Education
ලොව අංක එකේ ෆින්ලන්ත අධ්යාපනය මෙරටටත්.. STEM අරඹයි..
Published
4 years agoon
By
admin
සාමාන්ය අධ්යාපනය යටතේ පන්ති කාමරය තුළ ලබාගන්නා සංකල්පමය දැනුම පන්ති කාමරයේ දී මෙන් ම ඉන් බාහිර ව ද ප්රායෝගික භාවිතයට මුසු කරගන්නා ආකාරය ස්ටීම් අධ්යාපනය ඔස්සේ පාසල් දරුවන්ට මාර්තු 31 වන දා සිට ලබා දීමට අධ්යාපන පරිවර්තනීය ක්රියාවලිය ඔස්සේ තමන් අපේක්ෂා කරන බව අධ්යාපන අමාත්ය ආචාර්ය සුසිල් ප්රේමජයන්ත මහතා පවසයි.
ස්ටීම් අධ්යාපනය මේ වන විට ඇමරිකාව ප්රමුඛ ලොව පුරා රටවල් 96ක පමණ භාවිත වන ඉතා සාර්ථක අධ්යාපන ක්රමවේදයක් වශයෙන් අධ්යාපනඥයන්ගේ ඉහළ අවධානයට යොමු වී ඇති බවත් විද්යාව, තාක්ෂණය, ඉංජිනේරු විද්යාව හා ගණිතය යන විෂය හතර මූලික කරගෙන ස්ටෙම් නමින් (STEM- Science, Technology, Engineering, Mathematics) ඇමරිකා එක්සත් ජනපදයේ ජාතික විද්යා පදනම විසින් 1999 වසරේ දී එරටට හඳුන්වා දුන් මෙම නව අධ්යාපන ක්රමවේදය අද වන විට සංවර්ධනය වී කලා විෂයන් ද ඇතුළත් ව ස්ටීම් අධ්යාපනය නමින් (STEM- Science, Technology, Engineering, Arts, Mathematics) ලොව පුරා ප්රචලිත ව ඇති බවත් අමාත්යවරයා පැවසී ය.
ලොව අංක එකේ අධ්යාපන ක්රමය පවතින ෆින්ලන්තයේ පවතින්නේ ද මෙම ස්ටීම් අධ්යාපන ක්රමවේදය බවත් අප රට තව මත් ඊට අනුගත ව නැති නිසා එම අධ්යාපන ක්රමයේ සාර්ථකත්වය මැන බැලීමට 15 වයස් සීමාවේ පසු වන දරුවන්ට වාර්ෂික ව පවත්වන පීසා නම් වූ ජාත්යන්තර තක්සේරුකරණ පරීක්ෂණය (PISA- Program for International Students Assessments) සඳහා පෙනී සිටීමට මෙරට දරුවන්ට අවස්ථාව නොලැබෙන බවත් පැවසූ අමාත්යවරයා ඇමරිකා එක්සත් ජනපදය තුළ ස්ටීම් අධ්යාපනය වසර 20ක් ක්රියාත්මක වීමෙන් පසු ව එරට ජාතික ආදායමෙන් 62%ක් නියෝජනය කරන්නේ ද ස්ටෙම්-ස්ටීම් අධ්යාපන ක්රියාවලියෙන් බිහි වූ නවෝත්පාදකයන් ඇතුළු නිර්මාණශීලී පුරවැසියන් බවත් මෙහි දී සඳහන් කළේ ය.
අධ්යාපන අමාත්යාංශයේ පැවති මාධ්ය හමුවක් අමතමින් මේ තොරතුරු පැවසූ අමාත්යවරයා වැඩිදුරටත් අදහස් දක්වමින් පන්ති කාමරයට සීමා නොකර කෞතුකාගාර, මින් මැදුරු වැනි විවිධ ස්ථාන හා පරිසරය සමග මුසු වී ප්රායෝගික නිරීක්ෂණ සහ අද්දැකීම් ලැබීමට අපේ දරුවන්ට ද අවස්ථාව සලසා දිය යුතු බවත් ජාතික විද්යා මධ්යස්ථානයක් බිහි කර පාසල් දරුවන්ට පැමිණ භාවිත කිරීමට අවකාශ සලසමින් නැනෝ තාක්ෂණය, ජෛව තාක්ෂණය, ජාන තාක්ෂණය වැනි නැගී එන විෂයන් පාසල් දරුවන්ට ද විවර කළ යුතු බවත් නව ස්ටීම් අධ්යාපන ක්රමවේදය තුළ මොඩ්යුලර් භාවිතය ඊට මනා රුකුලක් වන බවත් ප්රකාශ කළේ ය.
දක්ෂ ගුරුවරුන්ගෙන් සමන්විත ඉහළ මට්ටමේ මානව සම්පතක් අප සතු නිසා මෙම අධ්යාපන පරිවර්තනය සිදු කිරීම එතරම් අපහසු නොවන බවත් දරුවන්ගේ ම අදහසක් වූ ‘ස්ටීම් පාසලෙන් දකිමු – වැඩ කරමු – අනාගතයට පිය නගමු’ තේමාව ඔවුන් ජයගන්නා ආකාරය අපට දැකගත හැකි වනු ඇති බවත් කී අමාත්යවරයා ඉදිරියේ දී අධ්යාපන අමාත්යාංශය, ජාතික විද්යා පදනම, විද්යා හා තාක්ෂණ මධ්යස්ථාන, විශ්වවිද්යාල පද්ධතිය සහ පුහුණු ආයතන සමග සහසම්බන්ධ ව පළමු වතාවට මෙරට ක්රියාත්මක කරනු ලබන මෙම ස්ටීම් අධ්යාපන වැඩසටහන මගින් උසස් අධ්යාපනය හා සාමාන්ය අධ්යාපනය අතර ඇති පරතරය අවම කෙරෙනු ඇතැයි ද එමගින් 21 වෙනි සියවසේ අභියෝග ජයගත හැකි තාර්කික චින්තනයෙන් හෙබි දරුවන් පිරිසක් බිහි කිරීමට අපේක්ෂා කරන බවත් පැවසී ය. එසේ නොවුණහොත් දැනට ද ක්රියාත්මක ‘පන්ති කාමරයට උපකාරක පන්තියට ගොස් දේශන අසා පාඩම් කර මතක තබාගෙන විභාගෙට ලියන’ යල් පැනගිය විභාග කේන්ද්රීය අධ්යාපන ක්රමවේදයෙන් ගැලවීමට නොහැකි වනු ඇතැයි ද හෙතෙම පැවසී ය.
පෙළපොත් වැනි භෞතික සම්පත් සිසුන්ට නිසි කලට ලබා දී මෙම ස්ටීම් අධ්යාපන ක්රියාවලිය පාසල් පද්ධතිය තුළ සාර්ථක ව ක්රියාවට නැංවීමට අපේක්ෂා කරන බව පැවසූ අමාත්යවරයා කොළඹ නවරඟහලේ දී මාර්තු 31 වන දා එහි සමාරම්භක වැඩසටහන පැවැත්වෙන බවත් ප්රකාශ කළේ ය.
මාධ්ය ඒකකය
You may like
Education
කොළඹ ජාත්යන්තර පොත් ප්රදර්ශනය අද සිට…
Published
2 years agoon
September 27, 2024By
admin
ශ්රී ලංකා පොත් ප්රකාශකයින්ගේ සංගමය විසින් 25 වැනි වරටත් සංවිධානය කරනු ලබන කොළඹ ජාත්යන්තර පොත් ප්රදර්ශනය අද (27) පෙරවරු 9.00ට විවෘත කිරීමට නියමිතව තිබේ.
ඒ බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේ දී ය. මෙම පොත් ප්රදර්ශනය ඔක්තෝබර් 06 වැනිදා දක්වා දින පැවැත්වීමට නියමිතව ඇත.
මෙහි වෙළඳ කුටි 400කට ආසන්න සංබ්යාවක් මෙවර ප්රදර්ශනයට වෙන් කර ඇති බව ද වාර්තා වේ.
මෙම කාලය තුළ පොත් ප්රදර්ශනයට අමතරව පොත් එළිදැක්වීමේ උත්සව සහ සංස්කෘතික සහ ගීතමය ප්රසංගද පැවැත්වෙන බව ශ්රී ලංකා පොත් ප්රකාශකයින්ගේ සංගමය පැවසී ය.
2023 අධ්යන පොදු සහතික පත්ර උසස්පෙල විභාගයේ ප්රතිපල මේවන විට නිකුත් කර ඇතිබව විභාග කොමසාරිස් ජෙනරාල් අමිත් ජයසුන්දර මහතා පැවසීය.
www.doenets.lk විභාග දෙපාර්තමේන්තුවේ නිල වෙබ් අඩවියට පිවිසිමෙන් ප්රතිපල ලබාගැනීමට සහ බාගත කර හැකිය.
විභාග දෙපාර්තමේන්තුවේ නිල ජංගම දුරකථන යෙදුම හරහා ප්රතිඵල ලබාගත හැකිය.
ප්රතිපල සම්බන්ධයෙන් යම් ගැටලුවක් වෙතොත් 0112784537 / 0112786616 ඇමැතිය හැකිය.
1911 විභාග දෙපාර්තමේන්තුවේ ක්ශනික දුරකථන අංකය මගින් ද වැඩිදුර විස්තර ලබා ගත හැකිය.
විභාගය සඳහා පෙනීසිටි අයදුම්කරුවන්ගෙන් 64.33% විශ්ව විද්යාල ප්රවේශය සඳහා සුදුසුකම් ලබා ඇතිබව විභාග දෙපාර්තමේන්තුව පවසයි.
විභාගය සඳහා 269613 දෙනෙකු පෙනීසිටියහ. පාසල් අයදුම්කරුවන් 229057 සහ පෞද්ගලික අයදුම්කරුවන් 40556 ඒ අතර සිටීයි.
විවිධ අක්රමිකතා සිදුකිරීම හේතුවෙන් සිසුන් 190 දෙනෙකුගෙ ප්රතිඵල අත්හිටුවා ඇත. ඒ අතර පාසල් අයදුම්කරුවන් 146 දෙනෙකු සිටින බව විභාග දෙපාර්තමේන්තුව පවසයි.
– නාගොඩ සුමන උදයන්ත.
Education
රැකියා විරහිත මාතලේ උපාධිධාරින් රැකියා ඉල්ලා නිහඩ විරෝධයක….
Published
3 years agoon
May 7, 2024
රැකියා විරහිත මාතලේ දිසාවේ උපාධිධාරින් පිරිසක් අද 5 7 මාතලේ ඔරලොසු කණුව අසලදි නිහඩ විරොධයක නිරත විය
උපාධිය අරන් වසර ගනාවක් ගියද පාලකයින් විදිමත් පැලසුමකට අනුව විශ්වවිද්යාල පද්දිතියෙන් බැහැර වන උපාධිධාරින් රැකියා අභිමුඛ නොකිරිම නිසා මේවන මෙරට රජයේ විශ්ව විද්යාල වලින් විවිධ උපාධි ලබා සිටින පිරිස 35000ක්ට අධික බවත් ඒ් අතර සෘජුවම ගුරු සේවයේ 2 11 රැකියාව ලබාදිය යුතු අධ්යාපනවේදි උපාධිධාරින් ද රැසක් වෙති
මේ අතර ඊයේ 5-6 දින අනුරාධපුර දි උතුරුමැද පලාත්සභාව වෙත රැකියා ඉල්ලා ගිය උපාධි ධාරින් 30ක් පමණ පොලිස් අත්වඩංගුවට ගත් අතර ඔවුන් අත්වඩංගුවට ගැනිම ද මාතලේ උපාධිධාරින් විරොධ්ය පා දැන්වීම් පුවරු ප්රදර්ශනය කලේය


