Connect with us

Local

මැතිවරණ කොමිසම හා මුද්‍රණාලය අතර ගැටුම උග්‍රවේ… මැතිවරණය විශාල අවුලක…

Published

on

මැතිවරණ කොමසාරිස් ජනරාල්වරයා සහ රජයේ මුද්‍රණාලයාධිපතිනිය අතර තැපැල් ඡන්ද පත්‍රිකා මුද්‍රණය සම්බන්ධයෙන් හටගෙන ඇති ගැටුම දිග්ගැස්සෙන තත්ත්වයක් නිර්මාණය වෙමින් පවතී.

මැතිවරණ කොමිෂන් සභාව, පළාත් පාලන ඡන්ද විමසීමේ තැපැල් ඡන්ද සලකුණු කිරීම මාර්තු 28 – 31 යන දිනවල සිදුකිරීමට තීරණය කිරීමෙන් පසු, මෙම ගැටුම්කාරී තත්ත්වය හටගෙන ඇති බව වාර්තාවේ.

තැපැල් ඡන්ද පත්‍රිකා මෙම මස 15 වැනිදා ලබාදෙන ලෙස මැතිවරණ කොමසාරිස් ජනරාල්වරයා තමාට දැනුම් දුන් අවස්ථාවේ මුද්‍රණ කටයුතු සඳහා අවශ්‍ය මුදල් ලැබී නොමැති බවත්, 15 වැනිදා තැපැල් ඡන්ද පත්‍රිකා ලබාදීමේ ඇති අපහසුකම් පිළිබඳ දැනුම් දුන් බවත්, මුද්‍රණාලයාධිපතිනි ගංගානී ලියනගේ පැවැසුවාය.

මුදල් ලේකම්වරයා විසින් සේවා සහ මිලදී ගැනීම් අත්හිටුවන ලෙසට නිකුත් කර ඇති චක්‍රලේඛය නිසා මුදල් ලැබෙන තෙක් ඉදිරි මුද්‍රණ කටයුතු සිදුකළ නොහැකි තත්ත්වයක් උද්ගතව පවතින බවද මුද්‍රණාලයාධිපතිනිය සඳහන් කළාය.

ඡන්ද විමසීම සඳහා අවශ්‍ය මුද්‍රණ කටයුතු සිදුකිරීම රජයේ මුද්‍රණාලය සතු කාර්යයක් වුවත් ඒ සඳහා අවශ්‍ය මුදල් ලබාදීමට මැතිවරණ කොමිෂන් සභාව ඍජුව මැදිහත්විය යුතු බවත් පෙන්වා දෙන මුද්‍රණාලයාධිපතිනිය මේ වන විට මුදල් ලබාදෙන ලෙස ඉල්ලා මුදල් ලේකම්වරයා වෙත ලිපි දෙකක් යවා ඇති බවත් එම ලිපිවලට මේ වනතෙක් කිසිදු පිළිතුරක් තමාට ලැබී නැති බවත් පැවැසුවාය.

පළාත් පාලන ඡන්දය විමසීම ප්‍රමාද කිරීමට රජයේ මුද්‍රණාලයාධිපතිනිය කටයුතු කරන බවට මැතිවරණ කොමසාරිස් ජනරාල්වරයා චෝදනා කරන්නේ මුහුණපා සිටින මූල්‍ය අර්බුදය ගැන කිසිවක් නොදන්නා අයකු ලෙස යැයිද ශේ්‍රෂ්ඨාධිකරණය නියෝගයක් ලබාදී තිබියදීත් ඡන්දය සඳහා ලැබිය යුතු මුදල් මෙතෙක් තමා වෙත නොලැබුණු බවත් ඇය සඳහන් කළාය.

ඇස්තමේන්තු ගත මුදලට වඩා වැඩි මුදලක් මුද්‍රණ කටයුතු සඳහා ගෙවීමට සිදුවී ඇති බව පෙන්වා දුන් මුද්‍රණාලයාධිපතිනිය අවශ්‍ය මුදල් හා පොලිස් ආරක්‍ෂාව ලබා දෙනතෙක් ඉතිරි මුද්‍රණ කටයුතු සිදුකිරීමට නොහැකි බවද පැවැසුවාය.

දැනට මුද්‍රණය කර ඇති ඡන්ද පත්‍රිකා පොලිස් ආරක්‍ෂාවක් නොමැතිව මුද්‍රණය කළ නිසා පොලිස් ආරක්‍ෂාව ඇතිව එම ඡන්ද පත්‍රිකා පරීක්‍ෂා කරන තෙක්, නිකුත් කළ නොහැකි බවද සඳහන් කළ මුද්‍රණාලයාධිපතිනිය, මෙතෙක් පැවැති ඡන්දවලදී මැතිවරණ කොමිෂන් සභාව මඟින් මුදල් ලබාදුන් බවත්, මේ ඡන්දයේදී මුදල් ඉල්ලා මුදල් ලේකම් පසුපස තමාට යෑමට සිදුවී ඇති බවත් කවුරු කවුරුත් වගකීම ඉටු කරනවා නම් මෙවැනි තත්ත්වයක් ඇති නොවන බවත් පෙන්වා දුන්නාය.

රජයේ මුද්‍රණාලයෙන් සිදුකළ යුතු කාර්ය භාරය අවසන් කිරීමට දින 25-30ත් අතර කාලයක් ගතවන බැවින් මුදල් හා පොලිස් ආරක්‍ෂාව ලැබෙන දිනයේ පටන් එම කාලය තුළ මුද්‍රණ කටයුතු අවසන් කරන බවත් ඇය පැවැසුවාය.

දිස්ත්‍රික්ක 17ක් සඳහා තැපැල් ඡන්ද පත්‍රිකා මුද්‍රණය කර අවසන්ව තිබියදී එම ඡන්ද පත්‍රිකා රජයේ මුද්‍රණාලයාධිපති විසින් භාරදුන්නා නම් එම දිස්ත්‍රික්කවල තැපැල් ඡන්දය සලකුණු කිරීමට හැකියාව තිබුණු බවත්, එසේ සිදුවුණා නම් පවතින තත්ත්වයේ වෙනසක් ඇතිවීමට ඉඩ තිබුණු බව මැතිවරණ කොමිෂන් සභාවේ සභාපති නීතිඥ නිමල් ජී. පුංචිහේවා

එවැනි පසුබිමක් ඇතිවීම සම්බන්ධයෙන් රජයේ මුද්‍රණලයාධිපතිනිය වගකීම භාරගත යුතුව ඇතැයි සභාපතිවරයා සඳහන් කළේය.

පොලිස් ආරක්ෂාව නොමැතිව ඡන්ද පත්‍රිකා මුද්‍රණය කළා නම්, එම ඡන්ද පත්‍රිකා නිකුත් කිරීමට හැකියාවක් තිබෙන බවද සභාපතිවරයා පෙන්වා දුන්නේය.

මුදල් අමාත්‍යාංශයේ ලේකම්වරයා මුදල් ලබානොදීම සහ සේවා සහ මිලදී ගැනීම් පාලනය කිරීමේ චක්‍රලේඛය හේතුවෙන් මේ වනවිට ප්‍රශ්නයක් පවතින බවද සභාපතිවරයා සඳහන් කළේය.

ජේ.ටී. ද සිල්වා
– මව්බිම –

Click to comment

Leave a Reply

Your email address will not be published. Required fields are marked *

Local

අලුතෙන් ආනයනයේදී වාහනයකට බද්ද ලක්‍ෂ 120ක්..

Published

on

By

දැනට මෙරටට ආනයනය කිරීමට අනුමැතිය දී ඇති වාහන වලට සුඛෝපභෝගී බද්ද (Luxury tax) රුපියල් මිලියන 6-12 දක්වා වැඩි කර ඇති බවත් මේ පිළිබඳ නැවත සොයා බැලීමක් අවශ්‍ය බැවින් එම විමර්ශනය මුදල් අමාත්‍යාංශයට භාරදුන් බවත් රජයේ මුදල් පිළිබඳ කාරක සභාවේ සභාපති, ආචාර්ය හර්ෂ ද සිල්වා පාර්ලිමේන්තුවේදී පැවැසීය.

එමෙන්ම ඉලෙක්ට්‍රික් වාහන ආනයනය සම්බන්ධව විදේශයේ වැඩ කරන පුද්ගලයන්ට මුදල් ප්‍රේෂණය කිරීමේදී ගැටලු රාශියක් පවතින බවත් සභාපතිවරයා පෙන්වා දුන්නේය.

‘සංචාරක ක්ෂේත්‍රයේ වාහන අවශ්‍යතාවක් තිබෙනවා. වාහන තහනමක් තිබෙන නිසා විශේෂ ගැසට් එකක් ගහලා තියෙනවා. ඒ හරහා වාහන දාහක් ගෙන්න ගන්න අනුමැතිය දීලා තියෙනවා. කුඩා කෝච් සහ බස් රථ 250ක්, වෑන් රථ 750ක් මෙයට ඇතුළත්. ඒකට නිසි ක්‍රමවේදයක් සකස් කරලා තිබෙනවා. Brand new වාහන වලට මේ අවසරය දී තිබෙන්නේ. අපේ කාරක සභාව ඒක අනුමත කරා.

ඒ වගේම ඉලෙක්ට්‍රික් වාහන ආනයනය සම්බන්ධව පිටරට වැඩ කරන පුද්ගලයන් මුදල් ප්‍රේෂණය කරන්න ගියාම ඒ කෙ ගැටලු ඇවිල්ලා තිබුණා. මේකේ Under invoice වෙලා තියෙනවද, හරියට ටැක්ස් ගෙවලා තියෙනවද, කොහොමද ආයතන දෙකකට විතරක් සීමා වෙන්නේ, මේ වාහන 68% ක් කොහොමද ආයතන දෙකකින් ගෙන්නුවේ. ඇයි මේකට Online system එකක් නැත්තෙ කියලා ගැටලු රාශියක් ආවා. අපේ කාරක සභාව හැටියට joint committee එකක් පත් කළා මේ ගැන හොයන්න. ඒකට මුදල් අමාත්‍යාංශය, කම්කරු අමාත්‍යාංශය, මහ බැංකුව, ආගමන විගමන, රේගු යන ආයතන එකතු කර ගත්තා. ඔවුන් අපිට වාර්තාවක් දුන්නා. ඒකෙ තියෙනවා යම් යම් අවභාවිතාවන් තිබෙන බව.

මේ පිළිබඳ දැඩි විමර්ශනයක් කරන්න කියලා තිබෙනවා. ස්කීම් එක හරහා වාහන ගේන්න බැහැ. නමුත් ගේන්න අනුමැතිය දුන් වාහන වලටත් luxury tax එක රුපියල් මිලියන 6 -12 දක්වා වැඩි කරලා තියනවා. නැවත මේක ගැන සොයා බලන්නට මුදල් අමාත්‍යාංශයට අපි භාරදීලා තිබෙනවා. මේ ගැන විමර්ශනයක් බලාපොරොත්තු වෙනවා.”

– Mawbima

Continue Reading

Local

ස්ථානාධිපතිවරුන්ගේ සේවයෙන් ඉවත් කළ ලිපි මුද්‍රණයට..

Published

on

By

වැඩ වර්ජනයක යෙදෙමින් දුම්රිය ධාවනයෙන් ඉවත් වී සිටින දුම්රිය සේවකයන් දහසකට ආසන්න සංඛ්‍යාවක් සේවයෙන් නෙරපා හැරීමට තීරණය කර ඇත.

ඒ අනුව ඔවුන් සේවය හැරයාමේ ලිපි මේ වන විට මුද්‍රණය සඳහා යොමු කර ඇති බවයි දුම්රිය දෙපාර්තමේන්තුවේ ප්‍රකාශකයෙක් සඳහන් කළේය.

රට පුරා දුම්රිය ධාවනය අඩාල කරමින් දුම්රිය ස්ථානාධිපතිවරු, පාලකයන් හා දුම්රිය උපස්ථානාධිපතිවරු මේ වන විට වර්ජනයක් ක්‍රියාත්මක කරමින් සිටී.

මේ අතර දැනට ක්‍රියාත්මකව පවතින දුම්රිය වර්ජනය තවදුරටත් දීර්ඝ කිරීම සඳහා විශේෂ සාකච්ඡාවක් අද පස්වරුවේ පැවැත්වීමට එම වෘත්තිය සංගම් තීරණය කර ඇත.

එහිදී වර්ජනය සඳහා අනෙකුත් වෘත්තීය සමිතිවලද සහාය ලබා ගැනීම ද සාකච්ඡා කෙරේ.

Continue Reading

Local

තවත් වෙඩි තැබීමක්.. අයෙක් මරුට..

Published

on

By

යතුරු පැදියකින් පැමිණි ඝාතකයන් දෙදෙනකු විසින් සිදු කරන ලද වෙඩි තැබීමකින් පුද්ගලයෙකු මරණයට පත් වී තිබේ.

ඇඹිලිපිටිය කොළොන්න මාර්ගයේදී මෙම වෙඩි තැබීම සිදුව ඇති බව පොලිසිය සඳහන් කරයි.

මිය ගොස් ඇත්තේ 61 හැවිරිදි පුද්ගලයෙකි.

පොලිසිය වැඩිදුර පරීක්ෂණ පවත්වමින් සිටී.

Continue Reading

Trending

Copyright © www.pattare.lk