Connect with us

Local

රුපියල කෘත්‍රිමව ශක්තිමත් කළොත්…?

Published

on

පසුගිය දිනවල ඇමරිකානු මධ්‍යම රහස් ඔත්තු සේවයේ(සීඅයිඒ) ප්‍රධානියා ඇතුළු කණ්ඩායමක් ශ්‍රී ලංකාවට හොර රහසේම පැමිණීම පිළිබඳව ජනතා විමුක්ති පෙරමුණේ කිසිදු නායකයකු හීන් කෙඳිරියක්වත් නඟා නැති බවත් රටේ ජාතික ආරක්ෂාවට අදාළ එවැනි ප්‍රශ්න එදා තමන් නියෝජනය කළ ජනතා විමුක්ති පෙරමුණ සියල්ලටම ප්‍රථම රට හමුවේ තැබූ බවත් පෙන්වා දුන් උත්තර ලංකා සභාගයේ සභාපති, ජානිපෙ නායක විමල් වීරවංශ මහතා, ශ්‍රී ලංකාවේ ඇමරිකානු තානාපතිනියගෙන් චරිත සහතික ලියාගත් පසු වත්මන් ජවිපෙ නායකත්වය, ඇමෙරිකානු ඩොලරය ගැන මිස රුපියල ගැන හිතන්නේවත් නැති තත්ත්වයට පත්ව ඇති බවත් වැඩිදුරටත් පෙන්වා දුන්නේය.

උත්තර ලංකා සභාගයේ නායක මණ්ඩල රැස්වීමෙන් අනතුරුව මාධ්‍ය වෙත අදහස් දක්වමින් ඒ මහතා මෙසේ පෙන්වා දුන්නේය.

එහිදී මාධ්‍යවේදීන් නැගූ ප්‍රශ්නවලට වීරවංශ මහතා ලබා දුන් පිළිතුරු පහත පරිදිය.

ප්‍රශ්නය:- මහ බැංකුව ස්වාධීන කිරීම හරිද, වැරදිද?

පිළිතුර:- මහ බැංකුව පමණක් නොවෙයි, ඕනෑම රාජ්‍ය ආයතනයක් එහි ක්‍රියා කලාපයේදී ස්වාධීන විය යුතුයි. නමුත් පාර්ලිමේන්තුවට, පවතින පාලනතන්ත්‍රයට වගකිව යුතුයි. රටේ මූල්‍ය ප්‍රතිපත්තිය මහ බැංකුවට විතරක් තනිවම තීරණය කරන්න බැහැ. කලින් කලට රටේ ආර්ථික වර්ධනයේ වෙනස්කම් වෙනවා. ඒ අනුව වෙනස් තීරණ ගන්න ඕනේ. ස්වාධීන කරනවා යැයි කියමින් මේ කරන්නේ මහ බැංකුවට, පාර්ලිමේන්තුවට හෝ බලයේ සිටින පාලනතන්ත්‍රයට හෝ කිසිදු ආකාරයකින් වගනොකියා ඔවුන්ට ඕනෑ විධියට කටයුතු කිරීමට ඉඩකඩ සලසා දීම. රජයේ ආයතනයකට එහෙම පවතින්න බැහැ. ඒක වැරදියි. ජනතාවගේ පරමාධිපත්‍ය බලය නියෝජනය කරන්නේ පාර්ලිමේන්තුවයි. පාර්ලිමේන්තුවට වගකියන්නේ නැහැ, කියන්නේ මහජනයාට වගකියන්නේ නැහැ කියන එකයි. ලෝකය පුරා රටවල මේ විදිහට ස්වාධීන කරපු මහ බැංකු තිබෙනවා ඊට පස්සේ හොරකම් කරන්නේ මහ බැංකු අධිපතිවරුයි.

ප්‍රශ්නය:- දේශපාලන අධිකාරිය මහ බැංකුවට වැරදි තීරණ ගැනීමට බලපෑම් කිරීම නිසා රට බංකොලොත් වුණා, යන චෝදනාව තිබෙනවා නේද?

පිළිතුර:- දේශපාලන අධිකාරියට මහ බැංකුව කළ යුතු දේ තීරණය කරන්න බැහැනේ. පවතින රජය නියෝජනය කරමින් මුදල් අමාත්‍යාංශ ලේකම්වරයා මහ බැංකු පාලනාධිකාරියට සම්බන්ධ වෙනවා. නව මහ බැංකු පනත අනුව මුදල් අමාත්‍යාංශ ලේකම්වරයාට එවැනි නියෝජනයක් ලැබෙන්නේ නැහැ. මුදල් අමාත්‍යාංශ ලේකම්වරයා මහ බැංකු පාලනාධිකාරියෙන් ඉවත් කළා කියන්නේ පවතින රජයේ මුදල් අමාත්‍යවරයාට මහ බැංකුව සම්බන්ධයෙන් මැදිහත් වීමට කිසිදු බලයක් නැහැ කියන එකයි.

රනිල් වික්‍රමසිංහ එක පාරක් බැඳුම්කර හොරකමක් කළා තමයි. එවැනි හොරකම් හැම ආණ්ඩුවකින්ම සිදු වෙලා නැහැනේ. රනිල් වික්‍රමසිංහ කරපු ඒ හොරකම තමයි නිදහසෙන් පසුව මහ බැංකුව තුළ කරපු එකම හොරකම. ඒ නිසා ඒ බැඳුම්කර හොරකම වුණා කියලා මහ බැංකුවට පට්ට ස්වාධීනත්වයක් දීලා ‘නුඹලාට කැමති විදිහට හිටපල්ලා’ කියන එක ද හරි? බැඳුම්කර හොරුන්ට දඬුවම් දීම වෙනුවට මහ බැංකුව ස්වාධීන කරලා එය ජාත්‍යන්තර මූල්‍ය අරමුදලේ පාලනයට නතු වීමට ඉඩ දීම ද සිදු විය යුත්තේ? ඒකට අපි විරුද්ධයි.

ප්‍රශ්නය:- රුපියල ශක්තිමත් කරලා ඩොලරය රුපියල් 200ක සීමාවේ පවත්වා ගන්නා බව ආණ්ඩුව කියනවා. මේක හොඳ ද, නරක ද?

පිළිතුර:- රුපියල ශක්තිමත් වීම නරකයි කියා කිසිවකුටත් කියන්න බැහැ. අපනයන ආදායම් ලබන පිරිස නම් හිතන්නේ රුපියල ශක්තිමත් වනවාට වඩා ඩොලරය ශක්තිමත් වීම තමයි තමන්ට වාසිදායක කියලා. නමුත් පොදු මහත් ජනතාවගේ පැත්තෙන් බලන කොට ඔවුන්ගේ උද්ධමනය අඩු වීමට, ජීවන බර අඩු වීමට බලපාන්නේ රුපියල ශක්තිමත් වීමයි. හැබැයි නිසි ක්‍රමවේදවලින් බැහැරව ගිහිල්ලා ‘ඔන්න අපි වැඩේ කළා’ කියලා පෙන්වන්න රුපියල කෘත්‍රිමව ශක්තිමත් කළොත් තමයි වැරදි.

ප්‍රශ්නය:- හඳුන්නෙත්ති හිටපු මන්ත්‍රීවරයා කියනවා, ‘ඩොලරයට සාපේක්ෂව රුපියල ශක්තිමත් වුණොත් ඇමරිකාවෙන් ඇවිත් අපට බෝම්බ ගහයි’ කියලා. ඒකෙන් කියැවෙන්නේ ඩොලරය හැමවිටම රුපියලට වඩා ශක්තිමත් විය යුතුයි කියන එකද?

පිළිතුර:- අද ජනතා විමුක්ති පෙරමුණ වද වෙන්නේ රුපියල ගැන නොවෙයි ඩොලරය ගැනයි. පසුගිය දිනවල ඇමරිකානු මධ්‍යම රහස් ඔත්තු සේවයේ(CIA) ප්‍රධානියා ඇතුළු කණ්ඩායමක් ශ්‍රී ලංකාවට ඇවිත් පැය 24න් ආපසු ගියා. මේ පිළිබඳව අපි පාර්ලිමේන්තුවේ පවා ප්‍රශ්න කළා. මේ සම්බන්ධයෙන් ජවිපෙ කිසිදු නායකයකු හීන් කෙඳිරියක්වත් නැඟුවේ නැහැ. අපි ජවිපෙ සිටියදී මෙවැනි ප්‍රශ්න මතු කළේ නැද්ද? දැන් ජවිපෙ මේ වගේ ප්‍රශ්න දැක්කේ නැතුව වගේ ඉන්නේ ඇයි? මේ ආර්ථික අර්බුදය පිටුපස තිබෙන බල දේශපාලනය ගැනත් එයාලා වචනයක්වත් කතා කරන්නේ නැහැ. දැන් එයාලා හොඳ ළමයි. ඒ නිසා තමයි ශ්‍රී ලංකාවේ ඇමරිකානු තානාපතිනිය, ජුලී නෝනා(Julie J. Chung) ‘ජවිපෙ යනු ආකර්ෂණීය, දූෂණයට එරෙහි, ප්‍රබලව වර්ධනය වන ශ්‍රී ලංකාවේ දේශපාලන ව්‍යාපාරකි’ කියලා තමන්ගේ ට්විටර් ගිණුමේ චරිත සහතිකයක් ලිව්වේ.  ජුලී නෝනාගෙන් චරිත සහතික ගත්තාට පස්සේ ජනතා විමුක්ති පෙරමුණ ඇමරිකානු ඩොලරය ගැන මිස රුපියල ගැන හිතන්නෙවත් නැහැ.

ප්‍රශ්නය:- බැසිල් රාජපක්ෂ මහත්තයා පොහොට්ටුවෙ මන්ත්‍රීවරුන්ට කියනවා, ‘පළාත් පාලන ආයතන විසුරුවා හැරියාට කමක් නැහැ. තවදුරටත් මන්ත්‍රීවරු විදියට කටයුතු කරන්න’ කියලා…

පිළිතුර:- මේ රටේ නීතියක් තිබෙනවා. බැසිල් රාජපක්ෂට නීති හදන්න බැහැනේ. ධුර කාලය අවසන් වූවාට පසු සභික ධුරයේ තවදුරටත් කටයුතු කිරීමට පුළුවන් වෙන්නේ පවතින නීතිය සංශෝධනය කළොත් පමණයි.

ප්‍රශ්නය:- පළාත් පාලන ඡන්දය කල්දැමීම පිළිබඳව මොකද කියන්නේ?

පිළිතුර:- ජේ. ආර්. ජයවර්ධන පාලන සමයේ ඉස්සුවේ ඡන්ද පෙට්ටි. අද ඡන්දය පිටින්ම උස්සලා. ඒ නිසා නීතිමය ක්‍රියාමාර්ග මගින් ඡන්දය ලබා ගැනීමයි අපි කරමින් ඉන්නෙ.

(අනුරුද්ධ බණ්ඩාර රණවාරණ)
මාධ්‍ය ලේකම්,
ජාතික නිදහස් පෙරමුණ

Click to comment

Leave a Reply

Your email address will not be published. Required fields are marked *

Local

අපි කියන මිලට වී නොගන්න මෝල් හිමියන් Black List කරනවා.. ලාල් කාන්ත

Published

on

By

රජය නියම කර ඇති සහතික මිලට වී මිලදී ගැනීමට අපොහොසත් වන පෞද්ගලික මෝල් හිමියන් අසාදු ලේඛනගත කිරීමට පියවර ගන්නා බව කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී. ලාල් කාන්ත මහතා අවධාරණය කරයි.

අමාත්‍යවරයා මේ බව සඳහන් කළේ දෙහිඅත්තකණ්ඩිය මහවැලි සාලිකා ශාලාවේදී පැවැති ගොවි හමුවකට එක්වෙමිනි.

මෙහිදී වැඩිදුරටත් අදහස් දැක්වූ අමාත්‍යවරයා කියා සිටියේ, පෞද්ගලික අංශයට වී මිලදී ගැනීම සඳහා රජය මගින් සහනදායී ණය පහසුකම් ලබා දෙන්නේ රජයේ සහතික මිලට වී මිලදී ගැනීමේ කොන්දේසිය මත බවයි.

එසේ තිබියදී ඇතැම් මෝල් හිමියන් සහතික මිලට වඩා අඩු මිලට වී මිලදී ගන්නා බවට තොරතුරු වාර්තා වන බවත්, එවැනි පුද්ගලයන්ට ඉදිරියේදී රජය සමග ගනුදෙනු කිරීමට ඇති අවස්ථාවන් අහිමි කරන බවත් ඔහු පැවසීය.

රටේ කෘෂිකාර්මික ප්‍රතිපත්තියේ සිදුව ඇති වෙනස්කම් පිළිබඳව කරුණු දැක්වූ අමාත්‍යවරයා, මෙරට බඩඉරිඟු ගොවියා ආරක්ෂා කිරීම වෙනුවෙන් මේ වසරේ ආනයනය කිරීමට නියමිතව තිබූ බඩඉරිඟු මෙට්‍රික් ටොන් ලක්ෂ තුනක ප්‍රමාණය නතර කිරීමට රජය තීරණය කළ බව සඳහන් කළේය.

මේ හේතුවෙන් සත්ත්ව ආහාර නිෂ්පාදකයන් මුහුණ දී ඇති අමුද්‍රව්‍ය හිඟයට විසඳුමක් ලෙස, සහල් වෙනත් නිෂ්පාදන සඳහා අමුද්‍රව්‍යයක් ලෙස භාවිත කිරීමට පනවා තිබූ තහනම ඉවත් කළ බවද ඔහු අනාවරණය කළේය.

“සහල් වෙනත් නිෂ්පාදන සඳහා භාවිත කිරීම තහනම් කරමින් මීට පෙර නිකුත් කර තිබූ චක්‍රලේඛය අපි අහෝසි කළා. දැන් කිසිදු බාධාවකින් තොරව සත්ත්ව ආහාර හෝ වෙනත් නිෂ්පාදන සඳහා සහල් අමුද්‍රව්‍යයක් ලෙස භාවිත කරන්න පුළුවන්. එමගින් වී සඳහා පවතින ඉල්ලුම තවත් වැඩි වෙනවා,” යැයි අමාත්‍යවරයා පැවසීය.

එමෙන්ම පුරන් කුඹුරු අස්වැද්දීමේදී වී වගාවට පමණක් සීමා නොවී, බඩඉරිඟු වැනි අතිරේක බෝග වගා කිරීම කෙරෙහි අවධානය යොමු කළ යුතු බවත්, වී අලෙවි මණ්ඩලයේ ගබඩා ධාරිතාව ඉදිරි කන්නයේදී තවදුරටත් වැඩි කිරීමට සැලසුම් කර ඇති බවත් අමාත්‍ය ලාල් කාන්ත මහතා මෙහිදී වැඩිදුරටත් ප්‍රකාශ කළේය.

Continue Reading

Local

ලෝක කුසලාන තරග බලන ක‍්‍රීඩා ලෝලීන්ට තහනම් භාණ්ඩ ලයිස්තුවක්..

Published

on

By

2026 T20 ලෝක කුසලාන ක්‍රිකට් තරගාවලිය වෙනුවෙන් කොළඹ නගරය කේන්ද්‍ර කරගනිමින් විශේෂ රථවාහන සැලැස්මක් සහ ආරක්ෂක වැඩපිළිවෙළක් ක්‍රියාත්මක කරන බව පොලිස් මාධ්‍ය කොට්ඨාසය නිවේදනය කරයි.

මෙම තරගාවලිය 2026 පෙබරවාරි මස 07 වන දින සිට මාර්තු 08 වන දින දක්වා පැවැත්වීමට නියමිත අතර, ශ්‍රී ලංකාවේ පැවැත්වෙන තරග කොළඹ ආර්. ප්‍රේමදාස ක්‍රීඩාංගනය සහ කුරුඳුවත්ත SSC ක්‍රීඩාංගනය කේන්ද්‍ර කරගනිමින් පැවැත්වේ. දේශීය හා විදේශීය ප්‍රේක්ෂකයින් විශාල පිරිසක් මෙම තරග නැරඹීමට පැමිණෙනු ඇතැයි අපේක්ෂා කරන බැවින්, තරග පැවැත්වෙන දිනයන්හිදී කොළඹ රථවාහන කොට්ඨාසය විසින් පහත පරිදි රථවාහන සැලැස්ම ක්‍රියාත්මක කරනු ලබයි.

ආර්. ප්‍රේමදාස ක්‍රීඩාංගනය ආශ්‍රිත රථවාහන සැලැස්ම

ආර්. ප්‍රේමදාස ක්‍රීඩාංගනයේ තරග පැවැත්වෙන දිනයන්හිදී වින්සන්ට් පෙරේරා මාවත (ග්‍රෑන්ඩ්පාස් පාර), බ්‍රීටෝ බබාපුල්ලේ පාලම හන්දිය, සෙබස්තියන් ඇළ පාර (මැල්වත්ත පාලම අසලින්), අඩි 100 පාර සහ සද්ධර්ම මාවත ඇතුළු මාර්ග කිහිපයක රථවාහන ගමනාගමනය අවස්ථානුකූලව සීමා කෙරෙනු ඇත.

විශේෂයෙන් පෙබරවාරි 08 (ශ්‍රී ලංකාව සහ අයර්ලන්තය), 15 (ඉන්දියාව සහ පාකිස්ථානය) සහ 19 (ශ්‍රී ලංකාව සහ සිම්බාබ්වේ) යන දිනවල පැවැත්වෙන තරග සඳහා විශේෂ රථවාහන සැලැස්මක් සහ ප්‍රවාහන සේවයක් ක්‍රියාත්මක වේ. මෙම දිනවල පැමිණෙන ප්‍රේක්ෂකයින් සඳහා පැරණි MOD රථගාල සහ පෝට්සිටි (Port City) රථගාලේ සිට ක්‍රීඩාංගනය දක්වා විශේෂ ප්‍රවාහන සේවයක් ක්‍රියාත්මක කිරීමට සැලසුම් කර ඇත.

එමෙන්ම පෙබරවාරි 11, 13, 21, 25 සහ 27 යන දිනවල පැවැත්වෙන තරග සඳහා ග්‍රෑන්ඩ්පාස් මැටිපාක්, සතොස, සෙබස්තියන් ඇළ, කෝවිල පාර සහ අඩි 100 පාර දෙපස රථගාල් පහසුකම් සපයා තිබේ.

SSC ක්‍රීඩාංගනය ආශ්‍රිත රථවාහන සැලැස්ම

SSC ක්‍රීඩාංගනයේ තරග පැවැත්වෙන පෙබරවාරි 07, 09, 10, 14 සහ 18 යන දිනවලදී රාජ්‍ය පරිපාලන හන්දිය, මෙට්ලන්ඩ් පෙදෙස සහ විද්‍යා මාවත ආශ්‍රිතව රථවාහන ගමනාගමනය සීමා කෙරේ.

මෙම තරග සඳහා පැමිණෙන රථවාහන ගාල් කිරීමට නිදහස් මාවත, පදනම් ආයතන මාවත, CR&FC, SSC ක්‍රීඩා සමාජ රථගාල, ක්‍රීඩා අමාත්‍යාංශයේ පරණ මැක්ඩොනල්ඩ් රථගාල, රූපවාහිනී රථගාල සහ BMICH පරිශ්‍රය වෙන් කර ඇත.

තරගාවලිය සඳහා පැමිණෙන ජනතාවගේ ආරක්ෂාව වෙනුවෙන් පොලිස් නිලධාරීන් 1500ක් සහ රථවාහන නිලධාරීන් 600ක් යොදවා ඇති බව පොලිසිය පවසයි. මීට අමතරව සිවිල් ඇඳුමින් සැරසුණු බුද්ධි අංශ නිලධාරීන් ද ආරක්ෂක කටයුතු සඳහා යොදවනු ලබයි.

විශාල ප්‍රමාණයේ ගමන් මලු, වීදුරු බෝතල්, ඩ්‍රෝන උපකරණ, මුවහත් පිහි, මත්ද්‍රව්‍ය සහ මත්පැන් ක්‍රීඩා භූමිය තුළට රැගෙන ඒම සපුරා තහනම් බව පොලිසිය මහජනතාවට දැඩිව අවධාරණය කරයි.

Continue Reading

Local

ශ‍්‍රී ලංකාවෙන් තරුණියන් ආනයනය කර කොරියානුවන්ට විවාහ කර දිය යුතුයි.. කොරියා ආණ්ඩුකාර..

Published

on

By

දකුණු කොරියාවේ ජින්ඩෝ ප්‍රාන්තයේ ආණ්ඩුකාර කිම් හී-සූ විසින් එරට පවතින ජනගහන පරිහානියට විසඳුමක් ලෙස ශ්‍රී ලංකාව සහ වියට්නාමය වැනි රටවලින් තරුණ කාන්තාවන් “ආනයනය” කළ යුතු බවට කළ මතභේදාත්මක ප්‍රකාශයක් සම්බන්ධයෙන් මේ වන විට දැඩි කතාබහක් සහ විවේචනයක් මතු වී තිබේ.

 දකුණු ජොල්ලා ප්‍රාන්තයේ හේනම් සංස්කෘතික හා කලා මධ්‍යස්ථානයේ පැවති මහජන හමුවකදී ආණ්ඩුකාරවරයා මෙම ප්‍රකාශය සිදු කර ඇත. ක්වාන්ජු  සහ දකුණු ජොල්ලා පරිපාලන ඒකක ඒකාබද්ධ කිරීමේ යෝජනාව සම්බන්ධයෙන් පැවති මෙම හමුවට දේශපාලන නායකයින්, විද්වතුන් සහ ප්‍රාදේශීය වැසියන් විශාල පිරිසක් සහභාගී වී සිටියහ.

සභාව අමතමින් කිම් හී-සූ පෙන්වා දුන්නේ දකුණු කොරියා ජනගහනය වඳවී යාමේ තර්ජනයට ලක්ව ඇති ප්‍රදේශ 89ක් හඳුනාගෙන ඇති බවත්, ඉන් සියයට 20ක්ම දකුණු ජොල්ලා ප්‍රාන්තයේ පිහිටා ඇති බවත්ය. 2000 වසරේ සිටම මෙම ජනගහන අර්බුදය පුරෝකථනය කර තිබුණද රජය හෝ විද්වතුන් ඒ සඳහා නිසි පියවර ගෙන නොමැති බවට ඔහු චෝදනා කළේය.

“අවසාන විසඳුම ලෙස හෝ අප ශ්‍රී ලංකාව හෝ වියට්නාමය වැනි රටවලින් තරුණ කාන්තාවන් ‘ආනයනය’ කර, ගම්බද ප්‍රදේශවල වෙසෙන අවිවාහක පුරුෂයන්ට විවාහ වීමට අවස්ථාව සලසා දිය යුතුයි. ඒ සඳහා විශේෂ ප්‍රතිපාදන සකස් කළ යුතුයි. මිනිසුන් නොමැති රටක කර්මාන්ත නගාසිටුවීමෙන් ඇති ඵලය කුමක්ද?”

මෙම ප්‍රකාශය යූ ටියුබ් (YouTube) නාලිකා ඔස්සේ සජීවීව විකාශය වූ අතර, එම අවස්ථාවේදීම පැනලිස්ට්වරයෙකු ලෙස සහභාගී වූ ක්වාන්ජු නගරාධිපති කන්ග් ගි-ජුන්ග් විසින් එම ප්‍රකාශය නුසුදුසු බව පවසමින් විරෝධය පළ කරනු ලැබීය.

ග්‍රාමීය සහ ධීවර ප්‍රජාව මුහුණ දෙන ජනගහන අවපාතය පිළිබඳ දැඩි අවධානයක් යොමු කිරීම ආණ්ඩුකාරවරයාගේ අරමුණ වන්නට ඇති බව සමහරු පවසතත්, ඔහු භාවිතා කළ වචන මාලාව දැඩි දෝෂදර්ශනයට ලක්ව ඇත. 

Continue Reading

Trending

Copyright © www.pattare.lk