Local
ඔන්ලයින් පනතේ බලතල මෙන්න…
Published
3 years agoon
By
admin
මාර්ග ගත ක්රමවල සුරක්ෂිතතාවය පිළිබඳ පනත පාර්ලිමේන්තුවට ඉදිරිපත් කරමින් මහජන ආරක්ෂක අමාත්ය ටිරාන් අලස් මහතා පාර්ලිමේන්තුවේදී මෙම අදහස් පල කරන ලදී.
මාර්ග ගත ක්රමවල සුරක්ෂිතතාවය පිළිබඳ පනත පසුගිය ගිය ඔක්තෝබර් මාසයේ මා විසින් පාර්ලිමේන්තුවට ඉදිරිපත් කරනු ලැබුවා. ඒ පිළිබඳව ශ්රේෂ්ඨාධිකරණයට පෙත්සම් කිහිපයක්ද ඉදිරිපත් කර තිබෙනවා. ඒවාද සලකා බැලීමෙන් අනතුරුව ශ්රේෂ්ඨාධිකරණය විසින් ඊට සංශෝධන කිහිපයක් එක් කර අනුමැතිය ලබාදී තිබෙනවා. තවදුරටත් ඊට අවශ්ය සංශෝධන සිදුකිරීම සඳහා ජාත්යන්තර ආයතන ඇතුළු ආයතන රාශියක්, සහ සිවිල් සංවිධාන රාශියක් අප සමඟ මේ පිළිබඳ සාකච්ඡා කරනු ලැබුවා. කමිටුවක් වශයෙන් මුළු පනත පිළිබඳ සම්පූර්ණ අධ්යයනයක අප නිරත වුණා. සියලුම ජාත්යන්තර සංවිධාන වලිනුත් ඔවුන්ගේ නිර්දේශයන් ලබාදෙන ලෙස අප ඉල්ලා සිටියා. ඉන් අනතුරුව අමාත්යාංශ ලේකම්තුමා පොලිසියේ නීති අංශයේ නියෝජ්ය පොලිස්පතිතුමා සිංගප්පූරුවේදී මේ සියලූම ආයතන වල නියෝජිතයින් සමඟ තිදින සාකච්ඡාවක නිරත වුණා. දෙසැම්බර් 31 වනදා වන විට ඔවුන්ගේ නිර්දේශ අප වෙත ලබාදීමට ඔවුන් එකඟ වුණා. දෙසැම්බර් 31වනි දිනට එම නිර්දේශ ලබාදීමට නොහැකි වුවත් ජනවාරි අටවෙනිදා ඔවුන් එම නිර්දේශ අප වෙත ලබා දුන්නා.
ඒ අනුව ජනවාරි 12වන දා අප අමාත්යාංශයේදී පැය කිහිපයක සාකච්ඡාවක් මේ පිළිබඳව පැවැත්වුණා. ඊට සිංගප්පූරුවේ සිට පැමිණි නියෝජිතයකු ද සහභාගි වුණා. එමෙන්ම එම සාකච්ඡාවන් සම්බන්ධීකරණය කළ මෙරට නියෝජිතයින් ද ඊට එක්වුණා. එහිදී ඉදිරිපත් වූ සියලු යෝජනා පිළිබඳවද අවධානය යොමු කරමින් ඇතුලත් කළ හැකි සහ ඇතුළත් කළ නොහැකි කරුණු පිළිබඳව එකඟතාවයකට එළඹුණා. නමුත් මෙම යෝජනා මෙම අවස්ථාවේ ඊට ඇතුළත් කළ නොහැකි බවත්, එම යෝජනා වෙනම ඉදිරිපත් කළ යුතු බවත් නීතිපතිතුමා විසින් අප වෙත දැනුම් දුන්නා. ඒ අතරින් ඇතැම් යෝජනා නීතිපතිතුමාගේ උපදෙස් මත ඊට ඇතුළත් කිරීමේ හැකියාව ලැබුණා. ශ්රේෂ්ඨාධිකරණය ලබා දුන් නියෝග වලට සහ නීතිපතිතුමාගේ උපදෙස් වලටද අනුකූලව ඇතුලත් කළ හැකි යෝජනාද සමඟ පනත මේ ආකාරයෙන් ඉදිරිපත් කර ඡන්දය අවසන් වීමෙන් අනතුරුව අලුතෙන් ඉදිරිපත් වූ යෝජනා සියල්ල ඊළඟ කැබිනට් මණ්ඩලය වෙත ඉදිරිපත් කර ගැසට් මගින් ප්රකාශයට පත් කිරීමට බලාපොරොත්තු වනවා. පසුව සංශෝධන ලෙස පනතට එය ඇතුළත් කිරීමට සියලු දෙනා එකඟතාවය පළ කර තිබෙනවා.
මේ වන විට පාර්ලිමේන්තුවේ සාමාජිකයින් කිහිප දෙනෙකුට සමාජ මාධ්ය ඔස්සේ විවිධ ආකාරයෙන් ප්රහාර එල්ල වෙමින් පවතිනවා. සමාජ මාධ්ය භාවිතයෙන් වංචා සිදුකිරීම, අන් අයකු වෙනුවෙන් පෙනී සිටිමින් වංචා සිදුකිරීම, කැරැල්ලක් ඇතිවන ආකාරයෙන් අසත්ය ප්රචාර සන්නිවේදනය කිරීම, ළමා අපචාර සහ කාන්තා හිංසනය, ආගමික සහජීවනයට බාධා කිරීම, අසත්ය ප්රකාශ සිදුකිරීම මගින් ජාතික ආරක්ෂාවට, නීතිය හා සාමයට, ආර්ථිකයට තර්ජනයක් වන විට ඒ පිළිබඳව ක්රියාමාර්ග ගැනීම, ආගමික හා සංස්කෘතික ගැටුම් නිර්මාණය වීම වැනි අංශ සමස්තයක් ලෙස මේ පනතින් ආවරණය කරනු ලබනවා.
මෙහිදී ළමා අපචාර සහ කාන්තා හිංසනය පිළිබඳ මාගේ විශේෂ අවධානය යොමු වනවාවා. සමාජ මාධ්ය හරහා අපේ රට තුළ ළමා අපචාර හා කාන්තා හිංසන විශාල ප්රමාණයක් සිදුවනවා. ඝාතන සිදුව තිබෙනවා.ස්ත්රී දුෂණ සිදුව තිබෙනවා.
2023 වසරේ අන්තර්ජාලය ඔස්සේ සිදුකල අපරාධ සම්බන්ධව පැමිණිලි අට දහසකට අධික ප්රමාණයක් ලැබී තිබෙනවා.ලිංගික හිරිහැර කිරීම් පිලිබඳ පැමිණිලි 669ක්.නිරුවත් ඡායාරූප ප්රසිද්ධ කිරීම පිලිබඳ පැමිණිලි 506ක්. පසුගිය වසරේ පමණක් නිරුවත් ඡායාරූප ලක්ෂයකට අධික ප්රමාණයක් සමාජ මාධ්ය ඔස්සේ ප්රචලිත කර තිබෙනවා.අප මේ පනත ඉදිරිපත් කරන්නේ අපහාස කිරීම්, සයිබර් හිරිහැර කිරීම්,තර්ජනය කිරීම්,රාශියක් මෙන්ම ජාතික ආරක්ෂාවට බලපාන සිද්ධීන් 88ක්, මුදල් වංචා කිරීම් 457ක්,දත්ත සොරකම් කිරීම් 547ක් ආදී ක්රියාකාරකම් රාශියක් අතරේයි.
පාර්ලිමේන්තු මන්ත්රීවරුන්ට සහ ඔවුන්ගේ පවුල්වල සාමාජිකයින්ට කිසිඳු පදනමකින් තොර චෝදනා එල්ල කිරීමට ඇතැමුන් සමාජ මාධ්ය භාවිතා කරන ආකාරය අපට දක්නට ලැබෙනවා. සමාජ මාධ්ය ඔස්සේ සිදුකරන වංචා කිරීම් පිළිබඳ විපක්ෂයේ ඇතැම් මන්ත්රීවරුන්ද මා වෙත පැමිණිලි ඉදිරිපත් කර තිබෙනවා.මේ සියල්ල පාලනය කිරීම උදෙසා යම් යම් නීතී රීති අවශ්ය වනවා. අපරාධ පරීක්ෂණ දෙපාර්තමේන්තුව ලැබුණු ඉහත පැමිණිලි මෙන්ම පොලිස් කාන්තා සහ ළමා අංශය වෙත ද පැමිණිලි දහස් ගණනක් ලැබී තිබෙනවා.
මෙම පනත ගෙන ඒමේ අරමුණ මාධ්ය මර්ධනය කිරීම හෝ ප්රතිවාදීන්ට පහර එල්ල කිරීම හෝ නොවෙයි.මේ වෙනුවෙන් විශේෂඥ දැනුම සහිත පස් දෙනෙකුගෙන් සමන්විත කමිටුවක් ජනාධිපතිතුමා විසින් පත්කරනු ලැබුවා. තොරතුරු තාක්ෂනය, නීතිය, සමාජ සේවා,පාලනය, මාධ්ය කලාව, කළමනාකරණය ආදී විෂය ක්ෂේත්ර පිලිබඳ ප්රවීණයන් ඒ වෙනුවෙන් තෝරා දෙන ලෙස ජනාධිපතිතුමාගෙන් අප ඉල්ලා සිටියා. එලෙස නම් කළ පුද්ගලයින් ව්යවස්ථා සභාවෙන්ද අනුමත කළ යුතුයි. එම නිසා මෙම කමිටුව තුළින් අපේ පුද්ගලික අවශ්යතාවන්ට අනුව එකිනෙකාට ප්රහාර එල්ල කිරීමට හැකියාවක් පවතී යැයි මා විශ්වාස කරන්නේ නැහැ.
එම කොමිසමට පැමිණිල්ලක් ලැබූ අවස්ථාවක අන්තර්ජාලය සහ අනෙකුත් සමාජ ජාලා ඔස්සේ සිදු කෙරෙන අසත්ය ප්රචාරයන් ඉවත් කිරීම සඳහා හෝ ඒ වෙනුවෙන් ක්රියාමාර්ගයක් ගැනීම සඳහා අදාල ආයතන වලින් ඉල්ලීමක් සිදු කළ හැකියි. එසේ නොවූවහොත් කොමිසම මහේස්ත්රාත් උසාවිය ඉදිරියේ පෙනී සිටිය යුතු වනවා. ඒ පිළිබඳව වන වගන්තිය කිසිදු වෙනස් කිරීමකින් තොරව ඒ ආකාරයෙන්ම මේ තුළ පවතිනවා. මේ සියල්ල සිදුකිරීමේ අරමුණ රටේ ළමා පරපුර සහ කාන්තාවන් ආරක්ෂා කර ගැනීමයි. එම නිසා දූ දරුවන් සිටින සහෝදරියන් සිටින බිරින්දෑවරුන් සිටින කිසිවෙකු මීට විරුද්ධ නොවනු ඇති බව මා විශ්වාස කරනවා. මෙහි සිටින බොහෝ දෙනෙකුට, තමන්ට හෝ තමන්ගේ පවුලේ සාමාජිකයින්ට සමාජ මාධ්ය ඔස්සේ මොනයම් ආකාර හෝ පීඩා පීඩාවන්ට මුහුණ දීමට සිදුව තිබෙන බව මා විශ්වාස කරනවා. එම නිසා රට වෙනුවෙන් සිතමින් මේ පනත සම්මත කර ගැනීමට සහයෝගය දක්වන ලෙස ඔබ සියලු දෙනාගෙන් ඉල්ලා සිටිනවා.
– Media unit
You may like
Local
අපි කියන මිලට වී නොගන්න මෝල් හිමියන් Black List කරනවා.. ලාල් කාන්ත
Published
4 months agoon
August 1, 2026By
admin
රජය නියම කර ඇති සහතික මිලට වී මිලදී ගැනීමට අපොහොසත් වන පෞද්ගලික මෝල් හිමියන් අසාදු ලේඛනගත කිරීමට පියවර ගන්නා බව කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල් කාන්ත මහතා අවධාරණය කරයි.
අමාත්යවරයා මේ බව සඳහන් කළේ දෙහිඅත්තකණ්ඩිය මහවැලි සාලිකා ශාලාවේදී පැවැති ගොවි හමුවකට එක්වෙමිනි.
මෙහිදී වැඩිදුරටත් අදහස් දැක්වූ අමාත්යවරයා කියා සිටියේ, පෞද්ගලික අංශයට වී මිලදී ගැනීම සඳහා රජය මගින් සහනදායී ණය පහසුකම් ලබා දෙන්නේ රජයේ සහතික මිලට වී මිලදී ගැනීමේ කොන්දේසිය මත බවයි.
එසේ තිබියදී ඇතැම් මෝල් හිමියන් සහතික මිලට වඩා අඩු මිලට වී මිලදී ගන්නා බවට තොරතුරු වාර්තා වන බවත්, එවැනි පුද්ගලයන්ට ඉදිරියේදී රජය සමග ගනුදෙනු කිරීමට ඇති අවස්ථාවන් අහිමි කරන බවත් ඔහු පැවසීය.
රටේ කෘෂිකාර්මික ප්රතිපත්තියේ සිදුව ඇති වෙනස්කම් පිළිබඳව කරුණු දැක්වූ අමාත්යවරයා, මෙරට බඩඉරිඟු ගොවියා ආරක්ෂා කිරීම වෙනුවෙන් මේ වසරේ ආනයනය කිරීමට නියමිතව තිබූ බඩඉරිඟු මෙට්රික් ටොන් ලක්ෂ තුනක ප්රමාණය නතර කිරීමට රජය තීරණය කළ බව සඳහන් කළේය.
මේ හේතුවෙන් සත්ත්ව ආහාර නිෂ්පාදකයන් මුහුණ දී ඇති අමුද්රව්ය හිඟයට විසඳුමක් ලෙස, සහල් වෙනත් නිෂ්පාදන සඳහා අමුද්රව්යයක් ලෙස භාවිත කිරීමට පනවා තිබූ තහනම ඉවත් කළ බවද ඔහු අනාවරණය කළේය.
“සහල් වෙනත් නිෂ්පාදන සඳහා භාවිත කිරීම තහනම් කරමින් මීට පෙර නිකුත් කර තිබූ චක්රලේඛය අපි අහෝසි කළා. දැන් කිසිදු බාධාවකින් තොරව සත්ත්ව ආහාර හෝ වෙනත් නිෂ්පාදන සඳහා සහල් අමුද්රව්යයක් ලෙස භාවිත කරන්න පුළුවන්. එමගින් වී සඳහා පවතින ඉල්ලුම තවත් වැඩි වෙනවා,” යැයි අමාත්යවරයා පැවසීය.
එමෙන්ම පුරන් කුඹුරු අස්වැද්දීමේදී වී වගාවට පමණක් සීමා නොවී, බඩඉරිඟු වැනි අතිරේක බෝග වගා කිරීම කෙරෙහි අවධානය යොමු කළ යුතු බවත්, වී අලෙවි මණ්ඩලයේ ගබඩා ධාරිතාව ඉදිරි කන්නයේදී තවදුරටත් වැඩි කිරීමට සැලසුම් කර ඇති බවත් අමාත්ය ලාල් කාන්ත මහතා මෙහිදී වැඩිදුරටත් ප්රකාශ කළේය.
Local
ලෝක කුසලාන තරග බලන ක්රීඩා ලෝලීන්ට තහනම් භාණ්ඩ ලයිස්තුවක්..
Published
10 months agoon
February 7, 2026By
admin2026 T20 ලෝක කුසලාන ක්රිකට් තරගාවලිය වෙනුවෙන් කොළඹ නගරය කේන්ද්ර කරගනිමින් විශේෂ රථවාහන සැලැස්මක් සහ ආරක්ෂක වැඩපිළිවෙළක් ක්රියාත්මක කරන බව පොලිස් මාධ්ය කොට්ඨාසය නිවේදනය කරයි.
මෙම තරගාවලිය 2026 පෙබරවාරි මස 07 වන දින සිට මාර්තු 08 වන දින දක්වා පැවැත්වීමට නියමිත අතර, ශ්රී ලංකාවේ පැවැත්වෙන තරග කොළඹ ආර්. ප්රේමදාස ක්රීඩාංගනය සහ කුරුඳුවත්ත SSC ක්රීඩාංගනය කේන්ද්ර කරගනිමින් පැවැත්වේ. දේශීය හා විදේශීය ප්රේක්ෂකයින් විශාල පිරිසක් මෙම තරග නැරඹීමට පැමිණෙනු ඇතැයි අපේක්ෂා කරන බැවින්, තරග පැවැත්වෙන දිනයන්හිදී කොළඹ රථවාහන කොට්ඨාසය විසින් පහත පරිදි රථවාහන සැලැස්ම ක්රියාත්මක කරනු ලබයි.
ආර්. ප්රේමදාස ක්රීඩාංගනය ආශ්රිත රථවාහන සැලැස්ම
ආර්. ප්රේමදාස ක්රීඩාංගනයේ තරග පැවැත්වෙන දිනයන්හිදී වින්සන්ට් පෙරේරා මාවත (ග්රෑන්ඩ්පාස් පාර), බ්රීටෝ බබාපුල්ලේ පාලම හන්දිය, සෙබස්තියන් ඇළ පාර (මැල්වත්ත පාලම අසලින්), අඩි 100 පාර සහ සද්ධර්ම මාවත ඇතුළු මාර්ග කිහිපයක රථවාහන ගමනාගමනය අවස්ථානුකූලව සීමා කෙරෙනු ඇත.
විශේෂයෙන් පෙබරවාරි 08 (ශ්රී ලංකාව සහ අයර්ලන්තය), 15 (ඉන්දියාව සහ පාකිස්ථානය) සහ 19 (ශ්රී ලංකාව සහ සිම්බාබ්වේ) යන දිනවල පැවැත්වෙන තරග සඳහා විශේෂ රථවාහන සැලැස්මක් සහ ප්රවාහන සේවයක් ක්රියාත්මක වේ. මෙම දිනවල පැමිණෙන ප්රේක්ෂකයින් සඳහා පැරණි MOD රථගාල සහ පෝට්සිටි (Port City) රථගාලේ සිට ක්රීඩාංගනය දක්වා විශේෂ ප්රවාහන සේවයක් ක්රියාත්මක කිරීමට සැලසුම් කර ඇත.
එමෙන්ම පෙබරවාරි 11, 13, 21, 25 සහ 27 යන දිනවල පැවැත්වෙන තරග සඳහා ග්රෑන්ඩ්පාස් මැටිපාක්, සතොස, සෙබස්තියන් ඇළ, කෝවිල පාර සහ අඩි 100 පාර දෙපස රථගාල් පහසුකම් සපයා තිබේ.
SSC ක්රීඩාංගනය ආශ්රිත රථවාහන සැලැස්ම
SSC ක්රීඩාංගනයේ තරග පැවැත්වෙන පෙබරවාරි 07, 09, 10, 14 සහ 18 යන දිනවලදී රාජ්ය පරිපාලන හන්දිය, මෙට්ලන්ඩ් පෙදෙස සහ විද්යා මාවත ආශ්රිතව රථවාහන ගමනාගමනය සීමා කෙරේ.
මෙම තරග සඳහා පැමිණෙන රථවාහන ගාල් කිරීමට නිදහස් මාවත, පදනම් ආයතන මාවත, CR&FC, SSC ක්රීඩා සමාජ රථගාල, ක්රීඩා අමාත්යාංශයේ පරණ මැක්ඩොනල්ඩ් රථගාල, රූපවාහිනී රථගාල සහ BMICH පරිශ්රය වෙන් කර ඇත.
තරගාවලිය සඳහා පැමිණෙන ජනතාවගේ ආරක්ෂාව වෙනුවෙන් පොලිස් නිලධාරීන් 1500ක් සහ රථවාහන නිලධාරීන් 600ක් යොදවා ඇති බව පොලිසිය පවසයි. මීට අමතරව සිවිල් ඇඳුමින් සැරසුණු බුද්ධි අංශ නිලධාරීන් ද ආරක්ෂක කටයුතු සඳහා යොදවනු ලබයි.
විශාල ප්රමාණයේ ගමන් මලු, වීදුරු බෝතල්, ඩ්රෝන උපකරණ, මුවහත් පිහි, මත්ද්රව්ය සහ මත්පැන් ක්රීඩා භූමිය තුළට රැගෙන ඒම සපුරා තහනම් බව පොලිසිය මහජනතාවට දැඩිව අවධාරණය කරයි.



Local
ශ්රී ලංකාවෙන් තරුණියන් ආනයනය කර කොරියානුවන්ට විවාහ කර දිය යුතුයි.. කොරියා ආණ්ඩුකාර..
Published
10 months agoon
February 7, 2026By
admin
දකුණු කොරියාවේ ජින්ඩෝ ප්රාන්තයේ ආණ්ඩුකාර කිම් හී-සූ විසින් එරට පවතින ජනගහන පරිහානියට විසඳුමක් ලෙස ශ්රී ලංකාව සහ වියට්නාමය වැනි රටවලින් තරුණ කාන්තාවන් “ආනයනය” කළ යුතු බවට කළ මතභේදාත්මක ප්රකාශයක් සම්බන්ධයෙන් මේ වන විට දැඩි කතාබහක් සහ විවේචනයක් මතු වී තිබේ.
දකුණු ජොල්ලා ප්රාන්තයේ හේනම් සංස්කෘතික හා කලා මධ්යස්ථානයේ පැවති මහජන හමුවකදී ආණ්ඩුකාරවරයා මෙම ප්රකාශය සිදු කර ඇත. ක්වාන්ජු සහ දකුණු ජොල්ලා පරිපාලන ඒකක ඒකාබද්ධ කිරීමේ යෝජනාව සම්බන්ධයෙන් පැවති මෙම හමුවට දේශපාලන නායකයින්, විද්වතුන් සහ ප්රාදේශීය වැසියන් විශාල පිරිසක් සහභාගී වී සිටියහ.
සභාව අමතමින් කිම් හී-සූ පෙන්වා දුන්නේ දකුණු කොරියා ජනගහනය වඳවී යාමේ තර්ජනයට ලක්ව ඇති ප්රදේශ 89ක් හඳුනාගෙන ඇති බවත්, ඉන් සියයට 20ක්ම දකුණු ජොල්ලා ප්රාන්තයේ පිහිටා ඇති බවත්ය. 2000 වසරේ සිටම මෙම ජනගහන අර්බුදය පුරෝකථනය කර තිබුණද රජය හෝ විද්වතුන් ඒ සඳහා නිසි පියවර ගෙන නොමැති බවට ඔහු චෝදනා කළේය.
“අවසාන විසඳුම ලෙස හෝ අප ශ්රී ලංකාව හෝ වියට්නාමය වැනි රටවලින් තරුණ කාන්තාවන් ‘ආනයනය’ කර, ගම්බද ප්රදේශවල වෙසෙන අවිවාහක පුරුෂයන්ට විවාහ වීමට අවස්ථාව සලසා දිය යුතුයි. ඒ සඳහා විශේෂ ප්රතිපාදන සකස් කළ යුතුයි. මිනිසුන් නොමැති රටක කර්මාන්ත නගාසිටුවීමෙන් ඇති ඵලය කුමක්ද?”
මෙම ප්රකාශය යූ ටියුබ් (YouTube) නාලිකා ඔස්සේ සජීවීව විකාශය වූ අතර, එම අවස්ථාවේදීම පැනලිස්ට්වරයෙකු ලෙස සහභාගී වූ ක්වාන්ජු නගරාධිපති කන්ග් ගි-ජුන්ග් විසින් එම ප්රකාශය නුසුදුසු බව පවසමින් විරෝධය පළ කරනු ලැබීය.
ග්රාමීය සහ ධීවර ප්රජාව මුහුණ දෙන ජනගහන අවපාතය පිළිබඳ දැඩි අවධානයක් යොමු කිරීම ආණ්ඩුකාරවරයාගේ අරමුණ වන්නට ඇති බව සමහරු පවසතත්, ඔහු භාවිතා කළ වචන මාලාව දැඩි දෝෂදර්ශනයට ලක්ව ඇත.


