Connect with us

Local

ජනාධිපති දවස පුරාම මුදල් අමාත්‍යාංශයේ රැඳිලා ලේකම් මැතිවරණ කොමිසමට යාම වැලැක්වුවා…

Published

on

‘භාණ්ඩාගාර ලේකම්ට මැතිවරණ කොමිසමට කැඳවීමක් කලාම ජනාධිපති ඒ දවස පුරාම මුදල් අමාත්‍යාංශයේ රැඳිලා ලේකම් සමග දවස පුරාම සාකච්ඡා කරමින් මැතිවරණ කොමිසමට යන එක වැලැක්වුවා. මැතිවරණ කොමිසම එන්න කියලා භාණ්ඩාගාර ලේකම්ට දැණුම් දෙන සෑම විටම මොකක් හරි වෙන වැඩක් දාලා ජනාධිපතිතුමා ඒක වලක්වනවා’ පිවිතුරු හෙළ උරුමයේ නායක නීතිඥ උදය ගම්මන්පිල මහතා පවසයි.

ඒ මහතා මේ බව සදහන් කර සිටියේ පාර්ලිමේන්තුවේ පැවති මැතිවරණය කල් දැමීම, බදු බර සහ ජීවන වියදම ඉහළ දැමීම පිලිබඳ පාර්ලිමේන්තු විවාදයේ දී අදහස් දක්වමිනි.

එහිදී පිවිතුරු හෙළ උරුමයේ නායකයා වැඩිදුරටත් මෙසේ අදහස් දැක්වීය.

ජාතික ආරක්ෂක සභාව ජනාධිපතිතුමාගේ ප්‍රධානත්වයෙන් රැස්වීමට නියමිතව තිබුණේ 8 වන බදාදා. නමුත් හදිසියේම ඒක අඟහරුවාදා උදෑසන කැඳවීමට තීරණය කරනවා. මැඩගස්කරයේ දී හරක් කටා අල්ලපු නිසා ද? නෑ. හදිසි ත්‍රස්ත ප්‍රහාරයක් පිලිබඳ තොරතුරු ලැබුණු නිසා ද? නෑ. පුංචි ඡන්දයේ දිනය තීරණය කරන්න ඒ වෙලාවටම භාණ්ඩාගාර ලේකම්ට මැතිවරණ කොමිසමේ සාකච්ඡාවක් තිබුණු නිසා. මීට කලින් දවසකත් භාණ්ඩාගාර ලේකම්ට මැතිවරණ කොමිසමට කැඳවීමක් කලාම ජනාධිපති ඒ දවස පුරාම මුදල් අමාත්‍යාංශයේ රැඳිලා ලේකම් සමග දවස පුරාම සාකච්ඡා කරමින් මැතිවරණ කොමිසමට යන එක වැලැක්වුවා. මැතිවරණ කොමිසම එන්න කියලා භාණ්ඩාගාර ලේකම්ට දැණුම් දෙන සෑම විටම මොකක් හරි වෙන වැඩක් දාලා ජනාධිපතිතුමා ඒක වලක්වනවා.

ජනාධිපති භාණ්ඩාගාර ලේකම් මැතිවරණ කොමිසමට යන එක වලක්වන්නේ හරියට ශුද්ධෝදන රජතුමා සිදුහත් කුමරු සතර පෙර නිමිති දකින එක වැලැක්වීමට වෙර දැරීම සිහිපත් කරමින්. ශුද්ධෝදන රජතුමා කෙතරම් උත්සාහ කළත් සිදුහත් කුමරු සතර පෙර නිමිති දකින එක ගිහි ගෙය හැර යෑම නවත්වන්න බැරි වුණා. අන්න ඒ වගේ ජනාධිපතිතුමා කෙතරම් උත්සාහ කළත් මේ මැතිවරණය ජනාධිපතිවරණය තෙක් කල් දමා ගැනීම කිසි විටක ඉටු කර ගන්න බැරි සිහිනයක්.

මේ මැතිවරණය කල් දැමීම ආණ්ඩුවට වාසියි කියලා ආණ්ඩුව හිතනවා නම් ආණ්ඩුවට වැරදිලා. ඉතිහාසය පුරාම මැතිවරණ කල් දැමූ ආණ්ඩු වලට වුනේ පරාජය වෙනුවට අන්ත පරාජයකට මුහුණ දීම පමණයි. 1975 දී සිරිමාවෝ මැතිණිය පාර්ලිමේන්තු ඡන්දය වසර දෙකකින් කල් දැම්මා. ප්‍රතිඵලය වුණේ ඊ ලඟ ඡන්දයේ දී ඉතිහාසයේ ආණ්ඩුවක් ලැබූ දැවැන්තම පරාජය ලබමින් මන්ත්‍රි ධූර අටකට පල්ලම් බැසීමයි. අනුන්ගේ අත්දැකීම් පැත්තක තියලා ජනාධිපතිතුමාගේ අත්දැකීම බලමු. එතුමා අගමැති කාලයේ 2015 පැවැත්වීමට නියමිතව තිබුණු පුංචි ඡන්දය 2018 දක්වා වසර තුනකින් කල් දැම්මා. මොකද වුණේ? 2015 දී ඡන්දය පැවැත්වුණා නම් ආණ්ඩුව ජයග්‍රහණය කරනවා. අවුරුදු තුනක් කල් දැම්ම නිසා එජාපයට අන්ත පරාජයක් හිමි වුණා.

එතුමා අගමැති කාලයේ පුංචි ඡන්දය කල් දැම්මා විතරක් නොවේ. පලාත් සභා මැතිවරණය නැත්තටම නැති කරලා දැම්මා. ප්‍රතිඵලය? ඊ ලඟ පාර්ලිමේන්තු ඡන්දයේ දී එතුමාගේ පක්ෂය එක් මන්ත්‍රි ධූරයකට පල්ලම් බැහැලා සිරිමාවෝ මැතිණියගේ වාර්තාව අළුත් කිරීම විතරයි. ඒ නිසා ඡන්දය කල් දැමීම ආණ්ඩුවට වාසියි කියන මිථ්‍යාවෙන් බැහැර වෙලා ඉතිහාසයට එබී බලන්න කියලා මම ආණ්ඩුවට ආරාධනා කරනවා.

ආණ්ඩුවේ ප්‍රශ්නයට වඩා රටේ ප්‍රශ්නය ලොකුයි. අද මේ රටේ ජනතාව ඉන්නේ ආණ්ඩුව එක්ක දැඩි කේන්තියකින්. මාරාවේශයකින්. වැඩ කරන ජනතාවට ජීවන වියදම දරා ගන්න බෑ. ආණ්ඩුවේ රෝහලට ගියාම බෙහෙත් නෑ. පෞද්ගලික රෝහලකට ගියාම බෙහෙත් වල මිල දරා ගන්න බෑ. ඒ වගේම ව්‍යාපාරික ප්‍රජාවටත් මධ්‍යම පන්තියටත් බදු බර දරා ගන්න බෑ. පුංචි ඡන්දය පැවැත්තුවොත් මේ හැමෝම ආණ්ඩුවට විරුද්ධව ඡන්දය දීලා තමන්ගේ කේන්තිය පිට කර ගන්නවා. කේන්තිය පිට කර ගත්තාම හිත සැහැල්ලුයි. රට සාමකාමියි. ඡන්දය නොතිබ්බොත් මේ කේන්තිය ජනතාව පිට කරන්නේ ප්‍රචණ්ඩත්වයෙන්. ගිනි දැල් වලින්.

හොඳම නිදසුන ජනාධිපතිතුමාගේ මාමා. ජේ ආර් ජයවර්ධන ජනාධිපතිතුමා. එතුමා පාර්ලිමේන්තු මැතිවරණය කල් දැම්මා. මොකටද? පාර්ලිමේන්තුවේ හයෙන් පහේ බලය දිගටම රැක ගන්න. අන්තිමට මොකද වුණේ? ඡන්දය වෙනුවට තමන්ගේ මතය ප්‍රකාශකරන්න උණ්ඩය තෝරාගන්න මේ රටේ තරුණයෝ තීරණය කලා. උතුරේ කොටි ආයුද ගත්තා. දකුණේ ජවිපෙ ආයුද ගත්තා. ලංකාව දෙකොන දැවෙන විලක්කුවක් වුණා. පාර්ලිමේන්තුවේ හයෙන් පහේ බලය තිබුණාට අන්තිමට ජනාධිපතිට සිය නිවසේ සිට ජනාධිපති ලේකම් කාර්යාලයට යන්න බැරිව නිවාස අඩස්සියට පත් වුණා.

ජනාධිපතිතුමා අද යන්නේ මාමා ගිය අඩි පාරේ. මාමා කල දේ බෑනා නොකලොත් නොට්ටිගේ බෑනා කියාවි කියලා එතුමා හිතනවා ඇති.

ආණ්ඩුවේ මන්ත්‍රිවරු අහනවා, මැතිවරණය පවත්වන්නේ කොහොමද ආර්ථික අර්බූදයෙන් ගොඩ එන්න ඕනෑ කියලා. ආර්ථික අර්බූදයෙන් ගොඩ ඒමට මැතිවරණ පැවැත්වීම පූර්ව කොන්දේසියක්. මොකද සාමකාමී වාතාවරණයක් රටේ නැති නම් ආයෝජකයෝ එන්නේ නෑ. සංචාරකයෝ එන්නේ නෑ. ව්‍යාපාර පැවැත්වීමේ සාමකාමී පරිසරයක් නෑ. සාමකාමී වාතාවරණයක් ඇති කිරීමට නම් ජනතාවට සිය කේන්තිය පිටකරලා සාමකාමී වාතාවරණයක් ඇතිවීමේ පසුබිම ඇතිවිය යුතුයි.

සල්ලි නෑ සටන් පාඨය තව දුරටත් කියන්න එපා. මැතිවරණයට සල්ලි සොයන්න විකල්ප ක්‍රම 4ක් අපි ඉදිරිපත් කර තිබෙනවා. ඒ නිසා බොරු සටන් පාඨ නොකියා ඒ විකල්ප ක්‍රම වලින් මැතිවරණය සදහා මුදල් සොයා ගන්න. එහෙම කර ගැනීම රටේ සෞඛ්‍යයට වගේම ආණ්ඩුවේ සෞඛ්‍යයටත් යහපත් කියන එක මම සිහිපත් කරනවා.

– Media unit

Local

අපි කියන මිලට වී නොගන්න මෝල් හිමියන් Black List කරනවා.. ලාල් කාන්ත

Published

on

By

රජය නියම කර ඇති සහතික මිලට වී මිලදී ගැනීමට අපොහොසත් වන පෞද්ගලික මෝල් හිමියන් අසාදු ලේඛනගත කිරීමට පියවර ගන්නා බව කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී. ලාල් කාන්ත මහතා අවධාරණය කරයි.

අමාත්‍යවරයා මේ බව සඳහන් කළේ දෙහිඅත්තකණ්ඩිය මහවැලි සාලිකා ශාලාවේදී පැවැති ගොවි හමුවකට එක්වෙමිනි.

මෙහිදී වැඩිදුරටත් අදහස් දැක්වූ අමාත්‍යවරයා කියා සිටියේ, පෞද්ගලික අංශයට වී මිලදී ගැනීම සඳහා රජය මගින් සහනදායී ණය පහසුකම් ලබා දෙන්නේ රජයේ සහතික මිලට වී මිලදී ගැනීමේ කොන්දේසිය මත බවයි.

එසේ තිබියදී ඇතැම් මෝල් හිමියන් සහතික මිලට වඩා අඩු මිලට වී මිලදී ගන්නා බවට තොරතුරු වාර්තා වන බවත්, එවැනි පුද්ගලයන්ට ඉදිරියේදී රජය සමග ගනුදෙනු කිරීමට ඇති අවස්ථාවන් අහිමි කරන බවත් ඔහු පැවසීය.

රටේ කෘෂිකාර්මික ප්‍රතිපත්තියේ සිදුව ඇති වෙනස්කම් පිළිබඳව කරුණු දැක්වූ අමාත්‍යවරයා, මෙරට බඩඉරිඟු ගොවියා ආරක්ෂා කිරීම වෙනුවෙන් මේ වසරේ ආනයනය කිරීමට නියමිතව තිබූ බඩඉරිඟු මෙට්‍රික් ටොන් ලක්ෂ තුනක ප්‍රමාණය නතර කිරීමට රජය තීරණය කළ බව සඳහන් කළේය.

මේ හේතුවෙන් සත්ත්ව ආහාර නිෂ්පාදකයන් මුහුණ දී ඇති අමුද්‍රව්‍ය හිඟයට විසඳුමක් ලෙස, සහල් වෙනත් නිෂ්පාදන සඳහා අමුද්‍රව්‍යයක් ලෙස භාවිත කිරීමට පනවා තිබූ තහනම ඉවත් කළ බවද ඔහු අනාවරණය කළේය.

“සහල් වෙනත් නිෂ්පාදන සඳහා භාවිත කිරීම තහනම් කරමින් මීට පෙර නිකුත් කර තිබූ චක්‍රලේඛය අපි අහෝසි කළා. දැන් කිසිදු බාධාවකින් තොරව සත්ත්ව ආහාර හෝ වෙනත් නිෂ්පාදන සඳහා සහල් අමුද්‍රව්‍යයක් ලෙස භාවිත කරන්න පුළුවන්. එමගින් වී සඳහා පවතින ඉල්ලුම තවත් වැඩි වෙනවා,” යැයි අමාත්‍යවරයා පැවසීය.

එමෙන්ම පුරන් කුඹුරු අස්වැද්දීමේදී වී වගාවට පමණක් සීමා නොවී, බඩඉරිඟු වැනි අතිරේක බෝග වගා කිරීම කෙරෙහි අවධානය යොමු කළ යුතු බවත්, වී අලෙවි මණ්ඩලයේ ගබඩා ධාරිතාව ඉදිරි කන්නයේදී තවදුරටත් වැඩි කිරීමට සැලසුම් කර ඇති බවත් අමාත්‍ය ලාල් කාන්ත මහතා මෙහිදී වැඩිදුරටත් ප්‍රකාශ කළේය.

Continue Reading

Local

ලෝක කුසලාන තරග බලන ක‍්‍රීඩා ලෝලීන්ට තහනම් භාණ්ඩ ලයිස්තුවක්..

Published

on

By

2026 T20 ලෝක කුසලාන ක්‍රිකට් තරගාවලිය වෙනුවෙන් කොළඹ නගරය කේන්ද්‍ර කරගනිමින් විශේෂ රථවාහන සැලැස්මක් සහ ආරක්ෂක වැඩපිළිවෙළක් ක්‍රියාත්මක කරන බව පොලිස් මාධ්‍ය කොට්ඨාසය නිවේදනය කරයි.

මෙම තරගාවලිය 2026 පෙබරවාරි මස 07 වන දින සිට මාර්තු 08 වන දින දක්වා පැවැත්වීමට නියමිත අතර, ශ්‍රී ලංකාවේ පැවැත්වෙන තරග කොළඹ ආර්. ප්‍රේමදාස ක්‍රීඩාංගනය සහ කුරුඳුවත්ත SSC ක්‍රීඩාංගනය කේන්ද්‍ර කරගනිමින් පැවැත්වේ. දේශීය හා විදේශීය ප්‍රේක්ෂකයින් විශාල පිරිසක් මෙම තරග නැරඹීමට පැමිණෙනු ඇතැයි අපේක්ෂා කරන බැවින්, තරග පැවැත්වෙන දිනයන්හිදී කොළඹ රථවාහන කොට්ඨාසය විසින් පහත පරිදි රථවාහන සැලැස්ම ක්‍රියාත්මක කරනු ලබයි.

ආර්. ප්‍රේමදාස ක්‍රීඩාංගනය ආශ්‍රිත රථවාහන සැලැස්ම

ආර්. ප්‍රේමදාස ක්‍රීඩාංගනයේ තරග පැවැත්වෙන දිනයන්හිදී වින්සන්ට් පෙරේරා මාවත (ග්‍රෑන්ඩ්පාස් පාර), බ්‍රීටෝ බබාපුල්ලේ පාලම හන්දිය, සෙබස්තියන් ඇළ පාර (මැල්වත්ත පාලම අසලින්), අඩි 100 පාර සහ සද්ධර්ම මාවත ඇතුළු මාර්ග කිහිපයක රථවාහන ගමනාගමනය අවස්ථානුකූලව සීමා කෙරෙනු ඇත.

විශේෂයෙන් පෙබරවාරි 08 (ශ්‍රී ලංකාව සහ අයර්ලන්තය), 15 (ඉන්දියාව සහ පාකිස්ථානය) සහ 19 (ශ්‍රී ලංකාව සහ සිම්බාබ්වේ) යන දිනවල පැවැත්වෙන තරග සඳහා විශේෂ රථවාහන සැලැස්මක් සහ ප්‍රවාහන සේවයක් ක්‍රියාත්මක වේ. මෙම දිනවල පැමිණෙන ප්‍රේක්ෂකයින් සඳහා පැරණි MOD රථගාල සහ පෝට්සිටි (Port City) රථගාලේ සිට ක්‍රීඩාංගනය දක්වා විශේෂ ප්‍රවාහන සේවයක් ක්‍රියාත්මක කිරීමට සැලසුම් කර ඇත.

එමෙන්ම පෙබරවාරි 11, 13, 21, 25 සහ 27 යන දිනවල පැවැත්වෙන තරග සඳහා ග්‍රෑන්ඩ්පාස් මැටිපාක්, සතොස, සෙබස්තියන් ඇළ, කෝවිල පාර සහ අඩි 100 පාර දෙපස රථගාල් පහසුකම් සපයා තිබේ.

SSC ක්‍රීඩාංගනය ආශ්‍රිත රථවාහන සැලැස්ම

SSC ක්‍රීඩාංගනයේ තරග පැවැත්වෙන පෙබරවාරි 07, 09, 10, 14 සහ 18 යන දිනවලදී රාජ්‍ය පරිපාලන හන්දිය, මෙට්ලන්ඩ් පෙදෙස සහ විද්‍යා මාවත ආශ්‍රිතව රථවාහන ගමනාගමනය සීමා කෙරේ.

මෙම තරග සඳහා පැමිණෙන රථවාහන ගාල් කිරීමට නිදහස් මාවත, පදනම් ආයතන මාවත, CR&FC, SSC ක්‍රීඩා සමාජ රථගාල, ක්‍රීඩා අමාත්‍යාංශයේ පරණ මැක්ඩොනල්ඩ් රථගාල, රූපවාහිනී රථගාල සහ BMICH පරිශ්‍රය වෙන් කර ඇත.

තරගාවලිය සඳහා පැමිණෙන ජනතාවගේ ආරක්ෂාව වෙනුවෙන් පොලිස් නිලධාරීන් 1500ක් සහ රථවාහන නිලධාරීන් 600ක් යොදවා ඇති බව පොලිසිය පවසයි. මීට අමතරව සිවිල් ඇඳුමින් සැරසුණු බුද්ධි අංශ නිලධාරීන් ද ආරක්ෂක කටයුතු සඳහා යොදවනු ලබයි.

විශාල ප්‍රමාණයේ ගමන් මලු, වීදුරු බෝතල්, ඩ්‍රෝන උපකරණ, මුවහත් පිහි, මත්ද්‍රව්‍ය සහ මත්පැන් ක්‍රීඩා භූමිය තුළට රැගෙන ඒම සපුරා තහනම් බව පොලිසිය මහජනතාවට දැඩිව අවධාරණය කරයි.

Continue Reading

Local

ශ‍්‍රී ලංකාවෙන් තරුණියන් ආනයනය කර කොරියානුවන්ට විවාහ කර දිය යුතුයි.. කොරියා ආණ්ඩුකාර..

Published

on

By

දකුණු කොරියාවේ ජින්ඩෝ ප්‍රාන්තයේ ආණ්ඩුකාර කිම් හී-සූ විසින් එරට පවතින ජනගහන පරිහානියට විසඳුමක් ලෙස ශ්‍රී ලංකාව සහ වියට්නාමය වැනි රටවලින් තරුණ කාන්තාවන් “ආනයනය” කළ යුතු බවට කළ මතභේදාත්මක ප්‍රකාශයක් සම්බන්ධයෙන් මේ වන විට දැඩි කතාබහක් සහ විවේචනයක් මතු වී තිබේ.

 දකුණු ජොල්ලා ප්‍රාන්තයේ හේනම් සංස්කෘතික හා කලා මධ්‍යස්ථානයේ පැවති මහජන හමුවකදී ආණ්ඩුකාරවරයා මෙම ප්‍රකාශය සිදු කර ඇත. ක්වාන්ජු  සහ දකුණු ජොල්ලා පරිපාලන ඒකක ඒකාබද්ධ කිරීමේ යෝජනාව සම්බන්ධයෙන් පැවති මෙම හමුවට දේශපාලන නායකයින්, විද්වතුන් සහ ප්‍රාදේශීය වැසියන් විශාල පිරිසක් සහභාගී වී සිටියහ.

සභාව අමතමින් කිම් හී-සූ පෙන්වා දුන්නේ දකුණු කොරියා ජනගහනය වඳවී යාමේ තර්ජනයට ලක්ව ඇති ප්‍රදේශ 89ක් හඳුනාගෙන ඇති බවත්, ඉන් සියයට 20ක්ම දකුණු ජොල්ලා ප්‍රාන්තයේ පිහිටා ඇති බවත්ය. 2000 වසරේ සිටම මෙම ජනගහන අර්බුදය පුරෝකථනය කර තිබුණද රජය හෝ විද්වතුන් ඒ සඳහා නිසි පියවර ගෙන නොමැති බවට ඔහු චෝදනා කළේය.

“අවසාන විසඳුම ලෙස හෝ අප ශ්‍රී ලංකාව හෝ වියට්නාමය වැනි රටවලින් තරුණ කාන්තාවන් ‘ආනයනය’ කර, ගම්බද ප්‍රදේශවල වෙසෙන අවිවාහක පුරුෂයන්ට විවාහ වීමට අවස්ථාව සලසා දිය යුතුයි. ඒ සඳහා විශේෂ ප්‍රතිපාදන සකස් කළ යුතුයි. මිනිසුන් නොමැති රටක කර්මාන්ත නගාසිටුවීමෙන් ඇති ඵලය කුමක්ද?”

මෙම ප්‍රකාශය යූ ටියුබ් (YouTube) නාලිකා ඔස්සේ සජීවීව විකාශය වූ අතර, එම අවස්ථාවේදීම පැනලිස්ට්වරයෙකු ලෙස සහභාගී වූ ක්වාන්ජු නගරාධිපති කන්ග් ගි-ජුන්ග් විසින් එම ප්‍රකාශය නුසුදුසු බව පවසමින් විරෝධය පළ කරනු ලැබීය.

ග්‍රාමීය සහ ධීවර ප්‍රජාව මුහුණ දෙන ජනගහන අවපාතය පිළිබඳ දැඩි අවධානයක් යොමු කිරීම ආණ්ඩුකාරවරයාගේ අරමුණ වන්නට ඇති බව සමහරු පවසතත්, ඔහු භාවිතා කළ වචන මාලාව දැඩි දෝෂදර්ශනයට ලක්ව ඇත. 

Continue Reading

Trending

Copyright © www.pattare.lk