Connect with us

Local

උමා ඔයෙන් විදුලිය එයි..

Published

on

ජාතික විදුලිබල පද්ධතියට මෙගාවොට් 120ක විදුලි ධාරිතාවක් එක් කරමින් දිස්ත්‍රික්ක කිහිපයක පුරන් ඉඩම්වලට ජලය සපයන උමාඔය ජල විදුලි ව්‍යාපෘතියේ ප්‍රගතිය අග්‍රාමාත්‍ය දිනේෂ් ගුණවර්ධන මහතාගේ නිරීක්ෂණයට ලක්කෙරිණී.

අග්‍රාමාත්‍යවරයා උමං මාර්ගයට ඇතුළු වී අඩි සිය ගණනක් පහළට ගමන් කොට බලාගාර ට්‍රාන්ස්ෆෝමරය නිරීක්ෂණය කළ අතර එමගින් , මෙම වසරේ මැද භාගය වන විට විදුලිය නිපදවීමට නියමිතව තිබේ.

එහි ඉදිකිරීම් බාරදී ඇති ඉරාන සමාගමේ ව්‍යාපෘති නිලධාරීන් සහ ඉංජිනේරුවන් සමඟ අග්‍රාමාත්‍යවරයා අදහස් හුවමාරු කර ගත් අතර දිගු කලක් ප්‍රමාද වී තිබූ ව්‍යාපෘතිය මනා ලෙස ක්‍රියාත්මක කිරීම සහ ඉරානයෙන් ණය පහසුකම් ලබා දීම සම්බන්ධයෙන් ඔහු ඉරාන තානාපති හෂෙම් අෂ්ජාසාදේ හට ද සිය ස්තූතිය පුද කළේය.

මෙම උමග මගින් අත්‍යාවශ්‍ය ජල විදුලිය ජනනය කිරීමට අමතරව, වාර්ෂිකව ජලය ඝන මීටර් මිලියන 145ක් (MCM) උමාඔය ද්‍රෝණියේ සිට කිරිදි ඔය ද්‍රෝණියට හරවා නව ඉඩම් හෙක්ටයාර 4,500කට සහ දැනට පවතින ඉඩම්වලින් හෙක්ටයාර 1,500කට වාරි ජලය සපයයි.

බදුල්ල, මොනරාගල සහ හම්බන්තොට දිස්ත්‍රික්කවල කාර්මික සහ පානීය ජල අවශ්‍යතා සඳහා උමා ඔය ව්‍යාපෘතිය මඟින් වාර්ෂිකව ජලය ඝනමීටර් මිලියන 39 ක් ලබා දෙනු ඇත. ව්‍යාපෘතියේ වියදම ඇමරිකානු ඩොලර් මිලියන 514 කි. මෙය මීටර් 50 ක් උස ඩයරබා වේල්ල සහ මීටර් 35 ක උසකින් යුත් පුහුල්පොල වේල්ලෙන් සමන්විත වන අතර කිලෝමීටර් 15.3 ක් දිග ප්‍රධාන උමග සහ කිලෝමීටර් 3.9 ක් දිග සම්බන්ධක උමග යන උමං දෙකෙන් සමන්විතය.

මෙම අවස්ථාවට ඉරාන තානාපති හෂේම් අෂ්ජාසාදේ, ඌව පළාත් ආණ්ඩුකාර ඒ. ජේ. එම්. මුසම්මිල්, රාජ්‍ය අමාත්‍යවරුන් වන ශෂීන්ද්‍ර රාජපක්ෂ, ජගත් පුෂ්පකුමාර, චාමර සම්පත්, පාර්ලිමේන්තු මන්ත්‍රීවරුන් වන සුදර්ශන දෙනිපිටිය, ගයාෂාන් නවනන්දන, යදාමිණි ගුණවර්ධන සහ ව්‍යාපෘති නිලධාරීන් එක්ව සිටියහ.

– අග්‍රාමාත්‍ය මාධ්‍ය අංශය

Click to comment

Leave a Reply

Your email address will not be published. Required fields are marked *

Local

අලුතෙන් ආනයනයේදී වාහනයකට බද්ද ලක්‍ෂ 120ක්..

Published

on

By

දැනට මෙරටට ආනයනය කිරීමට අනුමැතිය දී ඇති වාහන වලට සුඛෝපභෝගී බද්ද (Luxury tax) රුපියල් මිලියන 6-12 දක්වා වැඩි කර ඇති බවත් මේ පිළිබඳ නැවත සොයා බැලීමක් අවශ්‍ය බැවින් එම විමර්ශනය මුදල් අමාත්‍යාංශයට භාරදුන් බවත් රජයේ මුදල් පිළිබඳ කාරක සභාවේ සභාපති, ආචාර්ය හර්ෂ ද සිල්වා පාර්ලිමේන්තුවේදී පැවැසීය.

එමෙන්ම ඉලෙක්ට්‍රික් වාහන ආනයනය සම්බන්ධව විදේශයේ වැඩ කරන පුද්ගලයන්ට මුදල් ප්‍රේෂණය කිරීමේදී ගැටලු රාශියක් පවතින බවත් සභාපතිවරයා පෙන්වා දුන්නේය.

‘සංචාරක ක්ෂේත්‍රයේ වාහන අවශ්‍යතාවක් තිබෙනවා. වාහන තහනමක් තිබෙන නිසා විශේෂ ගැසට් එකක් ගහලා තියෙනවා. ඒ හරහා වාහන දාහක් ගෙන්න ගන්න අනුමැතිය දීලා තියෙනවා. කුඩා කෝච් සහ බස් රථ 250ක්, වෑන් රථ 750ක් මෙයට ඇතුළත්. ඒකට නිසි ක්‍රමවේදයක් සකස් කරලා තිබෙනවා. Brand new වාහන වලට මේ අවසරය දී තිබෙන්නේ. අපේ කාරක සභාව ඒක අනුමත කරා.

ඒ වගේම ඉලෙක්ට්‍රික් වාහන ආනයනය සම්බන්ධව පිටරට වැඩ කරන පුද්ගලයන් මුදල් ප්‍රේෂණය කරන්න ගියාම ඒ කෙ ගැටලු ඇවිල්ලා තිබුණා. මේකේ Under invoice වෙලා තියෙනවද, හරියට ටැක්ස් ගෙවලා තියෙනවද, කොහොමද ආයතන දෙකකට විතරක් සීමා වෙන්නේ, මේ වාහන 68% ක් කොහොමද ආයතන දෙකකින් ගෙන්නුවේ. ඇයි මේකට Online system එකක් නැත්තෙ කියලා ගැටලු රාශියක් ආවා. අපේ කාරක සභාව හැටියට joint committee එකක් පත් කළා මේ ගැන හොයන්න. ඒකට මුදල් අමාත්‍යාංශය, කම්කරු අමාත්‍යාංශය, මහ බැංකුව, ආගමන විගමන, රේගු යන ආයතන එකතු කර ගත්තා. ඔවුන් අපිට වාර්තාවක් දුන්නා. ඒකෙ තියෙනවා යම් යම් අවභාවිතාවන් තිබෙන බව.

මේ පිළිබඳ දැඩි විමර්ශනයක් කරන්න කියලා තිබෙනවා. ස්කීම් එක හරහා වාහන ගේන්න බැහැ. නමුත් ගේන්න අනුමැතිය දුන් වාහන වලටත් luxury tax එක රුපියල් මිලියන 6 -12 දක්වා වැඩි කරලා තියනවා. නැවත මේක ගැන සොයා බලන්නට මුදල් අමාත්‍යාංශයට අපි භාරදීලා තිබෙනවා. මේ ගැන විමර්ශනයක් බලාපොරොත්තු වෙනවා.”

– Mawbima

Continue Reading

Local

ස්ථානාධිපතිවරුන්ගේ සේවයෙන් ඉවත් කළ ලිපි මුද්‍රණයට..

Published

on

By

වැඩ වර්ජනයක යෙදෙමින් දුම්රිය ධාවනයෙන් ඉවත් වී සිටින දුම්රිය සේවකයන් දහසකට ආසන්න සංඛ්‍යාවක් සේවයෙන් නෙරපා හැරීමට තීරණය කර ඇත.

ඒ අනුව ඔවුන් සේවය හැරයාමේ ලිපි මේ වන විට මුද්‍රණය සඳහා යොමු කර ඇති බවයි දුම්රිය දෙපාර්තමේන්තුවේ ප්‍රකාශකයෙක් සඳහන් කළේය.

රට පුරා දුම්රිය ධාවනය අඩාල කරමින් දුම්රිය ස්ථානාධිපතිවරු, පාලකයන් හා දුම්රිය උපස්ථානාධිපතිවරු මේ වන විට වර්ජනයක් ක්‍රියාත්මක කරමින් සිටී.

මේ අතර දැනට ක්‍රියාත්මකව පවතින දුම්රිය වර්ජනය තවදුරටත් දීර්ඝ කිරීම සඳහා විශේෂ සාකච්ඡාවක් අද පස්වරුවේ පැවැත්වීමට එම වෘත්තිය සංගම් තීරණය කර ඇත.

එහිදී වර්ජනය සඳහා අනෙකුත් වෘත්තීය සමිතිවලද සහාය ලබා ගැනීම ද සාකච්ඡා කෙරේ.

Continue Reading

Local

තවත් වෙඩි තැබීමක්.. අයෙක් මරුට..

Published

on

By

යතුරු පැදියකින් පැමිණි ඝාතකයන් දෙදෙනකු විසින් සිදු කරන ලද වෙඩි තැබීමකින් පුද්ගලයෙකු මරණයට පත් වී තිබේ.

ඇඹිලිපිටිය කොළොන්න මාර්ගයේදී මෙම වෙඩි තැබීම සිදුව ඇති බව පොලිසිය සඳහන් කරයි.

මිය ගොස් ඇත්තේ 61 හැවිරිදි පුද්ගලයෙකි.

පොලිසිය වැඩිදුර පරීක්ෂණ පවත්වමින් සිටී.

Continue Reading

Trending

Copyright © www.pattare.lk