Connect with us

Local

දැරිය අලෙවි කලේ ebay ලෙසටමයි.. එය වරදක්ද.. දැරිය විකිණු වෙබ් අඩවි හිමිකරු අධිකරණයේදී අසයි..

Published

on

අන්තර්ජාලය ඔස්සේ පහළොස් හැවිරිදි දැරියක් ලිංගික කටයුතු සඳහා විවිධ පුද්ගලයන්ට අලෙවි කිරීමේදී ඇතිවූ විශේෂ දුරකථන සංවාද පිළිබඳ විශ්ලේෂණ වාර්තාවක් ලබාදෙන ලෙස කොළඹ අතිරේක මහෙස්ත්‍රාත් ලෝචනී අබේවික්‍රම රජයේ රස පරීක්ෂකවරයාට ඊයේ (12 වැනිදා) නියෝග කළාය.

අන්තර්ජාලය ඔස්සේ බාලවයස්කාර දැරියක් ලිංගික කටයුතු සඳහා අලෙවි කිරීමේ සිද්ධිය සම්බන්ධයෙන් පොලිස්පතිවරයාගේ නියෝග පරිදි අපරාධ පරීක්ෂණ දෙපාර්තමේන්තුව, පොලිස් ළමා හා කාන්තා කාර්යාංශය ඇතුළු අංශ කිහිපයක් මේ වන විට විශේෂ විමර්ශනයක් පවත්වනු ලබයි.

එම විමර්ශනයේ ඉදිරි කටයුතු සඳහා මෙන්ම දැරිය ලිංගික කටයුතු සඳහා මිලදී ගත් මෙතෙක් අත්අඩංගුවට ගෙන නොමැති, විවිධ තරාතිරම්වල පුද්ගලයන් නිශ්චිතව හඳුනා ගැනීමට අදාළ දුරකථන සංවාද රජයේ රස පරීක්ෂකවරයා වෙත යොමු කර විශ්ලේෂණ වාර්තාවක් ලබා ගැනීමට නියෝගයක් ලබා දෙන ලෙස පොලිසිය ඉල්ලා සිටියේය.

පොලිස් ළමා හා කාන්තා කාර්යාංශය කරන ලද එම ඉල්ලීම සලකා බැලූ මහේස්ත්‍රාත්වරිය, දුරකථන සංවාද පිළිබඳ විශ්ලේෂණ වාර්තාවක් ලබාදෙන ලෙස රජයේ රස පරීක්ෂකවරයාට නියෝග කළාය.

‘‘මෙම සිද්ධියට අදාළව අත්අඩංගුවට ගත් ප්‍රියංක නලීන් කුලරත්න නමැති ත්‍රිරෝද රථ රියැදුරු, දැරිය ත්‍රිරෝද රථයේ නංවාගෙන විවිධ පුද්ගලයන්ට අලෙවි කිරීමට රැගෙන ගොස් තිබෙනවා. එලෙස දැරිය ගල්කිස්සේ මවුන්ට් එයා හෝටලය වෙත අවස්ථා කිහිපයකදී රැගෙන ගොස් තිබෙනවා. සැකකරු සහ එම හෝටලයේ කළමනාකරු චන්දන බණ්ඩාර අතර දුරකථන සංවාද ඇතිවී තිබෙනවා. දැරිය විවිධ පුද්ගලයන්ට අලෙවි කිරීමට යෑමේදී එම දුරකථන සංවාද ඇතිවී තිබෙනවා,’’ යැයි පොලිස් ළමා හා කාන්තා කාර්යාංශයේ නිලධාරියෙක් අධිකරණය වෙත දන්වා සිටියේය. දැරිය අලෙවි කිරීමට ගත් ඔක්කොම ඇමතුම් අවසන් වී ඇත්තේ ‘‘බුදු සරණයි’’ කියලායි. යනුවෙන් ද අතිරේක මහෙස්ත්‍රාත් ලෝචනී අබේවික්‍රම විවෘත අධිකරණයේදී ප්‍රකාශ කළේය.

මෙම සිද්ධිය සම්බන්ධයෙන් නීතිපතිවරයාගේ උපදෙස් ලබා ගන්නා ලෙස මහෙස්ත්‍රාත්වරිය පොලිසියට නියෝග කළාය.

මහෙස්ත්‍රාත්වරිය – විත්තිකරුවන්ට ඇප දීමට හැකියාව තිබුණත් විමර්ශන අවසන් නැහැ. ඇප දෙන්න එපා කියලා පොලිසිය බොහෝ විට කියනවා. මෙම සිද්ධියේ අවසන් ලැයිස්තුව දක්වා විමර්ශනය කරනවාද? දැරියගේ ප්‍රකාශයට පමණක් විමර්ශනය සීමා කරනවාද? කියන එක තීරණය කරන්නේ පොලිසියයි. මෙහි සැකකරුවන්ට ඇප ලබාදීමට කරන ඉල්ලීම සම්බන්ධයෙන් රජයේ ස්ථාවරය දැනුම්දීමට නීතිපති උපදෙස් ලබා ගන්නා ලෙස පොලිසියට නියම කරනවා.

අන්තර්ජාලය ඔස්සේ දැරිය අලෙවි කිරීමට දැන්වීම් පළකර තිබූ බව කියන ලංකා ඇඩ් ඩොට් කොම් වෙබ් අඩවියේ හිමිකරු වන දැනට රිමාන්ඩ් භාරයේ සිටින මාකේවෙලගෙදර ධනුක කෞෂල්‍ය වෙනුවෙන් පෙනී සිටි ජනාධිපති නීතිඥ අනුජ ප්‍රේමරත්න මෙහිදී මෙසේ පැවැසීය.

මාගේ සේවාදායකයා පළකර තිබූ බව කියන දැන්වීම්වල සදාචාර භාවයක් නොතිබෙන්න පුළුවන්. නමුත් එහි අනීතියක භාවයක් නැහැ. ඊ. බේ. මගින් ලෝකය පුරාම බඩු විකුණන්න දැන්වීම් දාලා තිබෙනවා.

මහෙස්ත්‍රාත්වරිය – මෙතැන බඩු නෙමෙයිනේ විකුණලා තිබෙන්නේ. විකුණලා ඇත්තේ කාන්තාවක්.

ජනාධිපති නීතිඥ අනුජ ප්‍රේමරත්න – මේ වෙබ් අඩවියේ ෆුල් සර්විස් කියලා තිබෙනවා. මේ තැනැත්තියගේ වයස අවුරුදු 19යි. කියා සඳහන් කරමින් ෆුල් සර්විස් කියා දැන්වීම් පළ කර තිබෙනවා. මේ තැනැත්තියගේ වයස සත්‍ය වශයෙන්ම අවුරුදු 19ක් වුවානම් ගැටලුවක් ඇතිවන්නේ නෑ. මෙහි ඇත්තටම වී ඇත්තේ වෙබ් අඩවියට වැරදි තොරතුරක් දීමයි. ශ්‍රී ලංකාවේ කාන්තාවක් ගණිකාවක් බවට පත් කිරීමට යම් දෙයක් කළහොත් එහිදී කුට්ටනය නමැති වරද සිදුවෙනවා.

ගණිකාවක් බවට පත්වූ කාන්තාවක් නැවත ගණිකාවක් බවට පත් කරන්න බැහැ. ඒ පිළිබඳව ශ්‍රේෂ්ඨාධිකරන තීන්දු පවා තිබෙනවා. එම නිසා මාගේ සේවාදායකයා මෙම දැන්වීම භාරගෙන ඇය ගණිකාවක් බවට පත්කළේ නැහැ. මාගේ සේවාදායකයා ඇයගෙන් සේවයක් ලබාගත්තේ නැහැ. ඇය තමයි මාගේ සේවාදායකයාගෙන් සේවයක් ලබාගෙන තිබෙන්නේ. එම නිසා ඕනෑම කොන්දේසියක් මත ඇප මත මුදා හරින ලෙස ඉල්ලා සිටිනවා.

මෙම සිද්ධියට අදාළ තවත් සැකකරුවන් දෙදෙනකුට ඇප ඉල්ලා සිටි අතර, එම ඇප ඉල්ලීම් ලබන 19 වැනිදා සලකා බැලීමට මහෙස්ත්‍රාත්වරිය තීරණය කළාය.

– aruna

Local

මිල වැඩිකල ප‍්‍රධාන යතුරු පැදි සමාගමකට නඩු.. දඩ ගෙවන්න නියෝග..

Published

on

By

2003 අංක 9 දරණ පාරිභෝගික කටයුතු පිළිබඳ අධිකාරිය පනතට අනුව භාණ්ඩයක එක් අවස්ථාවක මිල ලකුණු කිරීමෙන් පසු එම මිල යළි වෙනස් කළ නොහැක. එනම් මිල වැඩි වුවද සටහන් කර ඇති මිලටම පැරණි භාණ්ඩ තොග පාරිභෝගිකයාට අලෙවි කළ යුතුය.

මෙම නීති රීති උල්ලංඝනය කරමින් ලංකාවේ යතුරු පැදි අමතර කොටස් ආනයනය කරනු ලබන ප්‍රධාන සමාගමක් යතුරු පැදි අමතර කොටස්වල, මීට පෙර සටහන් කර ඇති මිල වෙනස් කර අධික ලාභ ඉපයීම සඳහා පැරණි තොග වලද ඉහළ මිල ගණන් යොදා අලෙවි කර ඇත.

මේ පිළිබඳව ක්‍රියාත්මක වූ පුත්තලම පාරිභෝගික අධිකාරිය වැටලීමක් සිදු කොට පුත්තලම, සමාගමට එරෙහිව අගෝස්තු මස 03 වන දින පුත්තලම මහේස්ත්‍රාත් අධිකරණයේ නඩු පවරා ඇති අතර එහිදී සමාගමට දඩ මුදලක් නියම වී ඇත.

මෙම මිල වෙනස් කිරීම් පිළිබඳව අලවි නියෝජිතයන් කිහිප දෙනෙකුටද පුත්තලම සහ ආණමඩුව මහේස්ත්‍රාත් අධිකරණවල නඩු පැවරීමට නියමිතව ද ඇත.

මෙලෙස පාරිභෝගිකයින්ගෙන් අසාධාරණ ලෙස මුදල් අය කරනු ලබන සටහන් මිල වෙනස් කිරීම් සම්බන්ධව දිස්ත්‍රික්කය පුරා තවදුරටත් වැටලීම් ක්‍රියාත්මක කරන බව පුත්තලම පාරිභෝගික අධිකාරිය වැඩිදුරටත් පැවසීය.

– කැලුම් රත්නායක

Continue Reading

Local

සමාජ ජාල තහනම් කල යුතුයි.. කැබිනට් මණ්ඩලයට යෝජනා කෙරේ..

Published

on

By

සමාජ ජාල මර්දනය කිරීමට නැතිනම් නියාමනය කිරීමට මෙරට තුල කිසිදු නීතිමය හැකියාවක් නැති බව අමාත්‍ය නිමල් සිරිපාල ද සිල්වා මහතා සඳහන් කරයි.

සමාජ ජාලා තහනම් කිරීම හෝ නිසි ලෙස නියාමනය කළ යුතු බවද පවසන අමාත්‍යවරයා තමන් මේ සම්බන්ධයෙන් කැබිනට් මණ්ඩලයේදී කිහිපවිටක්ම පවසා ඇතැයිද පැවසීය.

චීනය අද වන විට සමාජ ජාල ක්‍රියාත්මක නොවන බවද ඔහු පැවසුවේ පාර්ලිමේන්තුවේ පැවති විවාදයකට එක්වෙමිනි.

Continue Reading

Local

ඩෙල්ටා සීග‍්‍රයෙන් පැතිරෙමින්.. වහා දැඩි සංචරණය සීමා දමන්නැයි දන්වයි…

Published

on

By

අද වන විට ශ්‍රී ලංකාව තුළ කොරෝනා වෛරසයේ ඩෙල්ටා ප්‍රභේදය පැතිරීම ආරම්භ වී ඇතැයි ශ්‍රී ලංකා වෛද්‍ය සංගමය සඳහන් කරයි.

එහි සභාපති විශේෂඥ වෛද්‍ය පද්මා ගුණරත්න මහත්මිය පෙන්වා දෙන්නේ කොළඹ ගම්පහ කළුතර පළාත් වල ඩෙල්ටා ප‍්‍රභේදය සීඝ‍්‍රයෙන් පැතිරයමින් ඇති බවයි.

මෙම තත්ත්වය මත සංචරණ සීමා දැඩිව පැනවූයේ නැත්නම් රටක් ලෙස මෙය පාලනය කිරීම ඉතා අපහසු බව ද ඇය පෙන්වා දෙයි.

මේ අවස්ථාවේදී අනිවාර්යෙන්ම සංචරන සීමා පැනවිය යුතු බවද ඇය අවධාරණය කළාය.

මේ සම්බන්ධයෙන් අදහස් පල කරමින් සෞඛ්‍ය අමාත්‍යංශයේ මාධ්‍ය ප්‍රකාශක විශේෂඥ වෛද්‍ය හේමන්ත හේරත් මහතා පැවසුවේ පවතින තත්වය සමාලෝචනය කර සමබරව ගෙන යාමට නොහැකි වුවහොත් එම තීරණය ගැනීමට අනිවාර්යෙන්ම සිදු වනු ඇති බවය.

Continue Reading

Trending

Copyright © 2021 pattare.lk