Connect with us

Politics

මිනිස්සුන්ට බඩු මිල නෙමෙයි ජීවිත බේර ගත එකයි වැදගත්.. ජනාධිපතිතුමා නිසයා හැමෝම පණ බේරගත්තේ..

Published

on

කොවිඩ් වසංගතය හමුවේ පාසල් වසා දැමීමෙන් අනතුරුව එහි පළමු අදියර යටතේ මේ මස 21 වනදා කුරුණෑගල දිස්ත්‍රික්කයේ පාසල් විවෘත කිරීම සම්බන්ධයෙන් සාකච්ඡාවක් ආණ්ඩු පක්ෂයේ ප්‍රධාන සංවිධායක, මහාමාර්ග අමාත්‍ය ජොන්ස්ටන් ප්‍රනාන්දු මහතාගේ ප්‍රධානත්වයෙන් කුරුණෑගල දිස්ත්‍රික් ලේකම් කාර්යාලයේ පැවැත්විණි.

මෙහිදී සෞඛ්‍ය අංශ විසින් ලබා දී ඇති මාර්ගෝපදේශයන්ට අනුව නැවත පාසල් ආරම්භ කිරීමට ඇති සූදානම හා දැනට පැනනැගී ඇති ගැටළු සම්බන්ධයෙන් සාකච්ඡා කෙරිණි.

ඒ අනුව කුරුණෑගල දිස්ත්‍රික්කයට අයත් කුරුණෑගල, ඉබ්බාගමුව, නිකවැරටිය, මහව, කුලියාපිටිය සහ ගිරිඋල්ල යන අධ්‍යාපන කලාප වල නිලධාරීන් වෙන වෙනම කැදවා අදාල පාසල් වල වත්මන් තත්වය පිළිබඳව තොරතුරු ලබා ගන්නා ලදී.

21වෙනි දින නැවත ආරම්භ කරන පාසල් සදහා අවශ්‍ය සෞඛ්‍ය පහසුකම් ලබාදීම සම්බන්ධයෙන් ද මෙහිදී තින්දු තීරණ ගන්නා ලදී. දිස්ත්‍රික්කයේ ගැටලු ඇති පාසල් කීපයක් සදහා අවශ්‍ය කටයුතු කරගෙන යාමට උපාධිධාරි සංවර්ධන නිලධාරීන් යෙදවීමටද මෙහිදී යෝජනා කෙරිණ. තවද ආරක්ෂාව සම්බන්ධයෙන් 21වන දින ආරම්භ කරන සියලුම පාසල් සදහා පොලිස් නිලධාරීන් දෙදෙනෙකු බැගින් යෙදවීමට බලාපොරොත්තු වන බව සදහන් කෙරිණි.

ඉන් අනතුරුව මාධ්‍යවේදීන් විසින් යොමු කල ප්‍රශ්න සදහා මාධ්‍ය වෙත අදහස් දැක්වූ ජොන්ස්ටන් ප්‍රනාන්දු අමාත්‍යවරයා.

21 වනදා පාසල් විවෘත කිරීම සම්බන්ධයෙන් මාධ්‍යවේදියකු නැගූ ප්‍රශ්නයකට පිළිතුරු ලබා දුන් අමාත්‍යවරයා

මම විශ්වාස කරනවා ගුරුවරුන් 21වනදාට පාසලට එයි කියලා. දරුවන්ට ආදරය කරන ගුරුවරු තමයි ලංකා ඉතිහාසයේ හැමදාම හිටියේ. ජනතා විමුක්ති පෙරමුණ පාසල් වහන්න කියලා කියපුවහම ජීවිත පරදුවට තියලා වැඩ කරපු ඉතිහාසයක් තියනවා මේ ගුරුවරුන්ට. ගුරුවරුන්ට, විදුහල්පතිවරුන්ට කිව්වා පාසල් වහන්න කියලා. විදුහල්පතිවරු වෙඩි තියලා මැරුවා. බෙලි කැපුවා. ඒ නිසා මම විශ්වාස කරනවා ජනතා විමුක්ති පෙරමුණේ හා අනෙක් වෘත්තිය සමිති කිව්වට බහුතරයක් ගුරුවරු 21වන දින පාසැල් ඒවි කියලා.

රාජකාරියට වාර්තා නොකරන අයට විනයානුකූල පියවර ගන්නවාද? යැයි මාධ්‍යවේදියකු නැගූ ප්‍රශ්නයකට පිළිතුරු ලබා දුන් අමාත්‍යවරයා

ඒවා නීත්‍යානුකූලව පරිපාලනමය වශයෙන් සිදුවන දේවල්. වැඩට කවුරුන් හෝ ආවේ නැත්නම් ගැටලුවක් වෙනවා. ඒක සාමාන්‍ය දෙයක්. රජයෙන් පඩි ගන්නවා නම් වැඩට එන්න කියලා තියනවා නම් වැඩට එන්න වෙනවා. ඒක සාමාන්‍ය දෙයක්, ඒක ගුරුවරු නෙවෙයි ඕන කෙනෙක් රාජකාරියට ආවේ නැත්නම් වෙන දෙයක්. ඒකට ලේකම්ද ප්‍රාදේශිය ලේකම්ද කම්කරුවාද කියන තනතුරු අදාල වන්නේ නැහැ. ඒ අයට විරුද්ධව විනයානුකූලව පියවර ගන්නවා.

භාණ්ඩ මිල ඉහල යාම සම්බන්ධයෙන් සහ ඩීසල් හා පෙට්රල් මිල ඉහල යා හැකිදැයි මාධ්‍යවේදියකු නැගූ ප්‍රශ්නයකට පිළිතුරු ලබාදුන් අමාත්‍යවරයා

භාණ්ඩ මිල ඉහළ ගිහිල්ලා. අපි එක පිළිගන්න ඕන. අපිට තිබ්බ ලොකුම ප්‍රශ්නය අපේ ජීවිත බේර ගන්නේ කොහොමද කියලා. එතකොට ඒ ව්‍යසනයට මුහුණදෙන කොට අපි මේ රටේ මිනිස්සු බඩගින්නේ තිබ්බේ නැහැ. එතකොට ඒ ගැටළුව හරහා තමයි අපිට යම් යම් ප්‍රශ්න වලට සීමා දාන්න වුණේ. සීමා දානකොට පෝලිං හැදෙනවා. එක අපි පිළිගන්නවා. එතකොට භාණ්ඩ හිඟ උනහම මිල වැඩි වෙනවා. ඒක අපි පිළිගන්න ඕනි දෙයක්. ඒක ඕනිම බුද්ධිමත් එක්කෙනෙක්ම දන්න තේරෙන එකක්. මිල එහෙම තමයි ඉහල යන්නේ. ඒ නිසා අපි දැක්කා කිරි පිටි, ගෑස් පෝලිම්. සීනි, හාල් ප්‍රශ්න ඇතිවුණා. ඒවා මේ ව්‍යසනයත් එක්ක ආව අර්බුද. මේවා තව සති කිහිපයකින් පහව යනවා. විපක්ෂය මේ හැම දෙයක්ම කරන්නේ අර්බුද ඇති කරන්න.

ඉදිරියේදී ඉන්ධන පෝලිම් ඇති විය හැකිදැයි මාධ්‍යවේදියකු නැගූ ප්‍රශ්නයකට පිළිතුරු ලබාදුන් අමාත්‍යවරයා

මම එහෙම කියන්නේ නැහැ. ඒ පෝලිම් ඇතිකෙරුවේ යූ.එන්.පී. එකේ වෘත්තීය සමිතියේ නිලධාරියෙක් කරපු දෙයක් නිසා. ඔහු කිව්වා අහවල් දවසේ තෙල් නැති වෙනවා කියලා. මිනිස්සු ගිහිල්ලා පෝලිම් වල හිටියා.තෙල් නැති වුණේ නැහැ නේ. මේ හැමදෙයක්ම කරන්නේ අර්බුද ඇති කරන්න. මේ කරන දේශපාලන ක්‍රියාකාරකම් වලින් දුක්විදින්නේ මේ රටේ අහිංසක ජනතාවයි. ඒ නිසා මේවා මේ රටේ ජනතාව දුකට පත් කරන්න විපක්ෂය විසින් කරන ප්‍රකාශ. මේකට අපි රජයක් හැටියට මුහුණ දෙනවා.

මේ වෙලාවේ මැතිවරණයකට ගොස් ආණ්ඩුවට ගමට යන්න පුලුවන් තත්ත්වයක සිටී දැයි මාධ්‍යවේදියකු නැගූ ප්‍රශ්නයකට පිළිතුරු ලබාදුන් අමාත්‍යවරයා

අපට නම් ගමට යන්න කිසිදු ප්‍රශ්නයක් නැහැ. හුගක් අය හිතාගෙන ඉන්නේ අපිට ගමට යන්න බැහැ කියලා. එහෙම තමයි හිතුවේ කොවිඩ් ප්‍රශ්නය ආපුවහමත්. කොවිඩ් ප්‍රශ්නය ආපුවහම කිව්වේ මැතිවරය තියන්න හම්බවෙන්නේ නැහැ. මැතිවරණය මීටරේ දුර තියලා තිබ්බොත් දවස් 3ක් යනවා මැතිවරණය තියන්න. අන්තිමට ජේ.ආර්. හදපු ක්‍රමයෙන් තුනෙන් දෙකක බලයක් ආණ්ඩුවට හම්බවුණා. කවුරුහරි හිතනවා නම් අපිට ගමට යන්න බැහැ කියලා. ඒක හීනයක් විතරයි. ගමට යන්න ඕනි වුනහම ගමට ගිහින් අපි පෙන්නන්නම්. එක නිසා අපිට මැතිවරණ තිබිය යුතුයි. මිනිස්සු මැරෙනකොටත් කොවිඩ් තියෙනකොටත් මැතිවරණ තියපු රටක්. යහපාලන ආණ්ඩුව කලේ මැතිවරණ තියපු නැති එක. අවුරුදු එකහාමාරක් දෙකක් ප්‍රදේශීය සභා පොඩි ඡන්දයවත් තිබ්බේ නැහැ. ඉතින් ආණ්ඩුව ඔච්චර අප්‍රසාදයට පත්වෙලා නම් අපි මැතිවරණයක් ගැන කතා කරනවා නම් විපක්ෂය ඒ ගැන සතුටු වෙන්න ඕන. අපි ගමට ගිහිල්ලා ගම ජයග්‍රහණය කරලා පෙන්නන්නම්. ඡන්දය තිබිය යුතු වෙලාවට ඡන්දය තියන්න ඕනි.

ශ්‍රී ලංකා නිදහස් පක්ෂය වෙනම ගමනක් ද යන්න හදන්නේ යැයි මාධ්‍යවේදියකු නැගූ ප්‍රශ්නයකට පිළිතුරු ලබාදුන් අමාත්‍යවරයා

ඒක ඒ අයගෙන් අහන්න ඕනි.

ඔබතුමාලට එයාලගේ සහය අවශ්‍ය නැද්ද යැයි මාධ්‍යවේදියකු නැගූ ප්‍රශ්නයකට පිළිතුරු ලබාදුන් අමාත්‍යවරයා

සහය අවශ්‍ය නැහැ කියලා අපි කියලා නැහැ. කාට හරි වෙනම යන්ඩ ඕන්නම් ඒක ඒගොල්ලො තමා තීන්දු කරන්න ඕන. අපිට තීන්දු කරන්න බැහැ නේ වෙන පක්ෂවල ඒවා. අපි ඉන්නේ වෙනම පක්ෂයක දැන්. එයාලගෙන් තමයි අහන්න ඕනේ වෙනම යනවද පැනලා යනවද කියලා. අපෙන් අහලා වැඩක් නැහැ ඒ ගැන.

ආණ්ඩුවට බැරි නම් දීලා යන්න කියලා, සෞභාග්‍යයේ දේශයක් කරනවා කියපු එක දැන් කසල දේශයක් කරන්නේ යැයි විපක්ෂ නායකවරයා කල ප්‍රකාශය පිළිබද මාධ්‍යවේදියකු නැගූ ප්‍රශ්නයකට පිළිතුරු ලබාදුන් අමාත්‍යවරයා

අපි කැලි කසල වලින් පිරිච්ච රටක් තමයි බාරගත්තේ. කුණු ටිකවත් ඇදගන්න බැරි ආණ්ඩුවක් තමයි පහුගිය යහපාලන ආණ්ඩුව. අපි ඇවිල්ලා පැය 48න් මේ රට අපි ලස්සන කළා ජනාධිපතිතුමාගේ ජයග්‍රහණයත් එක්කම. කවුද කසල ගෙනාවේ කුණු ගෙනවා කියලා ප්‍රේමදාස මහත්තයාට අමතක වෙලා. අද එතුමාගේ මන්ත්‍රීවරුන්ම කියනවා එතුමා යන්න ඕනේ කියලා. කුඩේ තියාගන කුඩේ හකුලගෙන තෙමි තෙමී තමන්ගේ පක්ෂ නායකකමයි විපක්ෂ නායකකමයි බේරගන්න දගලනවා. මේවා දැක්කහම මට නම් පව් කියලත් හිතෙනවා.

භාණ්ඩ මිල මැතිවරණය ආසන්නයේ අඩු කරලා ජනතාවගේ ප්‍රසාදය ගන්නද ලෑස්ති වෙන්නේ යැයි මාධ්‍යවේදියකු නැගූ ප්‍රශ්නයකට පිළිතුරු ලබාදුන් අමාත්‍යවරයා

නැහැ. ජනතාවගෙන් අමුතුවෙන් ප්‍රසාදයක් ගන්න දෙයක් නැහැ. මේ රටේ මිනිස්සුන්ගේ ජීවිත බේර ගත් එක හොඳටම ඇති. විපක්ෂය ගිහින් නොයෙක් දේවල් වල එල්ලුනාට මේ රටේ මිනිස්සුන්ට හොඳට කෙළෙහිගුණ තියෙනවා. භාණ්ඩ මිල නෙමෙයි මිනිසුන්ගේ ජීවිත බේර ගත එකයි ලොකුම දේ කියන්න මිනිස්සු දන්නවා. ඔබත් මමත් අද මේ ඉන්නේ ගෝඨාභය රාජපක්ෂ ජනාධිපතිතුමා නිවැරදි තීන්දු තීරණ ගත්තු නිසා. නැත්නම් ඔබතුමාට මාව දකින්න නොලැබෙන්න හරි මට ඔබතුමාව දකින්න නොලැබෙන් හරි තිබුණා. ඒ නිසා මේවා ගැටළු නෙවෙයිත මේවා තාවකාලික දේවල්. පහුගිය ආණ්ඩුවට මහ බැංකුව හොරා කෑවා කියනවා වාගේ ගලවා ගන්න බැරි සීල් මේ ආණ්ඩුවට නැහැ. අපිට තියෙන්නේ මේ කොවිඩ් වසංගත හරහා ආපු ප්‍රශ්න විතරයි. අනිත් රටවල් දිහාත් බලන්න. එංගලන්තයේ තෙල් ටික බෙදාගන්න බැරි වුණා. ඒ නිසා අපිට තියෙන්නේ බොහොම තාවකාලික ප්‍රශ්න. මේවායින් ඉක්මනින් එළියට එන්න පුළුවන් වෙයි කියලා අපිට දැඩි විශ්වාසක් තියෙනවා. මේ සීමාවල් ඔක්කොම ඉවත් වෙලා රට සම්පූර්ණයෙන් ඉක්මනට විවෘත කරන්න පුළුවන් වෙයි කියලා අපිට විශ්වාසයක් තියනවා.

පොහොර ප්‍රශ්නය සම්බන්ධයෙන් ගොවීන් උද්ඝෝශනය කරනවා. ඒ සම්බන්ධයෙන් මාධ්‍යවේදියකු නැගූ ප්‍රශ්නයකට පිළිතුරු ලබාදුන් අමාත්‍යවරයා

ගොවියන්ගේ ප්‍රශ්නය ඉතාමත්ම සංවේදීයි ප්‍රශ්නයක්. හැබැයි ගොවියෝ පස්සේ ඉන්න ඉන්නේ කවුද කියලා බලන්න ඕන. මේ ගොවිජන මධ්‍යස්ථාන ගිනිතියපු ජනතා විමුක්ති පෙරමුණ තමයි බොහෝ තැන්වල ඉන්නේ. ඒක පිටිපස්සේ යු.එන්.පි. එකත් සමගි ජන බලවේගයත් දුවනවා. ඒක තමයි ඇත්ත තත්ත්වේ. එකම විදිහට පඹයෝ හදලා එකම පෝස්ටර් එක අච්චු ගහලා දීලා මේ කරන ප්‍රශ්නයක්. ගොවි ජනතාව වෙනුවෙන් ජනාධිපතිතුමා ගත්ත තීන්දුව එක්ක අපි හිටගෙන ඉන්නවා. අලුත් දෙයක් මේක. අනික ඔය පක්ෂ තුනේම තිබුණ ප්‍රතිපත්තියක් කාබනික පොහොර වලට යා යුතුයි කියන එක. වකුගඩු රෝගීන් මැරෙනවා. ඒ සදහා රෝහල් හදන්න ඕනි කියලා තමයි මේක පටන් ගත්තේ. දැන් පටන් ගත්තහම කියනවා පටන්ගත්තු ක්‍රමය වැරදියි කියලා විවිධ දේ කියනවා. මේ ප්‍රශ්න උලුප්පන්න ගොවියෝ මරාපු මිනිස්සු කියන එකත් අපි මතක් කරනවා.

මෙම සාකච්ඡාව සදහා වයඹ පළාත් ආණ්ඩුකාර රාජා කොල්ලුරේ සහ කුරුණෑගල දිස්ත්‍රික් පාර්ලිමේන්තු මන්ත්‍රී සහ කුරුණෑගල දිස්ත්‍රික් සම්බන්ධීකරණ කමිටුවේ සභාපති ගුණපාල රත්නසේකර මහතා ඇතුලු ප්‍රාදේශීය සභා සභාපතිවරු එක්ව සිටි අතර කුරුණෑගල දිස්ත්‍රික් ලේකම් ආර්.එම්.ආර්.රත්නායක මහතා, පළාත් අධ්‍යාපන අමාත්‍යාංශයේ නිලධාරීන්, සෞඛ්‍ය නිලධාරීන්, පොලිසියේ නිලධාරීන් ඇතුළු පිරිසක් එක්ව සහභාගි වුහ.

මාධ්‍ය ඒකකය
මහාමාර්ග අමාත්‍යාංශය

Local

මැයි 9 මනුස්සකම් මරා දමමින් රාක්ෂයා ජයග්‍රහණය කළ රාක්ෂයාගේ දිනයයි.. වාසුට බෑ කියා මහින්ද අමාරුවේ වැටුණු හැටි….

Published

on

By

අගමැති ධුරයෙන් ඉල්ලා අස්වීමට කැමැත්ත පළ කර සිටි මහින්ද රාජපක්ෂ මහතා ඔහු වටා සිටිමින් ඔහුගේ තනතුරින් වාසි ප්‍රයෝජන ගත් පිරිසකගේ උවමනාව මත එම ඉල්ලා අස්වීම සිදු නොකළ බවත් අවසානයේ ඉතාම නොගැලපෙන සහ අවනම්බු සහගත ලෙස ධූරයෙන් ඉවත්ව යෑමට ඒ මහතාට සිදු වූ බවත් පිවිතුරු හෙළ උරුමයේ නායක නීතිඥ උදය ගම්මන්පිල මහතා ප්‍රකාශ කර සිටියේය.

පිවිතුරු හෙළ උරුමයේ නායකයා මේ බව සඳහන් කර සිටියේ (17) පාර්ලිමේන්තුව අමතමිනි.

එහිදී වැඩිදුරටත් අදහස් දැක්වූ නීතිඥ උදය ගම්මන්පිල මහතා මෙසේ අදහස් දැක්වීය.

මැයි නමවන දා රාක්ෂයාගේ දිනය . මනුස්සකම් මරා දමමින් රාක්ෂයා ජයග්‍රහණය කළ දිනය. දහවලේ රාජ්‍ය ත්‍රස්තවාදය. අදුරත් එක්ක ආවා පුද්ගල ත්‍රස්තවාදය. රාජ්‍ය ත්‍රස්තවාදය වේවා, පුද්ගල ත්‍රස්තවාදය වේවා එහි පාට රතු පාට උනත් කොළ පාට වුණත් නිල් පාට වුනත් මොන පාට වුනත් ත්‍රස්තවාදය ත්‍රස්තවාදය මයි. ඒ ත්‍රස්තවාදය අප පිළිකුලෙන් බැහැර කළ යුතුයි. අනිවාර්යෙන්ම ප්‍රතික්ෂේප කළ යුතුයි. මේ ප්‍රහාර සහ ප්‍රති ප්‍රහාර නිසා ජීවිත අහිමි වුණු අප හිතවත් අමරකීර්ති අතුකෝරල මන්ත්‍රීතුමන් ඇතුළු සියලුම දෙනාගේ පවුල්වලට සංවේගය පළ කරන්න මේක අවස්ථාවක් කරගන්නවා.

අද අපට ඇහුණා සහෝදරයා මැති ඇමතිවරුන්ගේ කතා. ඔවුන්ගේ කතාවලින් කියවුනේ ජීවිත කාලයක් පුරාවට ඔවුන් ගොඩනගාගත් තමන්ගේ නිවස වාහනය අහිමි වුනු දුක්බර කතා. දේපල හානි සිදුවුණු සහෝදර මන්ත්‍රීතුමන්ලා ට වගේම පාර්ලිමේන්තුවෙන් බැහැරව පහරදීම් දේපළ හානි වීම් වලට ලක් වූ සියලුම දෙනාටත් සංවේගය පළ කරන්න මා මෙය අවස්ථාවක් කර ගන්නවා.

අරගලයට පහරදීම රාජ්‍ය ත්‍රස්තවාදයක් වන්නේ කොහොමද? මේ පහරදීමට පැමිණි සෙනග කැඳවන්නේ ආණ්ඩුවේ ම මන්ත්‍රීවරු. හරියට නාලාගිරි ඇතාට රා පොවලා මත් කළා වගේ මේ ජනතාව තමන්ගේ කතාවලින් කුපිත කරවන්නේ ආණ්ඩුවේ මන්ත්‍රීවරුන්. මේ සෙනග රැස් කරන්නේ රටේ අගමැතිතුමන්ගේ නිල නිවසට. ඒ වගේම අරගල භූමිය කරා සෙනග මෙහෙයවන්නෙ ආන්ඩුවේ මන්ත්‍රීවරු. මේක රාජ්‍ය ත්‍රස්තවාදය නෙවෙයි නම් වෙන මොකද්ද ?

ඒ වගේ ආරක්ෂක අංශවල වගකීමත් හරියට ඉටු වුණේ නෑ. ආණ්ඩු විරෝධීන් සිටින තැනකට ආණ්ඩුවට සහය දක්වන පිරිසක් එකතු වන විට ගැටුමක් ඇති වන බව හිතාගන්න වත් බැරි බබාලද මේ රටේ ආරක්ෂක අංශ භාරව ඉන්නේ. ගින්දර සහ පුළුන් එක් කළ විට ගිනි ගන්නවා කියලා අප ඉගෙන ගත්තෙ දෙකේ පන්තියේදී. ඒකවත් දන්නැති අය ද මේ රටේ ආරක්ෂාව භාරව ඉන්නේ. අපි දැක්කා පාර්ලිමේන්තුවට වරින්වර දහස් ගණනින් විරෝධතාකරුවන් එනවා. යකඩ වැටවල් දාල යකඩ වැටවල් වලට උල් හයි කරලා කඳුළු ගෑස් ගහලා ජල ප්‍රහාර එල්ල කරලා කොහොමහරි සෑම අවස්ථාවකම මේ පාර්ලිමේන්තුවට උද්ඝෝෂකයන් එන එක වලක්වා ගන්න පොලිසිය සමත්වුණා. ඒ සමත්කම ඒ හපන්කම මැයි නම වනදා ක්‍රියාත්මක නොවුනේ ඇයි?

ලෝකයේ සමහර රටවලින් අපවාද අසමින් හදිසි නීතිය පැනය වූයේ හමුදාව අවශ්‍ය වේලාවට යොදවලා ජනතාවගේ ආරක්ෂාව තහවුරු කරන්න කියලයි. යුද්දෙට නැති කඩුව කොස් කොටන්නද කියලා ඇහුවා වගේ හමුදාව වෙලාවට යොදවන්න බැරිනම් මේ දාගත්ත හදිසි නීතියෙන් ඇති ඵලය මොකද්ද ?

ගාලු මුවදොර ඉඳන් අරලියගහ මැදුරට කිලෝමීටරයකට වඩා දුරක් තියෙනවා. අරලියගහ මන්දිරයට පැමිණි ජනතාව ගාලු මුවදොර පැත්තට යන එක නවතාගන්නට අවස්ථාව හා කාලය හොඳටම තිබුණා. නමුත් නිසි වෙලාවට පොලිසිය ක්‍රියාත්මක වීමත් සිදු වුණේ නැහැ. පොලිසිය අකර්මණ්‍ය කලේ කවුද ? හමුදාව අකර්මණ්‍ය කලේ කවුද ? පොලිසිය හා හමුදාව අකර්මණ්‍ය කිරීම රාජ්‍ය ත්‍රස්තවාදයේ ම කොටසක් ද කියන එක අපට ප්‍රශ්න කරන්නට වෙනවා.

තමන්ට නිසි ලෙස රාජකාරිය ඉටු කරගැනීමට නොහැකි උනේ තමන්ට ඉහළින් හිටපු නිලධාරීන් දෙන්නෙක් ගේ බලපෑම නිසා යැයි ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතා මානව හිමිකම් කොමිසමට කළ ප්‍රකාශයේ සටහන් වුණාය කියලා මාධ්‍ය වාර්තා කර තිබුණා. ‍ ජේෂ්ඨ නියෝජ්‍ය පොලිස්පති ට ඉහළින් සිටින නිලධාරීන් දෙදෙනෙක් ඉන්නේ. පොලිස්පතිෙතුමා ඉන්නවා. මහජන ආරක්ෂාව සම්බන්ධ අමාත්‍යාංශ ලේකම්වරයා ඉන්නවා. ඊට උඩින් ඉන්නේ දේශපාලකයෝ දෙන්නෙක්. එහෙමනම් මේ නිලධාරීන් දෙදෙනා හිතාමතාම මේ ගැටුම ඇති කරගන්නට පරිසරය නිර්මාණය කිරීමේ කටයුත්තට දායක වෙලා රටම ගිනි ගොඩක් අළු ගොඩක් බවට පත් කිරීමේ යටි අරමුණකින් කුමන්ත්‍රණයක යෙදී සිටියා ද කියලා ආණ්ඩුව විසින් වහාම පරීක්ෂණයක් ආරම්භ කළ යුතුයි.

සමහරුන්ට බලය ලැබුනහම බලයෙන් මත් වෙනවා. තමන්ට කළ නොහැකි දෙයක් නෑ වගේ දෙයක් ඇඟට දැනෙන්නට පටන් ගන්නවා. මේ බලය කවදාවත් අපට නැති වෙන්නේ නෑ වගේ දෙයක් ඇඟට දැනෙන්නට ගන්නවා. බලයෙන් මත් උනාම හැසිරෙන්නේ හරිම නරක විදියට. මේ බලයෙන් මත් වන දේශපාලන සංස්කෘතියට අප දැන්වත් තිත යන්නටම ඕනෑ. එහෙමත් තිත තියා ගන්නට අපට පුළුවන් වුනොත් විතරයි මේ මන්ත්‍රීතුමා ජීවිතය පූජා කිරීමට, අනිකුත් මැති ඇමතිවරු දේපල පූජා කිරීමට රටපුරා ජනතාවට ඇතිවූ පීඩාවට වටිනාකමක් එකතු කරන්නට අපට පුළුවන් වෙන්නේ.

තරාතිරම නොබලා මේ ගැටුම ඇති කිරීමට දායකත්වය දැක්වූ සියලුම දේශපාලකයන් අත්අඩංගුවට ගෙන නීතිය සැමට සමානව ක්‍රියාත්මක වන බවට අපි මුලින්ම ජනතාවට පෙන්විය යුතුයි. මේක කරහම තමයි ආණ්ඩුවට සුජාතභාවයක් ලැබෙන්නේ මැති ඇමතිවරුන්ගේ ගෙවල් ගිනි තියමින් පුද්ගල ත්‍රස්තවාදයෙ යෙදුණු අයට එරෙහිව නීතිය ක්‍රියාත්මක කරන්න.

මට අපේ හිටපු ජනපති සහ අග්‍රාමාත්‍ය මහින්ද රාජපක්ෂ මැතිතුමා සම්බන්ධයෙන් දැවැන්ත සංවේගයක් තිබෙනවා. එතුමා මේ රටට දැවැන්ත සේවයක් කරපු අපි යුග පුරුෂයෙක් විදිහට දැකපු නායකයෙක්. එතුමාට ගෞරවනීය නික්ම යාමක් ලැබිය යුතුව තිබුණා. මේ ගරු සභාව අවසාන වශයෙන් අමතපු දවසේ එතුමා සභාවේ සිටියදී මම මේ පැත්තේ ඉඳන් කිව්වා ගරු අග්‍රාමාත්‍යතුමනි ඔබතුමාට ගෞරවනීය නික්ම යෑමකට හිමිකම් තිබෙන නායකයෙක්. ඒ නිසා ඔබතුමාට ගෞරවනීය ලෙස තනතුරට සමු දීමට දැන් කාළය උදාවී තිබෙනවා කියා. වාසුදේව නානායක්කාර අමාත්‍යතුමා මා සමග පැවසුවා එතුමා අග්‍රාමාත්‍ය මහින්ද රාජපක්ෂ මැතිතුමාට කතා කරලා දුරකථනයෙන්, එතුමා හමුවෙන්න ගියා. අගමැතිතුමන්ට රටේ තත්ත්වය පැහැදිලි කරලා දීලා ඔබතුමාට ගෞරවනීය නික්ම යෑමක් ලැබීමට නම් වූ වහාම ඉවත්වෙන්න කියලා යෝජනා කළා කියලා වාසුදේව නානායක්කාර මැතිතුමා පැවැසුවා. වසර පනස් පහක පමණ දීර්ඝ මිත්‍රත්වයක් තිබෙන දෙන්නෙක් තමයි මහින්ද සහ වාසු කියන්නේ. එතුමා එකග වෙලා “ හරි වාසු ඔයා කියන දේ මට පැහැදිලියි ලබන අඟහරුවාදා පාර්ලිමේන්තුවේ ප්‍රකාශයක් කරලා ඉල්ලා අස් වෙනවා” යැයි කියනවා.

නමුත් එතුමාගේ තනතුරේ වාසි ප්‍රයෝජන ලබන පිරිසක්, හරියට මළකුණක් වටකරගෙන සිටින කපුටු රෑනක් වගේ පිරිසක් එතුමා ඉවත්වෙන්න හදපු සෑම අවස්ථාවකම එතුමාගේ ඉවත්වීම අතර කරලා එතුමාට ඉතාම නොගැලපෙන අවනම්බුවක් සහිත නික්ම යෑමක් ලබා දුන්නා.

අපි දන්නවා කතාවක් මෝඩ වඳුරෙක් තමන්ගේ හොඳම යාළුවා විදියට තබා ගත්ත රජකෙනෙක් නින්දට වැටුනා. රජතුමා ගේ ඇඟේ මැස්සෙක් වැහුවම රජතුමාගේ නින්දට බාධා වෙනවා. රජතුමා අතින් ගසමින් මැස්සා එලවා ගන්නට උත්සාහ කරනවා. එතුමාගේ නින්දට මැස්සාගෙන් බාධා වන බව දැක්කම අර වඳුරා පැත්තකින් තියල තිබුන රජතුමාගේ මඟුල් කඩුව අරගෙන මැස්සාට කෙටුවා. මැස්සා බේරුණා. රජතුමා මැරුණා. මහින්ද රාජපක්ෂ මැතිතුමා මෝඩ වඳුරන් පිරිසක් ළඟින් තියාගෙන හිටියේ. ඒ නිසා අර රජ්ජුරුවන්ට ජීවිතය නැති වුණා. මහින්ද රාජපක්ෂ මැතිතුමාට නම්බුව නැති වුණා. ඒ නිසා මේ සිදුවීම මෝඩ මිතුරන්ගෙන් ප්‍රවේසම් වීමට රාජ්‍ය නායකයන්ට හොඳ පාඩමක් කියලා මම විශ්වාස කරනවා.

මැයි නමවනදා මුලින්ම ඇතිවුණා පහරදීම පිළිබද කෝපයක්. දවල් වෙනකොට අපි දැක්කෙ ඒක. හවස වෙනකොට තිබුණේ ඒක නෙවෙයි. දේශපාලන පලිගැනීම්. තමන්ගේ දේශපාලන ප්‍රතිමල්ලවයා හොයාගෙන ගිහිල්ලා පහර දීමේ දේශපාලන පළිගැනීම. තව ටිකක් යනකොට මේක මහා මංකොල්ලයක් බවට පත්වෙනවා. මම කතා කරපු අපේ මැති ඇමැතිවරු විශාල ගණනක් කියපු දෙයක් තමයි ගිනි තියපු දේට වඩා හොරකම් කරගෙන අරගෙන ගිය දේ වැඩියි කියලා.

මැයි නම වනදා වන විට මේ රටේ මොකක්ද දැක්කෙ. සාමය සහජීවනය ගැන දේශනා කරමින් සිටිය පූජකතුමන්ලා සමාජ මාධ්‍ය වලට ඇවිල්ල වෛරය වපුරන්නට ගත්තා. නීතියේ ආධිපත්‍ය යුක්තිය ගැන කතා කරපු කලාකරුවෝ නීති අතට ගන්නට ජනතාවට බල කළා. දැන් ඒ අයගේ ෆේස්බුක් වලට ගිහිල්ලා බලද්දි නම් ඒ දාපුවා දැන් මකළා. හැබැයි අපි ඒවා එකතු කරගෙන තියාගෙන ඉන්නේ. මේ රටේ පූජකවරුන් කලාකරුවන් මේ රටේ ජනතාව කුපිත කරලා දැන් කියනවා සාමකාමී වෙන්න සාමකාමී වෙන්නේ කියලා. එහෙම නම් ජනතාව කුපිත කිරීමට කටයුතු කළ දේශපාලකයන් හොයාගෙන ගිහිල්ලා නීතිය අතට ගෙන කටයුතු කිරීමට පෙළඹ වූ සියලුම දෙනාටත් වහාම අප නීතිය ක්‍රියාත්මක කළ යුතුයි. වැරදි කිරීමට අනුබල දීමත් අපේ දණ්ඩ නීති සංග්‍රහය අනුව වරදක්.

මැයි නම වන සඳුදා කළු සඳුදාවක්. නැවත මේ මිහිපිට උදා නොවිය යුතු දවසක්. ඒ දවස උදා නොවන බවට වග බලා ගත හැක්කේ එයට විවිධ ආකාරයෙන් දායක වුණු දෙපාර්ශ්වයේම සිටිනා ත්‍රස්තයන් නීතිය ඉදිරියට පැමිණ වීමෙන් පමණයි.

– Media unit

Continue Reading

Local

සජිත් පිලේ තවත් යෝජනාවක් ඡන්දයෙන් පරදී.. ආණ්ඩුව බහුතරයත් පෙන්වයි..

Published

on

By

පාර්ලිමේන්තුවේ ස්ථාවර නියෝග අත්හිටුවීම සම්බන්ධයෙන් පැවති ඡන්ද විමසීමේ දී එය අත්හිට විය යුතු නැති බවට සම්මත වී තිබේ.

ස්ථාවර නියෝග අත්හිටූවීම් නැති බවට 119 දෙනකු ඡන්දය පාවිච්චි කර තිබූ අතර අත්හිටුවිය යුතු බවට ඡන්දය ලබා දී තිබුනේ 68 දෙනකු පමණි.

ජනාධිපතිවරයාට අප්‍රසාදය පළ කිරීමේ යෝජනාවක් සම්මත කිරීමට පෙර අවශ්‍ය වූ ස්ථාවර නියෝග අත්හිටුවීමේ සම්බන්ධයෙන් එම ඡන්ද විමසීම පැවැත්විණි.

Continue Reading

Local

අග්‍රාමාත්‍යවරයා අද ජාතිය අමතා සිදු කිරිමට යන විශේෂ ප්‍රකාශය..

Published

on

By

අගමැති රනිල් වික්‍රමසිංහ අද(16) පස්වරුවේ ජාතිය ඇමතීමට නියමිතයි.

ජාතිය ඇමැතීම ඊයේ දිනයේ සිදු කිරීමට නියමිතව තිබුණ ද එය අද සිදු කිරීමට අගමැතිවරයා තීරණය කර ඇති අතර  ආර්ථික අර්බුදය නිම කිරීම සඳහා ගෙන ඇති ක්‍රියාමාර්ග පිළිබඳව මෙහි දී ජනතාව දැනුවත් කිරීමට නියමිත බව ද අත්‍යවශ්‍ය ආහාර ද්‍රව්‍ය ආනයනය, ඖෂධ හා වෛද්‍ය උපකරණ හිඟය, පොහොර අර්බුදය, ඉන්ධන සහ ගෑස් හිඟයකින් තොරව ලබාදීම සඳහා ගන්නා ක්‍රියාමාර්ග ඇතුළු පවතින තත්ත්වය පිළිබඳව ජනතාව දැනුවත් කිරීමට අගමැති රනිල් වික්‍රමසිංහ මහතා නියමිතයි.

Continue Reading

Trending