Connect with us

Local

හිමිකරුගේ තොරතුරු ප්‍රසිද්ධ වීම නිසා ලංකාවේ විශාලතම අන්තර්ජාල ගණිකා මඩම වසා දමයි….

Published

on

බම්බලපිටියේ තෙමහල් ගොඩනැගිල්ලකින් පාසල් සිසුවෙක් බිමට වැටී බරපතල තුවාල ලැබූ සිදුවීමක් පසුගිය කාලයේ වාර්තා විය. බම්බලපිටිය පොලිස් ස්ථානාධිපති ප්‍රධාන පොලිස් පරීක්ෂක අනිල් ජයන්ත මහතා සිදුකළ පරීක්ෂණ ඔස්සේ හෙළිවී තිබුනේ කෝටිපති ව්‍යාපාරිකයෙකුගේ පුත්‍රයෙකු වූ මෙම සිසුවා අන්තර්ජාලය ඔස්සේ අධ්‍යාපනය ලැබීම සඳහා දෙමව්පියන් විසින් ලබාදුන් දුරකථනය මගින් ලංකාවේ විවිධ ප්‍රදේශ වල සේවය සපයන ගණිකාවන්ගේ තොරතුරු ඇතුලත් වෙබ් අඩවියකට පිවිස එහි ගණිකා සේවය ලැබීම සඳහා පෙර කී බම්බලපිටියේ තෙමහල් ගොඩනැගිල්ල වෙත ගිය බවය.

දුරකථනය ඔස්සේ කතාකරගත් පරිදි වෙලාවක් වෙන්කොටගෙන මෙම සිසුවා එම තරුණිය මුණ ගැසීමට ගොස් ඇති අතර තමාගේ සේවය ලබාගැනීමට පැමිණ ඇත්තේ පාසල් සිසුවෙක් බව ඇය දැනගෙන ඇත්තේද ඒ මොහාතේය. කෙසේ නමුත් එම සිසුවා අත රුපියල් දහසක් තිබෙන දුටු එම තරුණිය එම සිසුවා කාමරය තුලට ගෙන මුදල්ද ඉල්ලාගෙන ටික වෙලාවකින් “පොලිසියෙන් පොලිසියෙන්” යනුවෙන් කෑගසා කාමරයෙන් එලියට පැන තිබේ. ඉන් කලබලයට පත්වූ සිසුවා පඩි පෙලෙන් පහලට නොගොස් අසල වූ ඉනිමගක් ඔස්සේ පහලට බැසීමට ගොස් මෙම අනතුර සිදුවී තිබේ.

මේ පිළිබඳව පරීක්ෂණ සිදුකිරීමේදී හෙළිවී තිබෙන්නේ මෙම වෙබ් අඩවිය කුඩා ළමයෙකුට වුවත් පිවිසිහැකි ආකාරයට සකස් කර ඇති බවත් එම වෙබ් අඩවියේ විවිධ ප්‍රදේශ වල ලිංගික සේවය සපයන තරුණියන්ගේ දැන්වීම් 150 ක් පමණ දිනපතා පලවන බවය. දැන්වීමට වැඩි අවධානයක් ලබාගැනීම සඳහා මුදල් ගෙවා එම දැන්වීම් වෙබ් අඩවියේ ප්‍රමුඛ ස්ථානයක රැඳවිය හැක.

ඒ අනුව බම්බලපිටිය පොලීසිය කළ සොයාබැලීම් අනුව එම වෙබ් අඩවියේ හිමිකරු දිනකට එක ලක්ෂ පනස්දහසක් පමණ එම වෙබ් අඩවියෙන් උපයාගෙන තිබුණි. ඒ අනුව ඔහුගේ මාසික ආදායම ආසන්න වශයෙන් ලක්ෂ 45 කි. මෙම පැමිණිල්ල විභාග වූ දිනවලම එනම් 2021 ජනවාරි මුල් සතියේම බම්බලපිටිය පොලිසිය විසින් මෙම වෙබ් අඩවිය ලංකාව තුල අවහිර කරන ලෙස විදුලි සංදේශන නියාමන කොමිසමෙන් ඉල්ලා ලිපියක් යවා තිබුනත් මේවනතෙක් එය ලංකාව තුල අවහිර කිරීමට විදුලි සංදේශන නියාමන කොමිසම කටයුතු කර තිබුනේ නැත.

නමුත් එම වෙබ් අඩවිය එහි හිමිකරු විසින්ම පසුගිය වෙසක් පොහොය දා එය නවතා දමන්නේ ඔහුගේ අනන්‍යතාවය ලංකාවේ සුප්‍රකට අන්තර්ජාල සමාජයක් ඔස්සේ හෙළිදරව් වීමත් සමගය. එම හෙළිදරව්වට අනුව මෙම වෙබ් අඩවිය පවත්වාගෙන ගිය පුද්ගලයා පානදුර ප්‍රදේශයේ පදිංචිකරුවෙක් වන අතර ළමුන් සිවු දෙනෙකුගේ පියෙකි.

ඔහු ප්‍රකට සමාගමක ප්‍රධාන තාක්ෂණික නිලධාරියා වශයෙන් සේවය කළ අයෙකු වේ. හාස්‍යට කරුණ වන්නේ ලංකාවේ අන්තර්ජාල ගණිකා සේවය වෙබ් අඩවිය මෙහෙයවූ තැනැත්තාම ලංකාවේ ජනප්‍රිය ධර්මය බෙදාහරින පිරිත් වෙබ් අඩවියක්ද පවත්වාගෙන යාමයි. ඔහුගේ අනන්‍යතාවයද හෙළිවන්නේද ඒ අනුවයි.

සිය අනන්‍යතාවය හෙළිවීමත් සමග වෙසක් පොහොය දිනයේ වෙබ් අඩවිය නවතා දමන ඔහු එහි අම්බපාලි ජාතකය ප්‍රදර්ශනය කොට තිබේ. එමෙන්ම එහි “බොහෝ ලස්සන දවස් පවා නිමවන දවසක් ඇති බව” ඡායාරූපයකින් පෙන්වා ඇත්තේ සමාජයට විශාල සේවයක් කළ වෙබ් අඩවියක් නවතා දමා ඇති අයුරිනි. සමාජයට පිළිලයක් වූ, පාසල් සිසුන් නොමග යැවූ වෙබ් අඩවියක් කළ මෙවන් පුද්ගලයෙකුට ඔහුගේ අනන්‍යතාවය හෙළිවීමත් සමග ජාතක කතාවක් එහි ප්‍රදර්ශනය කොට වෙබ් අඩවිය නවතා දැමීම මගින් සියලු චෝදනා වලින් නිදහස් විය හැකිද යන්න ගැටලුවකි.

ඔහුට විරුද්ධව නීතිය ක්‍රියාත්මක වනවානම් මෙම හෙළිදරව්ව සිදුකළ පුද්ගලයන් සතුව අවශ්‍ය තරම් සාක්ෂි ඇති බව අප වෙත වාර්තා වේ. ඔහු විසින් සමාජයට එක්කළ පිළිලය තවමත් අවසන් වී නොමැත. එම වෙබ් අඩවිය නිමවීමත් සමග තවත් එවැනි වෙබ් අඩවී කිහිපයක් අන්තර්ජාලයට එක්වී තිබේ. බලධාරීන් වහා මැදිහත් වී ඒවා නැවත්වීමට කටයුතු නොකළහොත් අනාගත පරපුර අමාරුවේ වැටීම නැවැත්විය නොහැකි කරුණක් වනු නොඅනුමානය.

– repoter- cnews

Continue Reading
Click to comment

Leave a Reply

Your email address will not be published. Required fields are marked *

Local

සංචරන මැද මන්ත‍්‍රී නිවසේ කසිප්පු පෙරයි..

Published

on

By

මාතර මාකාවිට ප්‍රදේශයේ තෙමහල් නිවසක් තුළ නීති විරෝධී ලෙස කසිප්පු පෙරමින් සිටි මාතර ප්‍රාදේශීය සභාවේ එක්සත් ජාතික පක්ෂයේ හිටපු මන්ත්‍රීවරයකු හා ඔහුගේ ගෝලයකු සැකපිට ප්‍රශ්න කිරීම සදහා අත් අඩංගුවට ගත් බව මාතර මූලස්ථාන පොලීසිය පවසයි.

සැකකාර මන්ත්‍රීවරයාගේ බිරිද සෞඛ්‍ය ක්ෂේත්‍රයේ රජයේ රැකියාවක් සිදු කරන බව ද ඇය සමගි බලවේගයෙන් ප්‍රාදේශීය සභාවට පත් කළ මන්ත්‍රීවරියක ලෙස කටයුතු කරන බවද කියති.

සම්පූර්ණයෙන් වැඩ නිම නොකල නිවසේ කාමරයක් තුළ ගෑස් ලිපක් යොදා කසිප්පු පෙරීම සිදු කර ඇති බව පොලීසිය කියයි.

සැකකාර හිටපු මන්ත්‍රීවරයා හා ඔහුගේ ගෝලයා සන්තකයේ තිබී ගෝඩා මිලි ලීටර් 20000 ක් ,කසිප්පු මිලි ලීටර් 4750ක් හා ඒවා පෙරීමට ගන්නා උපකරණපොලීසිය භාරයට ගෙන ඇත.

පොලීසිය වෙත ලැබුණු තොරතුරකටඅනුව මෙම වැටලීම සිදු කර තිබේ.

මාතර මාකාවිට පදිංචි 56 හැවිරිදි හිටපු ප්‍රාදේශීය සභා මන්ත්‍රී හා ගාල්ල තවලම පදිංචි 38 හැවිරිදි ඔහුගේ ගෝලයා මාතර මහේස්ත්‍රාත් අධිකරණයට ඉදිරිපත් කිරීමට නියමිතව තිබුණි.

– lankadeepa

Continue Reading

Local

ප‍්‍රසන්නගේ ප‍්‍රකාශය බොරු කියමින් මහා මාර්ග අමාත්‍යංශ ලේකම්ගෙන් නිවේදනයක්…

Published

on

By

ගම්පහ දිස්ත‍්‍රික්කය තුල මධ්‍යම අධිවේගී මාර්ගය ඉදිකිරිම අත්හිටවූ බවට අමාත්‍ය ප‍්‍රසන්න රණතුංග මහතා විසින් සිදුකරන ලද ප‍්‍රකාශය මහාමාර්ග අමාත්‍යංශය විසින් ප‍්‍රතික්‍ෂෙප කරයි.

මේ බව සදහන් කරමින් එම අමාත්‍යංශ ලේකම් විසින් නිකුත් කරන ලද මාධ්‍ය නිවේදනය මෙහි දැක්වෙයි.

මාධ්‍ය නිවේදනය
මහාමාර්ග අමාත්‍යාංශය

‘ මධ්‍යම අධිවේගී මාර්ගයේ ගම්පහ කොටසේ වැඩ තාවකාලිකව නැවතෙයි ’ යන ශීර්ෂය යටතේ පල වී ඇති ප්‍රවෘත්ති වාර්ථාව පිලිබදව සත්‍ය තත්වය පැහැදිලි කිරීම සදහා මෙම මාධ්‍ය නිවේදනය නිකුත් කරනු ලැබේ.

මධ්‍යම අධිවේගී මාර්ගයේ කඩවත සිට මීරිගම දක්වා කොටසේ සංවර්ධන කටයුතු නිසා පසුගිය දා පැවති අධික වර්ෂාවෙන් ගම්පහ නගරය හා අවට ප්‍රදේශ ගං වතුරෙන් යට වූ බවට වාර්තා පලවිය . මේ සම්බන්ධව මහාමාර්ග අමාත්‍ය ගරු ජොන්ස්ටන් ප්‍රනාන්දු මැතිතුමන්ගේ ප්‍රධානත්වයෙන් හා ගම්පහ දිස්ත්‍රික්කයේ මැති ඇමතිතුමන්ලාගේ සහභාගිත්වයෙන්ද මාර්ග සංවර්ධන අධිකාරියේ , වාරිමාර්ග දෙපාර්තුමේන්තුවේ හා ශ්‍රී ලංකා ඉඩම් සංවර්ධන සංස්ථාවේ නිළධාරීන් සමග සාකච්ඡාවක් පවත් වන ලදි.

එහිදී ගම්පහ නගරයත් ඒ අවට ප්‍රදේශයන් ජලයෙන් යටවීම පිළිබදව දීර්ඝ ලෙස සාකච්ඡා කරන ලදී.එහිදී මතු වු කරුණු අනුව ඉතා කෙටි කාලයකදී මිලි.මී.300 කට අධික වර්ෂා පතනයක් පැවතීමත්, ප්‍රදේශයේ ජලය බැස යාම සදහා ඇති කාණු පද්ධති හා ඇල මාර්ග ප්‍රතිසංස්කරණය නොකිරීමත්,දුම්රිය මාර්ගයේ ජලය බැස යාමේ අවහිරතාත් ගං වතුර සදහා හේතු වු ප්‍රධාන කරුණු ලෙස හදුනා ගන්නා ලදී.

එසේ ම එහිදී අධිවේගී මාර්ගයේ තැනීම් කටයුතු කරගෙන යාම පිලිබදව එමගින් ගං වතුර ඇති වීමට යම් හැකියාවක් සිදුවූවා දැයි ද සාකච්ඡා කරන ලදී.ඒ අනුව අධිවේගී මාර්ගය තැනීමට ප්‍රථම සිදු කරන ලද සක්‍යතා අධ්‍යනයේ දී සිදු කල ජල කළමනාකරණය අධ්‍යනය (hydrology study) නැවත සමාලෝචනය කිරීමටත් ජලය බැසයන බෝක්කු හා පාලම් සංඛ්‍යාව හෝ ඒවායේ ප්‍රමාණ සංශෝදනය කිරීමට යෝජිත අධ්‍යනයේ දී නිර්දේශ කරන්නේ නම් ඒවා ක්‍රියාත්මක කිරීමටත් තීරණය කරන ලදී.

එසේ ම ප්‍රදේශයේ ජනතාවට අධිවේගී මාර්ගය තැනීමේ කටයුතු සිදු කිරීම නිසා යම් පීඩාකාරී තත්වයක් ඇතිවී ඇත්නම් හා ඉදිරියේ දී ඇතිවීමේ හැකියාවක් ඇතිනම් ඒවා මග හරවා ගැනීම සදහා අවශ්‍ය පියවර ගැනීමට තීරණය කරන ලදී.

ඒසේ නොමැතිව කිසිදු අවස්ථාවක මධ්‍යම අධිවේගී මාර්ගයේ වැඩකටයුතු නවතා දැමීමට තීරණය කර නොමැති අතර මධ්‍යම අධිවේගී මාර්ගයේ කඩවත සිට මීරිගම කොටසේ සංවර්ධන කටයුතු අඛණ්ඩව පවත්වාගෙන යනු ලබන බව ද දන්වා සිටිමි.

ලේකම්
මහාමාර්ග අමාත්‍යාංශය

Continue Reading

Local

අපේ රජයත් යහපාලන වගේම වෙලා.. ජනතාව කන්න නැතිව හැඬූ කදුලින්.. පොහොට්ටු මන්ත‍්‍රී ජගත් කුමාර

Published

on

By

69 ලක්‍ෂයක ජනවරමකින් බලයට පත් වර්තමාන තම රජයද පසුගිය යහපාලන රජය කළ කටයුතුම කරන බව පැහැදිලි බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ජගත් කුමාර මහතා සඳහන් කරයි.

මෑතකදී ඉහළ දමන ලද තෙල් මිල තෙල් මිල හේතුවෙන් ඒ බව පැහැදිලි වන්නේ යයිද කොළඹදී පැවති මාධ්‍ය හමුවක් අමතමින් ඔහු පැවසීය.

යහපාලන රජය කළදේම වත්මන් රජය ද කරන්නේ නම් ජනතාවගේ බලවත් අප්‍රසාදය තම රජයට ද ලැබෙනු නොඅනුමාන බව ද ඒ මහතා කියා සිටියේය.

අද වන විට ජනතාව කොරෝනා ව්‍යවසනය හේතුවෙන් අන්ත අසරණ භාවයට පත්වී තුන්වේල තියා එක වේලක්වත් කෑමට නැති අසරණ මිනිස්සු රටේ සෑම ප්‍රදේශයකම හැඬූ කඳුළෙන් ජීවත්වෙන බවද ඔහු පෙන්වා දෙයි.

එවන් තත්ත්වයකදී රජයක් වශයෙන් පළමුව කළ යුතු වන්නේ යම්කිසි කර්මාන්තයකින් පාඩු වන්නේ නම් එය රටේ ජනතාවගේ හිසට පටවවන්නේ නැතිව ඔවුන් වසංගතයෙන් රැකගෙන කුසගින්න නිවා දැමීමට හැකි ක්‍රමවේදයක් සකස් සැකසීම බව ද ඔහු පැවසීය.

Continue Reading

Trending

Copyright © 2020 pattare.lk