Connect with us

Local

ලොහාන් රටට දුන්නේ වැදගත් ආදර්ශයක්.. විමල් වීරවංශ..

Published

on

ලොහාන් රත්වත්තේ මහතා ඇමති ධුරයෙන් අස් වීමෙන් ලබාදී ඇත්තේ මෙරට දේශපාලන සංස්කෘතියටත් ආදර්ශයක් බව කර්මාන්ත අමාත්‍ය විමල් වීරවංශ මහතා සඳහන් කරයි.

‘වැරදි සිදුවෙන්න පුළුවන් හැබැයි ඒ වැරදි පිළිගෙන නිහතමානීව එම තනතුරින් ඉවත් වීමයි වැදගත් වෙන්නේ. අපේ රටේ දේශපාලන සංස්කෘතියට මීට කලින් වැනි ආදර්ශයන් එකතු වෙලා තිබුණේ නැහැ. ඒ අතින් ලොහාන් රත්වත්තේ මහතා තමන් අතින් සිදු වූ කුමක් හෝ අඩුපාඩුව පිලිඅරන් අමාත්‍ය ධුරයෙන් ඉවත් වෙලා තියෙනවා’

රත්වත්තේ මහතා බන්ධනාගාර අමාත්‍ය ධූරයෙන් පමණක් ඉවත් වී මැණික් හා ස්වර්ණාභරණ අමාත්‍යධූරයේ තවදුරටත් රැඳී සිටීම ගැන මාධ්‍ය කළ විමසීමේ දී ඔහු පැවසුවේ මෙසේය.

‘ස්වර්ණාභරණ මංකොල්ලයකට ගියානම් ලොහාන් රත්වත්තෙ මහත්තයා ඒ ඇමතිකමෙනුත් ඉල්ලා අස්වෙයි’

Click to comment

Leave a Reply

Your email address will not be published. Required fields are marked *

Local

ඔළුව පාත් කරන කාලෙ ගියා.. ජනාධිපති එය දැනගත යුතුයි.. අගරදගුරු..

Published

on

By

එක්ස්ප්‍රස් පර්ල් නෞකාවේ ගිනිගැනීම හේතුවෙන් අපවිත්‍ර වූ සරුක්කුව වෙරළ තීරය පිරිසිදු කිරීමේ ප්‍රමාදය ගැන සොයා බැලීමට කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් (26) එම ස්ථානයට පැමිණියහ.

දැඩි ලෙස අපවිත්‍ර වී ඇති සරක්කුව වෙරළ තීරය කාදිනල් හිමියන් පැමිණීමට පෙර කිසියම් පිරිසක් පිරිසිදු කර තිබූ අතර එම අවස්ථාවේ එහි සංවාදාත්මක තත්ත්වයක් හට ගෙන තිබිණ.

කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් සහ පූජ්‍ය පාහියංගල ආනන්ද සාගර හිමියන් මේ ස්ථානයට පැමිණියේ, එම සංවදාත්මක තත්ත්වයෙන් අනතුරුවයි.

එම ස්ථානයට පැමිණි කාදිනල් හිමියන් රජයෙන් සහ ජනාධිපතිවරයාගෙන් ඉල්ලා සිටියේ, ‍නැව ගිනි ගැනීමෙන් රටට වූ හානිය පිළිබඳ සම්පූර්ණ විමර්ශනයක් කරන ලෙසයි.

”මේක අපේ රට නැව් සමාගම්කාරයො යන්න යයි. අපි රජයෙන් ඉල්ලා සිටින්නේ, ජනාධිපතිතුමාගනේ ඉල්ලා සිටින්නේ මේ රටට හානියක් වුණ මේ සිද්ධිය පිළිබඳ සම්පූර්ණ විමර්ශනයක් කළ යුතුයි. ඇයි මේ නැව දවස් ගණන් ගිනිගන් න ඉඩ තිබ්බෙ? ඇයි ඒ වෙලාවෙම නැව් එළියට ඇදගෙන යන සමාගම් සමග කතා කරලා ඒකට පිළියම් යොදන්න බැරි වුණේ? ඒවා ගැන විමර්ශනයක් කරන්න.. මම නඩුවකුත් දාලා තියෙනවා. මේ ධීවර ජනතාව වෙනුවෙන් දඩ මුදල් ඉල්ලලා මේ පිරිසිදු කිරීමේ වැඩපිළිවෙළ වඩාත් ශක්තිමත්ව ඉෂ්ඨ කරන්න”

තව ද නැව ගිනි ගැනීමෙන් ධීවර ජනතාවට විශාල පාඩුවක් සිදුව ඇති බවත් රටේ ස්වාධීනත්වය, ස්වෛරීත්වය ආරක්ෂා කිරීමට ජනාධිපතිතුමා ද දැනගත යුතුව ඇති බව උන්වහන්සේ වැඩිදුරටත් සඳහන් කළහ.

අදාළ සමාගමට සහ ඉන්ෂූවරන්ස් සමාගමට එරෙහිව මෙම නඩුව ජාත්‍යන්තර අධිකරණය හමුවට ගෙන යා යුතු බව අවධාරණය කළ උන්වහන්සේ ප්‍රකාශ කර සිටියේ, ඒ සඳහා ජනතාව හඬ නැගිය යුතුව ඇති බවයි.

”අපේ රට ස්වාධීන රටක්. ජනාධිපතිතුමත් ඒක දැනන්න ඕන . ස්වාධීනත්වය අපේ ස්වෛරීත්වය ආරක්ෂා කරන්න ඒ වෙනුවෙන් කතා කරන්න. එයාලා වෙනත් රටකට ගිහින් මේ වගේ දෙයක් කළොත් ඩොලර් බිලියන ගණන් ගෙවන්නෙ, මේක දැන් සාකච්ඡා කරලා වැඩක් නෑ. දැන් අපි බලපෑම් කරන්න ඕන. ජනතා හඬ නැගීම කරන්න ඕන. ධීවර ජනතාව හඬ නගන්න ඕන. කරුණාකරලා ජාත්‍යන්තර අධිකරණයට ගෙනියන්න කියලා මේ නඩුව කොම්පැනියට හා ඉන්ෂූවරන්ස් සමාගමට විරුද්ධව එයාලා මේ අපිට බලපෑම් කරලා නිලධාරීන්ට බලකරවලා සොච්චමක් දීලා බේරෙන්න ඒගොල්ලන්ට ඉඩ දෙන්න බැහැ. මේක අපේ රට”

– NEWS1ST

Continue Reading

Local

නැනෝ නයිට‍්‍රජන් මිලට ගැනීමේදී වංචාවක්.. රු1302 වන එකක් රු.5230ට මිලට අරන්..

Published

on

යූරියා සහ නයිට්‍රජන් පොහොර ඒකාධිකාරය කඩිමුඩියේ පිහිටුවා ගත් සමාගමක තනි අයිතියට ලබාදීම සඳහා සකස් කළ කැබිනට් පත්‍රිකාව බොරුව අසත්‍යය පිරුණු මුදල් මඟඩියකට සැකසූ උගුලකි. කෘෂිකර්ම කේෂ්ත්‍ර යේ රැකවලුන් ලෙස පෙනී සිටින ඊනියා බුද්ධිමතුන් ලංකාවේ කෘෂිකර්මාන්තය වලපල්ලට යවමින් පුද්ගලයින් කිහිප දෙනෙකුට ධන උත්පාදනය සඳහා තම වෘත්තීය දැනුමත් ගණිකා වෘත්තීයේ යෙදවීම කණගාටුවකි.

නැනෝ තාක්ෂණය පිළිබඳ එකම විශේඥයෙකු හෝ නොමැති තාක්ෂණික කමිටුවක් මගින් ඉන්දියාවේ රු. 484 ක් වන (ලංකා රුපියල් 1302.18) ක් වන නැනෝ නයිට්‍රජන්, ලංකාවේ මුදලින් රු. 5230 කට මිලදී ගෙන ඇතැයි මාතලේ දිස්ත්‍රික් පාර්ලිමේන්තු මන්ත්‍රීණි රෝහිණී කවිරත්න නිවේදනයක් නිකුත් කරමින් පවසයි.

කැබිනට් පත්‍රිකාවට අනුව ද, ආනයනය කර ඇති නිෂ්පාදන විස්තරයට අනුව ද, මෙම නිෂ්පාදනයට ‘කාබනික සහතිකය‘ නැත. කාබනික කෘෂිකර්මාන්තය දියුණු කිරීම සඳහා යැයි දැවැන්ත ප්‍රචාරයක් ගෙන යමින් ආනයනය කරනු ලැබ ඇත්තේ අවම වශයෙන් කාබනික සහතිකය හෝ නොමැති නිෂ්පාදනයක් ය.

ඩොලර් නැතිකම වසා ගැනීමට කාබනික පොහොර මිත්‍යාවේ ගිලෙන විටම මහ කන්නයට අවශ්‍ය පොහොර – බෙහෙත් සපයා ගැනීම ප්‍රශ්නයක් වන බව බුද්ධියත් ඇති ඕනෑම අයෙකුට වැටහී යා යුතුව තිබුණි. ඒ පිළිබඳ විශේඥයින් අදහස් දක්වා තිබුණි.

කෘෂිකර්ම අමාත්‍යාංශය අද විට දැවැන්ත මුල්‍ය හා ශ්‍රාස්ත්‍රීය වංචා සිදු කරන හොර ගුහාවක් බවට පත්ව ඇත. චීන අශුචි ගෙන්වීමට අවශ්‍ය පරිසරය ගොඩනැගීමෙන් පසුව සියළු රාජ්‍ය තාන්ත්‍රික සම්ප්‍රදායන් හා රීති බිඳදමමින් චීනයේ දෙපතුල ලෙවකන රටක් බවට පත් කර ඇත. චීන අශුචි පොහොර කෙසේ හෝ ලංකාවට ගොඩබෑම දුෂිතයින්ගේ අරමුණයි.

මහාචාර්ය බුද්ධි මාරඹේ කෘෂිකර්ම අමාත්‍යාංශයේ ප්‍රතිපත්ති සම්පාදක කමිටුවෙන් ඉවත් කිරීම සැබෑ බුද්ධිමතුන් කෘෂිකර්ම කේෂ්ත්‍රයේ ප්‍රතිපත්ති තීරණ ගැනීමේ ක්‍රියාවලියෙන් ඉවත් කිරීමකි. ඒ වෙනුවෙන්, අශුචි කාබනික පොහොර ගෙන්වීමේ නියෝජිතයා ලෙස කටයුතු කළ වත්මන් කෘෂිකර්ම ලේකම් මහාචාර්ය උදිත් ජයසිංහ සිය ජාවාරමට අවශ්‍ය ලේඛන සකස් කිරීම සඳහා තැරැව්කරුවන් කුලියට ගෙන ඇත.

කෘෂිකර්ම අමාත්‍යාංශය, කෘෂිකර්ම අමාත්‍යවරුන් සහ එහි ලේකම්වරුන් රටේ ලක්ෂ 24 ක් වන ගොවි ජනතාව ද, ආහාර සුරක්ෂිතතාවය ද, රටේ ආර්ථිකය ද මකර කටට යවමින් සිදු කරන නාඩගම නැවැත්විය හැක්කේ කෘෂිකර්ම කේෂ්ත්‍ර යේ ප්‍රවීණයන්, වෘත්තිකයින් මෙයට සම්බන්ධ තාක්ෂණික කරුණු සම්බන්ධයෙන්වන සංවාදයට එක්වීමෙන් පමනී. උද්දච්ච, පණ්ඩිත සොර මුලක් ශ්‍රී ලංකාවේ කෘෂිකර්මාන්තය මකොල්ලකෑම වැලැක්වීමට එක්වන ලෙස කෘෂිකර්ම විශේඥයින්, වෘත්තිකයින්, ගොවිතැනට සම්බන්ධ සියලු සියළු පාර්ශවයන්ගෙන් මම අයැද සිටිමි.

රෝහිණී කවිරත්න
මාතලේ දිස්ත්‍රික් පාර්ලිමේන්තු මන්ත්‍රීණී

Continue Reading

Local

සුමන්තිරන්ට එරෙහි උතුරේ විරෝධතා.. ධීවරයින් මුහුදු නොයයි… වෙළඳසැල් වසා අනුරුවකට ගිනිත් තබයි…

Published

on

දෙමළ ජාතික සන්ධානයේ පාර්ලිමේන්තු මන්ත්‍රී එම්.ඒ. සුමන්තිරන් මහතාට එරෙහිව අද (26) යාපනයේදී ධීවරයින් විශාල පිරිසක් විසින් ධීවර කටයුතු නවාතා දමා විරෝධතාවක් සංවිධානය කොට තිබුණි.

එමෙන්ම යාපනය වැල්වැටිතුරේයි සහ ගුරුනගර් ප්‍රදේශයේ වෙළඳසැල්ද වසා දමමින් කලු කොඩි ප්‍රදර්ශනය කොට ධීවර සංගම් නියෝජිතයින් හා සියලුම ධීවරයින් ධීවර කටයුතු වලින්ද ඉවත්ව ගුරුනගර් ධීවර සංවර්ධ සමිතිය ඉදිරිපිටදී විරෝධතාවක් සංවිධානය කොට තිබුණි.

එහිදී විරෝධතාවයේ නිරත වූ ධීවරයින් පවසා සිටියේ පසුගියදී සුම්තිරන් මන්ත්‍රීවරයාගේ ප්‍රධානත්වයෙන් මුලතිව් සිට පේදුරුතුඩුව දක්වා මුහුදු මගින් ඉන්දීය ධීවරයින්ට එරෙහිව සිදුකරන ලද විරෝධතාවය දේශපාලනික අරමුණු වෙනුවෙන් පමණක් සිදු කොට ඇති හෙයින් එය උතුරේ ධීවරයින් වෙනුවෙන් සිදු නොකල බවටය.

එමෙන්ම යාපනය සුමන්තිරන් මන්ත්‍රීවරයා විසින් විරෝධතාවයෙන් අනතුරුව ගුරුනගර් හා වැල්වැටිතුරෙයි ධීවරයින්ද ට්‍රෝලර් යාත්‍රා මගින් මසුන් ඇල්ලීම ඇතුලු තහනම් ක්‍රම මගින් මසුන් ඇල්ලීමට එරෙහිව නීතිය ක්‍රියාත්මක කල යුතු බවට පැවසීම මගින් උතුරේ ධීවරයින්ගේ ජීවන ආර්ථිකයටද බලපෑමක් එල්ල කොට ඇති හෙයින් මන්ත්‍රීවරයා ධීවරයිනගේ සැබෑ තත්වයන් නොදැන දේශපාලනික අරමුණු වෙනුවෙන් පමණක් කටයුතු කරන බවටද විරෝධතා කරුවන් පැවසූහ.

විරෝධතාවයේ නිරත ධීවරයින් විසින් විරෝධතාවය අතරතුරදී සුමන්තිරන් මන්ත්‍රීවරයාගේ අනුරුවක් සාදා එයට පාවහන් මාලයක් දමා පහරදීමෙන් අනතුරුව ගිනිතබාද විරෝධතාවයේ නිරත වූහ.

– වන්නි රොමේෂ් මධුෂංඛ

Continue Reading

Trending