Local
15 හැවිරිදි යෙනුලි එංගලන්තයේ සම්මාන දිනයි…
Published
5 months agoon
By
adminඑක්සත් රාජධානියේ බ්රිස්ටල් හි පැවති 11 වන “MTM Young Achievers” සහ “MTM Music & Entertainment” යන සම්මාන ප්රදානෝත්සවයේදී MTM YOUNG ACHIEVERS AWARD 2023 සම්මානය ශ්රී ලාංකාව නියෝජනය කරමින් සහභාගි වූ 15 හැවිරිදි යෙනුලි බිනාරා ට හිමි වී තිබේ. විවිධ දක්ෂතා ඇගයීම වෙනුවෙන් පැවති මෙම තරගාවලියේ සිටි ලාබාලම තරගකාරියද යෙනුලි බව සඳහන් වේ.
මෙම සම්මාන තරගාවලියේ අවසන් වටයේ තරගකාරියක ලෙස තේරී පත්ව සිටි යෙනුලිට ලොව පුරා විවිධ රටවල්වල තරඟකරුවන් රාශියක් අතරින් මෙම සම්මානය දිනා ගැනීමට හැකිවී තිබේ.
කොළඹ උපන් යෙනුලි දැනට එක්සත් රාජධානියේ මවුපියන් සමග වෙසෙමින් අධ්යාපනය හදාරන අතර ඊට පෙර ඕමානයේ ශ්රි ලංකා පාසලේ අධ්යාපනය ලබා ඇත.පසුගිය වසර තුනක කාලය තුල සංගීතය,ගායනය,කථික ,රංගනය,ගීත රචනය ආදී අංශ ගණනාවකින් රටවල් කිහිපයකම තරග රැසකින් ජයග්රහණ හිමි කර ගෙන ඇත.
වයස අවුරුදු 12 දී හන්ඩ්රඩ් නැමති ජාත්යන්තර සංවිධානයක ලොව ලාබාලතම තානාපති ලෙසද තේරි පත්ව සිටි ඇය ග්රීන් හාට් නැමති ජාත්යන්තර සංවිධානයේ අරම්හකයාද වෙයි .ඇගේ මව දිල්රුක්ෂි හේවගේ එක්සත් රාජධානියේ ගුරුවරියක ලෙසද පියා ප්රශාන් රසංජන ඉංජිනේරුවරයෙකු ලෙසද සේවය කරයි .
වයස අවුරුදු දෙකහමාරේදී සිය දෙමවුපියන් සමග විදේශගතවූ ඇය වයස අවුරුදු 11 දී ස්වීඩනයේ පැවති අයි සින්ගින්ග් වර්ල්ඩ් ගායනා තරගයෙන් දෙවන ස්ථානය මෙන්ම ජර්මනියේ බර්ලින් හි පැවති යුරෝ පොප් නමැති ගායනා තරගයකින් ජූරියේ විශේෂ සම්මානයක් හිමිකර ගත් බව යෙනුලිගේ මව දිරුක්ෂි හේවගේ පැවසුවාය.
“මෙය හොඳ නව ලෝකයක් ගොඩ නගන්නට මහන්සිවෙන මගේ ගමනට විශාල ජයග්රහණයක් සහ අභිප්රේරණයකි .
. ඒ වගේම මම මේ වනවිට එක්සත් රාජධානියේ ජීවත්ව සිටියත්, මගේ මව් රට වන ශ්රී ලංකාවට මෙම කීර්තිය ගෙන ඒමට හැකිවීම ගැන මටත් විශාල සතුටක් දැනෙනවා.
, මගේ පාසලේ ආදරණීය විදුහල්පතිතුමා, ගුරුවරුන්, මිතුරු මිතුරියන් සහ මගේ ආදරණීය පවුලේ අය මෙන්ම ලොව පුරා මට ඡන්දය දුන්, ඔවුන්ගේ ආශිර්වාදය එවූ මට සහය දුන් සැමට. මම හදවතින්ම ස්තුතිවන්ත වෙනවා.
මගේ කුඩා කාලයේ සිටම, මට සෑම විටම අවශ්ය වූයේ ලෝකයේ යහපත් වෙනසක් ඇති කිරීමටයි. ඒ සඳහා මගේ උපරිමය කරමින්, සාමකාමී, තිරසාර ලෝකයක් ගොඩ නැගීමට මට කළ හැකි උපරිමය කිරීමට මම බලාපොරොත්තු වෙනවා යැයි යෙනුලි මෙම ජයග්රහණය ගැන සතුට පළකරමින් පැවසුවාය.
මෙම සම්මාන ප්රදානෝත්සවය ඉකුත් 25 දා එක්සත් රාජධානියේ මැරියට් බ්රිස්ටල් හි ඩෙල්ටා හෝටලයේදී පැවැත්විණි .
– ජයරත්න ඉඳුරුවගේ
You may like
Local
මෛත්රී අපේක්ෂකත්වය දෙන්න මිලියන 100ක් ඉල්ල ලා..
Published
4 days agoon
April 23, 2024By
adminශ්රී ලංකා නිදහස් පක්ෂයේ විධායක සභා රැස්වීමකට සම්බන්ධ වීම හරහා හිටපු ජනාධිපති මෛත්රීපාල සිරිසේන මහතා අධිකරණයට අපහාස කර ඇති බව අමාත්ය මහින්ද අමරවීර මහතා සඳහන් කරයි.
ශ්රීලනිප සභාපති ධුරයේ කටයුතු කිරීම අධිකරණය විසින් මෛත්රීපාල සිරිසේන මහතාට වාරණ නියෝගයක් පනවා ඇතැයිද හෙතෙම පැවසීය.
මේ සම්බන්ධයෙන් ඉදිරියේදී අධිකරණ ක්රියාවලියකට යොමු වන බවත් හෙතෙම කියා සිටී.
මෛත්රීපාල සිරිසේන මහතා මීළඟ ජනාධිපති අපේක්ෂකත්වය බලාපොරොත්තුවෙන් සිටින මෙරට සිටින ප්රධානම ව්යාපාරිකයෙක් මුණ ගැසී අපේක්ෂකත්වය ලබාදීම සඳහා මිලියන සීයක් ලබාදෙන ලෙස ඉල්ලා ඉල්ලා ඇතැයිද හෙතෙම සඳහන් කළේය.
එම ව්යාපාරිකා ඉල්ලීම ප්රතික්ෂේප කර ඇති බවත් මේ සම්බන්ධයෙන් හිටපු ජනාධිපතිවරයාගෙන් විමසූ විට එවන් හමුවක් සිදුවූ සිදුවන ලද බවද පිළිගන්නා පිළිගත් බවත් හෙතෙම තවදුරටත් පැවසීය.
අද වන විට ශ්රී ලංකා නිදහස් පක්ෂය පාවිච්චි වෙමින් ඇත්තේ හිටපු ජනාධිපතිවරයාගේ නඩු කටයුතුවලින් බේරීමට, ඔහුගේ ආරක්ෂාවට, මුල්යමය කටයුතු වෙනුවෙන් වී කොතරම් අසාධාරණයක්දැයි හෙතෙම තවදුරටත් ප්රශ්න කළේය.
සිය අමාත්යංශයේ දී පැවැති මාධ්ය හමුවක් අමතමින් හෙතෙම මෙම අදහස් පළ කරන ලදී.
Local
විජේදාස මන්ත්රීකමත්, සාමාජිකත්වයත් දෙකම එකවර නැතිවෙන කරුණු සියල්ල සපුරාගනී..
Published
4 days agoon
April 23, 2024By
adminඅධිකරණ අමාත්ය විජයදාස රාජපක්ෂ මහතාගේ ශ්රී ලංකා පොදුජන පෙරමුණු සාමාජිකත්වය අහෝසි වී මන්ත්රී මන්ත්රී ධූරයද අහෝසි වීමේ සියලුම අව්යශ්යතා සපුරා ඇති බව ශ්රී ලංකා පොදුජන පෙරමුණේ පාර්ලිමේන්තු මත තිස්ස කුට්ටිආරච්චි මහතා සඳහන් කරයි.
ශ්රී ලංකා පොදුජන පෙරමුණේ සාමාජිකත්වය ගෙන පක්ෂය නියෝජනය කරමින් පාර්ලිමේන්තුවට පිවිස අමාත්ය ධුරයක් දරා ලබාගෙන විපක්ෂය නියෝජනය කරන පක්ෂයකට ගොස් එහි සාමාජිකත්වය ලබාගෙන එහි සභාපති ධුරයක් ලබා ගැනීම ඔහුගේ පක්ෂ සාමාජිකත්වය තහනම් වීමට ප්රමාණවත් බවද හෙතෙම කියා සිටියේය.
මෙම කාර්යයේ ඇති නීතිය අවනීතිය ඉතා හොඳින් නීතිය දන්නා විජයදාස රාජපක්ෂ මහතා දැනුවත් ඇති බවද හෙතෙම සඳහන් කළේය.
ශ්රී ලංකා පොදුජන පෙරමුණු මූලස්ථානයේදී මාධ්ය අමතමින් හෙතෙම මෙම අදහස් පළ කරන ලදී.
Local
හෙට සිට 1-5 ශ්රේණිවල සියලු දරුවන්ට ආහාර වේලක්..
Published
1 month agoon
March 24, 2024By
adminහෙට (25) සිට දිවයිනේ 1- 5 දක්වා ශ්රේණිවල සියලු ම පාසල් දරුවන්ට පාසලේ දී ප්රධාන ආහාර වේලක් ලබා දීමට අධ්යාපන අමාත්යාංශය පියවර ගෙන තිබේ.
පෝෂණවේදීන්ගේ නිර්දේශ ද සැලකිල්ලට ගෙන සිසුන් අධ්යාපන කටයුතුවල නිරත වීමට පෙර පෙරවරු 7.30ත් 8.30 අතර කාලය තුළ මෙම උදෑසන ආහාර වේල ලබා දෙන ලෙසත් අධ්යාපන අමාත්ය ආචාර්ය සුසිල් ප්රේමජයන්ත මහතා විසින් උපදෙස් ලබා දී ඇති අතර එම ආහාර වේල පෝෂණීය හා සෞඛ්යාරක්ෂිත බවින් ඉහළ මට්ටමක පවත්වාගෙන යාමට අධ්යාපන අමාත්යාංශය වැඩි අවධානයක් යොමු කර ඇත.
නිරෝගී ක්රියාශීලී දරු පරපුරක් යන තේමාව යටතේ මෙවර 2024 වර්ෂය සඳහා ක්රියාත්මක පාසල් ආහාර වැඩසටහන මගින් පාසල් සිසුන් අතර පෝෂණ ගැටලු අවම කිරීම, සිසුන්ගේ දෛනික පාසල් පැමිණීම වර්ධනය කිරීම, යහපත් ආහාර පුරුදු හා සෞඛ්ය පුරුදු වර්ධනය කිරීම, අධ්යාපන සාධන මට්ටම් වර්ධනය සඳහා දායක වීම සහ දේශීය ආහාර සංස්කෘතිය ගොඩනැගීම යන මූලික අරමුණු හතර ඉටු කරගැනීමට අපේක්ෂිත ය.
රජයේ පාසල් 9134ක ප්රාථමික ශ්රේණිවල සියලු සිසුන් හා 100ට අඩු සිසුන් සංඛ්යාවක් සිටින සියලු ම පාසල් ද ආවරණය වන පරිදි සිසුන් මිලියන 1.6ක් මෙවර පාසල් ආහාර වැඩසටහනේ ප්රතිලාභීහු වෙති. මේ සඳහා රජය රුපියල් මිලියන 16,600ක අයවැය ප්රතිපාදන සෘජු ව ම පළාත් සභා නවය වෙත වෙන් කර ඇති අතර අමතර වශයෙන් ලෝක ආහාර වැඩසටහන හා එක්සත් ජනපද කෘෂිකර්ම දෙපාර්තමේන්තුව (USDA) ඇතුළු වෙනත් සංවිධාන විසින් ද අනුග්රාහකත්වය සපයනු ලබයි. මේ වන විට එක් ශිෂ්ය ආහාර වේලක් වෙනුවෙන් රජය සපයන රු. 85/-ක මුදල, පවත්නා වෙළෙඳපොළ මිල ගණන් ඉහළ යෑමට සාපේක්ෂ ව රු. 110/-දක්වා වැඩි කර ඇත.
මෙම පෝෂණ වැඩසටහනට අවශ්ය ආහාර වර්ග ප්රධාන දේශීය සැපයුම්කරුවන් විසින් සපයනු ලබන අතර එය සෘජු හා වක්ර නව රැකියා උත්පාදනය ඔස්සේ මෙරට නිෂ්පාදන ආර්ථිකය ශක්තිමත් කිරීමට ද දායකවීමකි.
ජනාධිපති රනිල් රනිල් වික්රමසිංහ මහතාගේ ප්රධානත්වයෙන් හා අධ්යාපන අමාත්ය ආචාර්ය සුසිල් ප්රේමජයන්ත මහතාගේ සහභාගීත්වයෙන් නාරාහේන්පිට සුජාතා බාලිකා විද්යාලයේ දී මෙම 2024 වර්ෂයේ පාසල් ආහාර වැඩසටහන හෙට (25) දින ආරම්භ වන අතර ඊට සමගාමී ව පළාත් මට්ටමින් ද සමාරම්භක වැඩසටහන් දිවයින පුරා පැවැත්වේ.
මෙම පාසල් ආහාර වැඩසටහනට අදාළ සියලු මූල්ය පාලනයන් විනිවිදභාවයක් හා වාර්තා සහිත ව පවත්වාගෙන යෑමේ යාන්ත්රණයක් ද ක්රියාත්මක වෙයි. ප්රතිපත්ති සම්පාදනයේ සිට එහි සියලු ප්රධාන මෙහෙයවීම හා අධීක්ෂණ කටයුතු අඛණ්ඩ ව නිරීක්ෂණය කරමින් අවශ්ය මැදිහත්වීම් සිදු කරනු ලබන්නේ අධ්යාපන අමාත්යාංශය වන අතර අමාත්යාංශයීය සෞඛ්ය හා පෝෂණ ශාඛාවට ඊට අදාළ කාර්යන් පැවරී ඇත.
මාධ්ය ඒකකය