Connect with us

Local

දේශීය හොද පොල්තෙල් සහන මිලට ඇමති විමල්ගෙන්..

Published

on

දේශීය පොල් තෙල් කර්මාන්තකරුවන් මුහුණ දී සිටින අමුද්‍රව්‍ය හිඟයට පිළියම් ලබා දී වස විසෙන් තොර ගුණාත්මකභාවයෙන් ඉහළ පොල් තෙල් මෙරටදීම නිපදවා ජූලි මස අවසන් වීමට පෙර, ජනතාවට සහන මිලට ලබා ගැනීම සඳහා වෙළඳපොළට නිකුත් කිරීමට කර්මාන්ත අමාත්‍ය විමල් වීරවංශ මහතාගේ උපදෙස් මත කඩිනම් වැඩපිළිවෙළක් ක්‍රියාත්මක ව තිබේ.

කර්මාන්ත අමාත්‍යාංශය යටතේ පවතින බීසීසී ලංකා සමාගමේ මැදිහත් වීමෙන් සිදු කරන මෙම වැඩපිළිවෙළේ ප්‍රගතිය විමසා බැලීමට විශේෂ සාකච්ඡාවක් අමාත්‍යවරයාගේ ප්‍රධානත්වයෙන් පැවැත්විණි.

මෙම වැඩපිළිවෙළ යටතේ බීබීසී ලංකා සමාගම, දේශීය පොල් තෙල් නිෂ්පාදකයන් මුහුණ දී සිටින අමුද්‍රව්‍ය හිඟයට පිළියම් යොදමින් තත්වයෙන් උසස් කැබලි පොල් ආනයනය කර නිසි ක්‍රමවේදයකට එකී නිෂ්පාදකයන්ට බෙදාදීමට නියමිත ය. එම අමුද්‍රව්‍ය යොදාගෙන නිෂ්පාදනය කෙරෙන පොල්තෙල්වල ගුණාත්මකභාවය පිරික්සීමට නිසි ක්‍රමවේදයක් ක්‍රියාත්මක කරන ලෙස ද මෙහිදී අමාත්‍යවරයා අමාත්‍යාංශ නිලධාරීන්ට උපදෙස් ලබා දුන්නේ ය.

එසේම මෙම පොල් තෙල් වෙළඳපොළට නිකුත් කළ හැකි අවම මිල ගණන් පිළිබඳව ද අමාත්‍යවරයාගේ අවධානය යොමු වූ අතර දැනට වෙළඳපොළෙහි පවතින මිල ගණන්වලට වඩා, ඉතා සහනදායී මිලකට මෙමගින් පොල් තෙල් නිෂ්පාදනය කර, බෙදා හැරීමට හැකි බව, එහිදී දේශීය පොල් තෙල් නිෂ්පාදකයෝ පැවසූහ.

තවද බීසීසී ලංකා ආයතනයේ සභාපති චමින්ද වෙලේගම මහතා සහ පොල් තෙල් නිෂ්පාදකයන් මෙහිදී සඳහන් කළේ, ජූලි මාසය අවසන් වීමට පෙර මෙම අමුද්‍රව්‍ය මගින් පොල් තෙල් නිෂ්පාදනය කර වෙළඳපොලට නිකුත් කිරීමට කඩිනමින් කටයුතු කරන බව ය. පිළිකා කාරක නොමැති ගුණාත්මකභාවයෙන් උසස් පොල්තෙල් සහන මිලට ජනතාවට ලබාදීම එකම අරමුණ කරගත් මෙම වැඩපිළිවෙළ සාර්ථක කර ගැනීමට ගත හැකි සියලු පියවර ගන්නා ලෙස විමල් වීරවංශ අමාත්‍යවරයා මෙහිදී අවධාරණය කළේය.

අනුරුද්ධ බණ්ඩාර රණවාරණ,
මාධ්‍ය ලේකම්,
කර්මාන්ත අමාත්‍යාංශය

Continue Reading
Click to comment

Leave a Reply

Your email address will not be published. Required fields are marked *

Local

සමාජ ජාල තහනම් කල යුතුයි.. කැබිනට් මණ්ඩලයට යෝජනා කෙරේ..

Published

on

By

සමාජ ජාල මර්දනය කිරීමට නැතිනම් නියාමනය කිරීමට මෙරට තුල කිසිදු නීතිමය හැකියාවක් නැති බව අමාත්‍ය නිමල් සිරිපාල ද සිල්වා මහතා සඳහන් කරයි.

සමාජ ජාලා තහනම් කිරීම හෝ නිසි ලෙස නියාමනය කළ යුතු බවද පවසන අමාත්‍යවරයා තමන් මේ සම්බන්ධයෙන් කැබිනට් මණ්ඩලයේදී කිහිපවිටක්ම පවසා ඇතැයිද පැවසීය.

චීනය අද වන විට සමාජ ජාල ක්‍රියාත්මක නොවන බවද ඔහු පැවසුවේ පාර්ලිමේන්තුවේ පැවති විවාදයකට එක්වෙමිනි.

Continue Reading

Local

ඩෙල්ටා සීග‍්‍රයෙන් පැතිරෙමින්.. වහා දැඩි සංචරණය සීමා දමන්නැයි දන්වයි…

Published

on

By

අද වන විට ශ්‍රී ලංකාව තුළ කොරෝනා වෛරසයේ ඩෙල්ටා ප්‍රභේදය පැතිරීම ආරම්භ වී ඇතැයි ශ්‍රී ලංකා වෛද්‍ය සංගමය සඳහන් කරයි.

එහි සභාපති විශේෂඥ වෛද්‍ය පද්මා ගුණරත්න මහත්මිය පෙන්වා දෙන්නේ කොළඹ ගම්පහ කළුතර පළාත් වල ඩෙල්ටා ප‍්‍රභේදය සීඝ‍්‍රයෙන් පැතිරයමින් ඇති බවයි.

මෙම තත්ත්වය මත සංචරණ සීමා දැඩිව පැනවූයේ නැත්නම් රටක් ලෙස මෙය පාලනය කිරීම ඉතා අපහසු බව ද ඇය පෙන්වා දෙයි.

මේ අවස්ථාවේදී අනිවාර්යෙන්ම සංචරන සීමා පැනවිය යුතු බවද ඇය අවධාරණය කළාය.

මේ සම්බන්ධයෙන් අදහස් පල කරමින් සෞඛ්‍ය අමාත්‍යංශයේ මාධ්‍ය ප්‍රකාශක විශේෂඥ වෛද්‍ය හේමන්ත හේරත් මහතා පැවසුවේ පවතින තත්වය සමාලෝචනය කර සමබරව ගෙන යාමට නොහැකි වුවහොත් එම තීරණය ගැනීමට අනිවාර්යෙන්ම සිදු වනු ඇති බවය.

Continue Reading

Local

පඩි ඉල්ලා විරෝධතා කල ගුරුවරුන් 42ක් පොලිස් අත්අඩංගුවට..

Published

on

By

ජනාධිපති ලේකම් කාර්යාලය ඉදිරියෙහි විරෝධතාවේ යෙදුණු පුද්ගලයන් 42ක් සහ වාහන 10ක් පොලිසිය විසින් අත්අඩංගුවට ගෙන තිබේ.

පොලිස් මාධ්‍ය ප්‍රකාශකවරයා සඳහන් කරන්නේය පිරිමි 26ක් සහ කාන්තාවන් 16ක් එසේ අත්අඩංගුවට ගත් බවයි.

නිරෝධායන රෙගුලාසි උල්ලංඝනය කිරීම යටතේ ඔවුන් අත්අඩංගුවට ගත් බවත් අත්අඩංගුවට ගත් පිරිස අධිකරණය හමුවට ඉදිරිපත් කිරීමට නියමිත බවත් ඔහු පැවසීය.

Continue Reading

Trending

Copyright © 2021 pattare.lk