Local
ගබ්සා නීතිය වහා වෙනස් කල යුතුයි.. කාන්තාවනට තම සිරුර ගැන තීන්දු ගන්න ඉඩ දිය යුතුයි…
Published
3 years agoon
By
admin
ගබ්සා කිරීම් සම්බන්ධයෙන් පවතින නීති කාන්තාවන්ට සාධාරණය ඉටුවන ලෙස වහා වෙනස් කළ යුතු යැයි ජලසම්පාදන හා වතු යටිතල පහසුකම් ඇමති ජීවන් තොණ්ඩමන් මහතා සඳහන් කළේය.
ජල සම්පාදන හා වතු යටිතල පහසුකම් ඇමැති ජීවන් තොණ්ඩමන් මහතා පසුගියදා එම අදහස් පළ කළේ කාන්තා කටයුතු, ළමා හා සමාජ සවිබල ගැන්වීම් අමාත්යාංශ වැය ශීර්ෂය පිළිබඳව අදහස් දක්වමින්ය. මෙහිදී වැඩිදුරටත් අදහස් දැක්වූ ඇමති ජීවන් තොණ්ඩමන් මහතා මෙසේද කීය.
මෙම අමාත්යාංශයේ වැය ශීර්ෂයේදී කාන්තාවන්ට සහ ළමයින්ට එරෙහි ස්ත්රී දූෂණ සහ ලිංගික හිංසනය දැඩි ලෙස සාකච්ඡා වුණා. අවාසනාවකට, මගේ සහෝදර මන්ත්රීවරුන් බොහෝ දෙනෙක් විසඳුම් යෝජනා කරනවා වෙනුවට කළේ තත්ත්වය දේශපාලනීකරණය කිරීම පමණයි. එය කණගාටුදායකයි. ස්ත්රී දූෂණය දේශපාලනීකරණය කිරීමෙන් සිදු වන්නේ ඊට තුඩුදෙන තත්ත්වයන් පාලනය කිරීම නොවෙයි. ඊට විසඳුම නම් එය විසඳීමට නිශ්චිත පියවර ගැනීමයි. ඒ නිසයි මේ සම්බන්ධයෙන් අපි හඬ නගන්නේ.
ළමුන් සහ තරුණ වැඩිහිටියන් සඳහා ලිංගික අධ්යාපනය ලබාදීම තුළ ඔවුන්ට ඒ පිළිබඳ දැනුවත් තීරණ ගැනීමට අවස්ථාව ලබාදිය හැකියි. ඒ වගේම ගබ්සාව සම්බන්ධයෙන් ඇති අපරාධ නීතිය ඉවත් කිරීම වැදගත් කටයුත්තක්. මොකද කාන්තාවන්ට තම සිරුර සම්බන්ධයෙන් තීරණ ගැනීමට බලය ඔවුන්ට ලැබෙන පරිදි නීති වෙනස් විය යුතුයි. දිනකට අනාරක්ෂිත ගබ්සා කිරීම් 650ක් පමණ සිදුවන බව සෞඛ්ය අමාත්යාංශයේ වාර්තා පෙන්වා දෙනවා. ඇත්තටම ඉන් අදහස් කරන්නේ අපගේ පවතින නීති සෑම වසරකම කාන්තාවන් 250,000කගේ ජීවිත අවදානමට ලක් කරන බව නොවේද?
කාන්තාවන් සහ ළමුන් සඳහා අධිකරණ ආරක්ෂාව වැඩි කිරීම තවදුරටත් සිදුකළ යුතුයි. ඒ තුළ ඔවුන්ගේ ආරක්ෂාව තවදුරටත් වැඩි කිරීමට ලක් කළ හැකියි. ස්ත්රී දූෂණ සහ ලිංගික ප්රචණ්ඩත්වයට අදාළ නඩු ඉක්මනින් විසඳීමටත් වහා කටයුතු කළ යුතු වෙනවා. සාමාන්ය ළමා දූෂණ නඩුවක් විසඳීමට වසර 7-10 ක් ගතවන බව සඳහන්. ඒ තුළින් වින්දිතයන් කිසිදු සාධාරණයක් නොමැතිව තව තවත් බලපෑමකට ලක්වෙනවා. කාන්තාවන්ට සහ ළමයින්ට එරෙහි ලිංගික හිංසනයන් පිළිබඳ ශ්රී ලංකාවේ සංඛ්යාලේඛන තැතිගන්වන සුළු බව සඳහන් කළ යුතුමයි. සෑම පැය 2 කට වරක් දරුවෙකු ලිංගික අතවරයට ලක්වන බව වාර්තා වෙනවා. එසේම සෑම විනාඩි 90 කට වරක් කාන්තාවක් දූෂණය වන බවත් එම සංඛ්යා ලේඛන පෙන්වා දෙනවා. තවත් වැදගත් කරුණක් වන්නේ මෙරට ඝාතනය කරන ලද කාන්තාවන්ගෙන් 62% ක් සමීප සහකරුවෙකු, හිටපු සහකරුවෙකු හෝ පවුලේ සාමාජිකයෙකු විසින් සිදුකර ඇති බවයි.
තවත් වැදගත් කරුණක් මෙහිදී පෙන්වා දෙන්න කැමතියි. 2013 ශ්රී ලංකාවේ පිරිමි ලිංගික ප්රචණ්ඩත්වය පිළිබඳ එක්සත් ජාතීන්ගේ සමීක්ෂණයකින් සිදුකර තිබෙනවා. එහිදී සම්මුඛ පරීක්ෂණයට ලක් වූ පිරිමින්ගෙන් 15% ක් අවම වශයෙන් එක් වරක් හෝ දූෂණය කළ බව පිළිගත් බවයි. ස්ත්රී දූෂණය පිළිගත් බහුතරයක් ඔවුන් එසේ කළේ ඔවුන්ට හිමිකම නිසා බවත් එම වාර්තාවේ සඳහන්. ඒ වගේම තවත් වැදගත් කරුණක් වන්නේ ප්රතිචාර දැක්වූවන්ගෙන් 20% ක් විනෝදය සඳහා හෝ කම්මැලිකම නිසා දූෂණය කළ බව පිළිගෙන ඇති බවයි.
මේ රටේ, පීඩකයන් ආරක්ෂා කිරීමේ ඉතිහාසයක් තිබෙන්නේ. ස්ත්රී දූෂණ හෝ ලිංගික ප්රචණ්ඩත්වය සම්බන්ධයෙන් ද එය බොහෝ දුරට සමාන යි. එහිදී පොලිසිය වින්දිතයින්ට වඩා ස්ත්රී දූෂකයන් සමඟ වැඩි අනුකම්පාවක් දැක්වීමට නැඹුරු වෙනවා. මම සඳහන් කළ ඉහත අධ්යයනයේ දී ස්ත්රී දූෂණ කළ බව පිළිගත් අයගෙන් 3% ක් පමණක් අත්අඩංගුවට ගෙන ඇති බව සඳහන්. එය කම්පන සහගත තත්ත්වයක්. තවද, 2021 කැලණිය විශ්වවිද්යාලයේ අධ්යයනයකට අනුව, 2013-2017 අතර ඝාතනය වූ කාන්තාවන් සම්බන්ධ සිද්ධීන්වලින් අවසන් වී ඇත්තේ 5%ක් පමණක් බව සඳහන්. ඇත්තටම මෙම සංඛ්යා ලේඛන පිළිබඳ අප ලැජ්ජාවට පත්විය යුතුයි. අපගේ කාන්තාවන්ට සහ ළමයින්ට සුරක්ෂිත සහ වඩා සාධාරණ රටක් නිර්මාණය කිරීම සඳහා ප්රතිසංස්කරණවලට සහාය වීමට මා කැපවී සිටින්නේ එබැවින්.
සිරිමන්ත රත්නසේකර
– Divaina
You may like
Local
අපි කියන මිලට වී නොගන්න මෝල් හිමියන් Black List කරනවා.. ලාල් කාන්ත
Published
4 months agoon
August 1, 2026By
admin
රජය නියම කර ඇති සහතික මිලට වී මිලදී ගැනීමට අපොහොසත් වන පෞද්ගලික මෝල් හිමියන් අසාදු ලේඛනගත කිරීමට පියවර ගන්නා බව කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල් කාන්ත මහතා අවධාරණය කරයි.
අමාත්යවරයා මේ බව සඳහන් කළේ දෙහිඅත්තකණ්ඩිය මහවැලි සාලිකා ශාලාවේදී පැවැති ගොවි හමුවකට එක්වෙමිනි.
මෙහිදී වැඩිදුරටත් අදහස් දැක්වූ අමාත්යවරයා කියා සිටියේ, පෞද්ගලික අංශයට වී මිලදී ගැනීම සඳහා රජය මගින් සහනදායී ණය පහසුකම් ලබා දෙන්නේ රජයේ සහතික මිලට වී මිලදී ගැනීමේ කොන්දේසිය මත බවයි.
එසේ තිබියදී ඇතැම් මෝල් හිමියන් සහතික මිලට වඩා අඩු මිලට වී මිලදී ගන්නා බවට තොරතුරු වාර්තා වන බවත්, එවැනි පුද්ගලයන්ට ඉදිරියේදී රජය සමග ගනුදෙනු කිරීමට ඇති අවස්ථාවන් අහිමි කරන බවත් ඔහු පැවසීය.
රටේ කෘෂිකාර්මික ප්රතිපත්තියේ සිදුව ඇති වෙනස්කම් පිළිබඳව කරුණු දැක්වූ අමාත්යවරයා, මෙරට බඩඉරිඟු ගොවියා ආරක්ෂා කිරීම වෙනුවෙන් මේ වසරේ ආනයනය කිරීමට නියමිතව තිබූ බඩඉරිඟු මෙට්රික් ටොන් ලක්ෂ තුනක ප්රමාණය නතර කිරීමට රජය තීරණය කළ බව සඳහන් කළේය.
මේ හේතුවෙන් සත්ත්ව ආහාර නිෂ්පාදකයන් මුහුණ දී ඇති අමුද්රව්ය හිඟයට විසඳුමක් ලෙස, සහල් වෙනත් නිෂ්පාදන සඳහා අමුද්රව්යයක් ලෙස භාවිත කිරීමට පනවා තිබූ තහනම ඉවත් කළ බවද ඔහු අනාවරණය කළේය.
“සහල් වෙනත් නිෂ්පාදන සඳහා භාවිත කිරීම තහනම් කරමින් මීට පෙර නිකුත් කර තිබූ චක්රලේඛය අපි අහෝසි කළා. දැන් කිසිදු බාධාවකින් තොරව සත්ත්ව ආහාර හෝ වෙනත් නිෂ්පාදන සඳහා සහල් අමුද්රව්යයක් ලෙස භාවිත කරන්න පුළුවන්. එමගින් වී සඳහා පවතින ඉල්ලුම තවත් වැඩි වෙනවා,” යැයි අමාත්යවරයා පැවසීය.
එමෙන්ම පුරන් කුඹුරු අස්වැද්දීමේදී වී වගාවට පමණක් සීමා නොවී, බඩඉරිඟු වැනි අතිරේක බෝග වගා කිරීම කෙරෙහි අවධානය යොමු කළ යුතු බවත්, වී අලෙවි මණ්ඩලයේ ගබඩා ධාරිතාව ඉදිරි කන්නයේදී තවදුරටත් වැඩි කිරීමට සැලසුම් කර ඇති බවත් අමාත්ය ලාල් කාන්ත මහතා මෙහිදී වැඩිදුරටත් ප්රකාශ කළේය.
Local
ලෝක කුසලාන තරග බලන ක්රීඩා ලෝලීන්ට තහනම් භාණ්ඩ ලයිස්තුවක්..
Published
10 months agoon
February 7, 2026By
admin2026 T20 ලෝක කුසලාන ක්රිකට් තරගාවලිය වෙනුවෙන් කොළඹ නගරය කේන්ද්ර කරගනිමින් විශේෂ රථවාහන සැලැස්මක් සහ ආරක්ෂක වැඩපිළිවෙළක් ක්රියාත්මක කරන බව පොලිස් මාධ්ය කොට්ඨාසය නිවේදනය කරයි.
මෙම තරගාවලිය 2026 පෙබරවාරි මස 07 වන දින සිට මාර්තු 08 වන දින දක්වා පැවැත්වීමට නියමිත අතර, ශ්රී ලංකාවේ පැවැත්වෙන තරග කොළඹ ආර්. ප්රේමදාස ක්රීඩාංගනය සහ කුරුඳුවත්ත SSC ක්රීඩාංගනය කේන්ද්ර කරගනිමින් පැවැත්වේ. දේශීය හා විදේශීය ප්රේක්ෂකයින් විශාල පිරිසක් මෙම තරග නැරඹීමට පැමිණෙනු ඇතැයි අපේක්ෂා කරන බැවින්, තරග පැවැත්වෙන දිනයන්හිදී කොළඹ රථවාහන කොට්ඨාසය විසින් පහත පරිදි රථවාහන සැලැස්ම ක්රියාත්මක කරනු ලබයි.
ආර්. ප්රේමදාස ක්රීඩාංගනය ආශ්රිත රථවාහන සැලැස්ම
ආර්. ප්රේමදාස ක්රීඩාංගනයේ තරග පැවැත්වෙන දිනයන්හිදී වින්සන්ට් පෙරේරා මාවත (ග්රෑන්ඩ්පාස් පාර), බ්රීටෝ බබාපුල්ලේ පාලම හන්දිය, සෙබස්තියන් ඇළ පාර (මැල්වත්ත පාලම අසලින්), අඩි 100 පාර සහ සද්ධර්ම මාවත ඇතුළු මාර්ග කිහිපයක රථවාහන ගමනාගමනය අවස්ථානුකූලව සීමා කෙරෙනු ඇත.
විශේෂයෙන් පෙබරවාරි 08 (ශ්රී ලංකාව සහ අයර්ලන්තය), 15 (ඉන්දියාව සහ පාකිස්ථානය) සහ 19 (ශ්රී ලංකාව සහ සිම්බාබ්වේ) යන දිනවල පැවැත්වෙන තරග සඳහා විශේෂ රථවාහන සැලැස්මක් සහ ප්රවාහන සේවයක් ක්රියාත්මක වේ. මෙම දිනවල පැමිණෙන ප්රේක්ෂකයින් සඳහා පැරණි MOD රථගාල සහ පෝට්සිටි (Port City) රථගාලේ සිට ක්රීඩාංගනය දක්වා විශේෂ ප්රවාහන සේවයක් ක්රියාත්මක කිරීමට සැලසුම් කර ඇත.
එමෙන්ම පෙබරවාරි 11, 13, 21, 25 සහ 27 යන දිනවල පැවැත්වෙන තරග සඳහා ග්රෑන්ඩ්පාස් මැටිපාක්, සතොස, සෙබස්තියන් ඇළ, කෝවිල පාර සහ අඩි 100 පාර දෙපස රථගාල් පහසුකම් සපයා තිබේ.
SSC ක්රීඩාංගනය ආශ්රිත රථවාහන සැලැස්ම
SSC ක්රීඩාංගනයේ තරග පැවැත්වෙන පෙබරවාරි 07, 09, 10, 14 සහ 18 යන දිනවලදී රාජ්ය පරිපාලන හන්දිය, මෙට්ලන්ඩ් පෙදෙස සහ විද්යා මාවත ආශ්රිතව රථවාහන ගමනාගමනය සීමා කෙරේ.
මෙම තරග සඳහා පැමිණෙන රථවාහන ගාල් කිරීමට නිදහස් මාවත, පදනම් ආයතන මාවත, CR&FC, SSC ක්රීඩා සමාජ රථගාල, ක්රීඩා අමාත්යාංශයේ පරණ මැක්ඩොනල්ඩ් රථගාල, රූපවාහිනී රථගාල සහ BMICH පරිශ්රය වෙන් කර ඇත.
තරගාවලිය සඳහා පැමිණෙන ජනතාවගේ ආරක්ෂාව වෙනුවෙන් පොලිස් නිලධාරීන් 1500ක් සහ රථවාහන නිලධාරීන් 600ක් යොදවා ඇති බව පොලිසිය පවසයි. මීට අමතරව සිවිල් ඇඳුමින් සැරසුණු බුද්ධි අංශ නිලධාරීන් ද ආරක්ෂක කටයුතු සඳහා යොදවනු ලබයි.
විශාල ප්රමාණයේ ගමන් මලු, වීදුරු බෝතල්, ඩ්රෝන උපකරණ, මුවහත් පිහි, මත්ද්රව්ය සහ මත්පැන් ක්රීඩා භූමිය තුළට රැගෙන ඒම සපුරා තහනම් බව පොලිසිය මහජනතාවට දැඩිව අවධාරණය කරයි.



Local
ශ්රී ලංකාවෙන් තරුණියන් ආනයනය කර කොරියානුවන්ට විවාහ කර දිය යුතුයි.. කොරියා ආණ්ඩුකාර..
Published
10 months agoon
February 7, 2026By
admin
දකුණු කොරියාවේ ජින්ඩෝ ප්රාන්තයේ ආණ්ඩුකාර කිම් හී-සූ විසින් එරට පවතින ජනගහන පරිහානියට විසඳුමක් ලෙස ශ්රී ලංකාව සහ වියට්නාමය වැනි රටවලින් තරුණ කාන්තාවන් “ආනයනය” කළ යුතු බවට කළ මතභේදාත්මක ප්රකාශයක් සම්බන්ධයෙන් මේ වන විට දැඩි කතාබහක් සහ විවේචනයක් මතු වී තිබේ.
දකුණු ජොල්ලා ප්රාන්තයේ හේනම් සංස්කෘතික හා කලා මධ්යස්ථානයේ පැවති මහජන හමුවකදී ආණ්ඩුකාරවරයා මෙම ප්රකාශය සිදු කර ඇත. ක්වාන්ජු සහ දකුණු ජොල්ලා පරිපාලන ඒකක ඒකාබද්ධ කිරීමේ යෝජනාව සම්බන්ධයෙන් පැවති මෙම හමුවට දේශපාලන නායකයින්, විද්වතුන් සහ ප්රාදේශීය වැසියන් විශාල පිරිසක් සහභාගී වී සිටියහ.
සභාව අමතමින් කිම් හී-සූ පෙන්වා දුන්නේ දකුණු කොරියා ජනගහනය වඳවී යාමේ තර්ජනයට ලක්ව ඇති ප්රදේශ 89ක් හඳුනාගෙන ඇති බවත්, ඉන් සියයට 20ක්ම දකුණු ජොල්ලා ප්රාන්තයේ පිහිටා ඇති බවත්ය. 2000 වසරේ සිටම මෙම ජනගහන අර්බුදය පුරෝකථනය කර තිබුණද රජය හෝ විද්වතුන් ඒ සඳහා නිසි පියවර ගෙන නොමැති බවට ඔහු චෝදනා කළේය.
“අවසාන විසඳුම ලෙස හෝ අප ශ්රී ලංකාව හෝ වියට්නාමය වැනි රටවලින් තරුණ කාන්තාවන් ‘ආනයනය’ කර, ගම්බද ප්රදේශවල වෙසෙන අවිවාහක පුරුෂයන්ට විවාහ වීමට අවස්ථාව සලසා දිය යුතුයි. ඒ සඳහා විශේෂ ප්රතිපාදන සකස් කළ යුතුයි. මිනිසුන් නොමැති රටක කර්මාන්ත නගාසිටුවීමෙන් ඇති ඵලය කුමක්ද?”
මෙම ප්රකාශය යූ ටියුබ් (YouTube) නාලිකා ඔස්සේ සජීවීව විකාශය වූ අතර, එම අවස්ථාවේදීම පැනලිස්ට්වරයෙකු ලෙස සහභාගී වූ ක්වාන්ජු නගරාධිපති කන්ග් ගි-ජුන්ග් විසින් එම ප්රකාශය නුසුදුසු බව පවසමින් විරෝධය පළ කරනු ලැබීය.
ග්රාමීය සහ ධීවර ප්රජාව මුහුණ දෙන ජනගහන අවපාතය පිළිබඳ දැඩි අවධානයක් යොමු කිරීම ආණ්ඩුකාරවරයාගේ අරමුණ වන්නට ඇති බව සමහරු පවසතත්, ඔහු භාවිතා කළ වචන මාලාව දැඩි දෝෂදර්ශනයට ලක්ව ඇත.


