Connect with us

Local

මොළ හතක් තියෙනවා කියූ බැසිල් රාජපක්‍ෂත් පඹයෙක් වෙලා..

Published

on

නිසි වෙලාවට කෘෂි රසායනය ආනයනය සිදු නොකිරීමෙන් මහ කන්නය සම්පූර්ණයෙන්ම විනාශ කළ කෘෂිකර්ම අමාත්‍යාංශය, බෙහෙත් ආනයන ලිපි ගොනු මේසය මත තියාගෙන ජනවාරි – මාර්තු කන්නය විනාශ වෙනකල් බකන්නිලාගෙන ඉන්නවා යැයි මාතලේ දිස්ත්‍රික් පාර්ලිමේන්තු මන්ත්‍රීණී රෝහිණී කවිරත්න පවසයි.

”මහ කන්නය විනාශ කරපු ආණ්ඩුව ගන්න කිසිම තීරණයක් ක්‍රියාත්මක කරන ගන්න බැරි ගන්න බැරි පට්ටපල් බොරු කාරයෝ ටිකක්, කෘෂිකර්ම අමාත්‍යාංශයට අරක් ගෙන ඉන්නවා. ජනාධිපති කෘෂි රසායන ගෙන්න අවසර දුන්නා. ඇමති පළිබෝධ නාශක රෙජිස්ට්‍රාර් ඉවත් කරලා වැඩේ කාබාසිනියා කළා. මුදල් ඇමති කෘෂි රසායන ගැසට් එක රිවස් කරලා පළිබෝධ නාශක ගෙන්න අවසර දුන්නා. හිටපු ලේකම් ෆයිල් ටික මේසේ උඩ තියාගෙන කෘෂි රසායන ආනයනයෙන් කොමිස් ගහන්න උත්සහ කළා.

ඇමති පාර්ලිමේන්තුවට කෘෂි රසායනය ගෙන්වනවා කියලා පොරෙන්දු වෙලා සති 5 යි. අද වෙනකල් එකම කෘෂි රසායන තොගයක් රටට ගෙන්න අනුමැතිය දුන්නේ නෑ. ආණ්ඩුවේ මේ කාලකන්නි වැඩ නිසා ගොවියා අන්ත අසරණ වෙලා තියෙනවා. දැන් පොහොරත් නෑ. බෙහෙතුත් නෑ. වගා කරන්න විදයම් කරපු සල්ලිත් නෑ.

කෘෂිකර්ම අමාත්‍යාංශයේ වැඩ නිසා කෘෂි රසායන ගැසට් රිවස් කරපු මුදල් ඇමති බැසිල් රාජපක්ෂත් පඹයෙක් ගේ තත්වයට වැටිලා. මොළ හතක් තියෙනවා කිව්ව මුදල් ඇමතිගේ පඹයට අන්දලා, කනින් රිංගලා කෘෂිකර්ම අමාත්‍යාංශය ලේකම්ලා මාරු කරනවා.

චීන අශුචි නැවට කරගහන්න, නැනෝ පොහොර ගෙන්වන්න කාෂිකර්ම අමාත්‍යාංශයට තිබ්බ උනන්දුව වල් නාශක ටික ගෙන්නලා ගොයම් වගාව බේරාගන්න නෑ යැයි මන්ත්‍රීණී රෝහිණී කවිරත්න මේ බව පැවසූවේ, රත්තොට අද පැවති උත්සවයක් අමතමිනි.

රටේ සාගතය ඇවිල්ලා ඉවරයි. ලෝකයේ ආහාර සඳහා වැඩිම මුදලක් වැය කරන රටක් බවට ලංකාව පත් කළේ කෘෂිකර්ම අමාත්‍යාංශයේ හොර තක්කඩි රැල යි. හන්දියක් හන්දියක් ගානේ උද්ඝෝෂණ තිබ්බාට මේ තක්කඩි රැලට ගානක් නෑ. පල්ලියක් කෝවිලක් ගානේ පළි ගැහුවාට මේ තක්කඩි රැලකට ගානක් නෑ.

කුඹුරු ටික වල් වලින් වැහිලා, කුඹුරු පිදුරු වෙනවා. මේ තක්කඩි රැලට ගානක් නෑ. බඩ ඉරිඟු වගාව 80%කින් විනාශ වෙලා. මේ තක්කඩි රැලට තවම ඇහැරිලා නෑ. එළවළු පළතුරු ටික කෘමි නාශක නැතුව ගස් යට කුණු වෙලා විනාශ වෙනවා. මේ තක්කඩි කොමිස් ගහන්න බලාගෙන ඉන්නවා.

දිලීර නාශක නැතුව ලොකු ළුණු, මිරිස්, අර්තාපල්, එළවළු විනාශ වෙනවා මේ තක්කඩි අශුචි නැවේ ප්‍රමිතිය වෙනස් කරලා පගා ගන්න බලාගෙන ඉන්නවා කියලා අශුචි නැවේ අයිති සමාගම කියනවා.

බහුජාතික සමාගම්වලට පොහොර තියෙනවා. හැබැයි රටේ දුප්පත් ගොවියාට පොහොර නෑ. බහුජාතික සමාගම්වලට කෘෂි රසායන ගෙන්වන්න දීලා තියෙනවා. හැබැයි ගමේ කඩේ බෙහෙත් ටික නෑ. ගොවියාට කෘෂි රසායන නැතිව වගා කරන්න බෑ.

මේක ධනපතියන්ට ලාබ ලබන්න දුප්පත්තු නැති කරන ආණ්ඩුවක්. තීන්දු ගත්තාට තීන්දුව ක්‍රියාත්මක කරන්න බැරි ආණ්ඩුවක්” යැයි ද, කවිරත්න මහත්මිය පැවසුවාය.

Click to comment

Leave a Reply

Your email address will not be published.

Local

ගෝඨා ගෝ ගමට තැපෑලෙන් ලියුම් එයි…

Published

on

By

කොළඹ ජනාධිපති මන්දිරයේ ඉදිරියේ ගාලු මුවදොර පිටිය පිහිටුවා ඇති විරෝධතා භූමියට ශ්‍රී ලංකා තැපැල් දෙපාර්තමේන්තුව මගින් ලිපි ලැබී තිබේ.

විශේෂත්වය වන්නේ එහි ‘ගෝඨා ගෝ ගම’ ලෙස ලිපිනයේ සඳහන් කිරීමයි.

Continue Reading

Local

අන්තරේට කදුළු ගෑස් හා ජලප‍්‍රහාර ගසා පන්නයි…

Published

on

By

අන්තර් විශ්ව විද්‍යාල ශිෂ්‍ය බල මණ්ඩලය විසින් පවත්වන ලද විරෝධතා පාගමනට පොලිසිය විසින් කඳුළු ගෑස් සහ අධිපීඩන ජල ප්‍රහාරයක් එල්ල කර තිබේ.

කොටුව ජනාධිපති මන්දිරය දෙසට ගමන් කරමින් තිබූ මෙම පා ගමනට ලෝක වෙළඳ මධ්‍යස්ථානය අසළ දී මෙම ප්‍රහාරය එල්ල කර ඇත.

විධායක ජනාධිපති ධුරය අහෝසි කිරීම ඇතුළු ඉල්ලීම් කිහිපයක් මුල් කර ගනිමින් මෙම විරෝධතාවය පවත්වන ලදී.

Continue Reading

Local

රජයේ සේවකයන් හෙට වැඩට එන්න එපා.. එන සතියේ කන්නවත් සල්ලි නෑ.. අගමැති..

Published

on

By

නව කැබිනට් මණ්ඩලයේ අමාත්‍යවරුන් ගේ සියලු වැටුප් ගෙවීම අත්හිටුවන බව අග්‍රාමාත්‍ය රනිල් වික්‍රමසිංහ මහතා සඳහන් කරයි.

මන්ත්‍රීවරුන්ගේ ද ඇතැම් වරප්‍රසාද කපා හරින බවද හෙතෙම පැවසීය.

අග්‍රාමාත්‍යවරයා මේ බව කියා සිටියේ අද පාර්ලිමේන්තුව අමතමිනි.

දැනටමත් අග්‍රාමාත්‍ය කාර්යාලයේ වියදම සියයට 50 ක් දක්වා අඩු කිරීමට කටයුතු කර තිබේ.

දෛනික අත්‍යවශ්‍ය ආහාර සඳහා ද මුදල් මේ වන විට භාණ්ඩාගාරය සතුව නැතැයි ද පැවසූ අගමැතිවරයා ඒ අනුව ඒ සඳහා අවශ්‍ය මුදල් වහා සොයා ගත යුතු බවද සඳහන් කළේය.

පවතින අර්බුදය ශ්‍රී ලංකාවට පමණක් බලපාන ගැටලුවක් නොවන බවද මෙය ලෝක ආහාර අර්බුදයක් බවට පත්වන ලකුණු පෙනෙමින් ඇතැයි හෙතෙම පැවැසීය.

හෙට දිනයේ රාජ්‍ය සේවයේ අත්‍යවශ්‍ය නොවන සේවකයන් සේවයට වාර්තා කිරීම අවශ්‍ය නොවන බවද පැවසූ ඔහු ඉන්ධන හිඟය සහ ප්‍රවාහන අපහසුතා සැලකිල්ලට ගනිමින් මෙම තීරණය ගත් බවද කියා සිටියේය.

Continue Reading

Trending