Connect with us

Local

ඊශ්‍රායල් – පලස්තීන ගැටුම විසඳීමට යෝජනා කරන පස්වැදෑරුම් වැඩ පිළිවෙලක්.මන්ත්‍රී පාඨලී චම්පික රණවක…

Published

on

පා.ම.පාඨලි රණවක 10 4 දින පා

ඊශ්‍රායලය සහ හමාස් කණ්ඩායම අතර මැදපෙරදිග පවතින ගැටුමේ ගැඹුරු සහ බරපතල ප්‍රතිවිපාක එක්සත් ජනරජ පෙරමුණු නායක පාර්ලිමේන්තු මන්ත්‍රී පාඨලී චම්පික රණවක මහතා අවධාරණය කරමින් පවසා සිටින්නේ භාණ්ඩ හා සේවා මිල ගණන් අහස උසට නැඟීම මගින් තීව්‍ර කරන ලද ආර්ථික අර්බුදයත් සමඟ මේ වන විට පොරබදමින් සිටින ශ්‍රී ලංකාව, මේ තත්වය හමුවේ තවදුරටත් අසරණ වී ඇති බවයි. මැදපෙරදිග ගැටුමේ බලපෑම් හේතුවෙන් කලාපයේ අනෙකුත් ජාතීන් මෙන්ම ශ්‍රී ලංකාව ද දැඩි ලෙස පීඩාවට පත් වනු ඇතැයි රණවක මහතා පෙන්වා දෙයි.

ඒ අනුව ඓතිහාසික සන්දර්භය සහ වත්මන් අර්බුදයේ ස්වභාවය පිළිබඳ අවධානය යොමු කරමින්, එම තත්ත්වය කඩිනමින් විසඳා ගැනීම සඳහා සවිස්තරාත්මක කරුණු පහකින් යුත් යෝජනාවක් පාඨලී චම්පික රණවක මහතා විසින් ඉදිරිපත් කොට තිබේ.

“ඊශ්‍රායල් – පලස්තීන ගැටුම විසඳීමට යෝජනා කරන පස්වැදෑරුම් වැඩ පිළිවෙළ”

1. මානුෂීය අවශ්‍යතා සහ මූලික මිනිස් අවශ්‍යතා වන ජලය, ආහාර, විදුලිය, ඉන්ධන සහ ඖෂධ සිරවී සිටින ජනතාවට වහාම ලැබීමට සැලැස්වීම.
2. ප්‍රාණ ඇපයට ගෙන සිටින අය ජාත්‍යන්තර මැදිහත්වීම මත වහා නිදහස් කිරීම.
3. සියලුම පාර්ශව විසින් ඊශ්‍රායලය හා පලස්තීනය “ස්වෛරී රටවල් දෙකක්” ලෙස පිළිගැනීම හා එයට එකඟ වීම.
4. ලොව පුරා සිටින මිලියන 6ක් වන පලස්තීන සරණාගත ජනතාවට තම මව්බිමට පැමිණීමට ඉඩ දීම.
5. ශුද්ධ වූ ජෙරුසෙලම සියලුම ආගම් සහ වන්දනාකරුවන් සඳහා මධ්‍යස්ථ, අපක්ෂපාතී නගරයක් බවට එක්සත් ජාතීන් වැනි ජාත්‍යන්තර අධීක්ෂණයක් යටතේ පත් කිරීම.

මෙම ගැටුම ජාතිවාදී හෝ ආගම්වාදී දෘෂ්ටිකෝණයකින් නොව ජාත්‍යන්තර ප්‍රජාව විසින් බැලිය යුත්තේ මානුෂීය දෘෂ්ටිකෝණයකින් බවත් සන්නද්ධ ත්‍රස්තවාදී සංවිධානවල පීඩනයෙන් තොර ප්‍රජාතන්ත්‍රවාදී රජයක් තෝරා පත් කර ගැනීමට පලස්තීන ජනතාවට ඉඩ දීමේ වැදගත්කම මෙම පස්වැදෑරුම් වැඩ පිළිවෙළ හරහා අවධාරණය කරයි.

Click to comment

Leave a Reply

Your email address will not be published. Required fields are marked *

Local

අලුතෙන් ආනයනයේදී වාහනයකට බද්ද ලක්‍ෂ 120ක්..

Published

on

By

දැනට මෙරටට ආනයනය කිරීමට අනුමැතිය දී ඇති වාහන වලට සුඛෝපභෝගී බද්ද (Luxury tax) රුපියල් මිලියන 6-12 දක්වා වැඩි කර ඇති බවත් මේ පිළිබඳ නැවත සොයා බැලීමක් අවශ්‍ය බැවින් එම විමර්ශනය මුදල් අමාත්‍යාංශයට භාරදුන් බවත් රජයේ මුදල් පිළිබඳ කාරක සභාවේ සභාපති, ආචාර්ය හර්ෂ ද සිල්වා පාර්ලිමේන්තුවේදී පැවැසීය.

එමෙන්ම ඉලෙක්ට්‍රික් වාහන ආනයනය සම්බන්ධව විදේශයේ වැඩ කරන පුද්ගලයන්ට මුදල් ප්‍රේෂණය කිරීමේදී ගැටලු රාශියක් පවතින බවත් සභාපතිවරයා පෙන්වා දුන්නේය.

‘සංචාරක ක්ෂේත්‍රයේ වාහන අවශ්‍යතාවක් තිබෙනවා. වාහන තහනමක් තිබෙන නිසා විශේෂ ගැසට් එකක් ගහලා තියෙනවා. ඒ හරහා වාහන දාහක් ගෙන්න ගන්න අනුමැතිය දීලා තියෙනවා. කුඩා කෝච් සහ බස් රථ 250ක්, වෑන් රථ 750ක් මෙයට ඇතුළත්. ඒකට නිසි ක්‍රමවේදයක් සකස් කරලා තිබෙනවා. Brand new වාහන වලට මේ අවසරය දී තිබෙන්නේ. අපේ කාරක සභාව ඒක අනුමත කරා.

ඒ වගේම ඉලෙක්ට්‍රික් වාහන ආනයනය සම්බන්ධව පිටරට වැඩ කරන පුද්ගලයන් මුදල් ප්‍රේෂණය කරන්න ගියාම ඒ කෙ ගැටලු ඇවිල්ලා තිබුණා. මේකේ Under invoice වෙලා තියෙනවද, හරියට ටැක්ස් ගෙවලා තියෙනවද, කොහොමද ආයතන දෙකකට විතරක් සීමා වෙන්නේ, මේ වාහන 68% ක් කොහොමද ආයතන දෙකකින් ගෙන්නුවේ. ඇයි මේකට Online system එකක් නැත්තෙ කියලා ගැටලු රාශියක් ආවා. අපේ කාරක සභාව හැටියට joint committee එකක් පත් කළා මේ ගැන හොයන්න. ඒකට මුදල් අමාත්‍යාංශය, කම්කරු අමාත්‍යාංශය, මහ බැංකුව, ආගමන විගමන, රේගු යන ආයතන එකතු කර ගත්තා. ඔවුන් අපිට වාර්තාවක් දුන්නා. ඒකෙ තියෙනවා යම් යම් අවභාවිතාවන් තිබෙන බව.

මේ පිළිබඳ දැඩි විමර්ශනයක් කරන්න කියලා තිබෙනවා. ස්කීම් එක හරහා වාහන ගේන්න බැහැ. නමුත් ගේන්න අනුමැතිය දුන් වාහන වලටත් luxury tax එක රුපියල් මිලියන 6 -12 දක්වා වැඩි කරලා තියනවා. නැවත මේක ගැන සොයා බලන්නට මුදල් අමාත්‍යාංශයට අපි භාරදීලා තිබෙනවා. මේ ගැන විමර්ශනයක් බලාපොරොත්තු වෙනවා.”

– Mawbima

Continue Reading

Local

ස්ථානාධිපතිවරුන්ගේ සේවයෙන් ඉවත් කළ ලිපි මුද්‍රණයට..

Published

on

By

වැඩ වර්ජනයක යෙදෙමින් දුම්රිය ධාවනයෙන් ඉවත් වී සිටින දුම්රිය සේවකයන් දහසකට ආසන්න සංඛ්‍යාවක් සේවයෙන් නෙරපා හැරීමට තීරණය කර ඇත.

ඒ අනුව ඔවුන් සේවය හැරයාමේ ලිපි මේ වන විට මුද්‍රණය සඳහා යොමු කර ඇති බවයි දුම්රිය දෙපාර්තමේන්තුවේ ප්‍රකාශකයෙක් සඳහන් කළේය.

රට පුරා දුම්රිය ධාවනය අඩාල කරමින් දුම්රිය ස්ථානාධිපතිවරු, පාලකයන් හා දුම්රිය උපස්ථානාධිපතිවරු මේ වන විට වර්ජනයක් ක්‍රියාත්මක කරමින් සිටී.

මේ අතර දැනට ක්‍රියාත්මකව පවතින දුම්රිය වර්ජනය තවදුරටත් දීර්ඝ කිරීම සඳහා විශේෂ සාකච්ඡාවක් අද පස්වරුවේ පැවැත්වීමට එම වෘත්තිය සංගම් තීරණය කර ඇත.

එහිදී වර්ජනය සඳහා අනෙකුත් වෘත්තීය සමිතිවලද සහාය ලබා ගැනීම ද සාකච්ඡා කෙරේ.

Continue Reading

Local

තවත් වෙඩි තැබීමක්.. අයෙක් මරුට..

Published

on

By

යතුරු පැදියකින් පැමිණි ඝාතකයන් දෙදෙනකු විසින් සිදු කරන ලද වෙඩි තැබීමකින් පුද්ගලයෙකු මරණයට පත් වී තිබේ.

ඇඹිලිපිටිය කොළොන්න මාර්ගයේදී මෙම වෙඩි තැබීම සිදුව ඇති බව පොලිසිය සඳහන් කරයි.

මිය ගොස් ඇත්තේ 61 හැවිරිදි පුද්ගලයෙකි.

පොලිසිය වැඩිදුර පරීක්ෂණ පවත්වමින් සිටී.

Continue Reading

Trending

Copyright © www.pattare.lk