Connect with us

Local

මගඩි සහගත ගැසට් නිවේදන හරහා අද මේ රටේ යම් ආකාරයක ධන උත්පාදනයක්, ජාවාරම්කාර පැළැන්තියක් කරගෙන යනවාදැයි සැකයි. .. පාඨලී චම්පික පවසයි

Published

on

පා.ම.පාඨලි රණවක 10 4 දින පා

මගඩි සහගත ගැසට් නිවේදන හරහා අද මේ රටේ යම් ආකාරයක ධන උත්පාදනයක්, ජාවාරම්කාර පැළැන්තියක් කරගෙන යනවාදැයි සැකයි.  අපනයන සංයුතිය වෙනස් කර ගත්තොත් ඉතාම කෙටි කාලයක් ඇතුළත ලංකාවේ අපනයන ආදායම දෙගුණ කරන්න පුළුවන්

මගඩි සහගත ගැසට් නිවේදන හරහා අද මේ රටේ යම් ආකාරයක ධන උත්පාදනයක්, ජාවාරම්කාර පැළැන්තියක් කරගෙන යනවාද? කියන සැකය දැන් ඇති වී තිබෙන බව එක්සත් ජනරජ පෙරමුණේ නායක, පාර්ලිමේන්තු මන්ත්‍රී පාඨලී චම්පික රණවක මහතා පවසයි. අද (04) පාර්ලිමේන්තුව අමතමින් ඔහු මේ බව ප්‍රකාශ කළේය.

“අද රාජ්‍ය ගිණුම් කාරක සභාව විසින් අනුමත කරන ලද තීරුබදු පදනම් කරගත් ගැසට් නිවේදන කිහිපයක් පිළිබඳවයි අපි සාකච්ඡා කරමින් ඉන්නේ. රටේ අද රටේ දළ දේශීය නිෂ්පාදනය සීඝ්‍රයෙන් හැකිවෙමින් තිබෙන අවස්ථාවක ඒ දළ දේශීය නිෂ්පාදනය පුළුල් කරන්න, වැඩි කරන්න ඉතාම අත්‍යවශ්‍යයි රටේ බදු ප්‍රතිපත්තිය. රටට අලුතෙන් ඩොලර් උත්පාදනය කිරීම සඳහා විදේශ විනිමය උත්පාදනය කිරීම සඳහා අපනයන භාණ්ඩ හා සේවා වැඩිදියුණු කරගැනීමට ඉතා ම අත්‍යවශ්‍යයි තීරුබදු ප්‍රතිපත්තිය. 1977 දී රට විවෘත කළාට පස්සේ අපේ ආනයන අපනයන සහිත ජාත්‍යන්තර වෙළඳාම ක්‍රමයෙන් වර්ධනය වෙලා ගිහිල්ලා 2000 දී උපරිම මට්ටමට ලක්වෙලා ඊට පස්සේ ආපසු යාම තමයි සිද්ධ වෙලා තියෙන්නේ.

2015 දී අන්තර්ජාතික ඇගයීමකට අනුව ලංකාව 1970 වසා දැම්ම රටක්, සංවෘත රටක් හැටියට තිබෙන තත්ත්වයටම ආපසු ගිහින් තිබුණා ලංකාව 2000 න් පස්සේ. මේ තීරුබදු පිළිබඳ කාරණය ගැන ඉතාම විධිමත් වාර්තාවක් ලෝක බැංකුව විසින් කරලා තිබෙනවා. ඒ අනුව පෙන්වලා දීලා තිබෙනවා අපගේ තීරුබදු ප්‍රතිපත්තිය වෙනස් කර ගත්තොත්, අපේ අපනයන යොමුවෙලා තියෙන දිශානතිය (ඒ රට රටවල්) වෙනස් කර ගත්තොත්. අපේ අපනයන සංයුතිය වෙනස් කර ගත්තොත් ඉතාම කෙටි කාලයක් ඇතුළත ලංකාවේ අපනයන ආදායම වූ ආසන්නයෙන් ඩොලර් බිලියන 10 ක පමණ ආදායම දෙගුණ කරන්න පුළුවන් කියලා. වටිනාකම එකතු කිරීම පිළිබඳ කාරණය ගත්තොත් අනිවාර්යෙන්ම ඩොලර් බිලියන 8.6කින් අපේ අපනයන ආදායම වැඩි කරගන්න පුළුවන් කියලා.

ඒකෙ තේරුම මොකක්ද? මේ තීරුබදු ප්‍රතිපත්තිය නිවැරදි ප්‍රතිපත්ති රාමුවක තියලා ඉදිරියට ගෙනියනවා නම්, ලංකාවේ අද තියෙන මේ ඩොලර් හිගයට අතනින් මෙතනින් හිගා කන්න දෙයක් නෑ. අපේ රට ඇතුළෙන්ම මේ විසඳුම හොයාගෙන අපට හැකියාව ලැබෙනවා ආනයන වියදම අපනයන ආදායමෙන් සමතුලනය කරලා අපට මේ ඉදිරි පිම්ම පනින්න. අවාසනාවකට මම දන්න තරමින් මේ මුදල් අමාත්‍යාංශය ඒ පිළිබඳව දැන හිටියත් එම වාර්තාව පිළිබඳ කිසිඳු ප්‍රතිපත්තියක් මේ සම්බන්ධයෙන් අරගෙන නෑ. විශේෂයෙන්ම අපේ ක්‍රම සහ විධි කාරක සභාවේ, රේගු දෙපාර්තමේන්තුව පිළිබඳ විධිමත් අධ්‍යයනයක් අපි කරලා තියෙනවා. ඒ වාර්තාව සභාගත කරලා තියෙනවා. ඒ වාර්තාව ක්‍රියාත්මක කිරීමේ වගකීම මුදල් අමාත්‍යාංශය සිදු කළොත්, අනිවාර්යයෙන්ම මේ තීරු බදු පිළිබඳව අපට යම් විස්තරාත්මක තැනකට එන්න පුළුවන්.

විශේෂයෙන්ම කියන්න ඕනේ, මේ ආනයන සම්බන්ධයෙන්, අපි කවුරුත් දන්න සාමාන්‍ය කාරණය, මෙතන තියෙනවා ආයෝජන සඳහා එන භාණ්ඩ. මෙතන තියෙනවා පරිභෝජනය සඳහා එන භාණ්ඩ. මෙතන තියෙනවා අතරමැදි භාණ්ඩ. මේ සෑම කෙනෙකුටම ආකාරයකම යම් යම් ආකාරයේ තීරුබදු පැනවීමක් වෙනවා. අපි ආයෝජන සඳහා එහෙමත් නැත්නම් අපනයනය සඳහා ගෙන එන අතිරේක භාණ්ඩ වලට බදු පැනවීම කරනකොට ඒ ආයෝජන අධෛර්යමත් වෙනවා. ඒ අපනයන අධෛර්යමත් වෙනවා. ඒ අනුව තාමත් මුදල් අමාත්‍යාංශයට හැකියාවක් ලැබිලා නෑ මේ ආනයන පිළිබඳව විස්තරාත්මක විග්‍රහයක් කරලා තමන්ගේ තීරුබදු ප්‍රතිපත්තිය හදාගෙන ආයෝජන වැඩි දියුණු කරන්නත් අපනයන වැඩි දියුණු කරන්නත් ඒ වගේම පරිභෝජනය ඇතැම් භාණ්ඩ දුර්වල කරලා ඇතැම් භාණ්ඩවලට අවශ්‍ය කරන වටපිටාව රට තුළ නිෂ්පාදනය වැඩි කරන්නත් තාම හැකි වෙලා නෑ.

ඒ නිසා ඉතාමත්ම කණගාටුවෙන් වුණත් කියන්න ඕනේ අපේ ගිණුම් කාරක සභාවට එන ගැසට් නිවේදන දිහා බැලුවහම කිසිම ආකාරයක විද්‍යාත්මක පසුබිමක් නැති ඉතාමත්ම අවිද්‍යාත්මක ඉතාමත්ම සැක කටයුතු, මගඩි සහගත ගැසට් නිවේදන හරහා අද මේ රටේ යම් ආකාරයක ධන උත්පාදනයක්, ජාවාරම්කාර පැළැන්තියක් කරගෙන යනවාද? කියන සැකය දැන් ඇතිවෙලා තිබෙනවා. අපි ගත්තොත්, මේ පසුගියදා නිකුත් වූ ජාත්‍යන්තර මූල්‍ය අරමුදලේ ආණ්ඩුකරණය පිළිබඳ වාර්තාවේ ඒ තොරතුරු අතරේ විශේෂයෙන්ම සඳහන් කරලා තියෙනවා මේ අවිධිමත් ප්‍රතිපත්ති මත රටට ඉතාමත්ම බරපතළ විදිහට පාඩු සිද්ධ වූ ඒවා.

මං මේ පාර්ලිමේන්තුවේ ඒ වගේම මේ කාරක සභාවල මතු කරලා තියෙනවා. 2021 ජූනි මාසේ සිදු කරපු අර දැවැන්ත සීනි වංචාව, ඒ දැවැන්ත සීනි වංචාවෙන් රුපියල් බිලියන ගණනක අයථා ලාභයක් ලෙස උපයා ගත්තයි කියන එක මුදල් කාරක සභා සභාවටත් වාර්තා කළා. ඒ වගේම මේ පාර්ලිමේන්තුවට වාර්තා කළා. ඒ වගේම විගණකාධිපතිතුමා වාර්තා කළා. දැන් අවුරුදු දෙකක් මේ රටේ 248000 ක් ඉන්නවා වෘත්තීයවේදී මට්ටමෙන් අද බදු අය කරනවා මේ පේයි ටැක්ස් එක. රුපියල් ලක්ෂයට වඩා පඩි ලබා ගන්නා ගුරුවරු, නීතිවේදියෝ, ඉංජිනේරුවෝ, වෛද්‍යවරු, විශේෂඥ වෛද්‍යවරු මේ අය සියලු දෙනාවම අධෛර්යට පත් කරමින් මේ බද්ද ගහනවා. අද මේ රටේ වැඩකරන ජනතාව අතරින් රුපියල් ලක්ෂයට වඩා පඩි ලබන මේ 248000 තමයි මේ රටේ පරිපාලනමය වශයෙන් අතිශය වැදගත් කණ්ඩායම් ඒ කණ්ඩායම් අද මහා පරිමාණයෙන් මහා පරිමාණයෙන් රට හැර යනවා.

විදුලිබල මණ්ඩලයේ 471000 ක් ඉන්නවා විදුලි බිල බින්දුව වෙච්ච. ඒකෙ තේරුම මොකක්ද? රට දාලා ගිහිල්ලා තියෙනවා අතිවිශාල ප්‍රමාණයක්. ඒකෙන් සැලකිය යුතු ප්‍රමාණයක් ඉන්නේ රට දාලා ගිය පිරිස. ඒ විදුලිබල මණ්ඩලයේ බිංදුව වෙච්ච පිරිස ගිය ජනවාරි මාසේ, පෙබරවාරි මාසේ, මේ ජූලි මාසේ, අගෝස්තු මාසේ, සැප්තැම්බර් මාසේ බලනකොට සීඝ්‍ර වැඩිවීමක් තියෙනවා. රට දාලා මිනිස්සු යනවා. ඇයි? ඒ අය තමන්ගේ බදු මුදල් වලින් සිද්ධ වෙන දේ ගැන අකම්පාල වෙලා ඉන්නේ. ඇයි අපි බදු ගෙවන්නේ කියලා. මොකද? සීනි ජාවාරම ඒ නීතිය නෑ. මේ පාර්ලිමේන්තුවෙන් අපි ඉල්ලා හිටියා, මම බොහොම කනගාටුවෙන් කියනවා, අපේ ගිණුම් කාරක සභාව කතානායකතුමාටත් ලිව්වා, නමුත් කිසිම ක්‍රියාමාර්ගයක් අරන් නෑ. ඒ අනුව මේ ජාවාරම්කාරයා ඉන්නේ, මුදල් අමාත්‍යාංශයට උඩින්. ඒ වගේම අද වෙනකොට අධිකරණයට උඩින් වෙන්න පුළුවන්. මොකද මේ ගැන අද උපරිමාධිකරණයේ නඩුවක් තියෙනවා. දැන් පාර්ලිමේන්තුවටත් උඩින්ද මේ ඉන්නේ කියන ප්‍රශ්නය අපට පැන නැගිලා තියෙනවා.

ගැසට් නිවේදනයක් ගැහුවා පහුගිය ජුනි 14 රටට සිමෙන්ති ගෙන ඒම රටට තිරිඟු පිටි ගෙන ඒම පාලනය කරලා. හැබැයි සමාගම් දෙකකට ඉඩ දුන්නා. සමාගම් දෙකකට පමණක් ඔවුන් 80% ක් වෙළඳපොලේ. ඒ දෙකට විතරක් ඉඩ දුන්නා ගේන්න. මොකක්ද මේ පාර්ලිමේන්තුවේ කිව්වේ? ගොවියව බේරගන්න. වී අස්වනු කපනවා. ගොවියා බේරගන්නයි යන්නේ කියලා. අන්තිමට වුණේ මොකක්ද? අන්තිමට අගෝස්තු 14 ඒ ගැසට් එක නැතිවෙලා යනකොට ටොන් 289,000 ක් තිබුණා. මාස පහක් මේ රටට තිරිඟු පිටි සපයන්න පුළුවන් ප්‍රමාණයක් තිබුණා. රුපියල් දාසයකින් වැඩි කළා. අර වෙළඳ අමාත්‍යාංශයේ අපට වාර්තා කළා දැන්. අපි ගණන් හැදුවා මේ ගාන කීයද කියලා. රුපියල් 185 යි. තිරිඟු පිටි කිලෝවක් වෙන්නේ. අද කීයද? අපිට කිව්වේ රුපියල් 198 ට දෙන්න කියලා අපි නියෝගයක් දුන්නා. මම ඊයේ ගිහිල්ලා බැලුවා මේ තලවතුගොඩ සුපිරි වෙළඳසැලක. 219 යි තිරිඟු පිටි කිලෝවක්. මොකක්ද මේ කරන්නේ?

අතිරේක ලාභ අප්‍රමාණ විදිහට උපයනවා. කිසිම ආකාරයක මැදිහත් වීමක් කළේ නැහැ. දැන් ඒ නිසා අපේ ගිණුම් කාරක සභාවේ සභාපතිතුමත් අපිත් තීරණය කළා මේක විගණකාධිපති ලවා විගණනය කරවන්න. මොකද සිද්ධ වෙනකොට කිසිම කෙනෙක්ට බදු ගෙවන්න, ඒ වගේම බදු ගෙවලා රටට මෙහෙවරක් කරන්න කිසිම ආකාරයක අධිෂ්ඨානයක් එන්නේ නෑ. ඒ නිසා මේ ඉතාමත්ම ආර්ථිකය අයුක්ති සහගත ආකාරයටයි කටයුතු කරන්නේ. මම කියන්න පුළුවන් ලයිස්තුව මේ මෑතදී ආවා ඔය විදිහෙම එකක් සිමෙන්ති සම්බන්ධව. සිමෙන්ති වලට අතිරේක රුපියල් සීයක බද්දක් ගහන්න. කීයද දාලා තිබිච්ච සිමෙන්ති වල වටිනාකම, උපරිම සිල්ලර මිල රුපියල් 2600 යි. අපේ කාරක සභාවේ අපි ගණන් හදලා බැලුවා. මේ පාර්ලිමේන්තුවේ පර්යේෂණ නිලධාරීන් එක්ක. මොනවද කස්ටම් එක හරහා ඇවිල්ලා තියෙන සිමෙන්ති වල ගාන? කීයද? රුපියල් 832 යි අර කිලෝ පනහක සිමෙන්ති බෑග් එකක්. ඒකට බද්දක් ගහලා තිබුණා රුපියල් 900 ක. ඒ අනුව වැඩිම වුණොත් මේ සිමෙන්ති විකුණන්න ඕනා. රටේ සියලු ප්‍රදේශවල 1950 ට. නමුත් මොකක්ද දීලා තියෙන ආණ්ඩුව සහනය? 2600 දක්වා සිමෙන්ති විකුණන්න පුළුවන් කියලා. මේ හරහා මේ සමාගම් හත අටක් අති දැවැන්ත ලාභයක් උපයනවා විතරක් නෙමෙයි. අපි කවුරුත් දන්නවා අද මේ ඉදිකිරීම් ක්ෂේත්‍රය බිමට බිම් බත් වෙලා තියෙනවා. යකඩ ගත්තත් මෙච්චරයි. සිමෙන්ති ගත්තත් මෙච්චරයි. මේ රටේ භාණ්ඩ දහස් ගාණක කතාව මේකයි. මෑතදී ආවා ඔය ත්‍රිපෝෂ ප්‍රශ්නෙ.

සබන් වලට බද්දක් ගහන්න කියලා ආවා සබන් සම්බන්ධයෙන්. මේ හැම එකක් ගැනම අපට බලගතු සමහර ඒවා එන්නේ දේශීය ව්‍යාපාර රැකගැනීමේ මුවාවෙන් සමහර ඒවා එන්නේ රට විවෘතකරණය කිරීමේ අදහසින්. එකිනෙකට පටහැනි, අවිද්‍යාත්මක ආකාරයේ මේ තීරුබදු ප්‍රතිපත්තිය වෙනස් කරලා, විද්‍යාත්මක තීරුබදු ප්‍රතිපත්තියක් අනුගමනය කරනවා නම්, අපේ ආයෝජන වැඩි වෙන්න කරන්නත් පුළුවන්, අපේ නිෂ්පාදනය වැඩි කරන්නත් පුළුවන්, අපේ අපනයන වැඩි කරන්නත් පුළුවන්, විශේෂයෙන්ම අර මම සඳහන් කරපු වාර්තාවට අනුව, ඉතා කෙටි කලකින්, මේ රටේ අපනයන ආදායම දෙගුණ කිරීමේ හැකියාවකුත් තිබෙනවා.”

මාධ්‍ය ඒ්කකය

Click to comment

Leave a Reply

Your email address will not be published. Required fields are marked *

Local

අපි කියන මිලට වී නොගන්න මෝල් හිමියන් Black List කරනවා.. ලාල් කාන්ත

Published

on

By

රජය නියම කර ඇති සහතික මිලට වී මිලදී ගැනීමට අපොහොසත් වන පෞද්ගලික මෝල් හිමියන් අසාදු ලේඛනගත කිරීමට පියවර ගන්නා බව කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී. ලාල් කාන්ත මහතා අවධාරණය කරයි.

අමාත්‍යවරයා මේ බව සඳහන් කළේ දෙහිඅත්තකණ්ඩිය මහවැලි සාලිකා ශාලාවේදී පැවැති ගොවි හමුවකට එක්වෙමිනි.

මෙහිදී වැඩිදුරටත් අදහස් දැක්වූ අමාත්‍යවරයා කියා සිටියේ, පෞද්ගලික අංශයට වී මිලදී ගැනීම සඳහා රජය මගින් සහනදායී ණය පහසුකම් ලබා දෙන්නේ රජයේ සහතික මිලට වී මිලදී ගැනීමේ කොන්දේසිය මත බවයි.

එසේ තිබියදී ඇතැම් මෝල් හිමියන් සහතික මිලට වඩා අඩු මිලට වී මිලදී ගන්නා බවට තොරතුරු වාර්තා වන බවත්, එවැනි පුද්ගලයන්ට ඉදිරියේදී රජය සමග ගනුදෙනු කිරීමට ඇති අවස්ථාවන් අහිමි කරන බවත් ඔහු පැවසීය.

රටේ කෘෂිකාර්මික ප්‍රතිපත්තියේ සිදුව ඇති වෙනස්කම් පිළිබඳව කරුණු දැක්වූ අමාත්‍යවරයා, මෙරට බඩඉරිඟු ගොවියා ආරක්ෂා කිරීම වෙනුවෙන් මේ වසරේ ආනයනය කිරීමට නියමිතව තිබූ බඩඉරිඟු මෙට්‍රික් ටොන් ලක්ෂ තුනක ප්‍රමාණය නතර කිරීමට රජය තීරණය කළ බව සඳහන් කළේය.

මේ හේතුවෙන් සත්ත්ව ආහාර නිෂ්පාදකයන් මුහුණ දී ඇති අමුද්‍රව්‍ය හිඟයට විසඳුමක් ලෙස, සහල් වෙනත් නිෂ්පාදන සඳහා අමුද්‍රව්‍යයක් ලෙස භාවිත කිරීමට පනවා තිබූ තහනම ඉවත් කළ බවද ඔහු අනාවරණය කළේය.

“සහල් වෙනත් නිෂ්පාදන සඳහා භාවිත කිරීම තහනම් කරමින් මීට පෙර නිකුත් කර තිබූ චක්‍රලේඛය අපි අහෝසි කළා. දැන් කිසිදු බාධාවකින් තොරව සත්ත්ව ආහාර හෝ වෙනත් නිෂ්පාදන සඳහා සහල් අමුද්‍රව්‍යයක් ලෙස භාවිත කරන්න පුළුවන්. එමගින් වී සඳහා පවතින ඉල්ලුම තවත් වැඩි වෙනවා,” යැයි අමාත්‍යවරයා පැවසීය.

එමෙන්ම පුරන් කුඹුරු අස්වැද්දීමේදී වී වගාවට පමණක් සීමා නොවී, බඩඉරිඟු වැනි අතිරේක බෝග වගා කිරීම කෙරෙහි අවධානය යොමු කළ යුතු බවත්, වී අලෙවි මණ්ඩලයේ ගබඩා ධාරිතාව ඉදිරි කන්නයේදී තවදුරටත් වැඩි කිරීමට සැලසුම් කර ඇති බවත් අමාත්‍ය ලාල් කාන්ත මහතා මෙහිදී වැඩිදුරටත් ප්‍රකාශ කළේය.

Continue Reading

Local

ලෝක කුසලාන තරග බලන ක‍්‍රීඩා ලෝලීන්ට තහනම් භාණ්ඩ ලයිස්තුවක්..

Published

on

By

2026 T20 ලෝක කුසලාන ක්‍රිකට් තරගාවලිය වෙනුවෙන් කොළඹ නගරය කේන්ද්‍ර කරගනිමින් විශේෂ රථවාහන සැලැස්මක් සහ ආරක්ෂක වැඩපිළිවෙළක් ක්‍රියාත්මක කරන බව පොලිස් මාධ්‍ය කොට්ඨාසය නිවේදනය කරයි.

මෙම තරගාවලිය 2026 පෙබරවාරි මස 07 වන දින සිට මාර්තු 08 වන දින දක්වා පැවැත්වීමට නියමිත අතර, ශ්‍රී ලංකාවේ පැවැත්වෙන තරග කොළඹ ආර්. ප්‍රේමදාස ක්‍රීඩාංගනය සහ කුරුඳුවත්ත SSC ක්‍රීඩාංගනය කේන්ද්‍ර කරගනිමින් පැවැත්වේ. දේශීය හා විදේශීය ප්‍රේක්ෂකයින් විශාල පිරිසක් මෙම තරග නැරඹීමට පැමිණෙනු ඇතැයි අපේක්ෂා කරන බැවින්, තරග පැවැත්වෙන දිනයන්හිදී කොළඹ රථවාහන කොට්ඨාසය විසින් පහත පරිදි රථවාහන සැලැස්ම ක්‍රියාත්මක කරනු ලබයි.

ආර්. ප්‍රේමදාස ක්‍රීඩාංගනය ආශ්‍රිත රථවාහන සැලැස්ම

ආර්. ප්‍රේමදාස ක්‍රීඩාංගනයේ තරග පැවැත්වෙන දිනයන්හිදී වින්සන්ට් පෙරේරා මාවත (ග්‍රෑන්ඩ්පාස් පාර), බ්‍රීටෝ බබාපුල්ලේ පාලම හන්දිය, සෙබස්තියන් ඇළ පාර (මැල්වත්ත පාලම අසලින්), අඩි 100 පාර සහ සද්ධර්ම මාවත ඇතුළු මාර්ග කිහිපයක රථවාහන ගමනාගමනය අවස්ථානුකූලව සීමා කෙරෙනු ඇත.

විශේෂයෙන් පෙබරවාරි 08 (ශ්‍රී ලංකාව සහ අයර්ලන්තය), 15 (ඉන්දියාව සහ පාකිස්ථානය) සහ 19 (ශ්‍රී ලංකාව සහ සිම්බාබ්වේ) යන දිනවල පැවැත්වෙන තරග සඳහා විශේෂ රථවාහන සැලැස්මක් සහ ප්‍රවාහන සේවයක් ක්‍රියාත්මක වේ. මෙම දිනවල පැමිණෙන ප්‍රේක්ෂකයින් සඳහා පැරණි MOD රථගාල සහ පෝට්සිටි (Port City) රථගාලේ සිට ක්‍රීඩාංගනය දක්වා විශේෂ ප්‍රවාහන සේවයක් ක්‍රියාත්මක කිරීමට සැලසුම් කර ඇත.

එමෙන්ම පෙබරවාරි 11, 13, 21, 25 සහ 27 යන දිනවල පැවැත්වෙන තරග සඳහා ග්‍රෑන්ඩ්පාස් මැටිපාක්, සතොස, සෙබස්තියන් ඇළ, කෝවිල පාර සහ අඩි 100 පාර දෙපස රථගාල් පහසුකම් සපයා තිබේ.

SSC ක්‍රීඩාංගනය ආශ්‍රිත රථවාහන සැලැස්ම

SSC ක්‍රීඩාංගනයේ තරග පැවැත්වෙන පෙබරවාරි 07, 09, 10, 14 සහ 18 යන දිනවලදී රාජ්‍ය පරිපාලන හන්දිය, මෙට්ලන්ඩ් පෙදෙස සහ විද්‍යා මාවත ආශ්‍රිතව රථවාහන ගමනාගමනය සීමා කෙරේ.

මෙම තරග සඳහා පැමිණෙන රථවාහන ගාල් කිරීමට නිදහස් මාවත, පදනම් ආයතන මාවත, CR&FC, SSC ක්‍රීඩා සමාජ රථගාල, ක්‍රීඩා අමාත්‍යාංශයේ පරණ මැක්ඩොනල්ඩ් රථගාල, රූපවාහිනී රථගාල සහ BMICH පරිශ්‍රය වෙන් කර ඇත.

තරගාවලිය සඳහා පැමිණෙන ජනතාවගේ ආරක්ෂාව වෙනුවෙන් පොලිස් නිලධාරීන් 1500ක් සහ රථවාහන නිලධාරීන් 600ක් යොදවා ඇති බව පොලිසිය පවසයි. මීට අමතරව සිවිල් ඇඳුමින් සැරසුණු බුද්ධි අංශ නිලධාරීන් ද ආරක්ෂක කටයුතු සඳහා යොදවනු ලබයි.

විශාල ප්‍රමාණයේ ගමන් මලු, වීදුරු බෝතල්, ඩ්‍රෝන උපකරණ, මුවහත් පිහි, මත්ද්‍රව්‍ය සහ මත්පැන් ක්‍රීඩා භූමිය තුළට රැගෙන ඒම සපුරා තහනම් බව පොලිසිය මහජනතාවට දැඩිව අවධාරණය කරයි.

Continue Reading

Local

ශ‍්‍රී ලංකාවෙන් තරුණියන් ආනයනය කර කොරියානුවන්ට විවාහ කර දිය යුතුයි.. කොරියා ආණ්ඩුකාර..

Published

on

By

දකුණු කොරියාවේ ජින්ඩෝ ප්‍රාන්තයේ ආණ්ඩුකාර කිම් හී-සූ විසින් එරට පවතින ජනගහන පරිහානියට විසඳුමක් ලෙස ශ්‍රී ලංකාව සහ වියට්නාමය වැනි රටවලින් තරුණ කාන්තාවන් “ආනයනය” කළ යුතු බවට කළ මතභේදාත්මක ප්‍රකාශයක් සම්බන්ධයෙන් මේ වන විට දැඩි කතාබහක් සහ විවේචනයක් මතු වී තිබේ.

 දකුණු ජොල්ලා ප්‍රාන්තයේ හේනම් සංස්කෘතික හා කලා මධ්‍යස්ථානයේ පැවති මහජන හමුවකදී ආණ්ඩුකාරවරයා මෙම ප්‍රකාශය සිදු කර ඇත. ක්වාන්ජු  සහ දකුණු ජොල්ලා පරිපාලන ඒකක ඒකාබද්ධ කිරීමේ යෝජනාව සම්බන්ධයෙන් පැවති මෙම හමුවට දේශපාලන නායකයින්, විද්වතුන් සහ ප්‍රාදේශීය වැසියන් විශාල පිරිසක් සහභාගී වී සිටියහ.

සභාව අමතමින් කිම් හී-සූ පෙන්වා දුන්නේ දකුණු කොරියා ජනගහනය වඳවී යාමේ තර්ජනයට ලක්ව ඇති ප්‍රදේශ 89ක් හඳුනාගෙන ඇති බවත්, ඉන් සියයට 20ක්ම දකුණු ජොල්ලා ප්‍රාන්තයේ පිහිටා ඇති බවත්ය. 2000 වසරේ සිටම මෙම ජනගහන අර්බුදය පුරෝකථනය කර තිබුණද රජය හෝ විද්වතුන් ඒ සඳහා නිසි පියවර ගෙන නොමැති බවට ඔහු චෝදනා කළේය.

“අවසාන විසඳුම ලෙස හෝ අප ශ්‍රී ලංකාව හෝ වියට්නාමය වැනි රටවලින් තරුණ කාන්තාවන් ‘ආනයනය’ කර, ගම්බද ප්‍රදේශවල වෙසෙන අවිවාහක පුරුෂයන්ට විවාහ වීමට අවස්ථාව සලසා දිය යුතුයි. ඒ සඳහා විශේෂ ප්‍රතිපාදන සකස් කළ යුතුයි. මිනිසුන් නොමැති රටක කර්මාන්ත නගාසිටුවීමෙන් ඇති ඵලය කුමක්ද?”

මෙම ප්‍රකාශය යූ ටියුබ් (YouTube) නාලිකා ඔස්සේ සජීවීව විකාශය වූ අතර, එම අවස්ථාවේදීම පැනලිස්ට්වරයෙකු ලෙස සහභාගී වූ ක්වාන්ජු නගරාධිපති කන්ග් ගි-ජුන්ග් විසින් එම ප්‍රකාශය නුසුදුසු බව පවසමින් විරෝධය පළ කරනු ලැබීය.

ග්‍රාමීය සහ ධීවර ප්‍රජාව මුහුණ දෙන ජනගහන අවපාතය පිළිබඳ දැඩි අවධානයක් යොමු කිරීම ආණ්ඩුකාරවරයාගේ අරමුණ වන්නට ඇති බව සමහරු පවසතත්, ඔහු භාවිතා කළ වචන මාලාව දැඩි දෝෂදර්ශනයට ලක්ව ඇත. 

Continue Reading

Trending

Copyright © www.pattare.lk