Connect with us

Local

ගෝලීය ආර්ථිකය හමුවේ හෙම්බත්වූ රටේ ආර්ථිකය ස්ථාවර වෙනවා..

Published

on

කොවිඩ්-19 ව්‍යාප්තිය හා ඉන් ඇතිවූ ගෝලීය ආර්ථික අර්බුධ හමුවේ හෙම්බත්වූ රට සහ දේශීය ආර්ථිකය ගොඩ ගැනීමේ දුෂ්කර අභියෝගය ජයගැනීමට සියලුම ජනතාව නිවරැදි අවබෝධයෙන් යුතුව කටයුතු කළ යුතු බව ආණ්ඩු පක්ෂ ප්‍රධාන සංවිධායක, නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

එම වැඩපිළිවෙලේදී රට පළමුවට තබා කටයුතු කරමින් ආර්ථිකය ස්ථාවර කරන තීරණාත්මක ආරම්භක පියවරයන් දෙස ඉවසීමෙන් සහ ධෛර්යයෙන් බලා සිටින සමස්ථ ජනතාවටත් තම හෘදයාංගම ස්තුතිය පිරිනමන බවද ඔහු පවසයි.

බත්තරමුල්ල, සෙත්සිරිපායේ පිහිටි නාගරික සංවර්ධන හා නිවාස අමාත්‍යංශ ශ්‍රවණාගාරයේ අද (01) පැවති උත්සවසවය වෙනුවෙන් සුබ පැතුම් පණිවිඩයක් නිකුත් කරමින් හෙතෙම මේ බව සඳහන් කරයි.  2024 නව වසරේ රාජකාරී කටයුතු ආරම්භ කිරීම නිමිත්තෙන් මෙම උත්සවය පැවැත්විණි.

අමාත්‍ය ප්‍රසන්න රණතුංග මහතා නිකුත් කළ එම සුබපැතුම් පණිවිඩයේ මෙසේද සඳහන් වේ.

ආර්ථික සහ දේශපාලන වශයෙන් බරපතළ අවදානම් රැසකට රට සහ ජනතාව මුහුණදී සිටිනවා. මේ තත්ත්වයන් සාමාන්‍යකරණය වීමට යම් කාලයක් ගත වේවි. ජනතාවට දැඩි අපහසුකම් තිබෙන බව අපි පිළිගන්නවා. නමුත් අද මේ ඔබ දුක් විඳින්නේ අනාගත පරපුර වෙනුවෙන්. මේ අවදානම් සහගත තත්ත්වය ඉතාම කෙටි කාලයකින් පහව යාවි යැයි අප රජයක් ලෙස දැඩිව විශ්වාස කරනවා.

රට හා ජනතාවගේ ඉදිරි අභිවෘද්ධිය වෙනුවෙන් නාගරික සංවර්ධන හා නිවාස අමාත්‍යංශය සුවිශේෂි වැඩ කොටසක් සිදුකරනවා. විශේෂයෙන්ම මෙය රටේ සංවර්ධනයට ඍජුවම වග කියන ආයතනයක්. 2024 වසර සඳහා මෙම අමාත්‍යාංශයට අයවැය මගින් රුපියල් මිලියන 23,412ක් වෙන් කර තිබෙනවා. නිවාස සංවර්ධනය සඳහා රුපියල් මිලියන 7,650ක් කසළ කළමනාකරණය හා පරිසර ආරක්ෂණය සඳහා රුපියල් මිලියන 7,790ක් වෙන් කරලා තියෙනවා. පූනරීන් නගර සංවර්ධනය කදුරට දශකය ඒකාබාද්ධ ග්‍රාමීය සංවර්ධන වැඩසටහන, අවතැන් වූවන් සඳහා නිවාස ඉදිකිරීම, බණ්ඩාරවෙල තොග එළවළු මධ්‍යස්ථානය දියුණු කිරීම සහ විසල් මිහින්තලය සංවර්ධන ව්‍යාපෘතිය වෙනුවෙන් රුපියල් මිලියන 11,450ක් වෙන් කරලා තියෙනවා.

විවිද හේතූන් නිසා කඳුරට ප්‍රාදේශවල පොදු යටිතල පහසුකම් හා සේවාවන් වර්ධනය අඩු බව අපි පිළිගන්නවා. ඒ තත්ත්වය සැලකිල්ලට ගෙනයි අයවැයෙන් කඳුරට දශකය වැනි දස අවුරුදු බහු කාර්ය ග්‍රාමීය සංවර්ධන හා ප්‍රජා සංවර්ධන වැඩසටහනක් ආරම්භ කිරීමට යෝජනා කළේ. ඒ සඳහා රුපියල් මිලියන 10,000ක් වෙන් කරලා තිබෙනවා. මධ්‍යම පළාත, සබරගමුව පළාත, මාතර,ගාල්ල, කලුතර, බදුල්ල හා කුරුණෑගල, දිස්ත්‍රික්ක ඇතුළුව  දිවයිනේ දිස්ත්‍රික්ක 10ක ප්‍රාදේශීය ලේකම් 89ක එම වැඩසටහන ක්‍රියාත්මක කරන්න අපි අපේක්ෂා කරනවා.

සැලසුම් හා ආයෝජන අනුමත කිරීම ප්‍රමාදවීම ගැන නාගරික සංවර්ධන අධිකාරියට චෝදනාවක් තබුණා. එය කාර්යක්ෂම කිරීමට අප ONE STOP UNIT ආරම්භ කළා. ඔන්ලයින් ක්‍රමවේද ඔස්සේ අදාළ සැලසුම් අනුමත කිරීම එහිදී සිදු වෙනවා. මේ සඳහා ආයතන 33ක් සම්බන්ධ කරගනිමින් විෂයපථ කමිටුවක් පත් කළා. 2025 වසර වනවිට ලංකාව පුරාම  ‍සංවර්ධන බල ප්‍රදේශවල මෙය ක්‍රියාත්මක කරන්න අපි බලාපොරොත්තු වෙනවා යැයි පවැසීය.

නාගරික සංවර්ධන හා නිවාස අමාත්‍යංශයේ ලේකම් ඩබ්ලියු.එස් සත්‍යානන්ද මහතා මෙසේ පැවසීය.

අපි ගෙවා දැමුවේ අභියෝගාත්මක වසරක්. අපි අදින් එළබෙන්නේ තවත් අභියෝගාත්මක වසරකටයි. කොඩිඩ් වයිරස ව්‍යාප්තිය නිසා රට දැඩි ආර්ථික අර්බුධයකට මුහුණ දුන්නා. තවමත් අපි මුහුණදී සිටින්නේ එ අභියෝගවලටයි. අපිට හොඳ දේශපාලන නායකත්වයක් ලැබෙනවා. ඒ නිසා රටත් ජනතාවත් මුහුණදී සිටින අභියෝගවලට පිලිතුරු සෙවිමට රාජ්‍ය සේවකයන් වශයේ අපි කැපවී කටයුතු කරමු.අර්බුධකාරී යුගයක අභියෝගවලට මුහුණ දෙමින් කටයුතු කළ නාගරික සංවර්ධන හා නිවාස අමාත්‍යංශයේ සියලුම සේවක සේවිකාවන්ට මම මාගේ ස්තූතිය පළ කරනවා.

නාගරික සංවර්ධන හා නිවාස රාජ්‍ය අමාත්‍යවරුන් වන අරුන්දික ප්‍රනාන්දු, තේනුක විදානගමගේ, අමාත්‍යංශය යටතේ ඇති ආයතන හා දෙපාර්තමේන්තුවල සභාපතිවරුන්, අධ්‍යක්ෂ ජනරාල්වරුන් ඇතුළු නිළධාරීන්, සේවක සේවිකාවන් මෙම අවස්ථාවට සහභාගී වූහ.

– ප්‍රදීප් අනුර කුමාර

Click to comment

Leave a Reply

Your email address will not be published. Required fields are marked *

Local

අලුතෙන් ආනයනයේදී වාහනයකට බද්ද ලක්‍ෂ 120ක්..

Published

on

By

දැනට මෙරටට ආනයනය කිරීමට අනුමැතිය දී ඇති වාහන වලට සුඛෝපභෝගී බද්ද (Luxury tax) රුපියල් මිලියන 6-12 දක්වා වැඩි කර ඇති බවත් මේ පිළිබඳ නැවත සොයා බැලීමක් අවශ්‍ය බැවින් එම විමර්ශනය මුදල් අමාත්‍යාංශයට භාරදුන් බවත් රජයේ මුදල් පිළිබඳ කාරක සභාවේ සභාපති, ආචාර්ය හර්ෂ ද සිල්වා පාර්ලිමේන්තුවේදී පැවැසීය.

එමෙන්ම ඉලෙක්ට්‍රික් වාහන ආනයනය සම්බන්ධව විදේශයේ වැඩ කරන පුද්ගලයන්ට මුදල් ප්‍රේෂණය කිරීමේදී ගැටලු රාශියක් පවතින බවත් සභාපතිවරයා පෙන්වා දුන්නේය.

‘සංචාරක ක්ෂේත්‍රයේ වාහන අවශ්‍යතාවක් තිබෙනවා. වාහන තහනමක් තිබෙන නිසා විශේෂ ගැසට් එකක් ගහලා තියෙනවා. ඒ හරහා වාහන දාහක් ගෙන්න ගන්න අනුමැතිය දීලා තියෙනවා. කුඩා කෝච් සහ බස් රථ 250ක්, වෑන් රථ 750ක් මෙයට ඇතුළත්. ඒකට නිසි ක්‍රමවේදයක් සකස් කරලා තිබෙනවා. Brand new වාහන වලට මේ අවසරය දී තිබෙන්නේ. අපේ කාරක සභාව ඒක අනුමත කරා.

ඒ වගේම ඉලෙක්ට්‍රික් වාහන ආනයනය සම්බන්ධව පිටරට වැඩ කරන පුද්ගලයන් මුදල් ප්‍රේෂණය කරන්න ගියාම ඒ කෙ ගැටලු ඇවිල්ලා තිබුණා. මේකේ Under invoice වෙලා තියෙනවද, හරියට ටැක්ස් ගෙවලා තියෙනවද, කොහොමද ආයතන දෙකකට විතරක් සීමා වෙන්නේ, මේ වාහන 68% ක් කොහොමද ආයතන දෙකකින් ගෙන්නුවේ. ඇයි මේකට Online system එකක් නැත්තෙ කියලා ගැටලු රාශියක් ආවා. අපේ කාරක සභාව හැටියට joint committee එකක් පත් කළා මේ ගැන හොයන්න. ඒකට මුදල් අමාත්‍යාංශය, කම්කරු අමාත්‍යාංශය, මහ බැංකුව, ආගමන විගමන, රේගු යන ආයතන එකතු කර ගත්තා. ඔවුන් අපිට වාර්තාවක් දුන්නා. ඒකෙ තියෙනවා යම් යම් අවභාවිතාවන් තිබෙන බව.

මේ පිළිබඳ දැඩි විමර්ශනයක් කරන්න කියලා තිබෙනවා. ස්කීම් එක හරහා වාහන ගේන්න බැහැ. නමුත් ගේන්න අනුමැතිය දුන් වාහන වලටත් luxury tax එක රුපියල් මිලියන 6 -12 දක්වා වැඩි කරලා තියනවා. නැවත මේක ගැන සොයා බලන්නට මුදල් අමාත්‍යාංශයට අපි භාරදීලා තිබෙනවා. මේ ගැන විමර්ශනයක් බලාපොරොත්තු වෙනවා.”

– Mawbima

Continue Reading

Local

ස්ථානාධිපතිවරුන්ගේ සේවයෙන් ඉවත් කළ ලිපි මුද්‍රණයට..

Published

on

By

වැඩ වර්ජනයක යෙදෙමින් දුම්රිය ධාවනයෙන් ඉවත් වී සිටින දුම්රිය සේවකයන් දහසකට ආසන්න සංඛ්‍යාවක් සේවයෙන් නෙරපා හැරීමට තීරණය කර ඇත.

ඒ අනුව ඔවුන් සේවය හැරයාමේ ලිපි මේ වන විට මුද්‍රණය සඳහා යොමු කර ඇති බවයි දුම්රිය දෙපාර්තමේන්තුවේ ප්‍රකාශකයෙක් සඳහන් කළේය.

රට පුරා දුම්රිය ධාවනය අඩාල කරමින් දුම්රිය ස්ථානාධිපතිවරු, පාලකයන් හා දුම්රිය උපස්ථානාධිපතිවරු මේ වන විට වර්ජනයක් ක්‍රියාත්මක කරමින් සිටී.

මේ අතර දැනට ක්‍රියාත්මකව පවතින දුම්රිය වර්ජනය තවදුරටත් දීර්ඝ කිරීම සඳහා විශේෂ සාකච්ඡාවක් අද පස්වරුවේ පැවැත්වීමට එම වෘත්තිය සංගම් තීරණය කර ඇත.

එහිදී වර්ජනය සඳහා අනෙකුත් වෘත්තීය සමිතිවලද සහාය ලබා ගැනීම ද සාකච්ඡා කෙරේ.

Continue Reading

Local

තවත් වෙඩි තැබීමක්.. අයෙක් මරුට..

Published

on

By

යතුරු පැදියකින් පැමිණි ඝාතකයන් දෙදෙනකු විසින් සිදු කරන ලද වෙඩි තැබීමකින් පුද්ගලයෙකු මරණයට පත් වී තිබේ.

ඇඹිලිපිටිය කොළොන්න මාර්ගයේදී මෙම වෙඩි තැබීම සිදුව ඇති බව පොලිසිය සඳහන් කරයි.

මිය ගොස් ඇත්තේ 61 හැවිරිදි පුද්ගලයෙකි.

පොලිසිය වැඩිදුර පරීක්ෂණ පවත්වමින් සිටී.

Continue Reading

Trending

Copyright © www.pattare.lk