Connect with us

Local

හිරුණිකා මහාධිකරණයෙන්ද පරාදයි.. ගම්මන්පිලට කෝටි 50ක් ගෙවන්න වෙයි..

Published

on

හිරුනිකා ප්‍රේමචන්ද්‍ර මහත්මිය විසින් තමන් සම්බන්ධයෙන් සිදුකළ අපහාසාත්මක ප්‍රකාශ මත තමන් විසින් පැවරු නඩුවෙන් රුපියල් මිලියන 500ක් වන්දි වශයෙන් ගෙවීමට කොළඹ දිසා අධිකරණය ඇයට නියම කළ බවත් කොළඹ සිවිල් මහාධිකරණය දිසා අධිකරණයේ තීන්දුව තහවුරු කර ඇති බවත් පිවිතුරු හෙළ උරුමයේ නායක බලශක්ති අමාත්‍ය නීතිඥ උදය ගම්මන්පිල මහතා ප්‍රකාශකර සිටියේය.

ඒ මහතා මේ බව සදහන් කර සිටියේ පිටකෝට්ටේ පිහිටි පිවිතුරු හෙළ උරුමය පක්ෂ මූලස්ථානයේ පැවති මාධ්‍ය හමුව හා එක්වෙමිනි. එහිදී වැඩි දුරටත් අදහස් දැක්වූ අමාත්‍යවරයා මෙසේ ප්‍රකාශකර සිටියේය.

හිරුනිකා ප්‍රේමචන්ද්‍ර මැතිණිය විසින් 2015 ජූලි 2 දින මා පිළිබඳ අපහාසාත්මක ප්‍රකාශයක් කළා. මම ඒ ප්‍රකාශයෙන් මට සිදු වුණු හානියට රුපියල් මිලියන 500ක් වන්දි ඉල්ලා කොළඹ දිසා අධිකරණයේ 42/2016 මුදල් යන අංක දරණ නඩුව පැවරුවා. මට රුපියල් මිලියන 500ක් වන්දි ගෙවන්න කොළඹ දිසා අධිකරණය නියම කළාම හිරුනිකා මැතිණිය ඒ තීන්දුවට එරෙහිව කොළඹ සිවිල් මහාධිකරණයේ එල්ඒ 112/2018 අංකය යටතේ අභියාචනාවක් ගොනු කලා. 2020 නොවැම්බර් 25 දින මහාධිකරණය සිය තීන්දුව ප්‍රකාශ කරමින් දිසා අධිකරණයේ තීන්දුව තහවුරු කළා. හරි නම් දැන් හිරුනිකා මැතිණිය මට මිලියන 500ක් ගෙවන්න ඕනෑ. එසේ නොකරනවා නම් ඇයගේ දේපල වෙන්දේසි කර මගේ මුදල අය කර ගන්න මට පුළුවන්. ඇය මට පහර දීම නතර කර ඇති නිසා මම දේපල වෙන්දේසියකට ගියේ නෑ. මේ නඩුව සඳහා නොමිලේම පෙනී සිටි ජනාධිපති නීතිඥ රොමේෂ් ද සිල්වා මැතිතුමා ඇතුළු නීතිඥ කණ්ඩායමට මගේ ප්‍රණාමය පුද කරන්න මේක අවස්ථාවක් කර ගන්නවා.

අපහාසයට රුපියල් මිලියන 500ක් ඉල්ලා කබීර්ටත් නඩු

දැන් හිරුනිකා මැතිනියගේ භූමිකාව රගපාන්න කබීර් හසීම් මන්ත්‍රිතුමා ඇවිත් ඉන්නවා. කබීර් මන්ත්‍රිතුමා බොහෝවිට මා ගැන බොරු කියන්නේ පාර්ලිමේන්තුවේ වරප්‍රසාද වලට මුවා වෙලා නිසා එතුමා කියන්නේ බොරු බව පෙන්වලා දෙනවා මිස ඊට එරෙහිව නීතිමය ක්‍රියාමාර්ග ගන්න මට අවස්ථාවක් තිබුණේ නෑ. නමුත් මගේ වාසනාවට සහ එතුමාගේ අවාසනාවට 2021 ජූනි 18 දින එතුමා මා ගැන බොරු වැලක් මාධ්‍ය හමුවක දී ප්‍රකාශ කළා. මම අපේ අනන්‍යතාවය චීන සමාගමකට දීලාලු. කෝටි 1,000ක තෙල් ටැංකි හදන්න යනවාලු. තෙල් පිරිපහදුවේ අයිතිය විදේශිකයින්ට දෙන්න කැබිනට් පත්‍රිකාවක් දැම්මාලු. තෙල් ගේන්න සල්ලි නෑ කියලා බොරු කියනවාලු. ඔය වගේ බොරු එකක් දෙකක් නොවේ, බොරු වැලක්ම කිව්වා.

එක්කෝ තමන් කියූ දේ ඇත්ත කියලා ඔප්පු කරන්න. නැතිනම් රුපියල් මිලියන 500ක් සති දෙකක් ඇතුලත මට ගෙවන්න කියලා මම කබීර් හසීම් මන්ත්‍රිතුමාට එන්තරවාසියක් යැව්වා. 2021 ජූනි 29 දින එන්තරවාසිය යැව්වේ මිනෝලි ජයවර්ධන නීතිඥතුමියයි. හෙටට සති දෙක සම්පූර්ණයි. ගරු කබීර් මන්ත්‍රිතුමනි, ඔබට මට රුපියල් මිලියන 500ක් ගෙවීමට ඇත්තේ හෙට දවස පමණි. හෙට දවස ඇතුලත රුපියල් මිලියන 500 නොගෙව්වොත් හිරුනිකා මැතිණියට වගේම ඔබටත් දිසා අධිකරණයේ නඩු පැවරීමට සිදු වෙනවා. මිලියන 500 අරගෙන මාව හම්බෙන්න ආවේ නැති උනොත් කබීර් හසීම් මැතිතුමනි අපි කොළඹ දිසා අධිකරණයේ දී හමුවෙමු කියලයි මට එතුමාට කියන්න වෙන්නේ.

ප්‍රශ්න

ඇතැමුන් කියන්නේ ගම්මන්පිල ආණ්ඩුවෙන් එළියට දමයි වගේ කියලා. ඔබතුමා මොකක්ද ඒ ගැන කියන්නේ ?

පිළිතුර

එළියට දැම්මොත් මම වැටෙන්නේ ජනතාවගේ ඔඩොක්කුවටයි. මම ජනතාවට ඇත්ත ඇත්ත සහ ඇත්ත පමණක්ම කීමෙන් ජනතාවට මා පිළිබඳ විශ්වාසයක් තියෙනවා. මෙම විශ්වාසය තමයි මගේ ලොකුම ශක්තිය. ආණ්ඩුව තුළදීත් ඉන් පිටතදීත් මගේ ශක්තිය මා පිළිබඳ විශ්වාසය තැබූ ජනතාවයි. මොනවා පලුදු කරගත්තත් ඒ විශ්වාසය පළුදු කර ගන්න මම සූදානම් නෑ. ඒ නිසා තමයි මම ජුනි මාසයේ 13 වෙනිදා ඇවිල්ලා රටේ විදේශ විනිමය අර්බුදයක් තියෙනවා කියලා ඇත්ත කතාව ජනතාවට කිව්වේ. ජනතාවට බොරු කරලා ජනතාව අන්දලා ජනතාව සුරංගනා ලෝකයක අතරමං කරලා ආණ්ඩුවකට පැවැත්මක් හිටින්නෙ නෑ. ජනතාවගේ විශ්වාසය දිනා ගන්නා ප්‍රමාණයටයි ආණ්ඩුවේත් දේශපාලකයාගේත් පැවැත්ම තීරණය වෙන්නේ. ඒ නිසා මගේ ශක්තිය මගේ ජනතාවයි.

ප්‍රශ්නය

තෙල් මිල වැඩි කිරීම සම්බන්ධයෙන් ඔබතුමා වැරදී කියා තමයි රජයට සම්බන්ධ ඇතැම් අයත් කියන්නේ. ඔබතුමා ඒ ගැන මොකක්ද කියන්නේ ?

පිළිතුර

මේ රටේ රාජ්‍ය නායකයා, ආණ්ඩුවේ ප්‍රධානියා, අමාත්‍යමණ්ඩලයේ ප්‍රධානියා, සේනාධි නායකයා, කියන තනතුරු හතරම දරණ ගෝඨාභය රාජපක්ෂ මැතිතුමා නිවේදන අංක 21 / 146 කියන්න නිවේදනය ජුනි මාසයේ 13 වැනිදා නිකුත් කරලා මිල වැඩි කලේ ජනාධිපතිතුමාගේ ප්‍රධානත්වයෙන් අගමැතිතුමන් ද සහභාගි වුණු ජීවන වියදම් අමාත්‍ය අනුකමිටුවේ දී කියන එක ලිඛිතවම රටට ප්‍රකාශ කරලා තියෙනවා. රාජ්‍ය නායකයා එවැනි ප්‍රකාශයක් කළාට පස්සේ ඊට යටින් ඉන්න අයගෙන් ඒක ඇත්තද කියලා අහන්න අවශ්‍ය තාවයන් නෑ.

රටේ රාජ්‍ය නායකයා ආණ්ඩුවේ ප්‍රධානියා ලිඛිතවම නිවේදනයක් නිකුත් කරලා කොහොමද තෙල් මිල වැඩි උනේ කියලා කියද්දී ඉන් එහාට කවුරුහරි ඒ පිළිබඳව ප්‍රශ්න කරනවා නම් ඒ පුද්ගලයා කියන්නේ ජනාධිපතිතුමා බොරු කියනවා කියන එකද ?

ප්‍රශ්නය

ඉන්ධන මිල ඉහළ යාමට වෙනත් විකල්ප යමෙක්ට ඉදිරිපත් කරන්න පුළුවන් වෙයිද ?

පිළිතුර

අප මිල වැඩි කිරීම කළේ ඉතාම අකමැත්තෙන්. ජනතාවට පීඩනයක් බව දනිමින් ඒ බව ද ප්‍රකාශ කරමින් තමයි මම තෙල් මිල වැඩි කිරීම ප්‍රකාශයට පත් කළේ. ජනතාවට පීඩාවක් බව දනිමින් අප මේක කරන්නේ අපට වෙනත් විකල්පයක් නැති නිසා බව මම එදා කිව්වා. කවුරුන් හෝ ජනතාවට සහන දිය හැකි වෙනත් විකල්පයක් ඉදිරිපත් කරනවා නම් අපි ලෑස්තියි ඒ විකල්පය පිළිගන්න.

– media unit

Continue Reading
Click to comment

Leave a Reply

Your email address will not be published. Required fields are marked *

Local

පඩි ඉල්ලා විරෝධතා කල ගුරුවරුන් 42ක් පොලිස් අත්අඩංගුවට..

Published

on

By

ජනාධිපති ලේකම් කාර්යාලය ඉදිරියෙහි විරෝධතාවේ යෙදුණු පුද්ගලයන් 42ක් සහ වාහන 10ක් පොලිසිය විසින් අත්අඩංගුවට ගෙන තිබේ.

පොලිස් මාධ්‍ය ප්‍රකාශකවරයා සඳහන් කරන්නේය පිරිමි 26ක් සහ කාන්තාවන් 16ක් එසේ අත්අඩංගුවට ගත් බවයි.

නිරෝධායන රෙගුලාසි උල්ලංඝනය කිරීම යටතේ ඔවුන් අත්අඩංගුවට ගත් බවත් අත්අඩංගුවට ගත් පිරිස අධිකරණය හමුවට ඉදිරිපත් කිරීමට නියමිත බවත් ඔහු පැවසීය.

Continue Reading

Local

ගුරු පොකුර තංගල්ලෙන් පිපේ.. 37කට කොරෝනා..

Published

on

By

පසුගිය ජුලි 26 දින තංගල්ල නගරයේ පැවති ගුරු – විදුහල්පති උත්ඝෝශනයට සහාභාගි වු  ගුරුවරුන් තිදෙනෙකුට සහා විදුහල්පතිවරයෙකුට කොවිඩි ආසාධනය වි තිබේ.

තංගල්ල සෞඛ්‍ය වෛද්‍ය නිළධාරි කාර්යාලය විසින් කොවිඩි ආසාධිත සිවිදෙනා ගේ ආශ්‍රිතයින් 51 දෙනෙකු ගේ රැපිඩි ඇන්ටිජන් පරික්ශන ඊයේ(3) දින සිදු කර තිබෙන අතර ඉන් 33 දෙනෙකුට කොවිඩි ආසාධිත බව තහාවුරු ව් තිබේ.

මෙම කොවිඩි රෝගින් 37 දෙනා අම්බලන්තොට පිහිටි කෝවිඩි ප්‍රතිකාර මධ්‍යස්ථානය වෙත ගෙන ගොස් තිබෙන බව වාර්තා වෙයි.

– රුචිර ගාර්දියවසම්

Continue Reading

Local

ඇතැම් රසායනික පොහොර ගෙන්වන්න අවසර…

Published

on

By

රසායනික පොහොර වෙනුවට කාබනික පොහොර භාවිතයට රට යොමු වෙමින් තිබෙන බවත් කෙසේ වෙතත් කළමණාකරණ තීරණ ගන්නා පරිසරය විශ්ලේෂණය කිරීමට සිදු වන බවත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී ගුණපාල රත්නසේකර මහතා පැවසීය.

ඒ අනුව ඇතැම් අංශ සදහා ක්ෂණිකව කාබනික පොහොර භාවිතයට යොමු විය නොහැකි බවත් ඒ අනුව එම අංශ සදහා රසායනික පොහොර ආනයනය කිරීමට යම්කිසි නිදහසක් ලබා දී තිබෙන බවත් පාර්ලිමේන්තුවේ පැවති සභාව කල් තැබීමේ විවාදයට එක්වෙමින් හෙතෙම සඳහන් කළේය.

නිසි ආර්ථිකයක් තුල ආණ්ඩුව ගනු ලබන තීරණ සරල රේඛාවක් ලෙස ක්‍රියාත්මක කිරීමට නොහැකි බවත් ඒ අනුව පාරසරික වෙනස්කම් වන විට ආණ්ඩුව ගනු ලැබූ ඇතැම් තීරණ වෙනස් කිරීමට සිදු වන බවත් සඳහන් කළ ගුණපාල රත්නසේකර මන්ත්‍රීවරයා,

“අපි ආණ්ඩුවක් ලෙස යහපත් චේතනාවෙන් සමස්ථ ජනතාව විනාශ වෙන්න යන එක බලාගෙන අපි රසායනික පොහොර ගෙන එන එක නවත්වලා කාබනික කෘෂිකර්මයට හැරෙමු කියන යෝජනාව ජනාධිපතිවරයා ගෙනත් හොදින් ක්‍රියාත්මක වෙමින් යනවා. ඒ අතර අපිට පේනවා යම් යම් අංශ තිබෙනවා ක්ෂණිකව අපිට කාබනික පැත්තට හැරෙන්න බැරිවෙයි. ඒ නිසා යම්කිසි අංශ වලට යම්කිසි නිදහසක් ලබා දීලා තිබෙනවා යම් ‌ෙපාහොර ප්‍රමාණයක් ආනයනය කිරීමේ හැකියාවක් තිබෙනවාද කියලා බලන්න. අද මේක විවේචනයට ලක්වෙනවා. මේක ජනාධිපතිවරයා කිසිසේත් මේක කරන්නේ නෑ කිව්වට මෙහෙම ඇතැම් අංශ වලට නිදහස් කරලා තිබෙනවා කියලා කියනවා. නිසි ආර්ථිකයක් තුල අපි ගත්ත තීරණ සරල රේඛාවක යන්න බෑ.

පරිසරය වෙනස් වෙනවා. ඔ්නෑම කළමණාකරණ තීරණයක් ගන්නා විට අපි මුහුණ දීලා තිබෙන පරිසරය විශ්ලේෂණය කරන්න වෙනවා. ඒ නිසා පාරසරික වෙනස්කම් වන විට අපි ගත් ඇතැම් තීරණ වෙනස් කරන්න වෙනවා. මේක කළමණාකරණයේ මූලික අංගයක්. ඒ නිසා රසායනික පොහොර ගේන්නේ නෑ. කාබනික පොහොර නිෂ්පාදන ක්‍රියාවලිය සාර්ථකව ක්‍රියාත්මක වෙනවා. මේ වන විට විශාල පිරිසක් ලියාපදිංචි වෙලා කාබනික කෘෂිකර්මය පැත්තට හැරෙමින් තිබෙනවා. නමුත් ගැටලු ප්‍රශ්න තියෙයි.” යනුවෙන්ද සදහන් කළේය.

– ada

Continue Reading

Trending

Copyright © 2021 pattare.lk