Connect with us

Local

ගුරුවරියන් සාරි ගලවනවාට සංඝ රත්නයේ විරෝධය…

Published

on

ගුරුවරියන්ටත් සුදුසු පහසු ඇඳුමක් ඇඳීමට අවස්ථාව ලබාදෙන ලෙස පසුගිය දා ලංකා ගුරු සංගමයේ ලේකම් ජෝෂප් ස්ටාලින් මහතා අධ්‍යාපන අමාත්‍යාංශයෙන් කර තිබූ ඉල්ලීමට ප්‍රතිචාර දක්වමින් ගරුතර මහාසංඝරත්නය මාධ්‍ය වෙත පළ කරන ලද අදහස් දැක්වීම් කිහිපයකි.

නුගේගොඩ නාලාන්දාරාමාධිපති පූජ්‍ය තීනියාවල පාලිත හිමියන්

නුගේගොඩ නාලාන්දාරාමාධිපති පූජ්‍ය තීනියාවල පාලිත හිමියන් පෙන්වා දුන්නේ රාජ්‍ය පරිපාලන අමාත්‍යාංශය විසින් 2022.09.27 දින නිකුත් කළ චක්‍රලේඛනය කිසි සේත් ම ගුරුවරුන්ට අදාළ නොවන බවත් මෙරට චිරකාලීන බෞද්ධ සංස්කෘතික උරුමය තුළ භික්ෂුන් වහන්සේ, හමුදා නිලධාරීන්, පාසල් ගුරුවරුන්, සිසුසිසුවියන් ආදී සෑම ක්ෂේත්‍රයක ම පිරිස්වලට ස්වකීය අනන්‍යතාව විදහාපාන නිල ඇඳුමක් පවතින බවත්, විවිධ පාර්ශ්වවල අභිමතය පරිදි එය වෙනස් කළ නොහැකි බවත් ය.

බයිබලයේ පරණ තෙස්තමේන්තුවේ පවා කාන්තා ඇඳුම් කාන්තාවන්ටත් පිරිමි ඇදුම් පිරිමින්ටත් මාරු නොකර භාවිත කළ යුතු බව පැහැදිලි ව කියා ඇති බවත් මේ සියලු ඇඳුම්වලින් පෙන්වා දී ඇති මෙරටට ආවේණික ඇඳුම් පැළදුම්, සිරිත්විරිත් නොතකා හැරීම ඉතා ව්‍යසනකාරී විය හැකි බවත් උන් වහන්සේ අවධාරණය කළ අතර අධ්‍යාපන අමාත්‍යතුමන් හා ලේකම්තුමාගේ අවධානය ද මේ කෙරෙහි යොමු කළහ.

කෝට්ටේ ශ්‍රී නාග විහාරාධිපති රාජකීය පණ්ඩිත දර්ශනපති පූජ්‍ය වතුරවිල සිරි සුජාත හිමියන්

ඇහැට පෙනෙන දේවල් වේගයෙන් ආකර්ෂණය කරගැනීම වගේ ම තමන්ට හමු වන ආදර්ශවත් චරිත අනුගමනයට පෙළඹීම දරුවන්ගේ ස්වභාවය බැවින්, පාසල් පද්ධතිය තුළ දරුවාට සමීපතම චරිතය වන පන්තිභාර ගුරුවරයා හෝ ගුරුවරිය අනුගමනයට දරුවන් නිරායාසයෙන් ම යොමු වන නිසා මාර්ගෝපදේශකයන් බඳු ගුරුවරුන් ඉතා ප්‍රවේසම් සහගත හැසිරීමක් ගුරු භූමිකාව තුළ ප්‍රදර්ශනය කළ යුතු බව කෝට්ටේ ශ්‍රී නාග විහාරාධිපති රාජකීය පණ්ඩිත දර්ශනපති පූජ්‍ය වතුරවිල සිරි සුජාත හිමියෝ ප්‍රකාශ කළහ. ලංකා ගුරු සංගමයේ ජෝශප් ස්ටාලින් මහතා ගුරුවරියන්ට පහසු සුදුසු ඇඳුමකින් පාසල් පැමිණීමට ඉඩ දෙන ලෙස කළ ඉල්ලීමට එකඟ වුවහොත් විවිධ විලාසිතාවන්ගෙන් සැරසි පාසල් පැමිණෙන ගුරුවර ගුරුවරියන් වෙතින් දරුවන්ට සිය ආදර්ශවත් ගුරු චරිතය දැකිය නොහැකි වන බවත්, විවිධ දෙස් විදෙස් බලපෑම් මත ගෙනෙනු ලබන මෙවැනි අවිචාරවත් අමනෝඥ තීරණ  පිටු දැකිය යුතු බවත් මෙය සිංහල බෞද්ධ රටක් බව ස්ටාලින් මහතා දැනගතයුතු බවත් ඒ හිමියෝ තරයේ ප්‍රකාශ කළහ.

සබරගමුව විශ්වවිද්‍යාලයේ කුලපති මහාචාර්ය අග්ගමහා පණ්ඩිත සාහිත්‍යසූරී කොළඹ සබරගමු දෙදිසාවේ ප්‍රධාන සංඝනායක පූජ්‍ය කඹුරුගමුවේ වජිර හිමි

ගුරු සේවය යනු වෘත්තීය මට්ටමෙන් එහා ගිය සුවිශේෂී වූ සේවාවක් බවත්, බුදු දහමින් පෝෂිත දීර්ඝ ඉතිහාසයක් හිමි මෙරට සංස්කෘතිය තුළ ගුරුවරුන් දෙවිවරුන් ලෙස බුහුමනට ලක්වන බවත්, තමන්ට රිසි ඇඳුමක් අඳින ලෙස භික්ෂූන් වහන්සේලාට පැවසිය නොහැකි සේ ගුරුවරුන්ට ද තමන් රිසි ඇඳුමක් ඇඳ පාසල් පැමිණෙන ලෙස පැවසිය නොහැකි බවත් සබරගමුව විශ්වවිද්‍යාලයේ කුලපති මහාචාර්ය අග්ගමහා පණ්ඩිත සාහිත්‍යසූරී කොළඹ සබරගමු දෙදිසාවේ ප්‍රධාන සංඝනායක පූජ්‍ය කඹුරුගමුවේ වජිර හිමියෝ පැවසූහ. වැඩිදුරටත් අදහස් දක්වමින් ඒ හිමියන් ප්‍රකාශ කළේ පක්ෂග්‍රාහි අවස්ථාවාදී වෘත්තීය සංගම් අද මේ දෙවිවරුන් බඳු ගුරුවරුන් පාරවල් පුරා ඇවිද්දවමින් රස්තියාදු කරවන බවයි.

Click to comment

Leave a Reply

Your email address will not be published. Required fields are marked *

Local

අලුතෙන් ආනයනයේදී වාහනයකට බද්ද ලක්‍ෂ 120ක්..

Published

on

By

දැනට මෙරටට ආනයනය කිරීමට අනුමැතිය දී ඇති වාහන වලට සුඛෝපභෝගී බද්ද (Luxury tax) රුපියල් මිලියන 6-12 දක්වා වැඩි කර ඇති බවත් මේ පිළිබඳ නැවත සොයා බැලීමක් අවශ්‍ය බැවින් එම විමර්ශනය මුදල් අමාත්‍යාංශයට භාරදුන් බවත් රජයේ මුදල් පිළිබඳ කාරක සභාවේ සභාපති, ආචාර්ය හර්ෂ ද සිල්වා පාර්ලිමේන්තුවේදී පැවැසීය.

එමෙන්ම ඉලෙක්ට්‍රික් වාහන ආනයනය සම්බන්ධව විදේශයේ වැඩ කරන පුද්ගලයන්ට මුදල් ප්‍රේෂණය කිරීමේදී ගැටලු රාශියක් පවතින බවත් සභාපතිවරයා පෙන්වා දුන්නේය.

‘සංචාරක ක්ෂේත්‍රයේ වාහන අවශ්‍යතාවක් තිබෙනවා. වාහන තහනමක් තිබෙන නිසා විශේෂ ගැසට් එකක් ගහලා තියෙනවා. ඒ හරහා වාහන දාහක් ගෙන්න ගන්න අනුමැතිය දීලා තියෙනවා. කුඩා කෝච් සහ බස් රථ 250ක්, වෑන් රථ 750ක් මෙයට ඇතුළත්. ඒකට නිසි ක්‍රමවේදයක් සකස් කරලා තිබෙනවා. Brand new වාහන වලට මේ අවසරය දී තිබෙන්නේ. අපේ කාරක සභාව ඒක අනුමත කරා.

ඒ වගේම ඉලෙක්ට්‍රික් වාහන ආනයනය සම්බන්ධව පිටරට වැඩ කරන පුද්ගලයන් මුදල් ප්‍රේෂණය කරන්න ගියාම ඒ කෙ ගැටලු ඇවිල්ලා තිබුණා. මේකේ Under invoice වෙලා තියෙනවද, හරියට ටැක්ස් ගෙවලා තියෙනවද, කොහොමද ආයතන දෙකකට විතරක් සීමා වෙන්නේ, මේ වාහන 68% ක් කොහොමද ආයතන දෙකකින් ගෙන්නුවේ. ඇයි මේකට Online system එකක් නැත්තෙ කියලා ගැටලු රාශියක් ආවා. අපේ කාරක සභාව හැටියට joint committee එකක් පත් කළා මේ ගැන හොයන්න. ඒකට මුදල් අමාත්‍යාංශය, කම්කරු අමාත්‍යාංශය, මහ බැංකුව, ආගමන විගමන, රේගු යන ආයතන එකතු කර ගත්තා. ඔවුන් අපිට වාර්තාවක් දුන්නා. ඒකෙ තියෙනවා යම් යම් අවභාවිතාවන් තිබෙන බව.

මේ පිළිබඳ දැඩි විමර්ශනයක් කරන්න කියලා තිබෙනවා. ස්කීම් එක හරහා වාහන ගේන්න බැහැ. නමුත් ගේන්න අනුමැතිය දුන් වාහන වලටත් luxury tax එක රුපියල් මිලියන 6 -12 දක්වා වැඩි කරලා තියනවා. නැවත මේක ගැන සොයා බලන්නට මුදල් අමාත්‍යාංශයට අපි භාරදීලා තිබෙනවා. මේ ගැන විමර්ශනයක් බලාපොරොත්තු වෙනවා.”

– Mawbima

Continue Reading

Local

ස්ථානාධිපතිවරුන්ගේ සේවයෙන් ඉවත් කළ ලිපි මුද්‍රණයට..

Published

on

By

වැඩ වර්ජනයක යෙදෙමින් දුම්රිය ධාවනයෙන් ඉවත් වී සිටින දුම්රිය සේවකයන් දහසකට ආසන්න සංඛ්‍යාවක් සේවයෙන් නෙරපා හැරීමට තීරණය කර ඇත.

ඒ අනුව ඔවුන් සේවය හැරයාමේ ලිපි මේ වන විට මුද්‍රණය සඳහා යොමු කර ඇති බවයි දුම්රිය දෙපාර්තමේන්තුවේ ප්‍රකාශකයෙක් සඳහන් කළේය.

රට පුරා දුම්රිය ධාවනය අඩාල කරමින් දුම්රිය ස්ථානාධිපතිවරු, පාලකයන් හා දුම්රිය උපස්ථානාධිපතිවරු මේ වන විට වර්ජනයක් ක්‍රියාත්මක කරමින් සිටී.

මේ අතර දැනට ක්‍රියාත්මකව පවතින දුම්රිය වර්ජනය තවදුරටත් දීර්ඝ කිරීම සඳහා විශේෂ සාකච්ඡාවක් අද පස්වරුවේ පැවැත්වීමට එම වෘත්තිය සංගම් තීරණය කර ඇත.

එහිදී වර්ජනය සඳහා අනෙකුත් වෘත්තීය සමිතිවලද සහාය ලබා ගැනීම ද සාකච්ඡා කෙරේ.

Continue Reading

Local

තවත් වෙඩි තැබීමක්.. අයෙක් මරුට..

Published

on

By

යතුරු පැදියකින් පැමිණි ඝාතකයන් දෙදෙනකු විසින් සිදු කරන ලද වෙඩි තැබීමකින් පුද්ගලයෙකු මරණයට පත් වී තිබේ.

ඇඹිලිපිටිය කොළොන්න මාර්ගයේදී මෙම වෙඩි තැබීම සිදුව ඇති බව පොලිසිය සඳහන් කරයි.

මිය ගොස් ඇත්තේ 61 හැවිරිදි පුද්ගලයෙකි.

පොලිසිය වැඩිදුර පරීක්ෂණ පවත්වමින් සිටී.

Continue Reading

Trending

Copyright © www.pattare.lk