Connect with us

Local

දඩාවතේ ගිය ක‍්‍රීඩකයන්ට වසර 5ක ක‍්‍රිකට් තහනමක්..?

Published

on

එංගලන්තයේ සංචාරයේ නියුතුව සිටින අතරතුර ජෛව ආරක්ෂණ බුබුළ බිඳිමින් අයාලේ ගිය ක්‍රිකට් ක්‍රීඩකයන් තිදෙනාට වසර 5ක් දක්වා වන තරග තහනමක් පැනවිය යුතු යැයි ශ්‍රී ලංකා ක්‍රිකට් ආයතනයේ බලධාරීන් අතර ඊයේ (28වැනිදා) සාකච්ඡා වී ඇතැයි විශ්වසනීය ආරංචිමාර්ග ඔස්සේ වාර්තා විය.

කණ්ඩායමේ උපනායකයා වශයෙන් කටයුතු කළ කුසල් මෙන්ඩිස් සමග ධනුෂ්ක ගුණතිලක සහ නිරෝෂන් දික්වැල්ල ඉකුත් ඉරිදා (27 වැනිදා) මධ්‍යම රාත්‍රිය ආසන්නයේ ඩරම් නගර මධ්‍යයේ දුම් පානය කරමින් සැරිසරන අයුරු එරට සිටින ශ්‍රී ලාංකිකයකු විසින් වීඩියෝගත කර සමාජ මාධ්‍ය ඔස්සේ ප්‍රසිද්ධියට පත්කිරීමත් සමග ඊයේ වන විට මෙම හැසිරීම රටේ දැඩි විවේචනයට ලක්විය. ඒ අනුව කණ්ඩායම් කළමනාකාරවරයාගෙන් මේ පිළිබඳව වහාම වාර්තාවක් කැඳවීමට ශ්‍රී ලංකා ක්‍රිකට් බලධාරීන් කටයුතු කර තිබූ අතර අදාළ ක්‍රීඩකයන්ගේ මෙම හැසිරීම පිළිබඳව එම වාර්තාවෙන් තහවුරු වීමත් සමග එම තිදෙනාට තාවකාලික තහනමක් පනවා වහාම ඔවුන්ව මෙරටට කැඳවීමට නියෝග කෙරිණි. එසේම මේ පිළිබඳ පරීක්ෂණ අවසන් වනතුරු ඔවුනට සියලු ආකාරයේ ක්‍රිකට් තරග තහනම් කිරීමට ද තීරණය කළ බව ශ්‍රී ලංකා ක්‍රිකට් ආයතනය ඊයේ නිවේදනය කළේය.

ශ්‍රී ලංකා ක්‍රිකට් කණ්ඩායම ඉතාම දුර්වල තරග රටාවක් පෙන්නුම් කරන අවස්ථාවක මෙවැන්නක් සිදුවීම ශ්‍රී ලංකා ක්‍රිකට් ආයතනය මහත් අපහසුතාවට පත්කරවන්නක් වී ඇති අතර අදාළ ක්‍රීඩකයන්ට වසර 5ක තහනමක් පැනවිය යුතුය යන අදහස ක්‍රිකට් ප්‍රධානීන් තුළ පැන නැගී ඇත්තේ එවන් වටපිටාවකය. මෙම ක්‍රීඩකයන්ට වසරක තහනමක් පැනවීම ප්‍රමාණවත් බව මෙහිදී සමහරෙකුගේ මතය වී ඇතත්, මෙම ක්‍රීඩකයන්ගේ පෙර වැරදි රැසක් ඇති බැවින්, මතු ක්‍රිකට් ක්‍රීඩකයන්ටද පාඩමක් වන සේ වසර 5ක තහනමක් පැනවිය යුතු යැයි බහුතරයකගේ මතය වී තිබේ.සෞඛ්‍ය ආරක්ෂාව මත ජෛව ආරක්ෂණ බුබුළකට නතු කර තිබීම මත ශ්‍රී ලංකා කණ්ඩායමට ඔවුන් රැඳී සිටින ඩරම් හී රැඩිසන් බ්ලූ හෝටලයේ පරිශ්‍රයෙන් පිටත සැරිසැරීමට අවසර නොතිබුණි. එසේම රාත්‍රී 10න් පසුව සිය නේවාසික කාමර තුළ රැඳී සිටීමද අනිවාර්ය විය. මේ සම්බන්ධයෙන් කණ්ඩායම් සාමාජිකයන් සියලු දෙනා දැනුවත්ව තිබූ බවට සාක්ෂියක් වශයෙන් ශ්‍රී ලංකා ක්‍රිකට් කණ්ඩායමේ කළමනාකරු විසින් කණ්ඩායම් සාමාජිකයන් වෙත යවා තිබූ වට්ස්ඇප් පණිවුඩයක්ද ශ්‍රී ලංකා ක්‍රිකට් ආයතනය සතු බව සැලවේ.

චූදිත ක්‍රීඩකයන් තිදෙනා ඊයේ පස්වරුව වන විටත් එංගලන්තයේ රැඳී සිටි අතර ඔවුන්ව හැකි ඉක්මනින් මෙරටට කැඳවීම පිණිස කටයුතු යෙදෙමින් පැවතුනි.

මොවුන් අතරින් කුසල් මෙන්ඩිස් ඉකුත් වසරේ ජූලි 05 වැනිදා පාරේ වැරදි දෙසින් වාහනය පදවා අනතුරක් සිදුකර පාපැදිකරුවකු මරණයට පත්කිරීමට චෝදනා ලැබූවකු වන අතර ධනුෂ්ක ගුණතිලක දකුණේ සංචාර හෝටලයකදී තරුණියකට අඩන්තේට්ටම් කිරීමේ සිද්ධියක් සම්බන්ධයෙන් ඉකුත් අප්‍රේල් මස 20 වැනිදා නීතිඥ පණ්ඩුක කීර්තිනන්ද ප්‍රමුඛ විනය කමිටුවක් මගින් මානසික උපදේශනය සඳහා නිර්දේශ කර සිටියෙකි.

– aruna

Local

සමාජ ජාල තහනම් කල යුතුයි.. කැබිනට් මණ්ඩලයට යෝජනා කෙරේ..

Published

on

By

සමාජ ජාල මර්දනය කිරීමට නැතිනම් නියාමනය කිරීමට මෙරට තුල කිසිදු නීතිමය හැකියාවක් නැති බව අමාත්‍ය නිමල් සිරිපාල ද සිල්වා මහතා සඳහන් කරයි.

සමාජ ජාලා තහනම් කිරීම හෝ නිසි ලෙස නියාමනය කළ යුතු බවද පවසන අමාත්‍යවරයා තමන් මේ සම්බන්ධයෙන් කැබිනට් මණ්ඩලයේදී කිහිපවිටක්ම පවසා ඇතැයිද පැවසීය.

චීනය අද වන විට සමාජ ජාල ක්‍රියාත්මක නොවන බවද ඔහු පැවසුවේ පාර්ලිමේන්තුවේ පැවති විවාදයකට එක්වෙමිනි.

Continue Reading

Local

ඩෙල්ටා සීග‍්‍රයෙන් පැතිරෙමින්.. වහා දැඩි සංචරණය සීමා දමන්නැයි දන්වයි…

Published

on

By

අද වන විට ශ්‍රී ලංකාව තුළ කොරෝනා වෛරසයේ ඩෙල්ටා ප්‍රභේදය පැතිරීම ආරම්භ වී ඇතැයි ශ්‍රී ලංකා වෛද්‍ය සංගමය සඳහන් කරයි.

එහි සභාපති විශේෂඥ වෛද්‍ය පද්මා ගුණරත්න මහත්මිය පෙන්වා දෙන්නේ කොළඹ ගම්පහ කළුතර පළාත් වල ඩෙල්ටා ප‍්‍රභේදය සීඝ‍්‍රයෙන් පැතිරයමින් ඇති බවයි.

මෙම තත්ත්වය මත සංචරණ සීමා දැඩිව පැනවූයේ නැත්නම් රටක් ලෙස මෙය පාලනය කිරීම ඉතා අපහසු බව ද ඇය පෙන්වා දෙයි.

මේ අවස්ථාවේදී අනිවාර්යෙන්ම සංචරන සීමා පැනවිය යුතු බවද ඇය අවධාරණය කළාය.

මේ සම්බන්ධයෙන් අදහස් පල කරමින් සෞඛ්‍ය අමාත්‍යංශයේ මාධ්‍ය ප්‍රකාශක විශේෂඥ වෛද්‍ය හේමන්ත හේරත් මහතා පැවසුවේ පවතින තත්වය සමාලෝචනය කර සමබරව ගෙන යාමට නොහැකි වුවහොත් එම තීරණය ගැනීමට අනිවාර්යෙන්ම සිදු වනු ඇති බවය.

Continue Reading

Local

පඩි ඉල්ලා විරෝධතා කල ගුරුවරුන් 42ක් පොලිස් අත්අඩංගුවට..

Published

on

By

ජනාධිපති ලේකම් කාර්යාලය ඉදිරියෙහි විරෝධතාවේ යෙදුණු පුද්ගලයන් 42ක් සහ වාහන 10ක් පොලිසිය විසින් අත්අඩංගුවට ගෙන තිබේ.

පොලිස් මාධ්‍ය ප්‍රකාශකවරයා සඳහන් කරන්නේය පිරිමි 26ක් සහ කාන්තාවන් 16ක් එසේ අත්අඩංගුවට ගත් බවයි.

නිරෝධායන රෙගුලාසි උල්ලංඝනය කිරීම යටතේ ඔවුන් අත්අඩංගුවට ගත් බවත් අත්අඩංගුවට ගත් පිරිස අධිකරණය හමුවට ඉදිරිපත් කිරීමට නියමිත බවත් ඔහු පැවසීය.

Continue Reading

Trending

Copyright © 2021 pattare.lk