Connect with us

Local

බදුල්ල බේර ගන්න.. රජිත් කීර්ති ඉල්ලයි..

Published

on

ලංකාවේ දෙවන වැඩිම මරණ ප්‍රතිශතය වාර්තා වන්නේ බදුල්ල ප්‍රදේශයෙන් බවත්, එසේ වුවද එම දිස්ත්‍රික්කයේ පවතින සෞඛ්‍ය පහසුකම් ප්‍රමාණවත් නොවන බැවින් වහාම එම අඩුපාඩු සපයා ගැනීම සදහා ක්‍රියාකරන ලෙස ඉල්ලමින් හිටපු දකුණු සහ මධ්‍යම පළාත් ආණ්ඩුකාර රජිත් කීර්ති තෙන්නකෝන් මහතා ඌව පළාත් ආණ්ඩුකාරවරයාට සහ දිස්ත්‍රික් ලේකම්වරියට ලිපියක් යොමුකරමින් ඉල්ලා තිබේ.

එම ලිපිය පහතින් දැක්වේ.

2021.06.11

ඌව පළාත් ආණ්ඩුකාරවර,
එම්. මුසම්මිල් මහතා,
ආණ්ඩුකාර කාර්යාලය,
බදුල්ල.

දිසාපති/දිස්ත්‍රික් ලේකම්,
බදුල්ල.

ප්‍රිය ආණ්ඩුකාරතුමනි, දිස්ත්‍රික් ලේකම්තුමියනි,

බදුල්ල දිස්ත්‍රික්කයේ කෝවිඩ් තත්වය හා ඉහළ යන මරණ සංඛ්‍යාව සම්බන්ධයෙනි

ශ්‍රී ලංකාවේ කෝවිඩ් රෝගීන් සංඛ්‍යාව සහ මරණ සංඛ්‍යාව අතර දෙවන ඉහළම අනුපාතය බදුල්ල දිස්ත්‍රික්කයෙන් වාර්තා වේ. රෝගීන් සියයකට සිදුවන මරණ සංඛ්‍යාව, වසංගත රෝගයක් සම්බන්ධයෙන් යම් භූගෝලීය කලාපයකට සිදු කරන බලපෑම/ප්‍රබලත්වය පිළිබඳ තීරණාත්මකම සාධකයයි.

බදුල්ල දිස්ත්‍රිකයේ කෝවිඩ් රෝගීන් ගේ මරණ සංඛ්‍යාව ඉහළ මට්මක පැවතීමට ප්‍රධානතම හේතුව දිස්ත්‍රික්කයේ සෞඛ්‍ය පහසුකම් බිඳවැටීමයි. කෝවිඩ් මර්ධනය සඳහා අවශ්‍ය අත්‍යවශය පහසුකම් සපයා නොගැනීම,

රෝගීන් සඳහා අවශ්‍ය ඖෂධ, කෘතීම ස්වසන යන්ත්‍ර, හා වෙනත් පහසුකම් ඒ අතර වේ. තවත් අතකින් ලංකාවේ අඩුම ජනගහන ප්‍රතිශතයක් එන්නත්කරණය සිදු කළ දිස්ත්‍රික්ක අතරට බදුල්ල ද එක්ව ඇත. රජයේ කෝවිඩ් නීතිවලට පරිබාහිරව කටයුතු කිරීම පළාතේ සෞඛ්‍ය බලධාරීන්ට බලපෑම් කළ බවට ද තොරතුරු ගණනාවකි.

කෝවිඩ් ප්‍රතිකාර සඳහා අවශ්‍ය යන්ත්‍ර සපයා ගැනීම සඳහා බදුල්ල රජයේ වෛද්‍ය නිලධාරීන්ගේ සංගමය සහ සුබපතන්නන් එක්ව පෞද්ගලික ආධාර සපයා ගනිමින් සිටී. ඔවුන්ගේ උත්සාහ අගයන අතරම, එයින් කියවෙන්නේ බදුල්ල දිස්ත්‍රික්කය අවශ්‍ය අවම පහසුකම් සැලසීමට හෝ රජය හා පළාත් බලධාරීන් මේ දක්වා අසමත් වී ඇති බවයි.

බදුල්ල දිස්ත්‍රික්කයේ කෝවිඩ් මර්ධනය හා රෝගීන්ට ප්‍රතිකාර කිරීමේ දී ඇතිව තිබෙන දුෂ්කරතාවයන් වෛද්‍යවරුන්, වෛද්‍ය කාර්ය මණ්ඩල පමණක් නොව වෙනත් කණ්ඩායම්වලට දැඩි දෝෂ දර්ශනයට ලක් වෙමින් තිබීම අවසානාවන්ත තත්වයකි.

ලංකාවේ දෙවන වැඩිම රෝගීන් ප්‍රතිශතය මිය යන දිස්ත්‍රික්කය බවට පත්ව ඇති බදුල්ල ට අවශ්‍ය පහසුකම් සලසා ගැනීම කෙරෙහි සෞඛ්‍ය අමාත්‍යාංශය හා අනෙකුත් ආයතනයන් හි අවධානය යොමු කරවන ලෙස බදුල්ලේ ජනතාව වෙනුවෙන්, බදුල්ල දිස්ත්‍රික්කයේ ඡන්දදායකයෙකු ලෙස ඉතා කාරුණිකව ඉල්ලා සිටිමි.

මේ පිළිබඳව ඔබ දෙපළ ගනු ලබන ඉක්මන් පියවර සම්බන්ධයෙන් බලාපොරොත්තු සහගතව ස්තුතිය පුද කරමි.

මෙයට හිතවත්,

රජිත් කීර්ති තෙන්නකෝන්
දකුණ හා මධ්‍යම පළාත් හිටපු ආණ්ඩුකාර

Continue Reading
Click to comment

Leave a Reply

Your email address will not be published. Required fields are marked *

Local

සංචරන මැද මන්ත‍්‍රී නිවසේ කසිප්පු පෙරයි..

Published

on

By

මාතර මාකාවිට ප්‍රදේශයේ තෙමහල් නිවසක් තුළ නීති විරෝධී ලෙස කසිප්පු පෙරමින් සිටි මාතර ප්‍රාදේශීය සභාවේ එක්සත් ජාතික පක්ෂයේ හිටපු මන්ත්‍රීවරයකු හා ඔහුගේ ගෝලයකු සැකපිට ප්‍රශ්න කිරීම සදහා අත් අඩංගුවට ගත් බව මාතර මූලස්ථාන පොලීසිය පවසයි.

සැකකාර මන්ත්‍රීවරයාගේ බිරිද සෞඛ්‍ය ක්ෂේත්‍රයේ රජයේ රැකියාවක් සිදු කරන බව ද ඇය සමගි බලවේගයෙන් ප්‍රාදේශීය සභාවට පත් කළ මන්ත්‍රීවරියක ලෙස කටයුතු කරන බවද කියති.

සම්පූර්ණයෙන් වැඩ නිම නොකල නිවසේ කාමරයක් තුළ ගෑස් ලිපක් යොදා කසිප්පු පෙරීම සිදු කර ඇති බව පොලීසිය කියයි.

සැකකාර හිටපු මන්ත්‍රීවරයා හා ඔහුගේ ගෝලයා සන්තකයේ තිබී ගෝඩා මිලි ලීටර් 20000 ක් ,කසිප්පු මිලි ලීටර් 4750ක් හා ඒවා පෙරීමට ගන්නා උපකරණපොලීසිය භාරයට ගෙන ඇත.

පොලීසිය වෙත ලැබුණු තොරතුරකටඅනුව මෙම වැටලීම සිදු කර තිබේ.

මාතර මාකාවිට පදිංචි 56 හැවිරිදි හිටපු ප්‍රාදේශීය සභා මන්ත්‍රී හා ගාල්ල තවලම පදිංචි 38 හැවිරිදි ඔහුගේ ගෝලයා මාතර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.

– lankadeepa

Continue Reading

Local

ප‍්‍රසන්නගේ ප‍්‍රකාශය බොරු කියමින් මහා මාර්ග අමාත්‍යංශ ලේකම්ගෙන් නිවේදනයක්…

Published

on

By

ගම්පහ දිස්ත‍්‍රික්කය තුල මධ්‍යම අධිවේගී මාර්ගය ඉදිකිරිම අත්හිටවූ බවට අමාත්‍ය ප‍්‍රසන්න රණතුංග මහතා විසින් සිදුකරන ලද ප‍්‍රකාශය මහාමාර්ග අමාත්‍යංශය විසින් ප‍්‍රතික්‍ෂෙප කරයි.

මේ බව සදහන් කරමින් එම අමාත්‍යංශ ලේකම් විසින් නිකුත් කරන ලද මාධ්‍ය නිවේදනය මෙහි දැක්වෙයි.

මාධ්‍ය නිවේදනය
මහාමාර්ග අමාත්‍යාංශය

‘ මධ්‍යම අධිවේගී මාර්ගයේ ගම්පහ කොටසේ වැඩ තාවකාලිකව නැවතෙයි ’ යන ශීර්ෂය යටතේ පල වී ඇති ප්‍රවෘත්ති වාර්ථාව පිලිබදව සත්‍ය තත්වය පැහැදිලි කිරීම සදහා මෙම මාධ්‍ය නිවේදනය නිකුත් කරනු ලැබේ.

මධ්‍යම අධිවේගී මාර්ගයේ කඩවත සිට මීරිගම දක්වා කොටසේ සංවර්ධන කටයුතු නිසා පසුගිය දා පැවති අධික වර්ෂාවෙන් ගම්පහ නගරය හා අවට ප්‍රදේශ ගං වතුරෙන් යට වූ බවට වාර්තා පලවිය . මේ සම්බන්ධව මහාමාර්ග අමාත්‍ය ගරු ජොන්ස්ටන් ප්‍රනාන්දු මැතිතුමන්ගේ ප්‍රධානත්වයෙන් හා ගම්පහ දිස්ත්‍රික්කයේ මැති ඇමතිතුමන්ලාගේ සහභාගිත්වයෙන්ද මාර්ග සංවර්ධන අධිකාරියේ , වාරිමාර්ග දෙපාර්තුමේන්තුවේ හා ශ්‍රී ලංකා ඉඩම් සංවර්ධන සංස්ථාවේ නිළධාරීන් සමග සාකච්ඡාවක් පවත් වන ලදි.

එහිදී ගම්පහ නගරයත් ඒ අවට ප්‍රදේශයන් ජලයෙන් යටවීම පිළිබදව දීර්ඝ ලෙස සාකච්ඡා කරන ලදී.එහිදී මතු වු කරුණු අනුව ඉතා කෙටි කාලයකදී මිලි.මී.300 කට අධික වර්ෂා පතනයක් පැවතීමත්, ප්‍රදේශයේ ජලය බැස යාම සදහා ඇති කාණු පද්ධති හා ඇල මාර්ග ප්‍රතිසංස්කරණය නොකිරීමත්,දුම්රිය මාර්ගයේ ජලය බැස යාමේ අවහිරතාත් ගං වතුර සදහා හේතු වු ප්‍රධාන කරුණු ලෙස හදුනා ගන්නා ලදී.

එසේ ම එහිදී අධිවේගී මාර්ගයේ තැනීම් කටයුතු කරගෙන යාම පිලිබදව එමගින් ගං වතුර ඇති වීමට යම් හැකියාවක් සිදුවූවා දැයි ද සාකච්ඡා කරන ලදී.ඒ අනුව අධිවේගී මාර්ගය තැනීමට ප්‍රථම සිදු කරන ලද සක්‍යතා අධ්‍යනයේ දී සිදු කල ජල කළමනාකරණය අධ්‍යනය (hydrology study) නැවත සමාලෝචනය කිරීමටත් ජලය බැසයන බෝක්කු හා පාලම් සංඛ්‍යාව හෝ ඒවායේ ප්‍රමාණ සංශෝදනය කිරීමට යෝජිත අධ්‍යනයේ දී නිර්දේශ කරන්නේ නම් ඒවා ක්‍රියාත්මක කිරීමටත් තීරණය කරන ලදී.

එසේ ම ප්‍රදේශයේ ජනතාවට අධිවේගී මාර්ගය තැනීමේ කටයුතු සිදු කිරීම නිසා යම් පීඩාකාරී තත්වයක් ඇතිවී ඇත්නම් හා ඉදිරියේ දී ඇතිවීමේ හැකියාවක් ඇතිනම් ඒවා මග හරවා ගැනීම සදහා අවශ්‍ය පියවර ගැනීමට තීරණය කරන ලදී.

ඒසේ නොමැතිව කිසිදු අවස්ථාවක මධ්‍යම අධිවේගී මාර්ගයේ වැඩකටයුතු නවතා දැමීමට තීරණය කර නොමැති අතර මධ්‍යම අධිවේගී මාර්ගයේ කඩවත සිට මීරිගම කොටසේ සංවර්ධන කටයුතු අඛණ්ඩව පවත්වාගෙන යනු ලබන බව ද දන්වා සිටිමි.

ලේකම්
මහාමාර්ග අමාත්‍යාංශය

Continue Reading

Local

අපේ රජයත් යහපාලන වගේම වෙලා.. ජනතාව කන්න නැතිව හැඬූ කදුලින්.. පොහොට්ටු මන්ත‍්‍රී ජගත් කුමාර

Published

on

By

69 ලක්‍ෂයක ජනවරමකින් බලයට පත් වර්තමාන තම රජයද පසුගිය යහපාලන රජය කළ කටයුතුම කරන බව පැහැදිලි බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජගත් කුමාර මහතා සඳහන් කරයි.

මෑතකදී ඉහළ දමන ලද තෙල් මිල තෙල් මිල හේතුවෙන් ඒ බව පැහැදිලි වන්නේ යයිද කොළඹදී පැවති මාධ්‍ය හමුවක් අමතමින් ඔහු පැවසීය.

යහපාලන රජය කළදේම වත්මන් රජය ද කරන්නේ නම් ජනතාවගේ බලවත් අප්‍රසාදය තම රජයට ද ලැබෙනු නොඅනුමාන බව ද ඒ මහතා කියා සිටියේය.

අද වන විට ජනතාව කොරෝනා ව්‍යවසනය හේතුවෙන් අන්ත අසරණ භාවයට පත්වී තුන්වේල තියා එක වේලක්වත් කෑමට නැති අසරණ මිනිස්සු රටේ සෑම ප්‍රදේශයකම හැඬූ කඳුළෙන් ජීවත්වෙන බවද ඔහු පෙන්වා දෙයි.

එවන් තත්ත්වයකදී රජයක් වශයෙන් පළමුව කළ යුතු වන්නේ යම්කිසි කර්මාන්තයකින් පාඩු වන්නේ නම් එය රටේ ජනතාවගේ හිසට පටවවන්නේ නැතිව ඔවුන් වසංගතයෙන් රැකගෙන කුසගින්න නිවා දැමීමට හැකි ක්‍රමවේදයක් සකස් සැකසීම බව ද ඔහු පැවසීය.

Continue Reading

Trending

Copyright © 2020 pattare.lk