Connect with us

Local

මාවනැල්ල පොලිසිය වටලා දැවැන්ත විරෝදතා..

Published

on

මාවනැල්ල පොලිසිය බලා සිටියදි මාවනැල්ල මේඩෙරිගම විද්‍යාලයේ පසුගියදා පැවැති උද්ඝෝෂණය අතරවාරයේදි ඊට බධා කරන ලද මාවනැල්ල ප‍්‍රාදේශිය සභාවේ උපසභාපති ඇතුලූ කණ්ඩායමට මේ වන තෙක් නිතීය ක‍්‍රීයාත්මක කොට අත්අඩංගුවට ගැනීම සිදු නොවු බව පවසමින් අද 07 විරෝධතාවයක් මාවනැල්ලේදි පැවැත්විය.

කෑගල්ල දිස්ත‍්‍රීක්කයේ ගුරුවරුන් 900 කට වැඩි පිරිසක් ඊට සහභාගි විය. උදෑසන 10 ට පමණ මාවනැල්ල මේඬේරිගම විද්‍යාලය අසලින් ආරම්භ කරන ලද විරෝධතාවය එතන් සිට කිලෝමිටර් හතරකට ආසන්න දුරක් විරෝධතා බැනර් පොස්ටර් ප‍්‍රදර්ශනය කරමින් කොළඹ නුවර ප‍්‍රධාන මාර්ගයේ කොළඹ දක්වා දිවෙන මංතීරුව දිගේ පැමිණ මාවනැල්ල පොලීසය වටලමින් විරෝධතාවයට එක් විය.

මාවනැල්ල පොලිසිය ඉදිරිපිටට පොලිසිය පැමිණිමත් සමග පොලිස් ස්ථානයේ ප‍්‍රධාන ගෙට්ටුව වසා පොලිස් ස්ථානයේ ආරක්ෂාව තර කර තිබෙන අන්දම දැක ගත හැකි විය.

ලංකා ගුරු සේවා සංගමයේ ලේකම් මහින්ද ජයසිංහ සහ ලංකා ගුරු සංගමයේ සභාපති ජෝසප් ස්ටාලං මහතාද විරෝධතාවයට එක්ව සිටිනු දක්නට ලැබුණි.

ඔවුන් සියලූ දෙනා ඉල්ලා සිටියේ පසුගිය 03 වැනි දින මාවනැල්ල මේඩෙරිගම විද්‍යාලයේ ගුරු දෙමාපිය විරෝධයට බාධා කොට මැර තර්ජනය සිදු කර ගුරුවරුන්ට ගැසීමට කොට තර්ජනය කර පොදුජන පෙරමුණේ මාවනැල්ල ප‍්‍රාදේශිය සභාවේ උප සභාපති කේ.ජි පියතිස්ස මහතා ඇතුලූ එම ප‍්‍රාදේශිය සභාවේ එම පෙරමුණේ මන්ත‍්‍රීවරුන් අත්අඩංගුවට ගැනීම ප‍්‍රමාද නොකර සිදු කරන ලෙසයි.

පසුව වසා තිබුණු මාවනැල්ල පොලිසියේ ගෙට්ටුව බිමේ රැුඳි සිටි මාවනැල්ල පොලිස් ස්ථානාධීපති ඇතුලූ උසස් පොලිස් නිලධාරීන්ට ඔවුන් පවසා සිටියේ උප සභාපතිවරයා ඇතුලූ පිරිසගෙන් කට උත්තරයක් ලබා ගෙන ඔවුන් අත්අඩංගුවට නොගෙන කරන ලද ක‍්‍රියාව වැරදි සහගත බවයි. දේශපාලන බලපෑම් සහ වෙනත් බලපෑම් වලට යටත් නොවි නිතීය ක‍්‍රියාත්මක කරන ලෙස පොලිසියෙන් ඔවුන් එහිදි ඉල්ලා සිටින ලදි.

මේඬේරිගම පාසලේ විදුහල්පතිවරයාට තර්ජනය කිරීම නිසා ඔවුට හදවත් අමාරුවක් සැදී මේ වන විට මාවනැල්ල මූලික රෝහලේ ප‍්‍රතිකාර ලබන බවද පොලිසිය වෙත විරෝධතාවයට එක්වු ගුරුවරුන් පැවසීය. සාමාන්‍ය ජනතාව හෝ වෙනත් කෙනෙකු අතීන් මෙවැනි වැරදි සහගත දෙයක් සිදු වුවානම් ඊට නීතීය ඉතා ඉක්මනින් ක‍්‍රියාත්මක වන බවයි. ඔවුන් අත්අඩංගුවට ගන්නේද ගුටි බැට දී බවද පැවසු අතර මහජන කැලබීමක් වන මෙවැන් කටයුත්තකට මෙතරම් ප‍්‍රමාදයක් මන්දැයිද විමසීය. එමෙන්ම රාජකාරි ස්ථානයකට ඇතුලූ වි කරන ලද තර්ජනය නින්දිත ක‍්‍රියාවක් බවද ඔවුන් පැවසීය. එවැනි දේශපාලඥයින්ට මාවනැල්ල පොලිසිය සැලියුට් ගසන බවත් සීනා මුසු මුහුණින් එවැනි මැරයන් දෙස මාවනැල්ල ස්ථානාධිපතිවරයා බලා සිටි බවද ඔවුන් පවසන්නට විය.

මේ සම්බන්ධයෙන් පොලිසිය විසින් දින උසාවියට කරුණු වාර්තා කර අදාල සිද්ධීය සම්බන්ධයෙන් නිතීය ක‍්‍රියාත්මක කරන බවද උසස් පොලිස් නිලධාරීන් විරෝධතාකරුවන්ට පවසා සිටින ලදි. එහිදි පොලිසිය වෙත විරෝධතාකරුවන් පැවසුයේ අදාල සිදු විම් වල සියලූ විඩියෝ පට මෙන්ම සිසිටිවි විඩියෝ ඇති බැවින් ඊට නිතීය ක‍්‍රියාත්මක කරන ලෙසයි.

විරෝධතාවයට එක් වු ගුරුවරුන් පවසා සිටියේ මෙයට නිතීය ක‍්‍රියාත්මක නොවුන හොත් පාසල් වසා දැමිමට තින්දුවක් ගන්නා බවයි. ඊට මෙතන ඉන්න උසස් පොලිස් නිලධාරීන් වග කිය යුතු බවද ඔවුන් වැඩි දුරටත් පැවසීය.

ලංකා ගුරු සංගමයේ සභාපති ජෝසප් ස්ටාලං

අපි මෙතනට ඇවිත් ඇසුවේ එක ප‍්‍රශ්නයයි. මෙ පොලිසිය මාවනැල්ල ජනතාවගේ පොලිසියද නැත්නම් අර මැර පියතිස්සගේ පොලිසියද කියලා විතරයි. පොලිසියේ ස්ථානාධිපතිවරයා සාක්කුවට අත දාලා සීනා වෙවි බලා සිටියදි. මේ රටේ ගුරුවරුන්ට දෙමාපියන්ට පහර දිලා තර්ජනය කරලා පොන් උදුරලා කරන්න ඔනෑ සියලූ දේවල් කරලා යනවා. ස්ථානාධීපතිවරයා සහ පොලිසියේ අනික් නිලධාරීන් උඩ බලාගෙන ඉන්නවා.

අපි විශාල පිරිසක් පොලිසිය ඉදිරිපිටට ඇවිත් මේ කතා කරලා කියන්නේ වහාම ඔය පියතිස්ස කියන මැරයා අත්අඩංගුවට ගෙන උසාවියට ඉදිරිපත් කරන්න කියන කාරණයයි. අද මේ පොලිසියේ ලොකු මහත්වරුන් සියලූ දෙනා කතා කරලා කියනවා. හෙට ඔවු උසාවියට ඉදිරිපත් කර මේ සම්බන්ධයෙන් පියවරක් ගන්නා බව ඒ නිසා අපි පැහැදිලිව කියනවා නිතීය අකුරට ක‍්‍රීයාත්මක කරන ලෙස. අපි දන්නවා සාමන්‍ය සිද්ධීයක් ඇති වුනාම මහජන කැලබිම් ඇතිවෙන බව පවසමින් උසාවියට කරුණු වාර්තා කරන පොලිසිය පසුගිය තුන් වැනිදා සිට හත්වැනිදා වෙනකම් මාවනැල්ල පොලිසිය සහ උසස් පොලිස් නිලධාරීන් නිදියාගෙන ඉන්නවා.

මේ රටේ ගුරුවරුන්ට විදුහල්පතිවරුන් මේසා අපහාස කරන ලද පුද්ගලයන් දිහා බලා සිටිනවා අපි දන්නවා මේ පුද්ගලයා කවුද කියලා. මේඬේරිගම පාසල ඉදිපිට මේ පුද්ගලයාගේ මාළු කඩයක් තියෙනවා ඒ මාළු කඬේට විතරක් බද්දක් නැහැ මාවනැල්ලේ සියලූ මාළු කඩ මස් කඩ වලට බදු ගහනවා. මේ උප සභාපතිට විශේෂ වරප‍්‍රසාද.

අපි කියනවා හෙට දිනයේ මේ පුද්ගලයා අත්අඩංගුවට ගෙන අධිකරණයට ගැනිම සිදු නොකල හොත් අනිවාර්යෙන් අපි ගන්න පුළුවන් උපරිම ක‍්‍රියාමාර්ග ගන්නවා. අපි දැක්කා අර පාලිත කියන ඇම්බැට්ටයා ගුරුවරුන්ට කතා කරපු අන්දම මෙවැනි මැරයන් ආරක්ෂා කිරිමද මාවනැල්ල පොලිසියේ සහ ශ‍්‍රී ලංකා පොලිසියේ කාර්ය භාර්ය මේකද ? හෙට දිනය බලා ගෙන අපි ඉන්නේ නැතිනම් ඉදිරියට අපේ සැලසුම් ක‍්‍රියාත්මක කරනවා.

ලංකා ගුරු සේවා සංගමයේ ලේකම් මහින්ද ජයසිංහ

අද අපි මාවනැල්ලට ආවේ සරත් විරසේකර උඹ උඹේ පොලිසිය කියපං මේ මැරයේ මේ ගවයෝ බැද තබන්න කියලා කියපං කියන්න තමයි අද මාවනැල්ලට ආවේ. අපි අද මාවනැල්ලට ආවේ ගෝඨාභය රාජපක්ෂ උඹට කියන්න. උඹේ තක්කඩියෝ ටික මේ පොලිසියට කියලා බැද දාපං කියලා කියන්න. අද අපි මාවනැල්ලට ආවේ මහින්ද රාජපක්ෂ අගමැතිතුමනි උඹ උඹලාගේ මේ ජඩ දේශාපලකයෝ ටික බැද දාපං කියලා කියන්න. එහෙම නැතිනම් මේ රටේ ගුරුවරුන් මේ රටේ විදුහල්පතිවරුන් ඒ වැඬේ කරන්න සුදානම් යැයිද පැවසීය.

– කෑගල්ල සමන් විජය බණ්ඩාර

Click to comment

Leave a Reply

Your email address will not be published.

Local

මැයි අවසානයේ ඉන්ධන නැතිව රට වසා දමන තත්වයක්..

Published

on

By

මෙම මැයි මාසය අවසන් වන විට ඉන්ධන නොමැතිව රට වසා දමන්නට සිදු වන බව සමගි ඒකාබද්ධ වෘත්තීය සමිති සංධානයේ මාධ්‍ය ප්‍රකාශක ආනන්ද පාලිත මහතා සඳහන් කරයි.

අද වන විට ලංකාවේ බෙදාහරින්නේ ප්‍රමිතියෙන් තොර ඉන්ධන බවද ප‍්‍රමිතියෙන් තොර ඉන්ධන හොඳ තෙල් ලෙස පරීක්ෂණාගාර වාර්තා වෙනස් කරමින් ඇතැයිද ඔහු කියා සිටී.

ඉන්දීය තෙල් සමාගමේ ඉන්ධන තත්ව පරීක්ෂා කිරීමක් සිදු නොකරන බවද ඔහු පැවසීය.

අන්තර්ජාල නිලාකිවක සාකච්ඡාවට එක්වෙමින් ඒ මහතා මෙම අදහස් පළ කර ඇත.

Continue Reading

Local

මහ බැංකුව පොලී අනුපාතය ඉහළ දමයි..?

Published

on

By

ශ්‍රී ලංකා මහ බැංකුවේ 2022 අංක 04 දරන මුදල් ප්‍රතිපත්ති විවරණය අද (19) දින පෙරවරු 7.30 ට දැනුම් දීමට නියමිතව තිබෙනවා.

ආචාර්ය නන්දලාල් වීරසිංහ මහතා මහ බැංකු අධිපතිවරයා ලෙස වැඩ භාර ගැනීමෙන් අනතුරුව ඔහුගේ ප්‍රධානත්වයෙන් පළමු වරට ශ්‍රී ලංකා මහ බැංකුවේ මුදල් මණ්ඩලය පසුගිය අප්‍රේල් 08 වැනි දින රැස්විය.

එහිදී මෙම වසරේ අංක 03 දරන මුදල් ප්‍රතිපත්ති විවරණය නිවේදනය කරමින් ශ්‍රී ලංකා මහ බැංකුවේ නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය (SLFR) පදනම් අංක 700 බැගින්, පිළිවෙලින් 13.50% සහ 14.50% දක්වා ඉහළ නැවීමට තීරණය කෙරුණි.

මෙය ශ්‍රී ලංකා ඉතිහාසයේ එක වරක දී ප්‍රතිපත්ති පොලී අනුපාතික ඉහළ නැංවූ විශාලතම පදනම් අංක ගණන වේ.

පසුගිය සතියේ (මැයි 11) පැවති භාණ්ඩාගාර බිල්පත් වෙන්දේසියේ දී දින 91, 182 හා 364 යන කාණ්ඩ තුනටම අදාළ පොලී අනුපාතිකයන් 24% සීමාව ඉක්මවා ගොස් තිබුණු අතර එම පසුබිම හා පවතින උද්ධමනකාරී වටපිටාව තුළ, ප්‍රතිපත්ති පොලී අනුපාතික තවදුරටත් ඉහළ යාමට වැඩි ඉඩක් ඇති බව වෙළෙඳපොළ ආරංචි මාර්ග සඳහන් කර සිටී.

Continue Reading

Local

ආර්ථික ආපදාව පූර්ණ මානව ආපදාවක් බවට පත් කොට මේ රටේ බින්න බැසීමේ බාහිර බලවතුන්ගේ සැලසුමෙහි කොටස්කරුවන් වන්න එපා..

Published

on

By

අද සිදුවෙමින් පවතින දේ පිළිබඳව සම්පූර්ණ චිත්‍රය’ දකින ලෙසත් ආර්ථික ආපදාව ‘පූර්ණ මානව ආපදාවක්’ බවට පත් කොට මේ රටේ බින්න බැසීමේ බාහිර බලවතුන්ගේ සැලසුමෙහි කොටස්කරුවන් බවට කිසිසේත්ම පත් නොවන ලෙසත් ජානිපෙ නායක, පාර්ලිමේන්තු මන්ත්‍රී විමල් වීරවංශ මහතා සියලු ශ්‍රී ලාංකේය ජනතාවගෙන් ඉල්ලා සිටියි.

ඒ මහතා මෙම ඉල්ලීම සිදුකරනු ලැබූයේ පාර්ලිමේන්තුවේ පැවති කල්තැබීමේ විවාදයේදී සිය අදහස් දක්වමිනි.

එහිදී අදහස් දැක්වූ වීරවංශ මන්ත්‍රීවරයා මෙසේද සඳහන් කළේය.

“මැයි 09 වැනිදා සවස සහ රාත්‍රී කාලයේ ඇති වූ බිහිසුණු අපරාධකාරී ප්‍රචණ්ඩත්වයේ ගොදුරු බවට පත්ව මියගිය අප සහෝදර පාර්ලිමේන්තු මන්ත්‍රීතුමන්ගේ, ප්‍රාදේශීයව මියගිය අනෙකුත් පිරිස්වල, ගිනිබත් වූ නිවෙස් හිමි පවුල්වල සාමාජික සාමාජිකාවන් සියලුදෙනාම වෙත අපගේ සාතිශය සංවේගය පළ කර සිටිනවා. ඔළුව තිබෙන ඕනෑම කෙනෙකුට තේරෙනවා, එදා අරලියගහ මැදුරට ආපු සෙනගින් කොටසක් හෝ ගාලුමුවදොරට ගියොත් ඇති විය හැකි තත්ත්වය කුමක්ද, කියා. මට තේරෙන්නේ නැහැ, හිටපු අගමැතිතුමා ධුරයෙන් ඉවත්වීමට මනස හදා ගත්තනම් එදා අරලියගහ මැදුර ඇතුළේ එක්එක් අයට ආවේගකාරී කතා පැවැත්වීමට ඉඩ දුන්නේ ඇයි?, කියා.

‘ආර්ථික ආපදාව මානව ආපදාවක් බවට…’

අප අද රටක් ලෙස මුහුණ දී සිටින්නේ ආර්ථික ආපදාවකටයි. සමහරුන්ට එය මානව ආපදාවක් දක්වා වර්ධනය කිරීමට අවශ්‍යයි. ඒ නිසා තමයි සමහරුන්ට ගාලුමුවදොර සාමකාමී විරෝධතාවට ගස්සවන්න ඕනේ වුණේ. එය සදාචාර හේතුවක් කරගනිමින් සමහරුන්ට පාර්ලිමේන්තු, පළාත් සභා, ප්‍රාදේශීය සභා මන්ත්‍රීවරුන්ගේ නිවෙස් ගිනිබත් කිරීමට ඕනේ වුණේ ද ඒ නිසයි. එහෙම මුළු රටම ගිනි තිබ්බාම තමයි මානව ආපදාව ඇති වන්නේ. ආර්ථික ආපදාව මානව ආපදාවක් බවට පත් වුණාම තමයි ‘ශ්‍රී ලංකා රාජ්‍යයේ නීතිය හා විධානය ක්‍රියාත්මක වන්නේ නැහැ. එහි පොලිසියට, හමුදාවට බැහැ’ කියන තත්ත්වය ජාත්‍යන්තරව ගොඩනැගෙන්නේ. එවිට තමයි ජාත්‍යන්තර වශයෙන් හමුදාමය අතපෙවීමක්, ආක්‍රමණයක් වුවත් සිදුවිය හැකි වාතාවරණය නිර්මාණය වන්නේ. මම කියන්නේ නැහැ, ඔය ගහගත්තු ගිනිතියපු සියලුදෙනා මේ පුළුල් චිත්‍රය දැනගෙන ක්‍රියාත්මක වුණා, කියා. නමුත් කවුරුකවුරුත් දැන හෝ නොදැන පොට පාදාගෙන යන්නේ බාහිර පාර්ශ්වවලට මේ රට තුළ බින්න බැසීමට හැකි තත්වය ඇති කිරීමටයි.

‘ප්‍රතිවාදීන්ට පහර දීමේ ආයුධය’

ගාලුමුවදොර සාමකාමී විරෝධතාවට පහරදුන්, පහරදීමට උසිගැන්වූ සියලුදෙනා අත්අඩංගුවට ගත යුතුයි. අපි එදා සවස මාධ්‍ය සාකච්ඡාවක් කැඳවලා, ස්වාධීන පාර්ලිමේන්තු මන්ත්‍රී සංසදය ලෙස ඒ බව පැවසුවා. ඒ තුච්ඡ ක්‍රියාව අපි දැඩි සේ හෙළා දැක්කා. නමුත් ඒ පහරදීම සමහරුන් තම ප්‍රතිවාදීන්ට පහරදීමේ ආයුධය බවට පත්කර ගත්තා. මේ බලන්න එක්තරා නිළියක් කරන ප්‍රකාශය. එය ‘කොන්ද කෙලින් තියාගෙන එන්න. ගිනි තියපියව් මුළු රටම. ඒක තමයි වෙන්න ඕනේ.’ ආදී වශයෙන් සිදු කරන ප්‍රකාශයක්. (හඬපටය සභාවට ඇසෙන්නට සලස්වයි) මේ නෝනාට අනුව අපේ ගෙවල් ගිනි තියපුවාම ප්‍රශ්නය විසඳෙනවා ද? මගේ ගෙදර ගිනි තැබීමට මුලින් ආවේ 12යි. පොලිස් නිලධාරීන්ට නියෝග ලැබිලා තිබෙනවා ‘මොකුත් කරන්න එපා! ඔහේ ඉන්න’ කියා. පසුව තව 23ක් ආවා. ඉන්පසුව ගේට්ටුව කඩාගෙන ඇතුළුවෙලා මගේ දරුවන් දෙදෙනාගේ අධ්‍යාපන උපකරණ පවා කොල්ලකාලා තිබෙනවා මෙතැන තිබෙන්නේ ආණ්ඩුවට විරෝධය දැක්වීමක් පමණක් නොවෙයි ‘මහදවල් සියලුදෙනා බලා සිටියදී සිදුකළ’ කොල්ලකෑමක්. ඒක ඉතාමත් බිහිසුණු අත්දැකීමක්.

‘අයියලා මල්ලිලාගේ ප්‍රශ්න’

මට පෙර අදහස් දැක්වූ මුජිබර් රහුමාන් මන්ත්‍රීවරයා පැවසුවා, ‘ආර්ථික අමාරුකම් නිසා පීඩාව ආවා. ජනතාව පීඩාව මෙහෙම පිට කළා’කියා. එහෙමනම් පාස්කු ඉරිදා ප්‍රහාරයෙන් පසුව මේ රටේ ජනයා කම්පනයෙන්, ප්‍රකම්පනයට පත් වුණාම එදා මුජිබර් රහුමාන් මහත්තයලාගේ ගෙවල් හොයාගෙන ආවාද? මෙතැනදී සිදු වුණේ නීතියේ ආධිපත්‍යය බිඳ වැටීම. මානව හිමිකම් කොමිසම පැත්තෙන් මට ලැබුණු තොරතුරු අනුව, ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්ට ජනාධිපතිවරයා උපදෙස් දුන්නා, ‘අරලියගහ මැදුරේ සිටින පිරිස ගාලුමුවදොරට පැමිණෙන එක නතර කරන්න’ කියා. මේක සියයට සියයක් හරිද, කියන්න මම දන්නේ නැහැ. මම මේ කියන්නේ ඔහුගේ කටඋත්තරය අනුවයි. ජනාධිපතිවරයාගෙන් ඉහත උපදෙස් ලැබුණාම ඔහු සූදානම් වෙලා තිබෙනවා කඳුළු ගෑස්, ප්‍රහාරක ජල ටැංකි ආදිය යොදා ගනිමින් ඒ පිරිස ගාලුමුවදොරට පැමිණීම වැළැක්වීමට. එම අවස්ථාවේදී පොලිස්පතිවරයා දේශබන්දු තෙන්නකෝන්ගෙන් විමසා තිබෙනවා, ‘මොකක්ද දැන් කරන්නේ?’ කියා එවිට ඔහු පවසා තිබෙනවා, ‘මම මේ පිරිසට ගාලුමුවදොරට එන්න දෙන්නේ නැහැ. මට ජනාධිපතිතුමාගෙන් ඕඩරයක් ආවා’ කියා. එවිට පොලිස්පතිවරයා පවසා තිබුණේ, ‘ඔයා ඕවා කරන්න යන්න එපා! අමාත්‍යාංශ ලේකම්ට කතා කරන්න’ කියායි. එවිට දේශබන්දු තෙන්නකෝන් අමාත්‍ය ලේකම්ට කතා කළාම එයත් කියනවා, ‘ඕවා කරන්න යන්න එපා! ඕවා අයියලා මල්ලිලාගේ ප්‍රශ්න. ඔතැන ඉන්නේ මහින්ද අගමැතිතුමාගේ ගෝලයෝ. ඔය මිනිස්සුන්ට ගහලා, අන්තිමේදී දෙන්නා ෂේප් වෙයි, ඔයාට අමාරුවෙ වැටෙන්න වෙයි. ඒ නිසා ඔයා ෂේප් එකේ ඉන්න’ කියා. එදා, මේ රටේ නීතියේ ආධිපත්‍යය බිඳවැටුණු මැයි 09 වැනිදා හැම පොලීසියකටම නියෝග දීලා තිබුණේ ‘ෂේප් එකේ ඉන්න’ කියලයි. එදා යුද හමුදාව සක්‍රීය වුණේ නැත්තෙ ඇයි? මේක ප්ලෑන් එකක්.

‘ප්ලෑන් එක ක්‍රියාත්මකයි’

එදා අරලියගහ මන්දිරයට සෙනග ගෙනාපු මොට්ටයෝ දැන හෝ නොදැන ඉටුකළේ ඒ ප්ලෑන් එකේ කොටසක්. ඊළඟට පොලිසිය ක්‍රියාත්මක නොවීම, හමුදාව සක්‍රීය නොවීම යන සියල්ල මේ ප්ලෑන් එකේ කොටස්. ඊළඟට ආර්ථික ආපදාව මානව ආපදාවක් බවට පෙරළීම මගින් ශ්‍රී ලංකාව තුළ නීතියේ ආධිපත්‍යය තහවුරු කිරීමට පවතින රජයේ ආයතන අසමත්, කියන මතය ජාත්‍යන්තරව තහවුරු කිරීම. අවසානයේ ශ්‍රී ලංකාව තුළට බින්න බැසීමට පොට පාදා ගැනීම. මෙතැන කාටහරි හිතෙනවනම් අපේ ගෙදරකට ගිනිතියලා, අප මරාදමලා මේ ප්‍රශ්නය එක දවසකින් විසදන්න පුළුවන් කියලා, එහෙම කරන්න. නමුත් එහෙම වෙන්නේ නැහැ. කවුරුත් දැන හෝ නොදැන යන්නේ ඒ ප්ලෑන් එකට අනුවයි.

‘ඇමරිකන් තානාපතිනියගේ ට්විටර් පණිවිඩය’

මේක තවත් හොඳින් තේරුම් ගන්න ‘හරි ලස්සන කතාවක්’ කියන්නම්. ඇමෙරිකන් තානාපතිවරිය දැන් ශ්‍රී ලංකාවේ තත්ත්වය ගැන නිතරම ට්විටර් පණිවිඩ දානවනෙ. මැයි 10 වැනි දා ඉඳන් හමුදාව සක්‍රිය කළාම එයා දාපු ට්විටර් පණිවිඩයේ තිබෙන්නේ ‘මෙසේ හමුදාව යෙදවීම ප්‍රජාතන්ත්‍රවාදයට පටහැනියි. පිළිකුල් සහගතයි’ වැනි අදහසක්. නමුත් එයා ට්විටර් පණිවිඩයක් දැම්මේ නැහැනේ ’09 වැනි දා රාත්‍රියේ රට පුරා සිදු වූ දේශපාලනඥයන්ගේ නිවාස හා දේපළ ගිනිබත් කිරීම දැඩි පිළිකුලෙන් යුතුව හෙළා දකිනවා, පාර්ලිමේන්තු මන්ත්‍රීවරයා ඝාතනය කළ පිරිසට විරුද්ධව නීතිය ක්‍රියාත්මක කරන්න’ කියා. එම තත්ත්වය පාලනය කිරීමට ශ්‍රී ලංකා රජයේ හමුදාව යෙද වූ පසුවයි එයා ට්විටර් පණිවිඩයක් දමන්නේ. එයා අකැමැතියි හමුදාව යෙදවීම ගැන. එයාලාට අනුව මරාගැනිල්ල, ගිනි තැබීම දිගටදිගට යන්න ඕනේ, අංග සම්පූර්ණ මානව ආපදාවක් සිදු වෙන්න ඕනේ.

‘සාටකය දාගත්තු කපුටා අදත්’

අද මෙතැන වෙන්න තිබුණේ දෙපාර්ශ්වය කතා කරලා එකඟ වෙලා නියෝජ්‍ය කථානායක ධුරයට සුදුසු කෙනෙකු පත් කරගැනීම. අර ‘සාටකය දාගත්තු කපුටා’ අදත් බෙදීම ඇති කළා. මේ ‘කපුටා’ ඉන්නකම් අපි පෙන්වා දුන් අර ප්ලෑන් එක අනුවයි සියල්ල සිදුවන්නේ. මේ ‘කපුටා’ තමයි මහින්ද රාජපක්ෂ අගමැතිවරයා ‘කොරහත් බිඳගෙන යන’ ආකාරයට වැඩේ හැදුවේ. ‘කපුටාගෙ මෝඩ ගෝලයෝ’ තමයි ඒකට හවුල් වුණේ. මම මීට සති දෙකකට පෙර නාමල් රාජපක්ෂ මන්ත්‍රීවරයාට දුරකථනයෙන් කතා කර කියපු දේ මතක ඇතැයි සිතනවා.

‘අගමැති ඔටුනු සිහින අපට නැහැ’

අපිට මේ සිදුවන සියල්ල හොඳින් තේරෙනවා. අපි දේශපාලනය කරන්නේ ඔය හිස් වන අගමැතිකමක හෝ ඇමතිකමක ‘ඔටුන්න’ දාගන්න නොවෙයි. අපට ඕනේ අපි මේ ඉන්න පීඩාව පාවිච්චි කරලා මේ රට ගොදුරු කරගන්න හදන න්‍යාය පත්‍රය පරාජය කරන්නයි. මම මේ රටේ සකල ජනීජනයාගෙන් ඉල්ලනවා, ‘එම බිහිසුණු න්‍යාය පත්‍රයේ චරිත, නළුවන් වෙන්න එපා!’ කියලා. දැන් බලන්න මේ ආර්ථික ආපදාව අස්සෙ කවුරුත් නොහිතපු තැනැත්තෙක් අගමැති පුටුවට ආවා. රනිල් වික්‍රමසිංහ මහත්තයා එදා ඡන්දෙනුත් පැරදිලා, පාර්ලිමේන්තුවට එන්න බැරුව අවුරුදු එකහමාරක් විතර ‘කෙකර ගගා’ ඉඳලයි පසුව මෙතැනට ආවේ. ඔහුට ලොතරැයියක් තමයි ඇදුනේ. එයාට ලොතරැයියක් ඇදීම ගැන අපට ප්‍රශ්නයක් නැහැ. හැබැයි අපි මේ වගේ ආපදාවකදී මෝඩයෝ වගේ වෛරය, ද්වේෂය මුල් කොටගෙන හැසුරුනොත් සජිත් ප්‍රේමදාස මහත්තයාගේ හෝ වෙනත් සිහින දකින අයගේ ඔලුවට ඔටුන්න වැටෙන්නෙ නැහැ. ඔටුන්න වැටෙන්නේ පිටරටක බලවතුන්ගේ ඔලුවටයි. ඒ නිසා බුද්ධිය පෙරදැරි කරගෙන තීරණ ගනිමු. මේ සිදුව ඇති දේ පිළිබඳව සම්පූර්ණ චිත්‍රය දකිමු.

‘රතු මල්ලිලා බයවෙලා’

ඒ නිසා අපි ඉතා ඕනෑකමින් කියනවා, ‘මැයි 09 වැනිදා නීතියේ ආධිපත්‍යය බිඳවට්ටපු සියලුදෙනාට විරුද්ධව පියවර ගත යුතුයි’ කියා. දැන් එක්එක් අය අත්අඩංගුවට ගන්නවා. ඒ අස්සෙ රතු මල්ලිලාගේ තරුණ සංගමයේ අය පොලිස් මූලස්ථානයට ගිහින් කියනවා ‘ඒක වැරදියි’ කියා. එයාලා දැන් බයයි තමන් අහුවෙයි කියා. එයාලා දැන් කියන්නේ ‘අපි ප්‍රචණ්ඩත්වයට විරුද්ධයි. අපට සිදුවුණු දේ ගැන දුකයි. වැරදි ඩී.අයි.ජී‌ු කෙනෙක් දාල තියෙන්නෙ. එයා දැන් අපේ අය අල්ලනවා. ඒකට අපි විරුද්ධයි’ කියලයි. එහෙමයි දැන් සූත්‍රය හැදෙන්නේ. අර වැදි නායකයා කියපු ආකාරයට මේ ආපදාව දිහා ‘මළකුණක් දෙස බලන කපුටු රැලක්’ වගේ බලන පිරිසට අන්තිමේදී වෙන්නේ, කොටමින් ඉන්නාවිට මළකුණත් වෙන අයෙකුට අයත් වෙන එක දිහා බලන් ඉන්න.

‘දරුවන් ඉදිරියේ පමණයි මා නිරුත්තර’

ඒ නිසා අපි යළිත් මේ රටේ ජනතාවගෙන් ඉල්ලනවා, ‘මේ ආර්ථික ආපදාව මානව ආපදාවක් බවට පත් වීමට ඉඩ තබන්න එපා!’ කියා. ඒ වගේම එදා 09 වැනිදා රාත්‍රියේ නීතියේ ආධිපත්‍යය බිඳවට්ටපු සියලු ආරක්ෂක ප්‍රධානීන් ඉවත් කරලා නීතියේ ආධිපත්‍යය පවත්වාගෙන යාහැකි තැනැත්තන් ඒ තනතුරුවලට පත් කළ යුතුයි. මට සියල්ල දරාගත හැකියි, නමුත් මගේ දුවයි, පුතයි ‘අපේ පොත්පත් ටිකත් ගිනි තියලා’ කියනකොට මම කොහොමද ඒකට උත්තර දෙන්නේ? ඒ දෙන්නාම විශ්වවිද්‍යාල අධ්‍යාපනය ලබන්නන්. එම දරුවන් අපට තිබෙන දේශපාලන බලය කිසිදාක අයුතු ලෙස පාවිච්චි කරලා නැහැ. ඉතා සාමාන්‍ය මිනිසුන් ලෙස ජීවත් වන ඒ දරුවෝ අහන ප්‍රශ්නවලදී විතරයි මම නිරුත්තර. මේ ගිනි තැබීම් සංවිධානාත්මක නැතිනම් කොහොමද තෙල් බූලි ගණන් ගෙන ආවේ? ඒ වගේම 225න් කොටසක් පමණක් තෝරාගෙන පහර දුන්නේ ඇයි? ඒකත් පැහැදිලිව දකින්න ඕනේ.

අපි කවර දේශපාලන මතවාදය දැරුවත් මේ මොහොතේ අපට වගකීමක් තිබෙනවා, මානව ආපදාවක් දක්වා වර්ධනය වීමට ඉඩ නොදී මේ ආර්ථික ආපදාවෙන් ගොඩඒම පිණිස කැප වීමට. ඒ නිසා මානව ආපදාවක් නිර්මාණය කිරීමට කිසිසේත් දායක නොවන ලෙස අපි කටයුතු කරමු”

අනුරුද්ධ බණ්ඩාර රණවාරණ
මාධ්‍ය ලේකම්,
ජාතික නිදහස් පෙරමුණ

Continue Reading

Trending