Connect with us

Local

ඊශ්‍රායලයේ තවත් රැකියාවලට ලාංකිකයන් කැදවයි..

Published

on

ඊශ්‍රායලයේ කෘෂි ක්ෂේත්‍රයේ නව රැකියා අවස්ථා දහසක් නිර්මාණය වී ඇති බවත් දැනට එරට පවතින ආරක්ෂක තත්ත්වය සම්බන්ධයෙන් තක්සේරුවකින් පසුව එම රැකියා අවස්ථාවන් සඳහා මෙරට ශ්‍රමිකයන් රැකියාගත කිරීමට පියවර ගන්නා බවත් කම්කරු හා විදේශ රැකියා අමාත්‍ය මනූෂ නානායක්කාර මහතා පැවසීය

අමාත්‍යවරයා මේබව ප්‍රකාශ කර සිටියේ  (20) දින පාර්ලිමේන්තුවේද ඊශ්‍රායල පලස්තීන ගැටලුව සම්බනධයෙන් විවාදයට ලක්වූ අවස්ථවේදීය.

එහිදී අමාත්‍යවරයා මෙසේද පැවසීය,

“ඊශ්‍රායලයේ පැවති ගැටුම්වලට මැදිහත්ව මිය ගිය ශ්‍රමිකයින්ට සියලුම දෙනාට නිවන් සුව ප්‍රාර්ථනා කරනවා. ශ්‍රී ලංකික ශ්‍රමිකයෙන් ජීවිතක්ෂයට පත්වුනා කියලා අපිට දැනට වාර්තා වෙනවා ඒ ගැන අපි කණගාටුව පළකරනවා. ඒ වගේම අපහසුතාවයට පත්වෙලා තියෙන සියලුදෙනා සම්බන්ධයෙන්ම ගතහැකි සියලුම ක්‍රියාමාර්ග ගැනීමට අපි දැනටමත් කටයුතු කරලා තියෙනවා.
අපහසුතාවක් තියෙන අය ඉන්නවා නම් යලිත් ශ්‍රී ලංකාවට ගෙන්වා ගැනීමට අවශ්‍ය සියලුම කටයුතුත් දැනටමත් කරලා තියෙනවා.

ඒවගේම ඊශ්‍රායලයේ රැකියා සඳහා යන්න සූදානමින් ඉන්න පිරිසගේ කැමැත්ත මත ඔවුන්ව පිටත් කරලා යැවීමටත් අපි අවශ්‍ය කටයුතු කරනවා.

අපි ඊශ්‍රායල රජයත් එක්ක දීර්ඝ කාලයක් සාකච්ඡා කරලා අපිට කෘෂි ක්ෂේත්‍රයේ රැකියා දහසක් සඳහා අවස්තාව ලැබිලා තියෙනවා. ආරක්ෂක තත්ත්වයත් බලලා අපි ඒ අයව යොමු කරන්න කටයුතු කරනවා.

දෙවැනි ලෝක යුද්ධයෙන් පසුව මේ ලෝකය එක දවසක්වත් යුද්ධයකින් තොවර පැවතිලා නෑ. මේ වන විට ලෝකයේ යුද්ධ හැත්තෑ දෙකක් තිබිලා තියෙනවා. එයින් බිලියනක පමණ පිරිසක් මිය ගොස් තිබෙනවා.

පලස්තීන හා ඊශ්‍රායලය ගැටලුව දෙවැනි ලෝක යුද්ධයෙන් පසුව බලවත් ජාතීන් විසින් නිර්මාණය කරන ලද දෙයක් විදිහටයි අපි විශ්වාස කරන්නෙ. ලෝකය මෙහෙවන්නා වූ අන්තර්ජාතික සංවිධාන එක්සත් ජාතීන්ගේ සංවිධානය ඇතුළු බෝහෝ ආයතනවලටත්, බුද්ධිමතුන්ටත්, ආගම්වලටත් මෙම ගැටලුව විසදීමට නොහැකිවී තිබෙනවා.

එක් පැත්තකින් මේක සමාජ – සංස්කෘති අර්බුදයක් වන අතර අනෙක් පැත්තෙන් දේශපාලන – ආර්ථික අර්බුදයක් බවට පත්වෙලා තියෙනවා.

යුද්ධයක් එනකොට අපේ සසහර අයට සතුටුයි. හැබැයි මේක ඇතුලේ වෙන්නේ මොකක්ද? ලෝකයේ රත්තරන් වෙළදපොලේ ඒකාධිකාරය තියෙන්නේ ඊශ්‍රායලේ බැංකුවලට රත්තරන්වල මිල නොසිතූ ලෙස ඉහළ යාමෙන් ලෝක ආර්ථිකය කඩාගෙන වැටෙනවා. මේකට ඇමරිකාව පැටලුනොත් මොකද වෙන්නේ. ඩොලරයේ අගය ඉහළ යනවා. මේකට ඉරානය පැටලුනොත් මොකද වෙන්නේ?

ඒ වගේම මැදපෙරදිග කළාපය පැටලුනොත් මොකක්ද අපිට වෙන්නේ?

අපිට තියෙන විශාල තේ වෙළද පොලක් අහිමි වෙනවා. මේ වගේ අපිට පෙනෙවාට වඩා නොපොනෙන විශාලල කඩා වැටීමකට මුහුණදීමට සිදුවෙනා.

මේ අපි යන්තම් රටක් විදිහට හුස්මක් ගන්න හැදුවා විතරයි. ලෝකයේ බොහෝ තැන්වල දේශ සීමා සටහන් කරමින් එක් ජාතියක් තවත් ජාතියකට එරෙහිව සිටුවා තියෙනවා. එය ආගමික, සංස්කෘතික, දේශපාලනික සහ ඔවු නොවුන් පිළිගත් ආර්ථික මතවාදයන්ට අනුව එය සුව නොකළ හැකි රෝගයක් බවට පත්වෙලා තියෙනවා.

ඊශ්‍රායල – පලස්තීන ගැටලුව විසදන්න දාර්ශනික ප්‍රෙව්ශයකින් යුත් මානුෂියත්වයක් අවශ්‍යයි. ආනගත ලෝකය භූමිය හෝ දේශ සීමා මත නොපවතී යන්න තමයි අපි විශ්වාස කරන්නේ. ඒක මම මේ පාර්ලිමේන්තුවේදී මීට කලිනුත් කියලා තියෙනවා.

මේ අපි සිටින්නේ එක ශිෂ්ඨාචාරයක අවසානායෙයි. ඒක යුද්ධයකින් අවසන් කරගන්න යනවාද කියන බරපතල ඛේචවාචකයක් අපිට දැනෙනවා. අපි මේ ගැටලුවේදී කිසිදු පාර්ශවක කොටස් කරුවන් වෙන්න අවශ්‍ය නෑ. අපි මතු කළ යුතු වන්නේ මනුෂ්‍යත්වයයි. කුමන ආගමට, වර්ගයකට, දේශපාලන දර්ශනයකට අයත් වුවත් අපිට ඔවුන් මනුෂ්‍යත්වයේ නාමයෙන් සහෝදර සහෝදරියන් ලෙසින් පිලිගත යුතුයි.

වෙනස්කම් සහිත විවිධත්වය අගය කිරීමටත්, එයට ගරු කිරීමටත් අපි හුරු පුරුදු විය යුතුයි. මෑත ඉතිහාසය තුළ ශ්‍රී ලංකාවේ හටගත් ඇතැම් අර්බුද ලෝකයේ සිදුවූ විවිධ අර්බුද සමග එකට එකතු කිරීමට ඇතැම් පාර්ශවයන් උත්සාහ දරනවා. අපි මේ මොහොතේදී කිසිදු පාර්ශවයකට අයත් නොවන සේ සාමකාමී සහජීවනයෙන් ලෝකය දෙස බැලීමට ඉගෙන ගත යුතුයි.

නැතිනම් අපේ රටටත් අනාගතයක් නෑ. මේ යුද්ධය දික් ගැසුනහොත් ලෝක ආර්ථිකයට මෙන්ම ශ්‍රී ලාංකික ආර්ථිකයටද විශාල බලපෑමක් එල්ල වෙනවා. ඒ වගේම අපේ ආදායම් මාර්ග සීමා වන අතර අපිට අවශ්‍ය ඉන්ධන සහ වෙනත් බොහෝ දේ සොයා ගැනීමට අපිට වෙනත් මාර්ගයන් නොමැතිවීමේ අර්බුදයට මුහුණ දෙනවා.

අපේ රටේ ආර්ථිකයට ඊශ්‍රායලේ වගේම මැද පෙරදිග කලාපයේ දායක්තවය වැදගත් වෙනවා. ඊශ්‍රායලයේ සහ මැද පෙරදිග රටවල සේවය කරන ශ්‍රී ලාංකික ශ්‍රමිකයින් මේ ආර්ථිකයට විශාල දායකත්වයක් ලබා දෙනවා.

මේ අයගේ ජීවිත ගැන, ආරක්ෂාව ගැන රජයක් ලෙස අපිට විශාල වගකීමක් තිබෙනවා. මේ කලාපයේ සිටින කිසියම් ශ්‍රමිකයෙක්ට නැවත රටට එන්න අවශ්‍යයි නම් අපි ඒ වෙනුවෙන් අවශ්‍ය සියලුම පහසුකම් සපයනවා.

මේ ප්‍රශ්නය ලංකාවේ සමාජ මාධ්‍ය ඔස්සේ වාර්තා කරන ආකාරය ගැන රටක් විදියට අපි නැවත සිතා බලන්න ඕන. මේ හැමෝම වාර්තා කරන්නේ එක පැත්තක ඉදගෙන. මේ වාර්තා කිරීම නැවත ලංකාවේ වාර්ගික අර්බුදයක් කරා ගෙන යාමට හේතු විය හැකියි.

මේ සම්බන්ධයෙන් ආගමික නායකයින්, දේශපාලඥයින්, සමාජ ක්‍රියාකාරීන් ඇතුළු හැමෝම අවධානය යොමු කළ යුතුයි..

මේ රට අර්බුදයට ලක්වූ වෙලාවේ රටට අවශ්‍ය තෙල් ටික, ගෑස් ටික, බෙහෙත් ටික ගේනාවේ විදේශ රටවල සේවය කරන ශ්‍රමිකයින්ගේ මුදල්වලින්.

මේත් එක්ක විදේශ රැකියා අපේක්ෂාවෙන් විවිධ පුහුණුවීම්වල යෙදෙන බොහෝ පිරිසක් ඉන්නවා. මේ අයගේ බලාපොරොත්තු සුන්වෙයි කියන විචිකිච්ඡාවෙන් ඉන්නවා.

මේ අතර හොරෙන් ඊශ්‍රායලයට පනින්න යන කාන්තාවන් අල්ලා ගන්නවා. අපි මේවා ගැන කතා කරලා තියෙනවා. අපි දිගින් දිගටම මිනිස් ජාවාරම් ගැන කතා කළා. මේවා ගැන අපි කතා කරනකොට ආචාර්ය මහාචාර්යවරු එක එක ඒවා කියන්න ගත්තා.

මේ අර්බුදයේදී අපිට ගන්න තියෙන පාඩම මොකක්ද? මේ අර්බුදය වෙලාවේ ඊශ්‍රායලයේ ආණ්ඩු පක්ෂය හා විපක්ෂය එකතු වෙලා ජාතික ආණ්ඩුවක් හැදුවා. අපේ රටේ අර්බුදයක් පෙනි පෙනී තමයි සියලුම පක්ෂවලට එකට එකතුවෙන්න කියලා මම ඉල්ලා සිටියේ.

අපිට ඊශ්‍රයාලයෙන් සහ පලස්තීනයෙන් ආදර්ශයක් ගන්න පුළුවන්. ලංකාවේ අරගලය වෙලාවේ සිංහල මුස්ලිම් සියලුදෙනා එකට එකතු වුනා. හැබැයි ඒ වෙලාවේ කිසිම කෙනෙක් ඒකට නායකත්වයක් දීලා ඉස්සරහට ගියේ නැහැ.

ලංකාවේ අරගලය වෙලාවේ සිංහල, දෙමළ මුස්ලිම් හැමෝම එකට එකතු වුනා. හැබැයි ඒ වෙලාවේ කවුරුවත් මේකට මැදිහත් වුනනේ නෑ. අපි අපේ දේශපාලන අනාගතය උකස් කරලා තීන්දුවක් ගත්තා. ඒ තීන්දු ගනිපු නිසා අපිට තවම උසාවි යන්න වෙලා තියෙනවා. අපි රට ක්‍රමයෙන් යථා තත්වයට පත්වෙමින් යන විට නැවත ජාතිවාදී ගැටුමක් ඇති කරගන්න විදියක් හොයනවා.

අරගලයන් නියෝජනය කළ ඇතැම් අයගේ සමාජ මාධ්‍ය දැක්කම, හිතෙන්නේ කුසගින්නේදී විතරයිද මිනිස්සු එකට තියාගන්න පුලුවන් වෙන්නේ කියලයි. බඩගින්න වෙලාවට විතරද ජාතික සමගිය ඇතිවෙන්නේ.ලංකාවේ කුරුන්දි පුදබිම සම්බන්ධයෙන් ප්‍රශ්නයක් පසුගිය කාලයේදී ඇතිවුනා. කුරුන්දි පුදබිම ගැන කතා කරන්නේ නැතිව රටේ දේශපාලනයට ඉදිරියට යන්න බෑ කියලා සමහරු කිව්වා. මේක රට කළඹන ප්‍රශ්නයක් බවට පත් කරන්න හැදුවා. ඒත් රටේ ජනතාව ඒකට කලබල වුනේ නෑ. අපිට පුද බිමකට වඩා වැටුනු ආර්ථිකය ගොඩ ගන්න තියෙනවා කියලා මිනිස්සු පෙන්නුවා.

කුරුන්දි පුදබිම හරහා ජාතිවාදය උස්සන්න අයට කියන්න තියෙන්නේ ඊශ්‍රායලය හා පලස්තීනය දිහා බලන්න කියලයි. නැවත ප්‍රශ්න ඇති කරලා, යාන්තම් ගොඩ නගාගෙන යන රට නැවත වට්ටන්න එපා. ඊශ්‍රායලය හා පලස්තීනය දෙස බලලා ඒක ඉගෙන ගන්න ටික්ටොක් වගේ සමාජ මාධ්‍යවල පරණ බාමියන් බුදු පිළිම කඩා දාපුව නැවත අරගෙන ඇවිත් තියෙනවා. ඒවට අපේ රටේ සමහර දේශපාලන පක්ෂ සෘජුවම සම්බන්ධයි. ඒවා අරගෙන ඇවිත් නැවත අර්බුදයක් ඇති කරග්නන එපා. ලෝකයේ ඉවර වුන පරණ කුනු ගොඩවල් නැවත අරගෙන එන්න එපා. වින්ස්ක්‍රීන් එකෙන් බලන්නේ නැතිව සයිඩ් කන්නාඩිවලින් බලලා ඉස්සරහට යන්න බෑ. ඒ නිසා පරණ කුණු දිහා විතරක් බලලා ඉස්සරහට යන්න හිතන්න එපා.

ආගමික හා ඓතිහාසික මිත්‍යා කතා තව දුරටත් ලෝකයට වලංගු වෙන්නේ නෑ. ඒවා ඇති කරන්නේ ලොකු විනාශයන් විතරයි.

යුද්ධයේ අත්දැකීම් ඇති වගේම යුද්ධයේ අත්දැකීම් නැති අය දැනුවත්ව හෝ නොදැනුවත්ව මුස්ලිම් විරෝධයක් ඇති කිරීමට උත්සාහ ගන්නා කණ්ඩායම්වලට එක කාරණාවක් මතක් කරමින් මගේ කතාව අවසන් කරනවා.

මතක තියාගන්න ලංකාවේ අතීතයේ ඉදලා මුස්ලිම් ජනතාව සමග තමයි වෙළද ගනුදෙනු තිබුණේ. ඒකට සාක්ෂි ඕනෑ තරම් සොයා ගන්න පුලුවන්. ඒ අය පිටුපස්සේ තමයි පෘතුගීසීන්, ලංදේසීන්, ඉංග්‍රීසීන් ආවේ. මේ අය තමයි ලෝකය සමග අපේ රට සම්බන්ධ කළේ. ඒ කාලේ ඉදලා අපි දෙගොල්ලෝ සහජීවනයෙන් ජීවත් වුනා.

මෑත කාලයේදී එළියෙන් අරගෙන ආපු ප්‍රශ්න හැරෙන්න අපි දෙගොල්ලන්ට ප්‍රශ්න තිබුණේ නෑ. එල්.ටී.ටී.ඊ. සංවිධානය අපිට ත්‍රස්තවාදීන් වුනාට එලියේ අයට ත්‍රස්තවාදීන් වුනේ නෑ. හමාස්වරු ත්‍රස්තවාදීන් වෙන්නේ ඊශ්‍රායලයට. අපිට ඔවුන් ආයුද සන්නද්ධ කණ්ඩායමක් විතයි. ඒ දේවල් පටලවාගෙන හුදු ආවේගයට වැඩ කරලා, අපේම සහෝදර ජනතාවට තවත් ගින්නක් ඇති කරන්න එපා. මේ අර්බුදය වඩාත් උත්සන්න වුනොත් රටක් හැටියට අපි මුහුණ දෙන්නේ කොහොමද කියන එකටත් සූදානම් වෙන එක වටිනවා කියන එක තමයි වගේ අදහස.

ඊශ්‍රායල් පලස්තීන යුද ගැටුම් ඉක්මනින් අවසන් වෙලා ලෝකයට ඉක්මනින් සාමය උදා වේවා කියලා ප්‍රාර්ථනා කරනවා. යල් පැන ගිය යුද්ධ නැවත ගොඩ නැගෙන අලුත් ලෝකය තුල ඇති නොවේවා. ”

– Media unit

Click to comment

Leave a Reply

Your email address will not be published. Required fields are marked *

Local

හෙට සිට 1-5 ශ්‍රේණිවල සියලු‍ දරුවන්ට ආහාර වේලක්.. 

Published

on

By

හෙට (25) සිට දිවයිනේ 1- 5 දක්වා ශ්‍රේණිවල සියලු‍ ම පාසල් දරුවන්ට පාසලේ දී ප්‍රධාන ආහාර වේලක් ලබා දීමට අධ්‍යාපන අමාත්‍යාංශය පියවර ගෙන තිබේ.

පෝෂණවේදීන්ගේ නිර්දේශ ද සැලකිල්ලට ගෙන සිසුන් අධ්‍යාපන කටයුතුවල නිරත වීමට පෙර පෙරවරු 7.30ත් 8.30 අතර කාලය තුළ මෙම උදෑසන ආහාර වේල ලබා දෙන ලෙසත් අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා විසින් උපදෙස් ලබා දී ඇති අතර එම ආහාර වේල පෝෂණීය හා සෞඛ්‍යාරක්ෂිත බවින් ඉහළ මට්ටමක පවත්වාගෙන යාමට අධ්‍යාපන අමාත්‍යාංශය වැඩි අවධානයක් යොමු කර ඇත.

නිරෝගී ක්‍රියාශීලී දරු පරපුරක් යන තේමාව යටතේ මෙවර 2024 වර්ෂය සඳහා ක්‍රියාත්මක පාසල් ආහාර වැඩසටහන මගින් පාසල් සිසුන් අතර පෝෂණ ගැටලු‍ අවම කිරීම, සිසුන්ගේ දෛනික පාසල් පැමිණීම වර්ධනය කිරීම, යහපත් ආහාර පුරුදු හා සෞඛ්‍ය පුරුදු වර්ධනය කිරීම, අධ්‍යාපන සාධන මට්ටම් වර්ධනය සඳහා දායක වීම සහ දේශීය ආහාර සංස්කෘතිය ගොඩනැගීම යන මූලික අරමුණු හතර ඉටු කරගැනීමට අපේක්ෂිත ය.

රජයේ පාසල් 9134ක ප්‍රාථමික ශ්‍රේණිවල සියලු‍ සිසුන් හා 100ට අඩු සිසුන් සංඛ්‍යාවක් සිටින සියලු‍ ම පාසල් ද ආවරණය වන පරිදි සිසුන් මිලියන 1.6ක් මෙවර පාසල් ආහාර වැඩසටහනේ ප්‍රතිලාභීහු වෙති. මේ සඳහා රජය රුපියල් මිලියන 16,600ක අයවැය ප්‍රතිපාදන සෘජු ව ම පළාත් සභා නවය වෙත වෙන් කර ඇති අතර අමතර වශයෙන් ලෝක ආහාර වැඩසටහන හා එක්සත් ජනපද කෘෂිකර්ම දෙපාර්තමේන්තුව (USDA) ඇතුළු වෙනත් සංවිධාන විසින් ද අනුග්‍රාහකත්වය සපයනු ලබයි. මේ වන විට එක් ශිෂ්‍ය ආහාර වේලක් වෙනුවෙන් රජය සපයන රු. 85/-ක මුදල, පවත්නා වෙළෙඳපොළ මිල ගණන් ඉහළ යෑමට සාපේක්ෂ ව රු. 110/-දක්වා වැඩි කර ඇත.

මෙම පෝෂණ වැඩසටහනට අවශ්‍ය ආහාර වර්ග ප්‍රධාන දේශීය සැපයුම්කරුවන් විසින් සපයනු ලබන අතර එය සෘජු හා වක්‍ර නව රැකියා උත්පාදනය ඔස්සේ මෙරට නිෂ්පාදන ආර්ථිකය ශක්තිමත් කිරීමට ද දායකවීමකි.

ජනාධිපති රනිල් රනිල් වික්‍රමසිංහ මහතාගේ ප්‍රධානත්වයෙන් හා අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතාගේ සහභාගීත්වයෙන් නාරාහේන්පිට සුජාතා බාලිකා විද්‍යාලයේ දී මෙම 2024 වර්ෂයේ පාසල් ආහාර වැඩසටහන හෙට (25) දින ආරම්භ වන අතර ඊට සමගාමී ව පළාත් මට්ටමින් ද සමාරම්භක වැඩසටහන් දිවයින පුරා පැවැත්වේ.

මෙම පාසල් ආහාර වැඩසටහනට අදාළ සියලු‍ මූල්‍ය පාලනයන් විනිවිදභාවයක් හා වාර්තා සහිත ව පවත්වාගෙන යෑමේ යාන්ත්‍රණයක් ද ක්‍රියාත්මක වෙයි. ප්‍රතිපත්ති සම්පාදනයේ සිට එහි සියලු‍ ප්‍රධාන මෙහෙයවීම හා අධීක්ෂණ කටයුතු අඛණ්ඩ ව නිරීක්ෂණය කරමින් අවශ්‍ය මැදිහත්වීම් සිදු කරනු ලබන්නේ අධ්‍යාපන අමාත්‍යාංශය වන අතර අමාත්‍යාංශයීය සෞඛ්‍ය හා පෝෂණ ශාඛාවට ඊට අදාළ කාර්යන් පැවරී ඇත.

මාධ්‍ය ඒකකය

Continue Reading

Local

මැක්ඩොනල්ඩ් ශ‍්‍රී ලංකාවේ සියළුම ශාඛා වසා දමයි..

Published

on

By

මෙරට පිහිටි සියලුම මැක්ඩොනල්ඩ් අවන්හල් ශාඛාවන් නැවත දැනුම් දෙන තුරු වසා දමා තිබේ.

එහි දේශීය නියෝජිතයා වන අබාන්ස් සහ මැක්ඩොනල්ඩ් මවු සමාගම අතර ඇති වී තිබෙන ගැටළුවක් මත මෙම පියවර ගෙන ඇත.

මේ සම්බන්ධයෙන් අධිකරණ හමුවේ නීති කෘත්‍යක්ද සිදුවෙමින් ඇත.

තම මව් සමාගමේ ප්‍රමිතියට අනුව ආහාරපාන ලබාදීමටද ශ්‍රී ලංකාද නියෝජිත සමාගම අපොහොසත් වීම සම්බන්ධයෙන් මෙම නඩු කටයුත්ත ක්‍රියාත්මක වෙයි.

ඔවුන් අධිකරණයෙන් ඉල්ලා තිබුණේ ශ්‍රී ලංකාව තුළ සිය සන්නාමයම යටතේ ආහාර අලෙවිය නවතා දමන ලෙස නියෝගයක් නිකුත් කරන ලෙසය.

Continue Reading

Local

මන්ත‍්‍රීන් පාර්ලිමේන්තුව මැද යකා නටයි..

Published

on

By

කථානායක මහින්ද යාපා අබේවර්ධන මහතාගේ ප්‍රධානත්වයෙන් අද පෙරවරුවේ රැස්වූ පාර්ලිමේන්තුව පළමු අවස්ථාවේම දැඩි උණුසුම් තත්ත්වයක් ඇති විය.

ඒ දෙමළ ජාතික සන්ධානයේ මන්ත්‍රීවරුන් පිරිසක් සභාව මැදට පැමිණි විරෝධතාවය යෙදීම හේතුවෙනි.

කෝවිලකදී අත්අඩංගුවට ගන්නා ලද පුද්ගලයන් කිහිප දෙනෙකු නිදහස් කරන ලෙස ඉල්ලමින් ඔවුන් මෙසේ විරෝධතාවයේ නිරත වූහ.

පුද්ගලයන් අට දෙනකු අත්අඩංගුවට ගෙන ඇති බවත් එම සියලු දෙනාම වහා නිදහස් කළ යුතු බවත් අධිකරණයට ඉදිරිපත් කර ඇත්තේ බොරු චෝදනා ගොනු කරමින් බවත් මන්ත්‍රීවරුන් කියා සිටියහ.

ඊට ප්‍රතිචාර දක්වමින් අධිකරණ අමාත්‍යවරයා කියා සිටියේ අධිකරණයකට ඉදිරිපත් කර ඇති සැකකරුවන් නිදහස් කිරීමට පාර්ලිමේන්තුවට හැකියාවක් නොමැති බවය.

Continue Reading

Trending

Copyright © www.pattare.lk