබුණු තනතුරේ ඇදකුද නොසොයා, තනතුරෙන් බැබලෙන්නේ නැතිව, තනතුර බබලවන්න වැඩ කරන අයයි.

එදා ගෝඨාභය රාජපක්ෂ මැතිතුමා බලයට ගෙන ආ බලවේගය, ඉන් අනතුරුව තුනෙන් දෙකක පාර්ලිමේන්තු බලය ද හදලා දුන්නු ජනතා බලවේගය අපි කෙරෙහි තබන ලද විශ්වාසය, ඔවුන් තුළ වන ගැඹුරු අපේක්ෂාවන් සපල කිරීමට හැම මොහොතකම අවදියෙන් කටයුතු කිරීම හැර අන් කාර්යභාරයක් අපේ උරමත අප පටවාගෙන නැහැ. ඒ ජනතාවගේ අපේක්ෂාවන් දශමයක හෝ අඩුවක් නොමැතිව සඵල කර දීමයි අපේ දේශපාලනය. ඒ වෙනුවෙන් කැප වන බව යළිත් අවධාරණය කරනවා”

මෙම අවස්ථාවට වයඹ පළාත් ආණ්ඩුකාර රාජා කොල්ලුරේ, බතික් අත්යන්ත්‍ර රෙදි, දේශීය ඇඟලුම් නිෂ්පාදන රාජ්‍ය අමාත්‍ය දයාසිරි ජයසේකර යන මහත්වරු ද එක්ව සිටියහ.

අනුරුද්ධ බණ්ඩාර රණවාරණ,
මාධ්‍ය ලේකම්,
කර්මාන්ත අමාත්‍යාංශය

Continue Reading
Click to comment

Leave a Reply

Your email address will not be published. Required fields are marked *

Local

සංචරන මැද මන්ත‍්‍රී නිවසේ කසිප්පු පෙරයි..

Published

on

By

මාතර මාකාවිට ප්‍රදේශයේ තෙමහල් නිවසක් තුළ නීති විරෝධී ලෙස කසිප්පු පෙරමින් සිටි මාතර ප්‍රාදේශීය සභාවේ එක්සත් ජාතික පක්ෂයේ හිටපු මන්ත්‍රීවරයකු හා ඔහුගේ ගෝලයකු සැකපිට ප්‍රශ්න කිරීම සදහා අත් අඩංගුවට ගත් බව මාතර මූලස්ථාන පොලීසිය පවසයි.

සැකකාර මන්ත්‍රීවරයාගේ බිරිද සෞඛ්‍ය ක්ෂේත්‍රයේ රජයේ රැකියාවක් සිදු කරන බව ද ඇය සමගි බලවේගයෙන් ප්‍රාදේශීය සභාවට පත් කළ මන්ත්‍රීවරියක ලෙස කටයුතු කරන බවද කියති.

සම්පූර්ණයෙන් වැඩ නිම නොකල නිවසේ කාමරයක් තුළ ගෑස් ලිපක් යොදා කසිප්පු පෙරීම සිදු කර ඇති බව පොලීසිය කියයි.

සැකකාර හිටපු මන්ත්‍රීවරයා හා ඔහුගේ ගෝලයා සන්තකයේ තිබී ගෝඩා මිලි ලීටර් 20000 ක් ,කසිප්පු මිලි ලීටර් 4750ක් හා ඒවා පෙරීමට ගන්නා උපකරණපොලීසිය භාරයට ගෙන ඇත.

පොලීසිය වෙත ලැබුණු තොරතුරකටඅනුව මෙම වැටලීම සිදු කර තිබේ.

මාතර මාකාවිට පදිංචි 56 හැවිරිදි හිටපු ප්‍රාදේශීය සභා මන්ත්‍රී හා ගාල්ල තවලම පදිංචි 38 හැවිරිදි ඔහුගේ ගෝලයා මාතර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.

– lankadeepa

Continue Reading

Local

ප‍්‍රසන්නගේ ප‍්‍රකාශය බොරු කියමින් මහා මාර්ග අමාත්‍යංශ ලේකම්ගෙන් නිවේදනයක්…

Published

on

By

ගම්පහ දිස්ත‍්‍රික්කය තුල මධ්‍යම අධිවේගී මාර්ගය ඉදිකිරිම අත්හිටවූ බවට අමාත්‍ය ප‍්‍රසන්න රණතුංග මහතා විසින් සිදුකරන ලද ප‍්‍රකාශය මහාමාර්ග අමාත්‍යංශය විසින් ප‍්‍රතික්‍ෂෙප කරයි.

මේ බව සදහන් කරමින් එම අමාත්‍යංශ ලේකම් විසින් නිකුත් කරන ලද මාධ්‍ය නිවේදනය මෙහි දැක්වෙයි.

මාධ්‍ය නිවේදනය
මහාමාර්ග අමාත්‍යාංශය

‘ මධ්‍යම අධිවේගී මාර්ගයේ ගම්පහ කොටසේ වැඩ තාවකාලිකව නැවතෙයි ’ යන ශීර්ෂය යටතේ පල වී ඇති ප්‍රවෘත්ති වාර්ථාව පිලිබදව සත්‍ය තත්වය පැහැදිලි කිරීම සදහා මෙම මාධ්‍ය නිවේදනය නිකුත් කරනු ලැබේ.

මධ්‍යම අධිවේගී මාර්ගයේ කඩවත සිට මීරිගම දක්වා කොටසේ සංවර්ධන කටයුතු නිසා පසුගිය දා පැවති අධික වර්ෂාවෙන් ගම්පහ නගරය හා අවට ප්‍රදේශ ගං වතුරෙන් යට වූ බවට වාර්තා පලවිය . මේ සම්බන්ධව මහාමාර්ග අමාත්‍ය ගරු ජොන්ස්ටන් ප්‍රනාන්දු මැතිතුමන්ගේ ප්‍රධානත්වයෙන් හා ගම්පහ දිස්ත්‍රික්කයේ මැති ඇමතිතුමන්ලාගේ සහභාගිත්වයෙන්ද මාර්ග සංවර්ධන අධිකාරියේ , වාරිමාර්ග දෙපාර්තුමේන්තුවේ හා ශ්‍රී ලංකා ඉඩම් සංවර්ධන සංස්ථාවේ නිළධාරීන් සමග සාකච්ඡාවක් පවත් වන ලදි.

එහිදී ගම්පහ නගරයත් ඒ අවට ප්‍රදේශයන් ජලයෙන් යටවීම පිළිබදව දීර්ඝ ලෙස සාකච්ඡා කරන ලදී.එහිදී මතු වු කරුණු අනුව ඉතා කෙටි කාලයකදී මිලි.මී.300 කට අධික වර්ෂා පතනයක් පැවතීමත්, ප්‍රදේශයේ ජලය බැස යාම සදහා ඇති කාණු පද්ධති හා ඇල මාර්ග ප්‍රතිසංස්කරණය නොකිරීමත්,දුම්රිය මාර්ගයේ ජලය බැස යාමේ අවහිරතාත් ගං වතුර සදහා හේතු වු ප්‍රධාන කරුණු ලෙස හදුනා ගන්නා ලදී.

එසේ ම එහිදී අධිවේගී මාර්ගයේ තැනීම් කටයුතු කරගෙන යාම පිලිබදව එමගින් ගං වතුර ඇති වීමට යම් හැකියාවක් සිදුවූවා දැයි ද සාකච්ඡා කරන ලදී.ඒ අනුව අධිවේගී මාර්ගය තැනීමට ප්‍රථම සිදු කරන ලද සක්‍යතා අධ්‍යනයේ දී සිදු කල ජල කළමනාකරණය අධ්‍යනය (hydrology study) නැවත සමාලෝචනය කිරීමටත් ජලය බැසයන බෝක්කු හා පාලම් සංඛ්‍යාව හෝ ඒවායේ ප්‍රමාණ සංශෝදනය කිරීමට යෝජිත අධ්‍යනයේ දී නිර්දේශ කරන්නේ නම් ඒවා ක්‍රියාත්මක කිරීමටත් තීරණය කරන ලදී.

එසේ ම ප්‍රදේශයේ ජනතාවට අධිවේගී මාර්ගය තැනීමේ කටයුතු සිදු කිරීම නිසා යම් පීඩාකාරී තත්වයක් ඇතිවී ඇත්නම් හා ඉදිරියේ දී ඇතිවීමේ හැකියාවක් ඇතිනම් ඒවා මග හරවා ගැනීම සදහා අවශ්‍ය පියවර ගැනීමට තීරණය කරන ලදී.

ඒසේ නොමැතිව කිසිදු අවස්ථාවක මධ්‍යම අධිවේගී මාර්ගයේ වැඩකටයුතු නවතා දැමීමට තීරණය කර නොමැති අතර මධ්‍යම අධිවේගී මාර්ගයේ කඩවත සිට මීරිගම කොටසේ සංවර්ධන කටයුතු අඛණ්ඩව පවත්වාගෙන යනු ලබන බව ද දන්වා සිටිමි.

ලේකම්
මහාමාර්ග අමාත්‍යාංශය

Continue Reading

Local

අපේ රජයත් යහපාලන වගේම වෙලා.. ජනතාව කන්න නැතිව හැඬූ කදුලින්.. පොහොට්ටු මන්ත‍්‍රී ජගත් කුමාර

Published

on

By

69 ලක්‍ෂයක ජනවරමකින් බලයට පත් වර්තමාන තම රජයද පසුගිය යහපාලන රජය කළ කටයුතුම කරන බව පැහැදිලි බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජගත් කුමාර මහතා සඳහන් කරයි.

මෑතකදී ඉහළ දමන ලද තෙල් මිල තෙල් මිල හේතුවෙන් ඒ බව පැහැදිලි වන්නේ යයිද කොළඹදී පැවති මාධ්‍ය හමුවක් අමතමින් ඔහු පැවසීය.

යහපාලන රජය කළදේම වත්මන් රජය ද කරන්නේ නම් ජනතාවගේ බලවත් අප්‍රසාදය තම රජයට ද ලැබෙනු නොඅනුමාන බව ද ඒ මහතා කියා සිටියේය.

අද වන විට ජනතාව කොරෝනා ව්‍යවසනය හේතුවෙන් අන්ත අසරණ භාවයට පත්වී තුන්වේල තියා එක වේලක්වත් කෑමට නැති අසරණ මිනිස්සු රටේ සෑම ප්‍රදේශයකම හැඬූ කඳුළෙන් ජීවත්වෙන බවද ඔහු පෙන්වා දෙයි.

එවන් තත්ත්වයකදී රජයක් වශයෙන් පළමුව කළ යුතු වන්නේ යම්කිසි කර්මාන්තයකින් පාඩු වන්නේ නම් එය රටේ ජනතාවගේ හිසට පටවවන්නේ නැතිව ඔවුන් වසංගතයෙන් රැකගෙන කුසගින්න නිවා දැමීමට හැකි ක්‍රමවේදයක් සකස් සැකසීම බව ද ඔහු පැවසීය.

Continue Reading

Trending

Copyright © 2020 pattare.lk