Connect with us

Local

ලෝකයේ ඉහලම තාක්ෂණයෙන් නිෂ්පාදිත කාබනික පොහොර ලංකාවට ගෙනැවිත්..

Published

on

ජනතාවගේ සෞඛ්‍ය හා අනාගත පරපුර ගැන හිතා රසායනික පොහොර භාවිතයෙන් ඉවත් වෙන්නැයි අමාත්‍ය නාමල් රාජපක්ෂ මහතා ඉල්ලයි.

හම්බන්තොට දිස්ත්‍රික්කයේ පැවති වැඩසටහන් කිහිපයක් සදහා සහභාගීවෙමින් මාධ්‍යවේදීන් නැගූ ප්‍රශ්න සදහා පිළිතුරු ලබා දෙමින්  තරුණ හා ක්‍රීඩා, සංවර්ධන සම්බන්ධීකරණ හා අධීක්ෂණ අමාත්‍ය සහ ඩිජිටල් තාක්ෂණ හා ව්‍යවසාය සංවර්ධන රාජ්‍ය අමාත්‍ය නාමල් රාජපක්ෂ මහතා මේ බව ප්‍රකාශ කළේය.

රටේ යම් භාණ්ඩ ප්‍රමාණයක මිල වැඩිවීම සම්බන්ධව මාධ්‍යවේදීන් නැගූ ප්‍රශ්නයකට පිළිතුරු දුන් අමාත්‍යවරයා ප්‍රකාශ කර සිටියේ,

“කොවිඩ් 19 වසංගතයත් සමග ලෝකයම අර්බුදයකට වැටී තිබෙනවා. අපි දැක්කා බටහිර අධිරාජ්‍යවාදීන් ලෙස ලෝකේ පාලනය කරපු අය අද වෙද්දි ගෑස් නොමැතිව හමුදාව යොදවාගෙන ගෑස් බෙදා හැරීම සිදු කරනවා.

ලෝකේ හැම රටකම මෙම අර්බුදය තිබෙනවා. අසල්වාසී රටවලත් එසේ සිදු වී තිබෙනවා. අපිටත් එහි යම්කිසි බලපෑමක් සිදු වී තිබෙනවා. අපි මෙම වසංගතයට මුහුණ දෙන්න අවශ්‍යයි.

වංසගතය ව්‍යාප්තිය පාලනය කරමින් රට විවෘත කර රටේ ආර්ථිකය සාමාන්‍ය තත්ත්වයකට ගෙන ආ යුතුයි. අපි හැමෝම අමතක කරන කාරණය තමයි  රැකියා විශාල ප්‍රමාණයක් අහිමි වී තිබෙන බව.

මේ රැකියා දරුවන්ට ලබා දෙන්න නම් මේ රට නැවත සක්‍රීය වෙන්න ඕනේ. නිෂ්පාදන ආර්ථිකයක් කරා අපි ගමන් කළ යුතුයි.

මෙම ගෝලීය වසංගතය හේතුවෙන් විදේශවලින් එන භාණ්ඩවල මිල යම් විදියකට වැඩිවී තිබෙනවා. නමුත් මේ තත්ත්වය තාවකාලිකයි. භාණ්ඩවල මිල අඩුකරන්න පුලුවන් පළමු අවස්ථාවේදීම ඒවායේ මිල ගණන් අඩු කරන්න ආණ්ඩුවක් විදියට අපි මැදිහත් වෙනවා”

කෘෂි කර්මාන්තය සදහා පොහොරවල හිගයක් ඇතිවී ඇති බවටත් කාබනික පොහොර යෙදීමෙන් ඇතිවෙන බලපෑම් සම්බන්ධයෙනුත් මාධ්‍යවේදීන් අමාත්‍යවරයාගෙන් ප්‍රශ්න කර සිටියේය.

“කෘෂිකර්ම අමාත්‍යාංශය මේ වන විටත් අවශ්‍ය කාබනික පොහොර අදාළ ප්‍රදේශවලට යවා තිබෙනවා. මඩකලපුව, ත්‍රිකුණාමලය, අම්පාර, අනුරාධපුර, කුරුණැගල දිස්ත්‍රික්කවල මම පහුගිය දවස් දෙක ගත කලා. මේ දිස්ත්‍රික්කවලට මේ වන විට අවශ්‍ය පොහොර ප්‍රවාහනය කරමින් පවතිනවා.

මම පැහැදිලිව කියන්න අවශ්‍යයි. ජනතාවාදී ආණ්ඩුවක් විදියට අතිගරු ජනාධිපතිතුමා දැඩි තීන්දුවක් ගත්තා. ජනතාවගේ සෞඛ්‍ය සහ අනාගත පරම්පරාව ගැන හිතලා රසායනික පොහොර වලින් ඉවත් වෙන්න. මේක අභියෝගාත්මකයි. මේක අභියෝගයක් නොවෙයි කියලා කියන්න බැහැ.

මේ අභියෝගය අපි ජය ගන්නවා වගේම ගොවියාට අසාධාරණයක් වෙන්න ඉඩ තියන්නේ නැහැ. යම් විදියකින් අස්වැන්න අඩු වුනොතින් ඒ අඩුවෙන අස්වැන්නේ ප්‍රමාණයට ගෙවීම් කරන්නත් කෘෂිකර්ම අමාත්‍යතුමාට අතිගරු ජනාධිපතිතුමා විසින් උපදෙස් ලබා දී තිබෙනවා.

පැහැදිලිවම අපි ආණ්ඩුවක් විදියට ගොවි ජනතාව සමග එකට ඉන්නවා. ලෝකයේ තිබෙන ඉහලම තාක්ෂණයෙන් නිෂ්පාදිත කාබනික පොහොර ලංකාවට ගෙනැවිත් දැනට පළමු අදියරේ ලබා දෙනවා. ඉන් පසු අපේ රට තුල මෙම පොහොර නිෂ්පාදනය කර රට පොහොර වලින් ස්වයංපෝෂිත කරන්න අවශ්‍ය වැඩපිළිවෙල අපි ක්‍රියාත්මක කරනවා.

මේ අභියෝගාත්මක කාලයක්. අපිට වැටහෙනවා මේක අමාරුයි, බියක්, චකිතයක් තිබෙනවා. හැබැයි ඒ බිය, චකිතය අපි තුළත් තිබෙනවා. අපිත් මේ දිස්ත්‍රික්කවල ගොවි ජනතාව ආශ්‍රය කරන ගොවි පරම්පරා පවුල්වලින් ආපු අය.

පැහැදිලිව ම කාබනික පොහොර සම්බන්ධව තිරසාර විසදුමක් අපි ලබා දෙනවා. ආණ්ඩුවක් විදියට අපි ගොවියන් ආරක්ෂා කරන්න බැදී සිටිනවා, ඒ සදහා මැදිහත් වෙනවා. “

GSP+ වෙළද සහනය නැවත ලංකාවට ලැබෙවිද යන සැකයක් පවතින බව මාධ්‍යවේදීන් අමාත්‍යතුමාගෙන් ප්‍රශ්න කර සිටියේය. ඒ සදහා අමාත්‍යතුමා මෙසේ පිළිතුරු ලබා දෙන ලදි.

“අපි වැඩපිළිවෙල ක්‍රියාත්මක කරන්නේ දේශීය ආර්ථිකය ශක්තිමත් කරන්න. ඒ වගේම ඕනෑම විදේශ රටක් සමග අපේ වෙළඳපොළ විවෘත කර ගනුදෙනු කරන්නත් අපි සූදානමින් ඉන්නවා.

කොන්දේසි විරහිතව නිෂ්පාදන ආර්ථිකය ශක්තිමත් කරන්න අපි ක්‍රියාත්මක වෙනවා. මම විස්වාශ කරනවා ඉදිරි කාලයේදී අතිගරු ජනාධිපතිතුමාගේ හා විදේශ අමාත්‍යාංශයේ විදේශ ප්‍රතිපත්තියත් එක්ක පැහැදිලිව යුරෝපයේ GSP+  වගේම ලෝකයේ  නව වෙළඳපොළ සමග ගනුදෙනු කරන්න හැකියාව ලැබෙයි.

ලබන වසරේ අය වැයෙන් ගමට වෙන් වෙන ලක්ෂ 30 ත් කොට්ඨාශ මන්ත්‍රීවරයාට වෙන් වෙන ලක්ෂ 40 ත් පළාත් සභා සහ පාර්ලිමේන්තු මන්ත්‍රීවරුන්ට වෙන් වෙන මුදල්වලිනුත් 40% ක අවමය ලබා දෙන්නේ ව්‍යවසායකත්වය සංවර්ධනය කරන්න. එය උපරිමය 100% දක්වා ගෙන යා හැකියි.

අපි අපේ රටේ නිෂ්පාදන ආර්ථිකය ශක්තිමත් කර ලෝක වෙළඳපොළට අවශ්‍ය නිෂ්පාදන බිහි කරන්න පටන් ගන්නවා කියන කාරණය මෙයින් පැහැදිලි වෙනවා.”

විපක්ෂය චෝදනා කරන්නේ මෙවර අය වැයෙන් ගමට මුදල් ලබා දෙන්නේ මැතිවරණය ඉලක්කරගෙන බව මාධ්‍යවේදියෙක් ප්‍රශ්නයක් ඉදිරිපත් කළා.

“ විපක්ෂයට ප්‍රතිපත්තියක් නැති නිසා ඒ අයට ඕනේම අදහසක් ඉදිරිපත් කරන්න පුලුවන්. ඔවුන්ට දේශපාලනමය වශයෙන් ප්‍රතිපත්තියක් තිබ්බා නම් අද මේ විදියේ ඉරණමක් අත් වෙන්නේ නැහැ.

අපි මැතිවරණ බලාගෙන ගම සංවර්ධනය කරපු අය නෙවෙයි එය අපි පැහැදිලිව වගකීමකින්  කියනවා. ඔබට මතක ඇති ඉතිහාසයේ පළමු වතාවට ග්‍රාමසේවා වසමට මුදල් වෙන් කළේ මහින්ද රාජපක්ෂ ජනාධිපතිතුමාගේ ආණ්ඩුවෙන්. ඒ ඡන්ද බලාගෙන නෙවෙයි.

එදා ගමේ මන්ත්‍රීවරයාට ප්‍රතිපාදන වෙන් කර ගම සංවර්ධනය කලේ මහින්ද රාජපක්ෂ ජනාධිපතිතුමාගේ ආණ්ඩුවයි.

දිසාපති කාර්යාල, ප්‍රාදේශීය ලේකම් කාර්යාල හරහා ගම සංවර්ධනය කරන්න මුදල් වෙන් කළේ එතුමාගේ ආණ්ඩුව කාලේ .

ඒ වගේම ගෝඨාභය රාජපක්ෂ ජනාධිපතිතුමාගේ ආණ්ඩුවත් ඒ ප්‍රතිපත්තිවලට අනුව යමින් පැහැදිලිව ගම සංවර්ධනය කරන්න අවශ්‍ය මුදල් ප්‍රතිපාදන වෙන් කරනවා. එය මැතිවරණ ඉලක්ක කරගෙනවත්, දේශපාලන අරමුණකින්වත් නොවෙයි.

මෙවර ගෝඨාභය රාජපක්ෂ ජනාධිපතිතුමාගේ සෞභාග්‍යයේ දැක්ම ප්‍රතිපත්ති ප්‍රකාශය ක්‍රියාත්මක කිරීම සදහා අවශ්‍ය මුදල් ප්‍රතිපාදන වෙන් කළ බවත් අමාත්‍යවරයා පැවසීය.

– මාධ්‍ය ඒකකය

Click to comment

Leave a Reply

Your email address will not be published.

Local

මැයි අවසානයේ ඉන්ධන නැතිව රට වසා දමන තත්වයක්..

Published

on

By

මෙම මැයි මාසය අවසන් වන විට ඉන්ධන නොමැතිව රට වසා දමන්නට සිදු වන බව සමගි ඒකාබද්ධ වෘත්තීය සමිති සංධානයේ මාධ්‍ය ප්‍රකාශක ආනන්ද පාලිත මහතා සඳහන් කරයි.

අද වන විට ලංකාවේ බෙදාහරින්නේ ප්‍රමිතියෙන් තොර ඉන්ධන බවද ප‍්‍රමිතියෙන් තොර ඉන්ධන හොඳ තෙල් ලෙස පරීක්ෂණාගාර වාර්තා වෙනස් කරමින් ඇතැයිද ඔහු කියා සිටී.

ඉන්දීය තෙල් සමාගමේ ඉන්ධන තත්ව පරීක්ෂා කිරීමක් සිදු නොකරන බවද ඔහු පැවසීය.

අන්තර්ජාල නිලාකිවක සාකච්ඡාවට එක්වෙමින් ඒ මහතා මෙම අදහස් පළ කර ඇත.

Continue Reading

Local

මහ බැංකුව පොලී අනුපාතය ඉහළ දමයි..?

Published

on

By

ශ්‍රී ලංකා මහ බැංකුවේ 2022 අංක 04 දරන මුදල් ප්‍රතිපත්ති විවරණය අද (19) දින පෙරවරු 7.30 ට දැනුම් දීමට නියමිතව තිබෙනවා.

ආචාර්ය නන්දලාල් වීරසිංහ මහතා මහ බැංකු අධිපතිවරයා ලෙස වැඩ භාර ගැනීමෙන් අනතුරුව ඔහුගේ ප්‍රධානත්වයෙන් පළමු වරට ශ්‍රී ලංකා මහ බැංකුවේ මුදල් මණ්ඩලය පසුගිය අප්‍රේල් 08 වැනි දින රැස්විය.

එහිදී මෙම වසරේ අංක 03 දරන මුදල් ප්‍රතිපත්ති විවරණය නිවේදනය කරමින් ශ්‍රී ලංකා මහ බැංකුවේ නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය (SLFR) පදනම් අංක 700 බැගින්, පිළිවෙලින් 13.50% සහ 14.50% දක්වා ඉහළ නැවීමට තීරණය කෙරුණි.

මෙය ශ්‍රී ලංකා ඉතිහාසයේ එක වරක දී ප්‍රතිපත්ති පොලී අනුපාතික ඉහළ නැංවූ විශාලතම පදනම් අංක ගණන වේ.

පසුගිය සතියේ (මැයි 11) පැවති භාණ්ඩාගාර බිල්පත් වෙන්දේසියේ දී දින 91, 182 හා 364 යන කාණ්ඩ තුනටම අදාළ පොලී අනුපාතිකයන් 24% සීමාව ඉක්මවා ගොස් තිබුණු අතර එම පසුබිම හා පවතින උද්ධමනකාරී වටපිටාව තුළ, ප්‍රතිපත්ති පොලී අනුපාතික තවදුරටත් ඉහළ යාමට වැඩි ඉඩක් ඇති බව වෙළෙඳපොළ ආරංචි මාර්ග සඳහන් කර සිටී.

Continue Reading

Local

ආර්ථික ආපදාව පූර්ණ මානව ආපදාවක් බවට පත් කොට මේ රටේ බින්න බැසීමේ බාහිර බලවතුන්ගේ සැලසුමෙහි කොටස්කරුවන් වන්න එපා..

Published

on

By

අද සිදුවෙමින් පවතින දේ පිළිබඳව සම්පූර්ණ චිත්‍රය’ දකින ලෙසත් ආර්ථික ආපදාව ‘පූර්ණ මානව ආපදාවක්’ බවට පත් කොට මේ රටේ බින්න බැසීමේ බාහිර බලවතුන්ගේ සැලසුමෙහි කොටස්කරුවන් බවට කිසිසේත්ම පත් නොවන ලෙසත් ජානිපෙ නායක, පාර්ලිමේන්තු මන්ත්‍රී විමල් වීරවංශ මහතා සියලු ශ්‍රී ලාංකේය ජනතාවගෙන් ඉල්ලා සිටියි.

ඒ මහතා මෙම ඉල්ලීම සිදුකරනු ලැබූයේ පාර්ලිමේන්තුවේ පැවති කල්තැබීමේ විවාදයේදී සිය අදහස් දක්වමිනි.

එහිදී අදහස් දැක්වූ වීරවංශ මන්ත්‍රීවරයා මෙසේද සඳහන් කළේය.

“මැයි 09 වැනිදා සවස සහ රාත්‍රී කාලයේ ඇති වූ බිහිසුණු අපරාධකාරී ප්‍රචණ්ඩත්වයේ ගොදුරු බවට පත්ව මියගිය අප සහෝදර පාර්ලිමේන්තු මන්ත්‍රීතුමන්ගේ, ප්‍රාදේශීයව මියගිය අනෙකුත් පිරිස්වල, ගිනිබත් වූ නිවෙස් හිමි පවුල්වල සාමාජික සාමාජිකාවන් සියලුදෙනාම වෙත අපගේ සාතිශය සංවේගය පළ කර සිටිනවා. ඔළුව තිබෙන ඕනෑම කෙනෙකුට තේරෙනවා, එදා අරලියගහ මැදුරට ආපු සෙනගින් කොටසක් හෝ ගාලුමුවදොරට ගියොත් ඇති විය හැකි තත්ත්වය කුමක්ද, කියා. මට තේරෙන්නේ නැහැ, හිටපු අගමැතිතුමා ධුරයෙන් ඉවත්වීමට මනස හදා ගත්තනම් එදා අරලියගහ මැදුර ඇතුළේ එක්එක් අයට ආවේගකාරී කතා පැවැත්වීමට ඉඩ දුන්නේ ඇයි?, කියා.

‘ආර්ථික ආපදාව මානව ආපදාවක් බවට…’

අප අද රටක් ලෙස මුහුණ දී සිටින්නේ ආර්ථික ආපදාවකටයි. සමහරුන්ට එය මානව ආපදාවක් දක්වා වර්ධනය කිරීමට අවශ්‍යයි. ඒ නිසා තමයි සමහරුන්ට ගාලුමුවදොර සාමකාමී විරෝධතාවට ගස්සවන්න ඕනේ වුණේ. එය සදාචාර හේතුවක් කරගනිමින් සමහරුන්ට පාර්ලිමේන්තු, පළාත් සභා, ප්‍රාදේශීය සභා මන්ත්‍රීවරුන්ගේ නිවෙස් ගිනිබත් කිරීමට ඕනේ වුණේ ද ඒ නිසයි. එහෙම මුළු රටම ගිනි තිබ්බාම තමයි මානව ආපදාව ඇති වන්නේ. ආර්ථික ආපදාව මානව ආපදාවක් බවට පත් වුණාම තමයි ‘ශ්‍රී ලංකා රාජ්‍යයේ නීතිය හා විධානය ක්‍රියාත්මක වන්නේ නැහැ. එහි පොලිසියට, හමුදාවට බැහැ’ කියන තත්ත්වය ජාත්‍යන්තරව ගොඩනැගෙන්නේ. එවිට තමයි ජාත්‍යන්තර වශයෙන් හමුදාමය අතපෙවීමක්, ආක්‍රමණයක් වුවත් සිදුවිය හැකි වාතාවරණය නිර්මාණය වන්නේ. මම කියන්නේ නැහැ, ඔය ගහගත්තු ගිනිතියපු සියලුදෙනා මේ පුළුල් චිත්‍රය දැනගෙන ක්‍රියාත්මක වුණා, කියා. නමුත් කවුරුකවුරුත් දැන හෝ නොදැන පොට පාදාගෙන යන්නේ බාහිර පාර්ශ්වවලට මේ රට තුළ බින්න බැසීමට හැකි තත්වය ඇති කිරීමටයි.

‘ප්‍රතිවාදීන්ට පහර දීමේ ආයුධය’

ගාලුමුවදොර සාමකාමී විරෝධතාවට පහරදුන්, පහරදීමට උසිගැන්වූ සියලුදෙනා අත්අඩංගුවට ගත යුතුයි. අපි එදා සවස මාධ්‍ය සාකච්ඡාවක් කැඳවලා, ස්වාධීන පාර්ලිමේන්තු මන්ත්‍රී සංසදය ලෙස ඒ බව පැවසුවා. ඒ තුච්ඡ ක්‍රියාව අපි දැඩි සේ හෙළා දැක්කා. නමුත් ඒ පහරදීම සමහරුන් තම ප්‍රතිවාදීන්ට පහරදීමේ ආයුධය බවට පත්කර ගත්තා. මේ බලන්න එක්තරා නිළියක් කරන ප්‍රකාශය. එය ‘කොන්ද කෙලින් තියාගෙන එන්න. ගිනි තියපියව් මුළු රටම. ඒක තමයි වෙන්න ඕනේ.’ ආදී වශයෙන් සිදු කරන ප්‍රකාශයක්. (හඬපටය සභාවට ඇසෙන්නට සලස්වයි) මේ නෝනාට අනුව අපේ ගෙවල් ගිනි තියපුවාම ප්‍රශ්නය විසඳෙනවා ද? මගේ ගෙදර ගිනි තැබීමට මුලින් ආවේ 12යි. පොලිස් නිලධාරීන්ට නියෝග ලැබිලා තිබෙනවා ‘මොකුත් කරන්න එපා! ඔහේ ඉන්න’ කියා. පසුව තව 23ක් ආවා. ඉන්පසුව ගේට්ටුව කඩාගෙන ඇතුළුවෙලා මගේ දරුවන් දෙදෙනාගේ අධ්‍යාපන උපකරණ පවා කොල්ලකාලා තිබෙනවා මෙතැන තිබෙන්නේ ආණ්ඩුවට විරෝධය දැක්වීමක් පමණක් නොවෙයි ‘මහදවල් සියලුදෙනා බලා සිටියදී සිදුකළ’ කොල්ලකෑමක්. ඒක ඉතාමත් බිහිසුණු අත්දැකීමක්.

‘අයියලා මල්ලිලාගේ ප්‍රශ්න’

මට පෙර අදහස් දැක්වූ මුජිබර් රහුමාන් මන්ත්‍රීවරයා පැවසුවා, ‘ආර්ථික අමාරුකම් නිසා පීඩාව ආවා. ජනතාව පීඩාව මෙහෙම පිට කළා’කියා. එහෙමනම් පාස්කු ඉරිදා ප්‍රහාරයෙන් පසුව මේ රටේ ජනයා කම්පනයෙන්, ප්‍රකම්පනයට පත් වුණාම එදා මුජිබර් රහුමාන් මහත්තයලාගේ ගෙවල් හොයාගෙන ආවාද? මෙතැනදී සිදු වුණේ නීතියේ ආධිපත්‍යය බිඳ වැටීම. මානව හිමිකම් කොමිසම පැත්තෙන් මට ලැබුණු තොරතුරු අනුව, ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන්ට ජනාධිපතිවරයා උපදෙස් දුන්නා, ‘අරලියගහ මැදුරේ සිටින පිරිස ගාලුමුවදොරට පැමිණෙන එක නතර කරන්න’ කියා. මේක සියයට සියයක් හරිද, කියන්න මම දන්නේ නැහැ. මම මේ කියන්නේ ඔහුගේ කටඋත්තරය අනුවයි. ජනාධිපතිවරයාගෙන් ඉහත උපදෙස් ලැබුණාම ඔහු සූදානම් වෙලා තිබෙනවා කඳුළු ගෑස්, ප්‍රහාරක ජල ටැංකි ආදිය යොදා ගනිමින් ඒ පිරිස ගාලුමුවදොරට පැමිණීම වැළැක්වීමට. එම අවස්ථාවේදී පොලිස්පතිවරයා දේශබන්දු තෙන්නකෝන්ගෙන් විමසා තිබෙනවා, ‘මොකක්ද දැන් කරන්නේ?’ කියා එවිට ඔහු පවසා තිබෙනවා, ‘මම මේ පිරිසට ගාලුමුවදොරට එන්න දෙන්නේ නැහැ. මට ජනාධිපතිතුමාගෙන් ඕඩරයක් ආවා’ කියා. එවිට පොලිස්පතිවරයා පවසා තිබුණේ, ‘ඔයා ඕවා කරන්න යන්න එපා! අමාත්‍යාංශ ලේකම්ට කතා කරන්න’ කියායි. එවිට දේශබන්දු තෙන්නකෝන් අමාත්‍ය ලේකම්ට කතා කළාම එයත් කියනවා, ‘ඕවා කරන්න යන්න එපා! ඕවා අයියලා මල්ලිලාගේ ප්‍රශ්න. ඔතැන ඉන්නේ මහින්ද අගමැතිතුමාගේ ගෝලයෝ. ඔය මිනිස්සුන්ට ගහලා, අන්තිමේදී දෙන්නා ෂේප් වෙයි, ඔයාට අමාරුවෙ වැටෙන්න වෙයි. ඒ නිසා ඔයා ෂේප් එකේ ඉන්න’ කියා. එදා, මේ රටේ නීතියේ ආධිපත්‍යය බිඳවැටුණු මැයි 09 වැනිදා හැම පොලීසියකටම නියෝග දීලා තිබුණේ ‘ෂේප් එකේ ඉන්න’ කියලයි. එදා යුද හමුදාව සක්‍රීය වුණේ නැත්තෙ ඇයි? මේක ප්ලෑන් එකක්.

‘ප්ලෑන් එක ක්‍රියාත්මකයි’

එදා අරලියගහ මන්දිරයට සෙනග ගෙනාපු මොට්ටයෝ දැන හෝ නොදැන ඉටුකළේ ඒ ප්ලෑන් එකේ කොටසක්. ඊළඟට පොලිසිය ක්‍රියාත්මක නොවීම, හමුදාව සක්‍රීය නොවීම යන සියල්ල මේ ප්ලෑන් එකේ කොටස්. ඊළඟට ආර්ථික ආපදාව මානව ආපදාවක් බවට පෙරළීම මගින් ශ්‍රී ලංකාව තුළ නීතියේ ආධිපත්‍යය තහවුරු කිරීමට පවතින රජයේ ආයතන අසමත්, කියන මතය ජාත්‍යන්තරව තහවුරු කිරීම. අවසානයේ ශ්‍රී ලංකාව තුළට බින්න බැසීමට පොට පාදා ගැනීම. මෙතැන කාටහරි හිතෙනවනම් අපේ ගෙදරකට ගිනිතියලා, අප මරාදමලා මේ ප්‍රශ්නය එක දවසකින් විසදන්න පුළුවන් කියලා, එහෙම කරන්න. නමුත් එහෙම වෙන්නේ නැහැ. කවුරුත් දැන හෝ නොදැන යන්නේ ඒ ප්ලෑන් එකට අනුවයි.

‘ඇමරිකන් තානාපතිනියගේ ට්විටර් පණිවිඩය’

මේක තවත් හොඳින් තේරුම් ගන්න ‘හරි ලස්සන කතාවක්’ කියන්නම්. ඇමෙරිකන් තානාපතිවරිය දැන් ශ්‍රී ලංකාවේ තත්ත්වය ගැන නිතරම ට්විටර් පණිවිඩ දානවනෙ. මැයි 10 වැනි දා ඉඳන් හමුදාව සක්‍රිය කළාම එයා දාපු ට්විටර් පණිවිඩයේ තිබෙන්නේ ‘මෙසේ හමුදාව යෙදවීම ප්‍රජාතන්ත්‍රවාදයට පටහැනියි. පිළිකුල් සහගතයි’ වැනි අදහසක්. නමුත් එයා ට්විටර් පණිවිඩයක් දැම්මේ නැහැනේ ’09 වැනි දා රාත්‍රියේ රට පුරා සිදු වූ දේශපාලනඥයන්ගේ නිවාස හා දේපළ ගිනිබත් කිරීම දැඩි පිළිකුලෙන් යුතුව හෙළා දකිනවා, පාර්ලිමේන්තු මන්ත්‍රීවරයා ඝාතනය කළ පිරිසට විරුද්ධව නීතිය ක්‍රියාත්මක කරන්න’ කියා. එම තත්ත්වය පාලනය කිරීමට ශ්‍රී ලංකා රජයේ හමුදාව යෙද වූ පසුවයි එයා ට්විටර් පණිවිඩයක් දමන්නේ. එයා අකැමැතියි හමුදාව යෙදවීම ගැන. එයාලාට අනුව මරාගැනිල්ල, ගිනි තැබීම දිගටදිගට යන්න ඕනේ, අංග සම්පූර්ණ මානව ආපදාවක් සිදු වෙන්න ඕනේ.

‘සාටකය දාගත්තු කපුටා අදත්’

අද මෙතැන වෙන්න තිබුණේ දෙපාර්ශ්වය කතා කරලා එකඟ වෙලා නියෝජ්‍ය කථානායක ධුරයට සුදුසු කෙනෙකු පත් කරගැනීම. අර ‘සාටකය දාගත්තු කපුටා’ අදත් බෙදීම ඇති කළා. මේ ‘කපුටා’ ඉන්නකම් අපි පෙන්වා දුන් අර ප්ලෑන් එක අනුවයි සියල්ල සිදුවන්නේ. මේ ‘කපුටා’ තමයි මහින්ද රාජපක්ෂ අගමැතිවරයා ‘කොරහත් බිඳගෙන යන’ ආකාරයට වැඩේ හැදුවේ. ‘කපුටාගෙ මෝඩ ගෝලයෝ’ තමයි ඒකට හවුල් වුණේ. මම මීට සති දෙකකට පෙර නාමල් රාජපක්ෂ මන්ත්‍රීවරයාට දුරකථනයෙන් කතා කර කියපු දේ මතක ඇතැයි සිතනවා.

‘අගමැති ඔටුනු සිහින අපට නැහැ’

අපිට මේ සිදුවන සියල්ල හොඳින් තේරෙනවා. අපි දේශපාලනය කරන්නේ ඔය හිස් වන අගමැතිකමක හෝ ඇමතිකමක ‘ඔටුන්න’ දාගන්න නොවෙයි. අපට ඕනේ අපි මේ ඉන්න පීඩාව පාවිච්චි කරලා මේ රට ගොදුරු කරගන්න හදන න්‍යාය පත්‍රය පරාජය කරන්නයි. මම මේ රටේ සකල ජනීජනයාගෙන් ඉල්ලනවා, ‘එම බිහිසුණු න්‍යාය පත්‍රයේ චරිත, නළුවන් වෙන්න එපා!’ කියලා. දැන් බලන්න මේ ආර්ථික ආපදාව අස්සෙ කවුරුත් නොහිතපු තැනැත්තෙක් අගමැති පුටුවට ආවා. රනිල් වික්‍රමසිංහ මහත්තයා එදා ඡන්දෙනුත් පැරදිලා, පාර්ලිමේන්තුවට එන්න බැරුව අවුරුදු එකහමාරක් විතර ‘කෙකර ගගා’ ඉඳලයි පසුව මෙතැනට ආවේ. ඔහුට ලොතරැයියක් තමයි ඇදුනේ. එයාට ලොතරැයියක් ඇදීම ගැන අපට ප්‍රශ්නයක් නැහැ. හැබැයි අපි මේ වගේ ආපදාවකදී මෝඩයෝ වගේ වෛරය, ද්වේෂය මුල් කොටගෙන හැසුරුනොත් සජිත් ප්‍රේමදාස මහත්තයාගේ හෝ වෙනත් සිහින දකින අයගේ ඔලුවට ඔටුන්න වැටෙන්නෙ නැහැ. ඔටුන්න වැටෙන්නේ පිටරටක බලවතුන්ගේ ඔලුවටයි. ඒ නිසා බුද්ධිය පෙරදැරි කරගෙන තීරණ ගනිමු. මේ සිදුව ඇති දේ පිළිබඳව සම්පූර්ණ චිත්‍රය දකිමු.

‘රතු මල්ලිලා බයවෙලා’

ඒ නිසා අපි ඉතා ඕනෑකමින් කියනවා, ‘මැයි 09 වැනිදා නීතියේ ආධිපත්‍යය බිඳවට්ටපු සියලුදෙනාට විරුද්ධව පියවර ගත යුතුයි’ කියා. දැන් එක්එක් අය අත්අඩංගුවට ගන්නවා. ඒ අස්සෙ රතු මල්ලිලාගේ තරුණ සංගමයේ අය පොලිස් මූලස්ථානයට ගිහින් කියනවා ‘ඒක වැරදියි’ කියා. එයාලා දැන් බයයි තමන් අහුවෙයි කියා. එයාලා දැන් කියන්නේ ‘අපි ප්‍රචණ්ඩත්වයට විරුද්ධයි. අපට සිදුවුණු දේ ගැන දුකයි. වැරදි ඩී.අයි.ජී‌ු කෙනෙක් දාල තියෙන්නෙ. එයා දැන් අපේ අය අල්ලනවා. ඒකට අපි විරුද්ධයි’ කියලයි. එහෙමයි දැන් සූත්‍රය හැදෙන්නේ. අර වැදි නායකයා කියපු ආකාරයට මේ ආපදාව දිහා ‘මළකුණක් දෙස බලන කපුටු රැලක්’ වගේ බලන පිරිසට අන්තිමේදී වෙන්නේ, කොටමින් ඉන්නාවිට මළකුණත් වෙන අයෙකුට අයත් වෙන එක දිහා බලන් ඉන්න.

‘දරුවන් ඉදිරියේ පමණයි මා නිරුත්තර’

ඒ නිසා අපි යළිත් මේ රටේ ජනතාවගෙන් ඉල්ලනවා, ‘මේ ආර්ථික ආපදාව මානව ආපදාවක් බවට පත් වීමට ඉඩ තබන්න එපා!’ කියා. ඒ වගේම එදා 09 වැනිදා රාත්‍රියේ නීතියේ ආධිපත්‍යය බිඳවට්ටපු සියලු ආරක්ෂක ප්‍රධානීන් ඉවත් කරලා නීතියේ ආධිපත්‍යය පවත්වාගෙන යාහැකි තැනැත්තන් ඒ තනතුරුවලට පත් කළ යුතුයි. මට සියල්ල දරාගත හැකියි, නමුත් මගේ දුවයි, පුතයි ‘අපේ පොත්පත් ටිකත් ගිනි තියලා’ කියනකොට මම කොහොමද ඒකට උත්තර දෙන්නේ? ඒ දෙන්නාම විශ්වවිද්‍යාල අධ්‍යාපනය ලබන්නන්. එම දරුවන් අපට තිබෙන දේශපාලන බලය කිසිදාක අයුතු ලෙස පාවිච්චි කරලා නැහැ. ඉතා සාමාන්‍ය මිනිසුන් ලෙස ජීවත් වන ඒ දරුවෝ අහන ප්‍රශ්නවලදී විතරයි මම නිරුත්තර. මේ ගිනි තැබීම් සංවිධානාත්මක නැතිනම් කොහොමද තෙල් බූලි ගණන් ගෙන ආවේ? ඒ වගේම 225න් කොටසක් පමණක් තෝරාගෙන පහර දුන්නේ ඇයි? ඒකත් පැහැදිලිව දකින්න ඕනේ.

අපි කවර දේශපාලන මතවාදය දැරුවත් මේ මොහොතේ අපට වගකීමක් තිබෙනවා, මානව ආපදාවක් දක්වා වර්ධනය වීමට ඉඩ නොදී මේ ආර්ථික ආපදාවෙන් ගොඩඒම පිණිස කැප වීමට. ඒ නිසා මානව ආපදාවක් නිර්මාණය කිරීමට කිසිසේත් දායක නොවන ලෙස අපි කටයුතු කරමු”

අනුරුද්ධ බණ්ඩාර රණවාරණ
මාධ්‍ය ලේකම්,
ජාතික නිදහස් පෙරමුණ

Continue Reading

Trending