Local
මං සහාය දෙන්නේ රාජපක්ෂලා උදවු නොකරන අපේක්ෂකටයි..
Published
2 years agoon
By
admin
ජනාධිපතිවරණය පිළිබඳ එක්සත් ජනරජ පෙරමුණේ තීරණය ඉදිරියේදී ප්රකාශ කරන බවත් රාජපක්ෂලාගේ ආශීර්වාදය සමඟ යන කිසිදු කෙනෙකුට තම සහයෝගය නොදෙන බවත් පක්ෂ නායක පාර්ලිමේන්තු මන්ත්රී පාඨලී චම්පික රණවක මහතා පවසයි.
ඒ මහතා මේ බව පවසා සිටියේ කඩුවෙල, වදුරඹමුල්ල බුරුම විහාරස්ථානයේ පැවති ජන හමුවක් අතරතුර මාධ්ය වෙත අදහස් දැක්වමිනි.
මෙම ජනහමුව එක්සත් ජනරජ පෙරමුණු කැලණිවැලි සම්බන්ධීකාරක බෝසෙත් කළහේපතිරණ මහතාගේ ප්රධානත්වයෙන් සංවිධානය කොට තිබිණ.
එහිදී මාධ්යවේදීන් අසන ලද ප්රශ්න වලට පාඨලී චම්පික රණවක මහතා වැඩිදුරටත් ලබාදුන් පිළිතුරු:
ප්රශ්නය: ජනාධිපතිවරණයට ඉදිරිපත් වෙනවාද?
පිළිතුර: අපි තාම ඒ ගැන තීරණය කරලා නෑ..සාකච්ඡා කරගෙන යනවා. ඉදිරි දින කිහිපයේ තීරණයක් ගන්නවා.
ප්රශ්නය: ජනාධිපති අපේක්ෂකයෝ විශාලා පිරිසක් ඉදිරිපත්වෙනවා කියලා තියෙනවා..මේක බලපෑමක් වෙයිද ඡන්දයට?
පිළිතුර: වැඩිපුර අපේක්ෂකයෝ ප්රමාණයක් එන එක හොදයි. ඡන්ද කොලේ දිග්ගැහිලා ඡන්දය සංකීරණ නොවෙයි කියලා අපි හිතනවා. කොහොමත් ඉදිරිපෙළේ අපේක්ෂකයන් තුන් හතර දෙනෙක් අතර තමයි තරඟය තියෙන්නේ.
ප්රශ්නය: ඔබතුමන්ලාගෙන් සහයෝගය ඉල්ලුවද කවුරු හරි?
පිළිතුර: අපි පසුගිය පෙබරවාරි 14 වෙනිදා වැඩපිළිවෙලක් ඉදිරිපත් කලා. ඒ වැඩපිළිවල එක්ක අපි බොහෝ දේශපාලන පක්ෂ එක්ක සාකච්ඡා කලා. දැන් ඒ ප්රතිපත්ති කාරණා වලට අමතරව ඉදිරියේදී රජයන් පිහිටුවා ගන්නේ කොහොමද? මැතිවරණ කටයුතු කරන්නේ කොහොමද කියන සාකච්ඡා කෙරීගන යනවා. ඉදිරි දින කිහිපයේදී අපි අවසාන තීරණය ගන්නවා.
ප්රශ්නය: ඔබතුමා ජනාධිපති අපේක්ෂකයා නොවුණොත් කාටද සහයෝගය දෙන්නේ?
පිළිතුර: සුදුසු අපේක්ෂකයෙකුට සහයෝගය දෙනවා.
ප්රශ්නය: ඒ සඳහා ජනාධිපතිවරයා හෝ වෙනත් කෙනෙක් ඉන්නවද?
පිළිතුර: ජනාධිපතිවරයා රාජපක්ෂලාගේ ආශීර්වාදයෙන් මැතිවරණයට පැමිණියොත් අපේ සහයෝගය දෙන්නේ නෑ.
ප්රශ්නය: පොලිස්පතිවරයාගේ ගැටලුවත් එක්ක මැතිවරණය කල් යාමට ඉඩ තියෙනවද?
පිළිතුර: කිසිසේත්ම මැතිවරණය කලයමට ඉඩක් නෑ. මැතිවරණ කොමිසමත් කියලා තියෙනවා ඒක ප්රශ්නයක් නෙවෙයි කියලා. පොලිස්පති පත්කිරීමේ වගකීමේ බලය තියෙන්නේ ජනාධිපතිට. ඔහු ඒක කළ යුතුයි. එක එක ව්යවස්ථා ප්රශ්න ගෙන එන්නේ නැතුව. ව්යවස්ථාවේ ඉතාම පැහැදිලිව සඳහන් වෙනවා එම ව්යවස්ථාදායක සභාව විධායකයේ කොටසක් එහි පත්කිරීම් මූලික අයිතිවාසිකම් නඩු වලට නිමිති කරගන්න හැකියාව තියෙනවා කියලත් එහි සඳහන්.
ප්රශ්නය: ජනාධිපතිවරයා කියනවනේ තමන් දැන් අපේක්ෂකයෙක් නිසා පත්කිරීම් කරන්න බෑ කියලා?
පිළිතුර: තාම අපේක්ෂකයෙක් වෙලා නෑනේ..15 වෙනිදා තමයි නාමයෝජනා දෙන්නේ. එහෙනන් ඉතිං ජනාධිපති ධූරයෙන් අස්වෙන්ඩ ඕන. අපේක්ෂකයෙක් වුණත් නොවුණත් ජනාධිපති ධූරය දරන තාක් එහි වගකීම් ඉෂ්ඨ කරන්න ඕන. ඒක ව්යවස්ථාවේ තියෙන වගකීම් පැහැර හැරීමක්.
ප්රශ්නය: ජනාධිපතිවරයා ස්වාධීන කෙනෙක් ලෙස ඇප තැම්පත් කිරීම කපටිකමක් කියල සමහරු කියනවා?
පිළිතුර: ජනාධිපතිවරයා මුල සිටම කීවා ඔහු එන්නේ ස්වාධීන අපේක්ෂකයෙක් ලෙස කැමති කෙනෙකුට සහය දෙන්න පුළුවන් කියලා.
ප්රශ්නය: ඒක ඔබතුමාලට උත්තේජනයක්ද?
පිළිතුර: අපට උත්තේජනයක් එන්න නම් එතුමාගේ ප්රතිපත්ති දිහයි එතුමා කරතියන් යන්නේ කවුද කියලයි බලන්න වෙනවා.
ප්රශ්නය: පොහොට්ටුවේ සහයෝගයක් ලැබෙනවානම් ඔබතුමාගේ සහයෝගයක් නැද්ද?
පිළිතුර: පොහොට්ටුව කියන්නේ පොහොට්ටුවේ සාමාජිකයෝ නෙවෙයි. රාජපක්ෂ පවුලයි. මොකද රාජපක්ෂ පවුල රටේ ශ්රේෂ්ඨාධිකරනයෙන්ව් වරදකරුවෝ කරලා තියෙනවා රට බංකොලොත් වීමට. එක පවුද්ගලික තරහක් නෙවෙයි. තව ඛනිජ තෙල් අමාත්යංශය, විදුලිබල අමාත්යංශය, මුදල් අමාත්යංශය, මහ බැංකුව කරවපු බොහෝ දෙනෙක් මේ ආර්ථික අපරාධයට වගකිව යුතුයි.
– Media unit
You may like
Local
අපි කියන මිලට වී නොගන්න මෝල් හිමියන් Black List කරනවා.. ලාල් කාන්ත
Published
4 months agoon
August 1, 2026By
admin
රජය නියම කර ඇති සහතික මිලට වී මිලදී ගැනීමට අපොහොසත් වන පෞද්ගලික මෝල් හිමියන් අසාදු ලේඛනගත කිරීමට පියවර ගන්නා බව කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල් කාන්ත මහතා අවධාරණය කරයි.
අමාත්යවරයා මේ බව සඳහන් කළේ දෙහිඅත්තකණ්ඩිය මහවැලි සාලිකා ශාලාවේදී පැවැති ගොවි හමුවකට එක්වෙමිනි.
මෙහිදී වැඩිදුරටත් අදහස් දැක්වූ අමාත්යවරයා කියා සිටියේ, පෞද්ගලික අංශයට වී මිලදී ගැනීම සඳහා රජය මගින් සහනදායී ණය පහසුකම් ලබා දෙන්නේ රජයේ සහතික මිලට වී මිලදී ගැනීමේ කොන්දේසිය මත බවයි.
එසේ තිබියදී ඇතැම් මෝල් හිමියන් සහතික මිලට වඩා අඩු මිලට වී මිලදී ගන්නා බවට තොරතුරු වාර්තා වන බවත්, එවැනි පුද්ගලයන්ට ඉදිරියේදී රජය සමග ගනුදෙනු කිරීමට ඇති අවස්ථාවන් අහිමි කරන බවත් ඔහු පැවසීය.
රටේ කෘෂිකාර්මික ප්රතිපත්තියේ සිදුව ඇති වෙනස්කම් පිළිබඳව කරුණු දැක්වූ අමාත්යවරයා, මෙරට බඩඉරිඟු ගොවියා ආරක්ෂා කිරීම වෙනුවෙන් මේ වසරේ ආනයනය කිරීමට නියමිතව තිබූ බඩඉරිඟු මෙට්රික් ටොන් ලක්ෂ තුනක ප්රමාණය නතර කිරීමට රජය තීරණය කළ බව සඳහන් කළේය.
මේ හේතුවෙන් සත්ත්ව ආහාර නිෂ්පාදකයන් මුහුණ දී ඇති අමුද්රව්ය හිඟයට විසඳුමක් ලෙස, සහල් වෙනත් නිෂ්පාදන සඳහා අමුද්රව්යයක් ලෙස භාවිත කිරීමට පනවා තිබූ තහනම ඉවත් කළ බවද ඔහු අනාවරණය කළේය.
“සහල් වෙනත් නිෂ්පාදන සඳහා භාවිත කිරීම තහනම් කරමින් මීට පෙර නිකුත් කර තිබූ චක්රලේඛය අපි අහෝසි කළා. දැන් කිසිදු බාධාවකින් තොරව සත්ත්ව ආහාර හෝ වෙනත් නිෂ්පාදන සඳහා සහල් අමුද්රව්යයක් ලෙස භාවිත කරන්න පුළුවන්. එමගින් වී සඳහා පවතින ඉල්ලුම තවත් වැඩි වෙනවා,” යැයි අමාත්යවරයා පැවසීය.
එමෙන්ම පුරන් කුඹුරු අස්වැද්දීමේදී වී වගාවට පමණක් සීමා නොවී, බඩඉරිඟු වැනි අතිරේක බෝග වගා කිරීම කෙරෙහි අවධානය යොමු කළ යුතු බවත්, වී අලෙවි මණ්ඩලයේ ගබඩා ධාරිතාව ඉදිරි කන්නයේදී තවදුරටත් වැඩි කිරීමට සැලසුම් කර ඇති බවත් අමාත්ය ලාල් කාන්ත මහතා මෙහිදී වැඩිදුරටත් ප්රකාශ කළේය.
Local
ලෝක කුසලාන තරග බලන ක්රීඩා ලෝලීන්ට තහනම් භාණ්ඩ ලයිස්තුවක්..
Published
10 months agoon
February 7, 2026By
admin2026 T20 ලෝක කුසලාන ක්රිකට් තරගාවලිය වෙනුවෙන් කොළඹ නගරය කේන්ද්ර කරගනිමින් විශේෂ රථවාහන සැලැස්මක් සහ ආරක්ෂක වැඩපිළිවෙළක් ක්රියාත්මක කරන බව පොලිස් මාධ්ය කොට්ඨාසය නිවේදනය කරයි.
මෙම තරගාවලිය 2026 පෙබරවාරි මස 07 වන දින සිට මාර්තු 08 වන දින දක්වා පැවැත්වීමට නියමිත අතර, ශ්රී ලංකාවේ පැවැත්වෙන තරග කොළඹ ආර්. ප්රේමදාස ක්රීඩාංගනය සහ කුරුඳුවත්ත SSC ක්රීඩාංගනය කේන්ද්ර කරගනිමින් පැවැත්වේ. දේශීය හා විදේශීය ප්රේක්ෂකයින් විශාල පිරිසක් මෙම තරග නැරඹීමට පැමිණෙනු ඇතැයි අපේක්ෂා කරන බැවින්, තරග පැවැත්වෙන දිනයන්හිදී කොළඹ රථවාහන කොට්ඨාසය විසින් පහත පරිදි රථවාහන සැලැස්ම ක්රියාත්මක කරනු ලබයි.
ආර්. ප්රේමදාස ක්රීඩාංගනය ආශ්රිත රථවාහන සැලැස්ම
ආර්. ප්රේමදාස ක්රීඩාංගනයේ තරග පැවැත්වෙන දිනයන්හිදී වින්සන්ට් පෙරේරා මාවත (ග්රෑන්ඩ්පාස් පාර), බ්රීටෝ බබාපුල්ලේ පාලම හන්දිය, සෙබස්තියන් ඇළ පාර (මැල්වත්ත පාලම අසලින්), අඩි 100 පාර සහ සද්ධර්ම මාවත ඇතුළු මාර්ග කිහිපයක රථවාහන ගමනාගමනය අවස්ථානුකූලව සීමා කෙරෙනු ඇත.
විශේෂයෙන් පෙබරවාරි 08 (ශ්රී ලංකාව සහ අයර්ලන්තය), 15 (ඉන්දියාව සහ පාකිස්ථානය) සහ 19 (ශ්රී ලංකාව සහ සිම්බාබ්වේ) යන දිනවල පැවැත්වෙන තරග සඳහා විශේෂ රථවාහන සැලැස්මක් සහ ප්රවාහන සේවයක් ක්රියාත්මක වේ. මෙම දිනවල පැමිණෙන ප්රේක්ෂකයින් සඳහා පැරණි MOD රථගාල සහ පෝට්සිටි (Port City) රථගාලේ සිට ක්රීඩාංගනය දක්වා විශේෂ ප්රවාහන සේවයක් ක්රියාත්මක කිරීමට සැලසුම් කර ඇත.
එමෙන්ම පෙබරවාරි 11, 13, 21, 25 සහ 27 යන දිනවල පැවැත්වෙන තරග සඳහා ග්රෑන්ඩ්පාස් මැටිපාක්, සතොස, සෙබස්තියන් ඇළ, කෝවිල පාර සහ අඩි 100 පාර දෙපස රථගාල් පහසුකම් සපයා තිබේ.
SSC ක්රීඩාංගනය ආශ්රිත රථවාහන සැලැස්ම
SSC ක්රීඩාංගනයේ තරග පැවැත්වෙන පෙබරවාරි 07, 09, 10, 14 සහ 18 යන දිනවලදී රාජ්ය පරිපාලන හන්දිය, මෙට්ලන්ඩ් පෙදෙස සහ විද්යා මාවත ආශ්රිතව රථවාහන ගමනාගමනය සීමා කෙරේ.
මෙම තරග සඳහා පැමිණෙන රථවාහන ගාල් කිරීමට නිදහස් මාවත, පදනම් ආයතන මාවත, CR&FC, SSC ක්රීඩා සමාජ රථගාල, ක්රීඩා අමාත්යාංශයේ පරණ මැක්ඩොනල්ඩ් රථගාල, රූපවාහිනී රථගාල සහ BMICH පරිශ්රය වෙන් කර ඇත.
තරගාවලිය සඳහා පැමිණෙන ජනතාවගේ ආරක්ෂාව වෙනුවෙන් පොලිස් නිලධාරීන් 1500ක් සහ රථවාහන නිලධාරීන් 600ක් යොදවා ඇති බව පොලිසිය පවසයි. මීට අමතරව සිවිල් ඇඳුමින් සැරසුණු බුද්ධි අංශ නිලධාරීන් ද ආරක්ෂක කටයුතු සඳහා යොදවනු ලබයි.
විශාල ප්රමාණයේ ගමන් මලු, වීදුරු බෝතල්, ඩ්රෝන උපකරණ, මුවහත් පිහි, මත්ද්රව්ය සහ මත්පැන් ක්රීඩා භූමිය තුළට රැගෙන ඒම සපුරා තහනම් බව පොලිසිය මහජනතාවට දැඩිව අවධාරණය කරයි.



Local
ශ්රී ලංකාවෙන් තරුණියන් ආනයනය කර කොරියානුවන්ට විවාහ කර දිය යුතුයි.. කොරියා ආණ්ඩුකාර..
Published
10 months agoon
February 7, 2026By
admin
දකුණු කොරියාවේ ජින්ඩෝ ප්රාන්තයේ ආණ්ඩුකාර කිම් හී-සූ විසින් එරට පවතින ජනගහන පරිහානියට විසඳුමක් ලෙස ශ්රී ලංකාව සහ වියට්නාමය වැනි රටවලින් තරුණ කාන්තාවන් “ආනයනය” කළ යුතු බවට කළ මතභේදාත්මක ප්රකාශයක් සම්බන්ධයෙන් මේ වන විට දැඩි කතාබහක් සහ විවේචනයක් මතු වී තිබේ.
දකුණු ජොල්ලා ප්රාන්තයේ හේනම් සංස්කෘතික හා කලා මධ්යස්ථානයේ පැවති මහජන හමුවකදී ආණ්ඩුකාරවරයා මෙම ප්රකාශය සිදු කර ඇත. ක්වාන්ජු සහ දකුණු ජොල්ලා පරිපාලන ඒකක ඒකාබද්ධ කිරීමේ යෝජනාව සම්බන්ධයෙන් පැවති මෙම හමුවට දේශපාලන නායකයින්, විද්වතුන් සහ ප්රාදේශීය වැසියන් විශාල පිරිසක් සහභාගී වී සිටියහ.
සභාව අමතමින් කිම් හී-සූ පෙන්වා දුන්නේ දකුණු කොරියා ජනගහනය වඳවී යාමේ තර්ජනයට ලක්ව ඇති ප්රදේශ 89ක් හඳුනාගෙන ඇති බවත්, ඉන් සියයට 20ක්ම දකුණු ජොල්ලා ප්රාන්තයේ පිහිටා ඇති බවත්ය. 2000 වසරේ සිටම මෙම ජනගහන අර්බුදය පුරෝකථනය කර තිබුණද රජය හෝ විද්වතුන් ඒ සඳහා නිසි පියවර ගෙන නොමැති බවට ඔහු චෝදනා කළේය.
“අවසාන විසඳුම ලෙස හෝ අප ශ්රී ලංකාව හෝ වියට්නාමය වැනි රටවලින් තරුණ කාන්තාවන් ‘ආනයනය’ කර, ගම්බද ප්රදේශවල වෙසෙන අවිවාහක පුරුෂයන්ට විවාහ වීමට අවස්ථාව සලසා දිය යුතුයි. ඒ සඳහා විශේෂ ප්රතිපාදන සකස් කළ යුතුයි. මිනිසුන් නොමැති රටක කර්මාන්ත නගාසිටුවීමෙන් ඇති ඵලය කුමක්ද?”
මෙම ප්රකාශය යූ ටියුබ් (YouTube) නාලිකා ඔස්සේ සජීවීව විකාශය වූ අතර, එම අවස්ථාවේදීම පැනලිස්ට්වරයෙකු ලෙස සහභාගී වූ ක්වාන්ජු නගරාධිපති කන්ග් ගි-ජුන්ග් විසින් එම ප්රකාශය නුසුදුසු බව පවසමින් විරෝධය පළ කරනු ලැබීය.
ග්රාමීය සහ ධීවර ප්රජාව මුහුණ දෙන ජනගහන අවපාතය පිළිබඳ දැඩි අවධානයක් යොමු කිරීම ආණ්ඩුකාරවරයාගේ අරමුණ වන්නට ඇති බව සමහරු පවසතත්, ඔහු භාවිතා කළ වචන මාලාව දැඩි දෝෂදර්ශනයට ලක්ව ඇත.


