Connect with us

Local

බැසිල් කියන ක‍්‍රමයට ඉන්ධන මිල අඩු කරන්න සූදානම්.. ගම්මන්පිල

Published

on

බලශක්ති අමාත්‍යංශයේ පැවති මාධ්‍ය හමුවක් අමතමින් අමාත්‍ය උදය ගම්මන්පිල මහතා මෙම අදහස් පල කලේය.

මට එරෙහිව ඉදිරිපත් කර තිබෙන විශ්වාස භංග යෝජනාව පොඩි එකාගේ ලියුම වගේ වැරදි ගොන්නක් තිබෙන පදනම් විරහිත ලියැවිල්ලක්. විපක්ෂයේ ප්‍රධාන පක්ෂය මෙවැනි ලියැවිල්ලක් සකසාවිදැයි විශ්වාස කරන්නත් අමාරුයි.

පළමු චෝදනාවෙන් කියන්නේ ශ්‍රී ලංකා පොදුජන පෙරමුණේ ප්‍රධාන ලේකම් සඳහන් කර ඇති පරිදි අමාත්‍ය මණ්ඩල අනුමැතියකින් තොරව ඉන්ධන මිළ ඉහළ දැමීමක් කළ බවයි. ජනාධිපතිතුමා පවසන්නේ තමන්ද අගමැතිතුමා ද සහභාගි වුණු අමාත්‍ය මණ්ඩලය පත් කළ කමිටුවකින් ඉන්ධන මිළ ඉහළ දැමීමට තීරණය කළ බවයි. දැන් විපක්ෂය විශ්වාස කරන්නේ කාවද? විධායකයේ ප්‍රධානියා වගේම රාජ්‍යයේ ද ප්‍රධානියා වන ජනාධිපති ද නැතිනම් ආණ්ඩුවේ කිසිම තනතුරක් දරන්නේ නැති සාගර කාරියවසම් මැතිතුමා ද?

ඒ වගේම 1961 අංක 28 දරණ ඛනිජතෙල් සංස්ථා පනතේ 66 වන වගන්තිය අනුව මුදල් ඇමතිවරයාගේ එකඟතාවයෙන් ඉන්ධන මිළ වැඩි කරන්න පුළුවන්. ඒ සඳහා ඇමති මණ්ඩල අනුමැතිය අවශ්‍ය වෙන්නේ නෑ වගේම කවදාවත්ම ඇමති මණ්ඩලය විසින් ඉන්ධන මිළ වැඩි කරලාත් නෑ. ඉතින් මේ නීතිය දන්න එකම එක මන්ත්‍රි කෙනෙකුවත් සමගි ජන බලවේගයට නැද්ද?

දෙවන චෝදනාවෙන් කියන්නේ ආණ්ඩුක්‍රම ව්‍යවස්ථාවේ 27(1) වගන්තියේ අඩංගු රාජ්‍ය ප්‍රතිපත්තිය මෙහෙයවීමේ මූලධර්ම උල්ලංඝණය කර 28 වගන්තියේ අඩංගු මූලික යුතුකම් පැහැර ඇති බවයි. 27 වගන්තියේ මූලධර්ම 21ක් තිබෙනවා. 28 වන වගන්තියේ යුතුකම් හයක් තිබෙනවා. ඉතින් මොන යුතුකම ද මොන වගකීම ද කඩ කලේ කියන්නේ නැතුව මේ චෝදනාවට අර්ථයක් තිබෙනවා ද?

ලෝක වෙළඳපොලේ තෙල් මිළ පහත වැටුණු සමයේ තෙල් සංස්ථාව කෙතරම් ලාභයක් ලැබුවා ද රජය කෙතරම් ලාභ ලැබුවා ද කියා මම පාර්ලිමේන්තුව දැනුම්වත් කලේ නැහැ කියලා තුන්වන චෝදනාවෙන් කියන්නේ . විපක්ෂය දන්නේ නැති වුණාට ආණ්ඩු ලාභ ලබන්නේ නෑ. ආදායම් පමණයි ලබන්නේ. 2020 වසරේ තෙල් සංස්ථාව කෙතරම් ලාභයක් ලැබුවා ද තෙල් මත බදු අය කර ආදායමක් ලැබුවා ද කියන එක පාර්ලිමේන්තුව දැනටමත් ඉදිරිපත් කරලා තිබෙන 2020 මහ බැංකු වාර්තාවේ සඳහන් කර තිබෙනවා. මේ විශ්වාස භංග යෝජනාවට අත්සන් කළ කිසිම කෙනෙකු මහ බැංකු වාර්තාව කියවා නැති බවයි මේ යෝජනාව හරහා රටට කියන්නේ. ඒ වගේම මම ඇමති වුණේ 2020 අගෝස්තු මිස 2020 ජනවාරි නොවන බවත් විපක්ෂයට මතක් කරන්න ඕනෑ.

හතර වන චෝදනාවෙන් කියන්නේ අත්‍යාවශ්‍ය ආහාර ද්‍රව්‍යවල මිළ අඩු කර ඛනිජතෙල් මිළ අඩු වීමේ වාසිය ජනතාවට ලබා දෙන බවට පොරොන්දු ඉටු නොකළ බවයි. මම ඉතාම වගකීමෙන් කියනවා මම එහෙම පොරොන්දුවක් ජනතාවට දුන්නේ නෑ. එහෙම නම් මට විශ්වාස භංගයක් ගේන්නේ ඇයි?

පස් වන චෝදනාවෙන් කියන්නේ වසර දෙකකට ඉන්ධන මිළ වැඩි නොකිරීමට දුන් පොරොන්දුව ඉටු නොකලාලු. කවුද දෙයියනේ එහෙම පොරොන්දුවක් දුන්නේ ? මම නම් එහෙම පොරොන්දුවක් දුන්නේ නෑ.

හය වන චෝදනාව වන්නේ පිහිට වූ මිළ ස්ථායිකරණ අරමුදලට මොකද වුණේ කියන එක ජනතාවට දැන්වීමට අසමත් වුණා කියන එකයි. මිළ ස්ථායිකරණ අරමුදල පිහිට වූයේ මම නොවේ. ඒ අරමුදල පිහිටුවන්න තීරණය කලේ 2020 මාර්තු 30 දා. ඒ අවස්ථාව වන විට අඩුම ගණනේ මම ඇමතිවරයෙකුවත් නොවේ. ඒ වගේම ඒ පත්‍රිකාව ඉදිරිපත් කලේ මගේ අමාත්‍යාංශයෙන්වත් නොවේ. නමුත් ඒ අරමුදලට මොකද වුණේ කියන එක මම තමයි ජනතාවට කිව්වේ කියන එක විශේෂයෙන්ම කියන්න ඕනෑ. ඒක සමගි ජන බලවේගයේ මන්ත්‍රිවරුන්ට නොතේරුණු නිසා මම අද නැවත කියන්නම්.

2020 මාර්තු මාසයේ මිළ ස්ථායිකරණ අරමුදල නමින් අරමුදලක් පිහිටු වූවාට ඒක ඇත්තටම මිළ ස්ථායිකරණ අරමුදලක් වුණේ නෑ. මිළ ස්ථායිකරණ අරමුදලකින් වෙන්නේ මිළ පහත වැටෙන විට මිළ අඩුවීමේ වාසියෙන් කොටසක් මිළ ස්ථායිකරණ අරමුදලකට මාරු කර ඒ මුදල් ආයෝජනය කරනවා. ඉන්ධන මිළ වැඩි වන විට ඒ අරමුදලින් ඉන්ධන අලෙවි කරන ආයතන වලට සිදු වන පාඩුව පියවමින් ඉන්ධන මිළ ස්ථාවරව පවත්වා ගන්නවා. නමුත් 2020 හැදුවේ එහෙම අරමුදලක් නොවේ.

2020 වසරේ ආණ්ඩුවේ ආදායම දැඩි ලෙස පහත වැටුණා. සංචාරක ව්‍යාපාරය බිංදුවට වැටුණා. විදේශ අයෝජන නැවතුණා. දස දහස් ගණනින් විදෙස් ගත ශ්‍රමිකයෝ ලංකාවට ඇවිත් ශ්‍රමිකයින් එවන විදේශ විනිමය අඩු වුණා. දැවැන්ත බදු මුදලක් ලබා දෙන වාහන ආනයනය නැවතුනණා.

ආණ්ඩුවේ ආදායම ඇදගෙන වැටෙන අතරේ කොරෝනා නිසා රුපියල් බිලියන 300කට ආසන්න අතිරේක වියදමක් ඇති වුණා. ඒ වගේම අධ්‍යාපනයට සෞඛ්‍යයට ප්‍රවාහනයට මාර්ග හදන්න මුදල් වැය කරන්න ඕනි. ඒ නිසා ඒ වියදම් දරා ගන්න තෙල් බදු ආදායම පාවිච්චි කළා. මේ අරමුදල ආරම්භ කරන්න දාපු රුපියල් බිලියන 48ටත් විදුලි බිල වැඩි කරන එක නතර කරන්න විදුලිබල මණ්ඩලයට ප්‍රදානයක් ලෙස දුන්නා. මිළ ස්ථායිකරණ අරමුදලට වුණේ මොකද්ද කියන එක පාර්ලිමේන්තුවටත් ජනතාවටත් කිව්වේ නෑ කියා විපක්ෂය චෝදනා කරනවා. විපක්ෂය දැක්කේ නැති වුණාට මහ බැංකු වාර්තාවේ තිබෙනවා. අනිත් එක මිළ ස්ථායිකරණ අරමුදල නමින් අරමුදලක් හැදුවේ මම නොවේ. අඩුම ගණනේ මගේ අමාත්‍යාංශයෙන්වත් නොවේ. එහෙම නම් ඒක ගැන මගෙන් අහන්නේ ඇයි?

තෙල් මිළ අඩුවීම තුලින් ආණ්ඩුවට ලැබෙන ලාභය යොදාගෙන තෙල් සංස්ථාව ණයගැති භාවයෙන් මුදා ගැනීමට දුන් පොරොන්දුව ඉටු නොකළ බව හත්වන චෝදනාවයි. මම කවදාවත් එහෙම පොරොන්දුවක් දුන්නේ නෑ. මම දුන්නු පොරොන්දුව තිබෙන හඬ පටය පෙන්වන්න කියා මම මේ විශ්වාස භංගයට අත්සන් කළ මන්ත්‍රිවරුන්ට අභියෝග කරනවා.

අටවෙනි සහ නවවන චෝදනා වලින් කියන්නේ ඉන්ධන මිළ ඉහළ යෑම නිසා ජීවන වියදමත් නිෂ්පාදන වියදමත් වැඩි වුණා කියන එකයි. ඒක ඉන්ධන මිළ වැඩි කළ සෑම අවස්ථාවකම වුණු එකක්. 2013 දී ඩීසල් රු121/-ටත් පෙට්‍රල් 162/-ටත් වැඩි වුණා. නමුත් කවුරුවත් බලශක්ති ඇමතිට විශ්වාස භංග යෝජනා ගෙනාවේ නෑනෙ. ඉන්ධන මිළ වැඩි කරනවා වෙනුවට අපි කළ යුතුව තිබුණේ කුමක්ද? විවේචන වෙනුවට විකල්ප ඉදිරිපත් කරන්න කියා අපි විපක්ෂයෙන් ඉල්ලුවත් අද වන තුරු විකල්ප ඉදිරිපත් කරන්න අසමත් වෙලා තිබෙනවා.

රජය පත්වීමේ දී ලබා දුන් පොරොන්දු ඉටු කිරීමට අසමත් වෙලා වුණා කියන එකයි දසවන චෝදනාව. ඉතින් ඒකට මම ඉල්ලා අස්විය යුත්තේ ඇයි? ආණ්ඩුව පත් වුණෙ පස් වසරකට. ඒ කාලය අවසන් වුණාම ආණ්ඩුව පිළිබඳ තීන්දුව ගත යුත්තේ ජනතාව මිස විපක්ෂය නොවේ.

දැන් බලන විට චෝදනා 10ම පදනම් විරහිතයි. ඒ කියන්නේ චෝදනා එකක්වත් නෑ. විශ්වාස භංගයකුත් නෑ. හරියට විශ්වාස භංග යෝජනාවක් සකස් කරන විධිය දැන ගන්න ඕනෑ නම් රනිල් වික්‍රමසිංහ, රිෂාඩ් බදියුඩීන් සහ රාජිත සේනාරත්න යන ඇමතිවරුන්ට එරෙහිව අපි ඉදිරිපත් කළ විශ්වාස භංග යෝජනා අධ්‍යනය කරන්න කියලා අපි විපක්ෂයෙන් ඉල්ලා සිටිනවා.

මේ චෝදනා දහයෙන් එකක්වත් මා කළ වරදක් සඳහන් වන්නේ නෑ. ඒ නිසා විශ්වාස භංග නමින් විශ්වාසය පල කිරීමේ යෝජනාවක් ඉදිරිපත් කළ විපක්ෂයේ සහෝදර මන්ත්‍රිවරුනි ඔබට බොහොම පිං.

ප්‍රශ්නය

පොදුජන පෙරමුණේ පසුපෙළ මන්ත්‍රීවරුන් දක්වන අදහස් එක්ක මේ විශ්වාසභංග ජයග්‍රහණය කළ හැකි යැයි ඔබතුමාට විශ්වාසයක් තියෙනවද ?

පිළිතුර

මම විශ්වාස කරනවා අපේ ආණ්ඩු පක්ෂය තුළ විපක්ෂයේ න්‍යායපත්‍රයට නැටවෙන විපක්ෂ රූකඩ කිසිවක් නැහැ කියලා. හැබැයි ඇත්තටම විපක්ෂයේ න්‍යායපත්‍රය ක්‍රියාත්මක කරන තෙල් සමාගම් වලින් නඩත්තු වන මන්ත්‍රීවරුන් කවුරුන් හෝ අපේ ආණ්ඩු පක්ෂයේ සිටිනවා නම් ආණ්ඩුව පිහිටුවා වසරක් වගේ කාලයක් තුළ එය හෙළිදරව් කර ගැනීමට හැකි වීම ආණ්ඩුව ලබන ජයග්‍රහණයක්. විපක්ෂය විසින් රිංගවන ලද හෝ ලංකාව තුළ තෙල් පිරිපහදු අලුතින් ඇතිවෙලා රට තුළින් තෙල් සහ ගෑස් සම්පත මතුකරගෙන පිටරටින් ඒවා ගෙන්වන සමාගම් වලට පාඩුවක් සිදු වෙනවාට අකමැති මන්ත්‍රීවරුන් මේ ආණ්ඩු පක්ෂය තුළ සිටිනවා නම් කලින්ම හෙළි කර ගන්නට ලැබෙනවා කියන එක අපි ලබපු ස්වර්ණමය අවස්ථාවක්.

ප්‍රශ්නය

බැසිල් මහත්තයා ලංකාවට ආවහම ඒ අය කියන විදියට තෙල් මිල අඩුවීමක් වෙයිද ?

පිළිතුර

මම ද යන්නේ නෑ බසිල් රාජපක්ෂ මැතිතුමා ලංකාවට එන්නේ කවද්ද කියලා. ඒ වගේ මම දන්නේ නැහැ තෙල් මිලයි බැසිල් රාජපක්ෂ මහත්තයාගේ පැමිණීමයි අතර සම්බන්ධයක් ගොඩ නැගෙන්නේ කොහොමද කියලා. අද මේ තීන්දුව ගත්තේ ජනාධිපතිතුමා සහ අගමැතිතුමා පත් කරපු අමාත්‍ය මණ්ඩල අනු කමිටුවක් විසින්. විවේචනය කරන හැමෝටම කියනවා විවේචන වෙනුවට විකල්ප දෙන්න කියලා. අඩු කරනවානම් කොහොමද ඒකට අවශ්‍ය ඩොලර් ටික හොයා ගන්නේ. ඒ සඳහා අරමුදල් හොයාගන්නේ.එහෙම කරන්න භාණ්ඩාගාරය විසින් වෙනත් විකල්ප නැහැයි කිව්වහම මහ බැංකුව විසින් කළ යුත්තේ මෙය යැයි උපදෙස් දුන්නහම ආණ්ඩුව මේ තීන්දුව ගත්තේ.

ප්‍රශ්නය

ආරක්ෂාව සඳහා ගෙන ඇති ඇතැම් පියවරත් එක්ක රටට GSP+ සහනය අහිමි වෙන්නට යන බවත් කියවෙනවා. මේ ගැන ඔබතුමා මොකද කියන්නේ ?

පිළිතුර

GSP+ සහනය අපිට හරිම වැදගත් එය රැක ගන්න පුළුවන් නම් ඉතාමත්ම හොඳයි. ජාතික ආරක්ෂාව අනතුරේ දමා GSP+ රැක ගැනීමට නම් අපි සූදානම් නැහැ. ජාතික ආරක්ෂාව සහ GSP+ දෙකම රැකගැනීමට පුළුවන් නම් අප එතැන ඉන්නවා.

– midea unit

Continue Reading
Click to comment

Leave a Reply

Your email address will not be published. Required fields are marked *

Local

පඩි ඉල්ලා විරෝධතා කල ගුරුවරුන් 42ක් පොලිස් අත්අඩංගුවට..

Published

on

By

ජනාධිපති ලේකම් කාර්යාලය ඉදිරියෙහි විරෝධතාවේ යෙදුණු පුද්ගලයන් 42ක් සහ වාහන 10ක් පොලිසිය විසින් අත්අඩංගුවට ගෙන තිබේ.

පොලිස් මාධ්‍ය ප්‍රකාශකවරයා සඳහන් කරන්නේය පිරිමි 26ක් සහ කාන්තාවන් 16ක් එසේ අත්අඩංගුවට ගත් බවයි.

නිරෝධායන රෙගුලාසි උල්ලංඝනය කිරීම යටතේ ඔවුන් අත්අඩංගුවට ගත් බවත් අත්අඩංගුවට ගත් පිරිස අධිකරණය හමුවට ඉදිරිපත් කිරීමට නියමිත බවත් ඔහු පැවසීය.

Continue Reading

Local

ගුරු පොකුර තංගල්ලෙන් පිපේ.. 37කට කොරෝනා..

Published

on

By

පසුගිය ජුලි 26 දින තංගල්ල නගරයේ පැවති ගුරු – විදුහල්පති උත්ඝෝශනයට සහාභාගි වු  ගුරුවරුන් තිදෙනෙකුට සහා විදුහල්පතිවරයෙකුට කොවිඩි ආසාධනය වි තිබේ.

තංගල්ල සෞඛ්‍ය වෛද්‍ය නිළධාරි කාර්යාලය විසින් කොවිඩි ආසාධිත සිවිදෙනා ගේ ආශ්‍රිතයින් 51 දෙනෙකු ගේ රැපිඩි ඇන්ටිජන් පරික්ශන ඊයේ(3) දින සිදු කර තිබෙන අතර ඉන් 33 දෙනෙකුට කොවිඩි ආසාධිත බව තහාවුරු ව් තිබේ.

මෙම කොවිඩි රෝගින් 37 දෙනා අම්බලන්තොට පිහිටි කෝවිඩි ප්‍රතිකාර මධ්‍යස්ථානය වෙත ගෙන ගොස් තිබෙන බව වාර්තා වෙයි.

– රුචිර ගාර්දියවසම්

Continue Reading

Local

ඇතැම් රසායනික පොහොර ගෙන්වන්න අවසර…

Published

on

By

රසායනික පොහොර වෙනුවට කාබනික පොහොර භාවිතයට රට යොමු වෙමින් තිබෙන බවත් කෙසේ වෙතත් කළමණාකරණ තීරණ ගන්නා පරිසරය විශ්ලේෂණය කිරීමට සිදු වන බවත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ගුණපාල රත්නසේකර මහතා පැවසීය.

ඒ අනුව ඇතැම් අංශ සදහා ක්ෂණිකව කාබනික පොහොර භාවිතයට යොමු විය නොහැකි බවත් ඒ අනුව එම අංශ සදහා රසායනික පොහොර ආනයනය කිරීමට යම්කිසි නිදහසක් ලබා දී තිබෙන බවත් පාර්ලිමේන්තුවේ පැවති සභාව කල් තැබීමේ විවාදයට එක්වෙමින් හෙතෙම සඳහන් කළේය.

නිසි ආර්ථිකයක් තුල ආණ්ඩුව ගනු ලබන තීරණ සරල රේඛාවක් ලෙස ක්‍රියාත්මක කිරීමට නොහැකි බවත් ඒ අනුව පාරසරික වෙනස්කම් වන විට ආණ්ඩුව ගනු ලැබූ ඇතැම් තීරණ වෙනස් කිරීමට සිදු වන බවත් සඳහන් කළ ගුණපාල රත්නසේකර මන්ත්‍රීවරයා,

“අපි ආණ්ඩුවක් ලෙස යහපත් චේතනාවෙන් සමස්ථ ජනතාව විනාශ වෙන්න යන එක බලාගෙන අපි රසායනික පොහොර ගෙන එන එක නවත්වලා කාබනික කෘෂිකර්මයට හැරෙමු කියන යෝජනාව ජනාධිපතිවරයා ගෙනත් හොදින් ක්‍රියාත්මක වෙමින් යනවා. ඒ අතර අපිට පේනවා යම් යම් අංශ තිබෙනවා ක්ෂණිකව අපිට කාබනික පැත්තට හැරෙන්න බැරිවෙයි. ඒ නිසා යම්කිසි අංශ වලට යම්කිසි නිදහසක් ලබා දීලා තිබෙනවා යම් ‌ෙපාහොර ප්‍රමාණයක් ආනයනය කිරීමේ හැකියාවක් තිබෙනවාද කියලා බලන්න. අද මේක විවේචනයට ලක්වෙනවා. මේක ජනාධිපතිවරයා කිසිසේත් මේක කරන්නේ නෑ කිව්වට මෙහෙම ඇතැම් අංශ වලට නිදහස් කරලා තිබෙනවා කියලා කියනවා. නිසි ආර්ථිකයක් තුල අපි ගත්ත තීරණ සරල රේඛාවක යන්න බෑ.

පරිසරය වෙනස් වෙනවා. ඔ්නෑම කළමණාකරණ තීරණයක් ගන්නා විට අපි මුහුණ දීලා තිබෙන පරිසරය විශ්ලේෂණය කරන්න වෙනවා. ඒ නිසා පාරසරික වෙනස්කම් වන විට අපි ගත් ඇතැම් තීරණ වෙනස් කරන්න වෙනවා. මේක කළමණාකරණයේ මූලික අංගයක්. ඒ නිසා රසායනික පොහොර ගේන්නේ නෑ. කාබනික පොහොර නිෂ්පාදන ක්‍රියාවලිය සාර්ථකව ක්‍රියාත්මක වෙනවා. මේ වන විට විශාල පිරිසක් ලියාපදිංචි වෙලා කාබනික කෘෂිකර්මය පැත්තට හැරෙමින් තිබෙනවා. නමුත් ගැටලු ප්‍රශ්න තියෙයි.” යනුවෙන්ද සදහන් කළේය.

– ada

Continue Reading

Trending

Copyright © 2021 pattare.lk