Connect with us

Local

කෝටි 4000ක දේපොල මුරකරු අල්ලාගනී.. අයෝජකයා රට යයි..

Published

on

නුවරඑළිය මහේස්ත්‍රාත් අධිකරණයේ නියෝගයකට අනුව විදෙස් ආයෝජකයෙකු සතු රු කෝටි 4000 ක් වටිනා දේපලක් ආයෝජකයා අසනීප තත්ත්වයක් හේතුවෙන් මෙරටින් පිටවීමෙන් පසු කූට ලේඛන සකසා එම දේපල වර්තමානයේ අනවසරෙන් භුක්ති විඳමින් සිටින පුද්ගලයා විසින් යොදවා ඇති මුරකරු  එම දේපළෙන් ඉවත් කිරිමට (13) දින කටයුතු කිරීමේදී මුරකරු විසින් තමන් ඇතුළු නිලධාරින්ට තර්ජනයක් සිදු කළ බවත් , ඒ පිළිබඳව නුවරඑළිය පොලිසියේ සිදු කළ පැමිණිල්ලට තවමත් කිසිදු ප්‍රතිචාරයක් නොදැක්වීම පිළිබඳව සිය අප්‍රසාදය පළ කරන බව නුවරඑළිය ප්‍රාදේශීය ලේකම් ප්‍රගීත් ධනංසූරිය මහතා පවසයි.

නුවරඑළිය මීපිළිමාන එල්ක් ප්ලේන් ප්‍රදේශයේ ඇමරිකානු ජාතික ආයෝජකීයකගේ කෝටි 4000ක රජයේ සතු දේපලක් එම විදේශිකයා අසනීප තත්වයක් හේතුවෙන් සිය රටට පිටව ගොස් ඇති අවස්ථාවේදී කූඨ ලියකියවිලි සකස් කර අදාල දේපල අයිති කර ගැනිමට උත්සහ කිරිම සම්බන්ධයෙන්  ජනාධිපතිවරයාගේ ප්‍රධානත්වයෙන් පැවති දිස්ත්‍රික් සම්බන්ධීකරණ කමිටුවේදී සාකච්ඡා කර ජනාධිපති රනිල් වික්‍රමසිංහ මහතාගේ උපදෙස් පරිදි  නුවරඑළිය ප්‍රාදේශීය ලේකම් ප්‍රගීත් ධනංසූරිය මහතා විසින් නුවරඑළිය මහේස්ත්‍රාත් අධිකරණයේ පැවරු නඩුවේ තීන්දුව (13) දින නුවරඑළිය මහේස්ත්‍රාත් කුෂිකා කුමාරසිංහ මහත්මිය විසින් ප්‍රකාශයට පත් කරන ලදී.

එම නඩු තින්දුව අනුව අදාල දේපල අනවසරෙන් භුක්ති විදිමින් සිටින තුප්පහිගෙ උදාර ප්‍රියන්ත යන පුද්ගලයා (13) දිනම අදාල දේපලෙන් ඉවත් කරන ලෙස මහෙස්ත්‍රාත්වරිය නියෝග කෙරිණ.

තමන් මහෙස්ත්‍රාත්වරියගේ නියෝගය අනුව නිලධාරී කණ්ඩායමක් එම ඉඩමට ගොස් අනවසර ලෙස දේපළ භුක්ති විඳිමින් සිටි පුද්ගලයා ඉවත් කිරිමට කටයුතු කල බවත්, එම අවස්තාවේදි සිය රාජකාරියට බාධා කරමින් අනවසරෙන් දේපල භුක්ති විදිමින් සිටින පුද්ගලයා තමන්ට සහ නිලධාරින් තර්ජනය කල බවත්, ඒ සම්බන්ධයෙන් තමන් නුවරඑලිය පොලිසියට පැමිණිලි කල නමුත් සැකකරු අත්අඩංගුවට ගැනීමට මේ වනතුරු කටයුතු කර නොමැති බව ප්‍රාදේශීය ලේකම්වරයා පැවසිය.

ප්‍රාදේශිය ලේකම්වරයා නගන චෝදනාව සම්බන්ධයෙන් අප නුවරඑළිය පොලිසියෙන් සිදු කළ විමසුමකට ඔවුන් කියා සිටියේ සැකකරු අත්අඩංගුවට ගැනීම සඳහා අවශ්‍ය කටයුතු මේ වන විට සිදුකරමින් සිටින බවයි .

– රංජිත් රාජපක්ෂ

Click to comment

Leave a Reply

Your email address will not be published. Required fields are marked *

Local

රනිල් ජනපති අපේක්ෂකයා කරන්නැයි කියන්නේ සුළු පිරිසක්.. නාමල්..

Published

on

By

වත්මන් රජයේඇමැති ධූර රාජ්‍ය අමාත්‍ය ධුර ලබාගත් සුළු පිරිසක්ජනාධිපති රනිල් වික්‍රමසිංහ මහතාඉදිරි ජනාධිපතිවරණයේ අපේක්ෂකයා විය යුතුබවට මත පළ කළත්එය පක්ෂයේ මතය නොවන බවත්ඡන්දය ප්‍රකාශයට පත් කළ පසුපොදු ජන පෙරමුණේ අපේක්ෂකයා ඉදිරිපත් කරන බවපාර්ලිමේන්තු මන්ත්‍රී නාමල් රාජපක්ෂ මහතා පවසයි .

මහනුවර නෙල්ලිගල ජාත්‍යන්තර බෞද්ධ මධ්‍යස්ථානයේ පැවැති උත්සවයකින් අනතුරුව ඒ මහතා වැඩිදුරටත් අවධාරණය කර සිටියේ කවුරුන් කෙසේ පැවසුවද මීළඟ ජනාධිපතිවරයා බිහිවනු ඇත්තේ පොදු ජන පෙරමුණ ප්‍රමුඛ පුළුල් සන්ධානයකින් බවයි .

ජනාධිපතිවරයා සමඟ කැබිනට් මණ්ඩලයේ සිටිනඅපේ අය මෙන්ම රාජ්‍ය අමාත්‍ය ධූර උසුලන අයගෙත් අදහසක් තිබෙනවාරනිල් වික්‍රමසිංහ මහතාට ජනාධිපති අපේක්ෂකත්වය දිය යුතුයි කියා . තවත් අය තවත් නම් ඉදිරිපත් කරනවා . නමුත් ඒ කිසිවකටත් අප කලබල විය යුතු නැහැ.

තම තමන්ගේ පෞද්ගලික මත ඉදිරිපත් කිරීමේ නිදහස තම පක්ෂයේ තිබෙන බවත් වෙනත් පක්ෂවල මේ ආකාරයට ප්‍රතිවිරුද්ධ මත ඉදිරිපත් කළහොත් පක්ෂ සාමාජිකත්වය පවා තහනම් වන බවද නාමල් රාජපක්ෂ මහතා පැවසීය .

මාර්ග ගත ක්‍රමවේදයේ සුරක්ෂිතතාවය පිළිබඳ පනතට කතානායකතුමා අස්සන් කළා යයි විපක්ෂය කලබල කළත් එය පාර්ලිමේන්තුවේ සම්මත වූ පසුකතා නායකවරයා ඊට අත්සන් තබා ඇති බවත් ඒ පිළිබඳ ගැටලු සහගත තත්ත්වයක් තිබේ නම් නීතිපතිවරයා සමග සාකච්ඡා කොට කථානායකවරයාට තීරණයකට එළඹිය හැකි බවද රාජපක්ෂ මහතා පැවසීය .

– ADA

Continue Reading

Local

පෙරපාසල් ගුරුවරුන්ට සාමදාන විනිසුරු තනතුරු..

Published

on

By

පෙර පාසල් ගුරුවරුන් සිදුකරනු ලබන මෙහෙය අතිශයෙන්ම උත්තරීතර බව පාර්ලිමේන්තු මංත්‍රී සම්පත් අතුකෝරල මහතා ගාල්ල හෝල්ඩි ගෝල් ශාලාවේ මේවන විට පැවැත්වෙන ගුරු අභිමානි උපහාර උළෙල අමතමින් පැවසීය.

අභියෝග රැසක් මැද පෙරපාසල් ගුරුවරුන් සිය සේවය සිදුකරන බව පැවසීය.

ඔවුන්ට නිසි වැටුපක් ලබාදීම සඳහා රජයේ අවධානය මේවන විට යොමුව ඇතිබව මංත්‍රීවරයා පැවසීය.

එහිදී අදහස් දැක්වූ අධිකරණ බන්ධනාගාර කටයුතු හා ආණ්ඩුක්‍රම විවස්ථා ප්‍රතිසංස්කරණ අමාත්‍ය විජේදාස රාජපක්ෂ මහතා සඳහන් කර සිටියේ පෙර පාසල් ගුරුවරයාට තවත් වටිනාකම එක් කිරීමේ අරමුණින් සාමදාන විනිසුරු තනතුරු ලබාදීම සිදුකර බව පැවසීය.

අවුරුදු 25 කට වඩා ගාල්ල දිස්ත්‍රික්කයේ පෙර පාසල් ගුරුවරියන් ලෙස සේවය කර ඇති ගුරුවරියන් සදහා සාමදාන විනිසුරු තනතුරු පිරිනැමීම සිදුවිය.

– නිපුනි හසරංගි

Continue Reading

Local

රට යවන්න ලක්ෂ 30ක් වංචා කලැයි දමිතා ගැන විමර්ශණ..

Published

on

By

රංග­න­වේ­දිනී දමිතා අබේ­රත්න සහ ඇයගේ සැමියා කොරි­යානු රැකියා ලබා­දෙන බව පවසා රුපි­යල් ලක්ෂ 30ක මුද­ලක් වංචා කළ බව කියන සිද්ධි­යක් සම්බ­න්ධ­යෙන් විම­ර්ශන පව­ත්වන බව අප­රාධ පරී­ක්ෂණ දෙපා­ර්ත­මේ­න්තුව කොටුව මහේ­ස්ත්‍රාත් තිළිණ ගමගේ මහ­තාට (26) දැනුම් දුන්නේය.

දමිතා අබේ­රත්න සහ ඇයගේ සැමියා කොරි­යානු රටට යවන බව පවසා රුපි­යල් ලක්ෂ 30කට අධික මුද­ලක් වංචා කර ඇතැයි අප­රාධ පරී­ක්ෂණ දෙපා­ර්ත­මේ­න්තුව අධි­ක­ර­ණ­යට දන්වා සිටි අතර ඔවුන් දෙදෙ­නාට බොර­ලැ­ස්ග­මුව පොලි­සි­යට පැමි­ණී­මට දැන්වු­වත් එය නොස­ලකා හැර ඇති බැවින් අධි­ක­ර­ණයේ පෙනී සිටින ලෙස නොති­සි­යක් නිකුත් කරන ලෙස අප­රාධ පරී­ක්ෂණ දෙපා­ර්ත­මේ­න්තුව අධි­ක­ර­ණ­යෙන් ඉල්ලා සිටි­යේය.

එම දෙදෙනා සැක­ක­රු­වන් ලෙස නම් කර තිබේද යන්න කොටුව මහේ­ස්ත්‍රා­ත්ව­රයා ඒ අව­ස්ථාවේ විමසා සිටි­යේය.

“මෙතෙක් සැක­ක­රු­වන් ලෙස නම් කර නැහැ. විම­ර්ශන අව­ස්ථාවේ සිටින්නේ. පොලි­සි­යට පැමි­ණෙන ලෙස දැනුම් දුන්නද පැමි­ණියේ නැහැ. අධි­ක­ර­ණයේ පෙනී සිටි­න්නැයි නොතී­සි­යක් නිකුත් කරන්න“ යැයි පොලිස් නිල­ධා­රීන් කොටුව මහේ­ස්ත්‍රා­ත්ව­ර­යා­ගෙන් ඉල්ලා සිටි­යේය.

“සැක­ක­රු­වෙක් ලෙස නම් කර නැති නම් නොතීසි නිකුත් කරන්න බැහැ. නිසි ආකා­ර­යෙන් නියෝග ඉල්ලන්න. “ යැයි කිය­මින් මහේ­ස්ත්‍රා­ත්ව­රයා එම ඉල්ලීම ප්‍රති­ක්ෂේප කළේය.

– Dinamina

Continue Reading

Trending

Copyright © www.pattare.lk